އިޢުލާނު

                 މި ކައުންސިލަށް ޓާމްސް އޮފް ރިފަރެންސްގައިވާ ގޮތުގެމަތީން ލޯންޗް ޑްރައިވަރެއްބޭނުންވެއްޖެއެވެ. ވީމާ މި އިޢުލާނާއެކީގައިވާ ޓާމްސް އޮފް ރިފަރެންސް ގައިވާ ގޮތުގެ މަތީން އެކަމަށް އެދޭ ފަރާތްތަކުން ސިވިލްސަރވިސްގެ ވަޒީފާއަށް އެދޭފޯމް ފުރިހަމަކޮށް 2024 ނޮވެމްބަރ 21 ވަނަ ދުވަހުގެ 14:00 ގެ ކުރިން މުލަކަތޮޅު އަތޮޅު ކައުންސިލް އިދާރާއަށް ހުށަހެޅުއްވުން އެދެމެވެ. އަދި މިވަޒީފާއަށް މީހަކު ހޮވުމަށް ބާއްވާ އިންޓަރވިއު އޮންނާނީ، 2024 ނޮވެމްބަރ 24 އާއި 2024 ނޮވެމްބަރ 25 އާ ދެމެދު، މުލަކަތޮޅު އަތޮޅު ކައުންސިލްގެ އިދާރާގެ ޖަލްސާކުރާ މާލަމުގައެވެ.

• މި ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް ސިވިލް ސަރވިސްގެ ވަޒީފާތަކަށް މީހުން ހޮވުމާއި އައްޔަންކުރުމުގެ މިންގަނޑުތަކާއި އުޞޫލުތައް 2023 (ދެވަނަ އިޞްލާޙު) ގެ 12 ވަނަ ނަންބަރުގައި ހިމަނާފައިވާނެއެވެ.
• މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ  6720600 އަށެވެ. އީ-މެއިލް ކުރާނީ [email protected] އަށެވެ.

ޓާމްސް އޮފް ރިފަރެންސް

މަޤާމް: މ. އަތޮޅު ކައުންސިލްގެ ލޯންޗް ޑްރައިވަރު

1. މަސްއޫލިއްޔަތު:

1. ކައުންސިލުން ފާސްކުރާ ނިންމުންތައް ތަންފީޒުކުރުމަށް ފުރިހަމައަށް އެއްބާރުލުންދީ، އެފަދަ ނިންމުންތައް ތަންފީޒު ކުރުމުގައި އިދާރީގޮތުން ކުރަންޖެހޭ އެންމެހައި ކަންތައް ސެކްރެޓަރީ ޖެނެރަލްގެ ނުވަތަ ސްޕަރވައިޒަރުގެ ލަފަޔާ އިރުޝާދުގެ މަތިން ކުރުން.

2. ކައުންސިލްގެ އިދާރާގެ މަސައްކަތްތަކާއި ކައުންސިލްގެ ނިންމުންތައް ތަންފީޒުކުރުމާގުޅޭ އެންމެހައި ކަންކަމުގައި ކައުންސިލަށާއި ސެކްރެޓަރީ ޖެނެރަލަށް ފުރިހަމައަށް ޖަވާބުދާރީވުން.

3. އަތޮޅު ކައުންސިލް އިދާރާގެ ލޯންޗް "މ. އެޓޯލް ކައުންސިލް" ގައި ކުރަންޖެހޭ ދަތުރުތައް (ކައުންސިލް އިދާރާއިން ހަމަޖައްސާ އިންތިޒާމެއްގެ ދަށުން) ކުރުމުގައި ޑްރައިވަރ އަދާކުރަންޖެހޭ މަސްޢޫލިއްޔަތު އަދާކުރުން. 

4. އަތޮޅުކައުންސިލްގެ އިދާރާގެ ލޯންޗް "މ. އެޓޯލް ކައުންސިލް" ދުއްވާއިރުގައާއި ފަޅުގައި އޮންނައިރު، ލޯންޗަށް ގެއްލުމެއް ލިބިދާނޭ އެންމެހައި ކަންކަމުން ރައްކާތެރިކޮށް، ލޯންޗުގެ އެންމެހައި ކަންކަން ބެލެހެއްޓުން.

5. ލޯންޗުގެ އިންޖީނަށް ބޭނުންވާ ޕެޓްރޯލާއި، އަޑީތެލާއި، އެހެނިހެން ސާމާނާއި އަދި މީގެ އިތުރުންވެސް ލޯންޗަށް ހޯދަންޖެހޭ ތަކެތި ކަމާބެހޭ ވެރިންނަށް ދަންނަވައިގެން ހޯދުމާއި، އެތަކެތި ރައްކާތެރިކަމާއެކު ބެލެހެއްޓުމާއި ހަވާލުކުވާތަކެތި ކަމާބެހޭ ޔުނިޓާ ހަވާކުރުން.

6. ދަތުރަށް ފެށުމުގެކުރިން ސަލާމަތާބެހޭ ތަކެއްޗާއި، މުއާސަލާތުގެ ތަކެއްޗާއި، ދަތުރަށް ބޭނުންވާ ޕެޓްރޯލާއި އަޑީތެޔޮ ހަމަޔަށް ހުރިތޯބަލާ ޗެކްކުރުން.

7. ލޯންޗުގެ ސަލާމަތީ ސެޓްފިކެޓްގެ މުއްދަތު ހަމަވުމުގެކުރިން ސެޓްފިކެޓް ހެއްދުމަށް ކަމާބެހޭ މުވައްޒަފަށް ހުށަހެޅުން.

8. ލޯންޗް ހަޑިވިޔަނުދީ ސާފުތާހިރުކޮށް ބެލެހެއްޓުމާއި، ލޯންޗުގެ ފަޅުވެރިންނާ ހަވާލުކޮށްފައިވާ މަސައްކަތް އެމީހުންލައްވާ ކުރުވުން.

9. ލޯންޗް ފަޅުގައި އޮންނައިރު މަދުވެގެން ހަފްތާއަކު އެއްފަހަރު ލޯންޗްގެ ބޭރު (ފެނުންތިރި) އުގުޅުމާއި، ލޯންޗް ސާފުކޮށް ބެލެހެއްޓުން.

10. ލޯންޗްގައި ކުރަންޖެހޭ ކުދި ކުދި މަރާމަތުކުރުން

11. ދަތުރުކޮށް ނިމުމާއެކު ދަތުރުލޮގު ފުރިހަމަ ކުރުމަށްފަހު (ދަތުރުފެށި ގަޑި، ދަތުރު ނިންމި ގަޑި، ދަތުރުކުރި ތާރީޚް، ދިޔަރަށް، ދަތުރުގެ ބައިވެރިން އަދި ދަތުރުގެ ބޭނުން) ވީ އެންމެ އަވަހަކަށް ކަމާބެހޭ މުވައްޒަފަށް ޙަވާލުކުރުން. 

12. އަތޮޅު ކައުންސިލް އިދާރާގެ ލޯންޗް "މ. އެޓޯލް ކައުންސިލް" އެހެލާ ބޭލުމުގައި ކުރަންޖެހޭ އެންމެހާ ކަންތައްތައް އަތޮޅު ކައުންސިލުން އަންގާ ގޮތެއްގެމަތީން ކުރުމާއި ފަޅުވެރިންލައްވާ ކުރުވުން.

13. ކައުންސިލަށް ދިމާވާ ކުއްލި އިމަރޖެންސީތަކާއި އެންމެން ޝާމިލުވާންޖެހޭ ޚާއްސަ ކަންކަމުގައި ބައިވެރިވެ އެހީތެރިވެދިނުން އަދި އޮފީހުގެ މަސައްކަތުގެ ދާއިރާގެ ތެރެއިން ޙަވާލުކުރެވޭ އެހެނިހެން ކަންތައްތައް ކުރުން.

 2. ޝަރުތު:

-  ދިވެހި ރައްޔިތެއް ކަމުގައިވުން

-  އުމުރުން 18 އަހަރު ފުރިފައިވުން

-  ލޯންޗް ދުއްވުމުގެ ލައިސަންސް އޮތުން

-  ޖިނާއީ ކުށެއްގެ ރެކޯޑެއް ނެތުން

-  ޞިއްޙީ ގޮތުން ދަތުރުފަތުރު ކުރުމަށް އެކަށީގެންވާ މީހެއް ކަމުގައިވުން

3.  މުސާރައާއި އިނާޔަތްތައް:

- މުސާރައާ އިނާޔަތުގެ ގޮތުގައި މަސައްކަތަށް ނުކުންނަ ކޮންމެ މަހަކު: 10000.00 (ދިހަހާސް ރުފިޔާ) ރުފިޔާ

- ރަސްމީގަޑީގެ އިތުރުން އިތުރުގަޑީގައި ކުރާމަސައްކަތަކަށް ކަނޑައަޅާފައިވާ ގޮތުގެ މަތީން އިތުރުގަޑީގެ ފައިސާ ލިބޭނެއެވެ.

4. މުއްދަތު:

23 މަސް ދުވަސް

5.އިތުރު މަޢުލޫމާތު:

- ޢާއްމު ގޮތެއްގައި މަސައްކަތް ކުރަންޖެހޭނީ ހަފުތާއަކު 05 ދުވަހު ދުވާލަކު 06 ގަޑިއިރުއެވެ.

- ބަންދު ދުވަސްތަކުގައި މަސައްކަތް ކުރަންޖެހިދާނެއެވެ.

- ވަޒީފާއަށް ހޮވޭ ފަރާތުން މެޑިކަލް ޗެކަޕެއް ހަދަންވާނެއެވެ.

6. ވަޒީފާއަށް ކުރިމަތިލުން

ވަޒީފާއަށް ކުރިމަތިލާ ފަރާތްތަކުން ތިރީގައިވާ ލިޔެކިޔުންތައް ހުށަހަޅަންވާނެއެވެ:

1.  ފުރިހަމަކޮށްފައިވާ ވަޒީފާއަށް އެދޭ ފޯމު

2. ވަނަވަރު (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް)

3. ދިވެހި ރައްޔިތެއްކަން އަންގައިދޭ ކާޑުގެ ކޮޕީ

5. ލިބިފައިވާ ތަޢުލީމީ ސެޓްފިކެޓްތަކުގެ ކޮޕީ

6. ލޯންޗް ދުއްވުމުގެ ލައިސަންސްގެ ކޮޕީ

މި މަޤާމަށް ޝައުޤުވެރިވާ ފަރާތްތަކުން 2024 ނޮވެމްބަރ 21 ވާ ބުރާސްފަތި ދުވަހުގެ 14:00 ގެ ކުރިން އެޕްލިކޭޝަން ފޯމާއެކު ބޭނުންވާ ލިޔެކިޔުންތައް މ. އަތޮޅު ކައުންސިލްގެ އިދާރާއަށް ހުށަހެޅުއްވުން އެދެމެވެ.

އިތުރު މަޢުލޫމާތު ހޯއްދެވުމަށް 6724701 ނަންބަރު ފޯނާ ގުޅުއްވުން އެދެމެވެ.