މި ކުންފުންޏަށް 6 މަސްދުވަހުގެ މުއްދަތަށް "މެނޭޖްމަންޓް ކޮންސަލްޓެންޓެއް" ހޯދަން ބޭނުންވެއްޖެއެވެ.  

މުސާރަ

މަހަކު -/25,000 ރުފިޔާ

މަސައްކަތް ކުރަންޖެހޭތަން

ޕަބްލިކް ސަރވިސް މީޑިއާ، މާލެ.

ޝަރުޠު:

• މެނޭޖްމަންޓުގެ ދާއިރާއަކުން އަންޑަރގްރޭޖްއޭޓް ޑިގްރީއެއް އޮތުމާއެކު، މެނޭޖްމަންޓުގެ އެންމެ އިސް ފެންވަރުގައި 5 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން؛ ނުވަތަ،
• ބްރޯޑްކާސްޓިންގ ދާއިރާއެއްގައި 5 އަހަރުދުވަހުގެ ތަޖުރިބާ ލިބިފައިވުން.

މެނޭޖްމަންޓް ކޮންސަލްޓެންޓުގެ މަސްއޫލިއްޔަތު:

• ޕަބްލިކް ސަރވިސް މީޑިއާގެ ހިއުމަން ރިސޯސް އޮޑިޓްކޮށް، މުޅި ކުންފުނި ރައިޓްސައިޒްކުރުމުގެ މަސައްކަތްކުރެއްވުން.
• ޕަބްލިކް ސަރވިސް މީޑިއާގެ ހިންގުމުގެ އޮނިގަނޑާއި ސްޓްރަކްޗަރާއި މުސާރައާއި ޢިނާޔަތުގެ އޮނިގަނޑު އެކުލަވައިލުން.
• ޕަބްލިކް ސަރވިސް މީޑިއާގެ މެނޭޖްމަންޓް ސްޓްރަކްޗަރ އެނަލައިޒްކޮށް ކުންފުނީގެ ލަނޑުދަނޑި ހާސިލުކުރެވޭގޮތަށް ގެންނަންޖެހޭ ބަދަލުތައް، އިސް މެނޭޖްމަންޓުގެ ލަފާގެމަތީން ގެނައުމާއި ތަންފީޒުކުރުން.
• ޕަބްލިކް ސަރވިސް މީޑިއާގެ ޤާނޫނުގައި ބަޔާންކުރެވިފައިވާ، ކުންފުނި ހިންގުމުގެ ސިޔާސަތުތައް އެކަށައެޅުމަށް ބޭނުންވާ ފަންނީ ލަފާދިނުން.
• ޕަބްލިކް ސަރވިސް މީޑިއާ ހިންގުމަށްޓަކައި، ކުންފުނީގެ ޑިޕާޓްމަންޓްތައް ކަނޑައަޅައި، ޑިޕާޓްމަންޓްތަކުގެ މަސައްކަތްތައް ތަރުތީބުކުރުމަށް ބޭނުންވާ ފަންނީ ލަފާދިނުމާއި އިމްޕްލިމެންޓޭޝަންގައި އެހީތެރިވެދިނުން.
• ވަޒީފާތަކުގެ ޖޮބް ޑިސްކްރިޕްޝަންތަކާއި ޖޮބް ސްޕެސިފިކޭޝަން އެކުލަވައިލުމުގައި ފަންނީ ލަފައާއި އިރުޝާދު ދިނުން.
• ކުންފުނީގެ އުފެއްދުންތެރިކަން އިތުރުކުރުމަށް ކުރެވެން ހުރި ކަންތައްތައް، މެނޭޖްމަންޓަށް އަންގައިދިނުން.

ހުށަހަޅަންޖެހޭ ލިޔުންތައް:

• މިކަމަށް އެދޭކަމުގެ ސިޓީއާއި، ވަޒީފާއަށް އެދޭ ފަރާތަށް ލިބިފައިވާ ތަޢުލީމާއި ތަމްރީނު ދެނެގަތުމަށް ބޭނުންވާ ލިޔުންތައް. (މޯލްޑިވްސް ކޮލިފިކޭޝަންސް އޮތޯރިޓީން ފެންވަރު ބަލައި، ސެޓުފިކެޓެއްނަމަ ތައްގަނޑު ޖަހާފައިވާ ލިޔުމުގެ ކޮޕީ)
• މަސައްކަތުގެ ތަޖުރިބާ ދެނެގަތުމަށް ބޭނުންކުރެވޭނެ ލިޔުންތައް.
• ދިވެހި ރައްޔިތެއްކަން އަންގައިދޭ ކާޑުގެ ކޮޕީ.
• މިކަމަށް ކުރިމަތިލާ ފަރާތުގެ ވަނަވަރު.

ސުންގަޑި:

މިކަމަށް ކުރިމަތިލައްވާ ފަރާތްތަކުން 2015 ޖޫން 16 ވަނަ ދުވަހުގެ 15:00 ގެ ކުރިން މި ކުންފުންޏަށް (ޕަބްލިކް ސަރވިސް މީޑިއާ/ ރޭޑިޔޯ ބިލްޑިންގ، މ. އަމީނީމަގު) ވަޒީފާއަށް އެދޭ ލިޔުންތައް ހުށަހެޅުއްވުން އެދެމެވެ.

އިތުރު މަޢުލޫމާތު:

މަޢުލޫމާތު ހޯއްދެވުމަށް 3000210 އާ ގުޅުއްވުން އެދެމެވެ.