ހުވަދޫ ވަތަބަނޑޭރި ވޮލީބޯލް ޗެލެންޖް 2024 ކުރިއަށްދާ މުއްދަތުގައި، ވޮލީ ކޯޓް ސަރަޙައްދުން ކެންޓީން ހިންގުމަށް ސްލޮޓް ދޫކުރުމާގުޅޭ

            ގައްދޫ ކައުންސިލުން އިންތިޒާމްކޮށްގެން، 2024 ޑިސެމްބަރ 23 ވަނަ ދުވަހު ފެށުމަށް ހަމަޖެހިފައިވާ، "ހުވަދޫ ވަތަބަނޑޭރި ވޮލީބޯލް ޗެލެންޖް 2024" ކުރިއަށްދާ މުއްދަތުގައި، ވޮލީ ކޯޓް ސަރަޙައްދުން ކެންޓީން ހިންގުމަށް ކުއްޔަށް ސްލޮޓް ދޫކުރުމަށްވަނީ ހަމަޖެހިފައެވެ.

• ކުއްޔަށް ދޫކުރުމަށް ހަމަޖެހިފައިވާ ސްލޮޓްގެ އަދަދު: 2
• ކުއްޔަށް ދޫކުރުމަށް ހަމަޖެހިފައިވާ ތަނުގެ ބޮޑުމިން: 10'×'10
• ކުއްޔަށް ދޫކުރުމަށް ހަމަޖެހިފައިވާ އެންމެ ކުޑަ އަގު: ދުވާލަކަށް -/300ރ (ތިންސަތޭކަ ރުފިޔާ)
• ކުއްޔަށް ދޫކުރާ ސްލޮޓަށް ބޭނުންވާ ކަރަންޓް ނެގޭނެ އިންތިޒާމް ކައުންސިލުން ހަމަޖައްސައި ދެވޭނެއެވެ. ނަމަވެސް ސްލޮޓަށް ބޭނުންވާ ކަރަންޓް ނެގުމަށް ބޭނުންކުރާ ކަރަންޓް ވާގަނޑު ނުވަތަ އެކްސްޓެންޝަން ބޯޑް ފަދަ ތަކެތި ހޯދުމަކީ ސްލޮޓް ކުއްޔަށްހިފާ ފަރާތުގެ ޒިންމާއެކެވެ.
• ސްލޮޓް ދޫކުރެވޭނީ މުބާރާތް ކުރިއަށްދާ ޖުމްލަ މުއްދަތަށެވެ.
• ސްލޮޓް ނަގާ ފަރާތުން ކުލީގެ ޖުމްލަ މުއްދަތަށް ކުރިޔާލައި ފައިސާ ދައްކަންވާނެއެވެ.
• ކުއްޔަށް ދޫކުރުމަށް ހަމަޖެހިފައިވާ ސްލޮޓް އަދަދަށްވުރެ އިތުރަށް ކުއްޔަށް ހިފުމަށް ހުށަހަޅާފައިވާނަމަ ސްލޮޓް ދޫކުރެވޭނީ އެންމެ ރަނގަޅު ހުށަހެޅުމެއް ހުށަހަޅާ 2 ފަރާތަކަށެވެ. އަދި ހުށަހެޅުންތައް އެއްވަރުވާނަމަ ސްލޮޓް ލިބޭ ފަރާތެއް ހޮވޭނީ ޤުރުއަތުންނެވެ.
• ·         މާރކްސް ދިނުމުގައި ބަލާނެ ކަންތައްތައް:

-        ހުށަހަޅާ އަގު       80%

-        ޚިދުމަތްދޭ ގޮތް      20%

             ވީމާ، "ހުވަދޫ ވަތަބަނޑޭރި ވޮލީބޯލް ޗެލެންޖް 2024" ކުރިއަށްދާ މުއްދަތުގައި އެސަރަހައްދުގައި ކެންޓީން ހިންގުމަށް ސްލޮޓް ކުއްޔަށް ހިފުމަށް ބޭނުންވާ ވިޔަފާރިތަކަށް އެކަމަށް އެދި 2024 ޑިސެމްބަރ 01 ވަނަ ދުވަހުގެ 13:00 އަށް އަގު ހުށަހެޅުއްވުން އެދެމެވެ.

             ވީމާ މިކަން ޢާއްމުކޮށް އަންގާ އިޢުލާން ކުރަމެވެ.