އިޢުލާން

ތިރީގައި އެވަނީ 06 ނޮވެމްބަރ ވަނަ ދުވަހު ބޭއްވުނު ނައިފަރު ކައުންސިލްގެ 2024 ވަނަ އަހަރުގެ 32 ވަނަ ބިޑް ކޮމެޓީ ޖަލްސާއިން ނިންމާފައިވާ ކަންކަމެވެ.

1)     ނައިފަރު ފުޓްބޯޅަ ދަނޑުގެ ފެންސް ނުޖަހާ އޮތްބައިގައި ފެންސް ޖެހުމުގެ މަސައްކަތް ކުރުމަށް ހަވާލްކުރެވިފައިވާ ފޯ.އޭ.އައި އިންވެސްޓްމެންޓް އާއި ނައިފަރު ކައުންސިލާއިމެދު ވެވިފައިވާ އެއްބަސްވުމުގެ ދަށުން ބިޑް ކޮމެޓީގެ ހުއްދަނެތި ކައުންސިލްގެ 2020 ވަނަ އަހަރުގެ 11 ވަނަ ޢާންމު ޖަލްސާއިން އިތުރަށް މަސައްކަތްކުރުވުމަށް ފާސްކޮށް، އިތުރުކުރެވުނު މަސައްކަތުގެ އަގު ކޮންޓްރެކްޓަރާއި ޙަވާލްނުކުރެވިފައިވާތީ، މި ނިންމުން ނިންމާފައިވަނީ ދައުލަތުގެ މާލިއްޔަތު ޤަވާޢިދާ ޙިލާފަށްކަމަށްވުމުން، މި ފައިސާ ކޮންޓްރެކްޓަރާއި ޙަވާލްކުރެވޭނެ ގޮތުގެ ލަފަޔަށް އެދި ފޮނުވާފައިވާ ސިޓީއާއި މިނިސްޓްރީ އޮފް ފިނޭންސް އިންފޮނުވާފައިވާ ސިޓީއާއި ގުޅިގެން އިތުރަށްދިރާސާކުރަން ބޭނުންވާތީވެ ދެން ބާއްވާ ބިޑްކޮމެޓީ މީޓިންގއަށް ފަސްކުރަން ފެންނަކަމަށް ނިންމުން.

2)     ނައިފަރު ކައުންސިލުން ހިންގާ އިވެންޓްތައް ލައިވް ސްޓްރީމް ކުރުމަށް ބޭނުންވާ އާލާތްތައް ސަޕްލައިކޮށްދިނުމުގެ މަސައްކަތް ކުރަމުންއަންނަ ބަޑީޒް ކޮމާޝަލްއިން މުއްދަތު އިތުރުކޮށްދިނުމަށް އެދި ފޮނުވާފައިވާ ސިޓީއާއި ގުޅިގެން އިތުރަށްދިރާސާކުރަން ބޭނުންވާތީވެ ދެން ބާއްވާ ބިޑްކޮމެޓީ މީޓިންގއަށް ފަސްކުރަން ފެންނަކަމަށް.

3)     މަސްމާރުކޭޓްގެ ދެކުނުފަޅީގައިވާ މަސްމާރުކޭޓް ގޮޅިތައް ކުއްޔަށް ދޫކުރުމަށް 2 ވަނަ ފަހަރަށް ކުރެވުނު ނަންބަރު (IUL)327-A/327/2024/276  އިޢުލާނާއި ގުޅިގެން އިވެލުއޭޝަންގެ ރިކޮމެންޑޭޝަންއާއި އެއްގޮތަށް އެންމެ މަތިން މާކްސް ލިބިފައިވާ ހަތްހާލި އަށް ބީލަން އެވަރޑް ކުރަން ފެންނަކަމަށް ނިންމުން.

4)     ނައިފަރުގައި ތަރައްޤީކުރާ ކުޑަކުދިންގެ ޕާކްއަށް ބޭނުންވާ ތަކެތި ހޯދައިދޭނެ ފަރާތެއް ހޯދުމަށް 5 ވަނަ ފަހަރަށް  ކުރެވުނު ނަންބަރު (IUL)327-A/327/2024/277  އިޢުލާނާއި ގުޅިގެން އިވެލުއޭޝަންގެ ރިކޮމެންޑޭޝަންއާއި އެއްގޮތަށް އެންމެ މަތިން މާކްސް ލިބިފައިވާ އަލް އެމިރް ހޯލްޑިންގ އަށް ބީލަން އެވަރޑް ކުރަން ފެންނަކަމަށް ނިންމުން.

5)     އިޤްތިޞާދީ މަސައްކަތް ކުރުމަށްޓަކައި ދެކުނު ސިނާއީ ސަރަހައްދުން ޢިމާރާތް ކުއްޔަށް ހިފުމަށް ޝަޢުޤުވެރިވާ ފަރާތެއް ހޯދުމަށް ކުރެވުނު ނަންބަރު (IUL)327-A/327/2024/255 އިޢުލާނާއި ގުޅިގެން ބިން ނަމްބަރު D7 އަށް ބީލަން ހުށަހަޅާފައިވާ "ހެޔޮރޯދި" އިން ބީލަންދޫކޮށްލުމަށް ފޮނުވާފައިވާ ސިޓީއާއި ގުޅިގެން ޕޮއިންޓްގެ ގޮތުން އެއްވަރުވެފައިވާ ދެ ފަރާތުން ތެރެއިން 'ހެޔޮރޯދި' ބީލަން ދޫކޮށްފާލައިވާތީވެ 'ސުޢޫދު ޔޫސުފް' އަށް ބީލަން އެވަރޑް ކުރަން ފެންނަކަމަށް ނިންމުން.

ވީމާ، މިކަން އާއްމުކޮށް އަންގާ އިޢުލާން ކުރީމެވެ.