މަޤާމް

ރޭންކް

ކްލެސިފިކޭޝަން

އަސާސީ މުސާރަ

ސަރވިސް އެލަވަންސް

މަސައްކަތު

އެސް. އެސް. 1

ސަޕޯޓް ސްޓާފް ގްރޭޑް 1

މަހަކު -/3،100 ރުފިޔާ

މަހަކު -/1،000 ރުފިޔާ

މަޤާމުގެ ޝަރުޠު:

ލިޔަންކިޔަން ދަތުމާއެކު، މަޤާމުގެ މަސައްކަތް ކުރުމުގެ ހުނަރު / ޤާބިލްކަން ސާބިތުކޮށްދިނުން.

މުސާރައާއި ޢިނާޔަތްތައް:

ކަނޑައެޅިފައިވާ މުސާރައާއި އެލަވަންސްގެ އިތުރުން، އިތުރުގަޑީގައި މަސައްކަތްކޮށްފިނަމަ، ހަމަޖެހިފައިވާ އުސޫލުން އިތުރުގަޑީގެ ފައިސާ. ދެވޭނެއެވެ.

ވަޒީފާގެ މަސްއޫލިއްޔަތު:

1. ސްކޫލުގެ ގޯތިތެރެއާއި ގޯތިންބޭރު، ކޮންމެ ދުވަހަކު ކުނިކަހައި ވިނަނޮޅައި ސާފުކުރުން.
2. ސްކޫލުން ހަވާލުކޮށްފައިވާ މަސައްކަތްތައް ބަރާބަރަށް ކުރުން.
3. ކުލާސްރޫމްތަކުގެ ތެރެއިން ކުނިކެހުމަށް ހަވާލުކުރާ ކުލާސްތައް ދުވާލަކު އެއްފަހަރު ކުނިކަހައި، ޑެސްކުތަކާއި ގޮނޑިތައް ފޮޅައި ސާފުކުރުމާއި، އެ ކުލާސްތަކުގެ ދޮރާއި ދޮރުފަތްތައް ހަޑިވިޔަނުދީ ފޮޅައި ސާފުކުރުން.
4. އެމީހަކަށް ކަނޑައެޅިފައިވާ ސެޝަނުގެ ކުދިން ވަނުމުގެ ކުރިން ކްލާސްރޫމްތަކުގެ ސާފުތާހިރުކަން  ޗެކްކޮށް، ދުވާލަކު 2 ފަހަރު ފާޚާނާތައް ސާފުކުރުން.
5. ނުރަސްމީ ގަޑިތަކުގައި ސްކޫލުން އަންގާގޮތެއްގެމަތިން މަސައްކަތްކުރުން.
6. ރަސްމީ ދުވަސްތަކުގެ ރަސްމީ ގަޑިތަކުގައި މަސައްކަތްތައް ރާވައި ނިންމުމަށް އިސްކަންދިނުން.
7. މިނޫނަސް ސްކޫލަށްދިމާވާ މުހިއްމު ކަންކަމުގައި އެއްބާރުލުން ދިނުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• ހާސިލުކޮށްފައިވާ ތަޢުލީމާއި ތަމްރީނަށް ބަލައިގެން.
• މަސައްކަތު ދާއިރާއިން ލިބިފައިވާ ތަޖުރިބާއަށް ބަލައިގެން.
• ޤާބިލުކަން ކަށަވަރުކުރުމަށް އިންޓަވިއުކޮށްގެން.

އިންޓަވިއުކުރުން:

• މި މަޤާމަށް ކުރިމަތިލާ ފަރާތްތަކަށް އިންޓަވިއުކުރުން، 2015 ޖުލައި 13 އާއި 15 އާ ދެމެދު ތުޅާދޫ ސްކޫލުގައި ނުވަތަ ސްކޫލުން ހަމަޖައްސާ ތަނެއްގައި އޮންނާނެއެވެ. އިންޓަވިއުއަށް ހާޒިރުވާއިރު ތަޢުލީމީ ސެޓްފިކެޓްތަކާއި ލިޔުންތަކުގެ އަސްލު ގެންނަންވާނެއެވެ.

• މި ވަޒީފާއަށް އެދިފައިވާ ޝަރުޠު ހަމަވާ ފަރާތްތަކުގެ އަދަދު 10 ށް ވުރެ ގިނަނަމަ، ތަޢުލީމާއި ތަމްރީނަށް ބަލައި ޝޯޓްލިސްޓް ކުރެވޭނެއެވެ.

ހުށަހަޅަންޖެހޭ ތަކެތި:

- ސިވިލް ސަރވިސްގެ ވަޒީފާއަށް އެދޭ ފޯމް (ސިވިލް ސަރވިސްގެ ވަޒީފާއަށް އެދޭ ފޯމް، ސިވިލް ސަރވިސް ކޮމިޝަނުގެ ވެބްސައިޓުން ޑައުންލޯޑް ކުރެވެން ހުންނާނެއެވެ. އަދި މި ފޯމް، ސްކޫލުގެ އޮފީހުން ވެސް ލިބެންހުންނާނެއެވެ.)

- ތަޢުލީމީ ސެޓްފިކެޓްތަކުގެ ކޮޕީ.

- ސަރުކާރުގެ ވަޒީފާގައި ހުރި ނުވަތަ ސިވިލް ސަރވިސްއަށް ޚިދުމަތްކުރުމަށް ބޮންޑެއްގައި ހުރި މުވައްޒަފެއްނަމަ، މި ވަޒީފާއަށް ހޮވިއްޖެނަމަ، ބަދަލުވުމުގެ އިޢުތިރާޒެއް ނެތްކަމުގެ ލިޔުން.

- ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް.

- ވަޒީފާއެއް އަދާކުރާ ފަރާތެއްނަމަ ނުވަތަ ވަޒީފާއެއް އަދާކޮށްފައިވާ ފަރާތެއްނަމަ، ވަޒީފާގެ މަސްއޫލިއްޔަތު އެނގޭ ލިޔުމެއް.

- ވަޒީފާއަށް ކުރިމަތިލާ ފަރާތުގެ ވަނަވަރު / ސީ.ވީ ( ގުޅޭނެ ފޯނު ނަންބަރާއެކު)

އިތުރު މަޢޫލޫމާތު ހޯދުމަށް:

ފޯން: 6600136 ފެކްސް: 6601012 އީމެއިލް: [email protected]

ސުންގަޑި:

ޝަރުތު  ހަމަވާ  ފަރާތްތަކުން  މި  ވަޒީފާއަށް  އެދި  ހުށައަޅަންޖެހޭ  ތަކެތި  ހުށަހަޅާނީ  ތުޅާދޫ  ސްކޫލަށެވެ.  ފޯމާއި  ތަކެތި  ހުށައެޅުމުގެ ސުންގަޑިއަކީ،  2015  ޖުލައި  9  ވާ  ބުރާސްފަތި  ދުވަހުގެ  14.00  އެވެ.

12 ރަމަޟާން 1436