މި އޮތޯރިޓީގައި ބޭނުންކޮށްފައި ހުރި މުދާތަކެއް ނީލަންކިޔަން ބޭނުންވެއެވެ.

މި އޮތޯރިޓީގައި ބޭނުންކޮށްފައިހުރި ބައެއް ތަކެތި (ފަރނީޗަރ، ކޮމްޕިއުޓަރ އަދި އިކުއިޕްމަންޓް ފަދަ ތަކެތި) 13 ޖޫން 2015 ވާ ހޮނިހިރުދުވަހު ނީލަމުގައި ވިއްކާލުމަށް ވަނީ ހަމަޖެހިފައެވެ.

ނީލަން އޮންނަ ތަން:

• ކެޕިޓަލް މާކެޓް ޑިވެލޮޕްމަންޓް އޮތޯރިޓީ
• އެމް.ޓީ.ސީ.ސީ ޓަވަރ 4 ވަނަ ފަންގިފިލާ
• ބޮޑުތަކުރުފާނުމަގު، މާލެ

މުދާ ބެލޭނެ އިންތިޒާމް: ނީލަމުގައި ދޫކުރާ މުދާ ބެލޭނެ އިންތިޒާމް 13 ޖޫން 2015 ވާ ހޮނިހިރުދުވަހުގެ ހެނދުނު 11:00 ގައި އޮންނާނެއެވެ.

ނީލަމުގައި ބައިވެރިވުމާއި ނަން ނޯޓް ކުރުންް: ނީލަމުގައި ބައިވެރިވާން ބޭނުންވާ ފަރާތްތަކުން 13 ޖޫން 2015 ވާ ހޮނިހިރުދުވަހުގެ ހެނދުނު 11:00އާއި 11:20 އާ ދެމެދު ކެޕިޓަލް މާރކެޓް ޑިވެލޮޕްމަންޓް އޮތޯރިޓީގައި، ނީލަމުގައި ބައިވެރިވުމަށް ނަން ނޯޓު ކުރަންވާނެއެވެ.

ނީލަން އޮންނަ ގަޑި: ހެނދުނު 11:30

ފައިސާ ދެއްކުން: ނީލަން ކާމިޔާބުކުރާ ފަރާތްތަކުން އެމުދަލެއްގެ ނީލަން ނިމޭ އަގު، ނީލަން ނިމުމުން އެގަޑީގައި ދެއްކިދާނެއެވެ. ނުވަތަ 13 ޖޫން 2015 ގެ 12:30 ގެ ކުރިން މިއޮތޯރިޓީއަށް ދައްކާ ޚަލާޞް ކުރަންވާނެއެވެ.

މުދާ ގެންދިއުން: ނީލަމުން ނަގާ މުދާ، 15 ޖޫން 2015 ވާ ހޯމަ ދުވަހުގެ 15:00 އާއި 17:00 އާދެމެދު މި އޮތޯރިޓީން ގެންދަންވާނެއެވެ. މިގޮތަށް ނުގެންގޮސް ހުންނަ މުދާ އިތުރު އެންގުމަކާ ނުލައި ނެއްތައިލެވޭނެއެވެ.

އިތުރު މަޢުލޫމާތު:  ނީލަން ލިސްޓުގައި ނަން ނޯޓު ކޮށްފައިނުވާ ފަރާތްތަކުން، ނީލަމުގައި ބައިވެރިވުމުގެ ފުރުޞަތު ނުދެވޭނެ ވާހަކަ ދަންނަވަމެވެ.

މި ނީލަމާ ބެހޭ އިތުރު މަޢުލޫމާތު ހޯއްދެވުމަށް، އޮތޯރިޓީގެ ނަންބަރު 3014105/ 3336619 ފޯނަށް ގުޅުއްވުން އެދެމެވެ. 

20 ޝަޢުބާން 1436