ދިވެހިރާއްޖެ
މޯލްޑިވްސް ފުޑް އެންޑް ޑްރަގް އޮތޯރިޓީ
މިނިސްޓްރީ އޮފް ހެލްތު
މާލެ، ދިވެހިރާއްޖެ
(IUL)182-REG/23/2024/10 :ނަންބަރު
އެލާރޓް
ރާއްޖޭގެ މާރކެޓުގައި ލިބެން ހުންނަ ބޭހަކީ ފެންވަރު ރަނގަޅު، ރައްކާތެރި ބޭސްކަން ކަށަވަރު ކުރުމަށްޓަކައި މިއޮތޯރިޓީން ގެންދަނީ ގިނަގުނަ މަސައްކަތްތަކެއް ކުރަމުންނެވެ. އެގޮތުން މާކެޓުން ބޭހުގެ ސާމްޕަލް ނަގާ ސްކްރީން ކުރުމުގެ މަސައްކަތް މެދު ކެނޑުމެއްނެތި ދަނީ ކުރަމުންނެވެ.
މި މަސައްކަތުގެ ތެރެއިން ރާއްޖޭގެ މާކެޓުން ސާމްޕަލް ނަގާ ސްކްރީން ކުރި، ތިރީގައި ބަޔާންކޮށްފައިވާ ތަދުކެނޑުވުމަށް ބޭނުންކުރާ 2 ބޭސް، ނުރައްކާތެރި ކެމިކަލްގެ މާއްދާއެއް ކަމަށްވާ ޑައިއީތައިލިން ގްލައިކޯލް (DEG) އަދި އިތައިލީން ގްލައިކޯލް (EG) އަށް ވަނީ ޕޮޒިޓިވް ވެފައެވެ.
| Manufacturer | Product Name | # |
| Efroze Chemical Industries (Pvt.) Ltd, Pakistan |
Mefnac Suspension 50mg/ml (Mefenamic Acid) |
1 |
| Kotra Pharma (M) Sdn. Bhd., Malaysia |
Axcel Mefenamic acid Suspension 125mg/5ml (Mefenamic Acid) |
2 |
މިވަގުތު މިއޮތޯރިޓީގެ ފަރާތުން މި 2 ބޭހުގެ ކޮންފަރމޭޓްރީ ޓެސްޓް ހެދުމަށްޓަކައި ރާއްޖޭން ބޭރަށް ފޮނުވުމުގެ މަސައްކަތް މިދަނީ ކުރަމުންނެވެ.
ވީމާ، ރައްކާތެރި ކަމުގެ ފިޔަވަޅެއްގެ ގޮތުން މަތީގައި ދެންނެވިފައިވާ 2 ބޭހުގެ، އެއްވެސް ބެޗެއް މި އޮތޯރިޓީން ވަކި ގޮތެއް އަންގަންދެންދިވެހިރާއްޖެއަށް އެތެރެ ކުރުމާއި، ވިއްކުމާއި ބޭނުން ކުރުން ވަގުތީ ގޮތުން މަނާ ކޮށްފައިވާ ކަމުގައި ދަންނަވަމެވެ. އެހެންކަމުން މިވަގުތު ބޭސްފިހާރަތަކާއި ބޭސް ގުދަންތަކުގައި ހުރި މި 2 ބޭސް ސްޓޮކާއި ވަކިކޮށް ބެހެއްޓުމަށް ދަންނަވަމެވެ.
އަދި ބޭސް ވިއްކާ، ބޭސް ގަންނަ އެންމެހާ ރައްޔިތުން މިކަމަށް ސަމާލުވުމަށް ދަންނަވަމެވެ. މިކަމާއި ގުޅޭގޮތުން އިތުރު މައުލޫމާތު ބޭނުންފުޅުވާނަމަ، މިއޮތޯރިޓީގެ ހޮޓްލައިން ނަންބަރ: 7200321 އަށް ގުޅުއްވުން އެދެމެވެ.