މަޤާމު: ޑިރެކްޓަރ އީ ކޮމާސް އެންޑް މާކެޓިންގ

މުސާރައާއި އެލަވަންސް:

މަހަކު -/21300 ރުފިޔާ

މަޤާމުގެ ރޭންކް

EX3

ބޭނުންވާ އަދަދު

01

މަސައްކަތް ކުރަންޖެހޭ ތަން

ޕަބްލިކް ސަރވިސް މީޑިއާ

ޑިޕާޓްމަންޓް

އީ ކޮމާސް އެންޑް މާކެޓިންގ

މަޤާމުގެ ޝަރުޠު:

• މަސްއޫލިއްޔަތުތަކާ ގުޅޭ ދާއިރާއަކުން މާސްޓަރސް ޑިގްރީއެއް (ދިވެހިރާއްޖޭގެ ޤައުމީ ސަނަދަތަކުގެ އޮނިގަނޑުގެ ލެވެލް 9ގެ ސަނަދެއް) ހާސިލުކޮށްފަވުން ނުވަތަ ކަނޑައެޅިފައިވާ ދާއިރާގެ މަސައްކަތުގައި 5 އަހަރު ދުވަހުގެ ތަޖުރިބާ ލިބިފައިވުން.

މަޤާމުގެ މަސްއޫލިއްޔަތު:

• އީކޮމާސް އެންޑް މާކެޓިންގ ޑިޕާޓްމެންޓް ހިންގުމާއި ސިޔާސަތުތައް އެކުލަވައިލުން
• އީކޮމާސް އެންޑް މާކެޓިންގ ޑިޕާޓްމެންޓްގެ މަސްއޫލިއްޔަތުތައް އަދާކުރުމަށް ކުރަންޖެހޭ އެންމެހައި މަސައްކަތްތައް ރާވައި ހިންގުން.
• ކުންފުނީގެ ޕްރޮޑަކްސްތައް މާކެޓްކުރުމާއި ވިއްކުމުގައި އިނޮވެޓިވް ގޮތްތައް ބޭނުންކޮށްގެން ތަފާތު ޕްލެޓްފޯމްތައް އުފެއްދުން.
• ކުންފުނީގެ ޕްރޮޑްކްސްތައް ޑިޖިޓައިޒް ކުރުމަށް ބޭނުންވާ ވަސީލަތްތަކާއި ގޮތްގޮތް ދެނެގަތުމާއި އެކަންކަން އިމްޕްލިމެންޓް ކުރުން
• ކުންފުނީގެ ބްރޭންޑްސްތަކަށް ގެންނަންޖެހޭ ބަދަލުތައް ދެނެގަނެ ބްރޭންޑް އައިޑެންޓިޓީސް ކޮންސިސްޓެންޓްކޮށް ބެލެހެއްޓުން.
• އިންޓަރނެޓް މެދުވެރިކޮށް ކުންފުނީގެ ޕްރޮޑަކްޓްސްތައް މާކެޓްކުރުމާއި ވިއްކުން އީކޮމާސް ޕްލެޓްފޯމެއް ޤާއިމުކުރުން)
• ކުންފުނީގެ ޑިޖިޓަލް އަދި މަލްޓި މީޑިޔާ ޕްލެޓްފޯމްތައް ޤާއިމުކުރުން
• ކުންފުނިން ޑިވެލޮޕްކުރަން ބޭނުންވާ އެޕްލިކޭޝަންތައް، އެކިއެކި ޕްރޮގްރާމްތައް ރާވައި، ތައްޔާރުކުރުން (ކުންފުންޏަށް ބޭނުންވާ ވެބްސައިޓުތަކާއި ސޮފްޓްވެއަރ އަދި އެޕްލިކޭޝަންތައް ދެނެގަނެ އެތަކެތި އުފެއްދުމަށް ކުރަންޖެހޭ އެންމެހައި ކަންތައް ކުރުން

• ކުންފުނީގެ އާކައިވު ޑިޖިޓަލްކޮށް އޮންލައިން ޕްލެޓްފޯމްތަކުގައި މާކެޓްކޮށް ވިއްކުމަށް ބޭނުންވާ ބްރޭންޑްސްތަކާއި ޕްރޮޑަކްސްތައް އުފެއްދުން
• ކުންފުނީގެ އީމާކެޓިންގ ސްޓްރެޓެޖީސްތައް އެކުލަވައިލައި އީމާކެޓިންގ އިތުރަށް ހަރުދަނާކުރުން.
• ކުންފުނީގެ ޓެކްނިކަލް ޓީމުތަކަށާއި ޑިޕާޓްމަންޓްތަކަށް ދޭންޖެހޭ އިނޮވޭޝަން އަދި ކްރިއޭޓިވިޓީ ކޮންސަލްޓެންސީ ދިނުން.
• އިނޮވޭޝަން އާއި ކްރިއޭޓިވިޓީއަށް ކުންފުނީގެ މުވައްޒަފުން އަހުލުވެރިކުރުވުން.

ވަޒީފާއަށް އެންމެ ޤާބިލު ފާރާތެއް ހޮވުމަށް ބެލޭނެ ކަންތައްތައް

• ހާސިލުކޮށްފައިވާ ތަޢުލީމާއި ތަމްރީނު
• ބްރޯޑްކާސްޓިން، މަލްޓިމީޑިއަރ އަދި މާކެޓިންގ ދާއިރާއިން ލިބިފައިވާ ތަޖުރިބާ
• ޤާބިލުކަން ކަށަވަރުކުރުމަށް އިންޓަރވިއުކޮށްގެން
• މީގެ އިތުރުން އިނޮވޭޓިވް ޚިޔާލުތަކާއި ކްރިއޭޓިވިޓީގެ މިންވަރަށް ބެލޭނެއެވެ.

ހުށަހަޅަންޖެހޭ ލިޔުންތައް:

• މޯލްޑިވްސް ކޮލިފިކޭޝަން އޮތޯރިޓީން އެކްރެޑިޓް ކޮށްފައިވާ އަދި އަސްލާ އެއްގޮތްކަމަށް ރަސްމީ ފަރާތަކުން ތައްގަނޑު ޖަހައި ސޮއިކޮށްފައިވާ، މަޤާމުގެ ޝަރުޠުތަކުގެ ތެރޭގައި ބަޔާންކުރެވިފައިވާފަދަ ދާއިރާއެއްގެ މާސްޓަރސް ޑިގްރީ ސެޓުފިކެޓު އަދި ޓްރާންސްކްރިޕްޓްގެ އެޓެސްޓް ކޮށްފައިވާ ކޮޕީ.
• ސެޓުފިކެޓު އެކްރެޑިޓް ނުކުރެވި ނުވަތަ އެކްރެޑިޓް ކުރުމަށް މޯލްޑިވްސް ކޮލިފިކޭޝަން އޮތޯރިޓީ (އެމް.ކިޔު.އޭ) އަށް ހުށަހަޅާފައިވާނަމަ، އެމް.ކިޔު.އޭ އިން އެޓެސްޓް ކޮށްފައިވާ ކޯސް ފުރިހަމަ ކުރިކަމުގެ ލިޔުމާއި ޓްރާންސްކްރިޕްޓްގެ އެޓެސްޓް ކޮށްފައިވާ ކޮޕީ.
• ސެޓުފިކެޓު އެކްރެޑިޓް ނުކުރެވިވާނަމަ، ކޮލެޖް ނުވަތަ ޔުނިވަރސިޓީން ދޫކޮށްފައިވާ ކޯސް ފުރިހަމަކުރިކަމުގެ ލިޔުމުގެ އެޓެސްޓްކޮށްފައިވާ ކޮޕީ.
• ވަޒީފާއަށް ކުރިމަތިލާ ފަރާތުގެ ވަނަވަރު/ ސީ.ވީ (ގުޅޭނެ ފޯނު ނަންބަރާއެކު)
• މަސައްކަތުގެ ތަޖުރިބާ ދެނެގަތުމަށް، މަސައްކަތް ކޮށްފައިވާ އިދާރާތަކުން ދޫކޮށްފައިވާ ލިޔުންތައް.
• އައިޑީ ކާޑުގެ ފޮޓޯކޮޕީ
• ވަޒީފާއެއްގައި އުޅޭނަމަ، ވަޒީފާގައި އުޅޭކަން ބަޔާންކޮށް ވަޒީފާ އަދާކުރާ ތަނުން ދޫކޮށްފައިވާ ލިޔުން.

އިންޓަރވިއު ކުރުމާއި، ޕްރެޒެންޓޭޝަން ހުށަހެޅުން:

• އިންޓަރވިއުއަށް ދަޢުވަތު ދެވޭނީ، ވަޒީފާއަށް ކުރިމަތިލާ ފަރާތްތައް ޝޯޓްލިސްޓް ކުރުމަށްފަހު އެފަރާތްތަކަށް އެކަންޏެވެ.

ސުންގަޑި

މި މަޤާމަށް އެދިލައްވާ ފަރާތްތަކުން 2015 ޖުލައި 08 ވަނަ ދުވަހުގެ 15:00 ގެ ކުރިން މި ކުންފުންޏަށް (ޕަބްލިކް ސަރވިސް މީޑިއާ/ ރޭޑިޔޯ ބިލްޑިންގ، މ. އަމީނީމަގު) ވަޒީފާއަށް އެދޭ ލިޔުންތައް ހުށަހެޅުއްވުން އެދެމެވެ.

އިތުރު މަޢުލޫމާތު:

މަޢުލޫމާތު ހޯއްދެވުމަށް 3000210 އާ ގުޅުއްވުން އެދެމެވެ.