ދިވެހިރާއްޖެ
ވަޒީފާގެ ފުރުޞަތު
އެއަރޕޯޓްތައް ތަރައްޤީކޮށް ހިންގުމުގައި ރާއްޖޭގައި އެންމެ ޤާބިލު އަދި ތަޖުރިބާހުރި މިކުންފުނީގެ ވަޒީފާ އަދާކުރާހިތްވާ، ކަމަށް ޤާބިލު އުފެެއްދުންތެރި ހީވާގި އަދި ނަތީޖާ ހާސިލުކުރެވޭނެ ފަރާތްތަކަށް ތިރީގައި ބަޔާންކުރާ މަޤާމުތަކަށް ކުރިމަތިލުމުގެ ފުރުޞަތު ހުޅުވާލަމެވެ.
މަޤާމު: މެނޭޖަރ ،ގްރިވެންސް
ބޭނުންވާ އަދަދު: 01
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ )/ ހިއުމަންރިސޯސް ޑިވިޜަން
ޝަރުޠު:
- ބެޗެލާސް ޑިގްރީ ނުވަތަ މާސްޓާރ އިން ހިއުމަން ރިސޯސް މެނޭޖަމަންޓް/ ބިޒްނަސް އެޑްމިނިސްޓްރޭޝަން ނުވަތަ ގުޅޭދާއިރާއަކުން މިފެންވަރުގެ ސެޓްފިކެޓެއް ހާސިލުކޮށްފައިވުން.
- ގުޅުން ހުރި ދާއިރާއެއްގައި މަދުވެގެން 3 އަހަރު ދުވަހުގެ ތަޖުރިބާ ލިބިފައިވުން.
މުސާރަ އާއި އިނާޔަތްތައް: މަހަކު -/22,000 އާއި -/20,000 ރުފިޔާ އާ ދެމެދު.
ވަޒީފާ ގައި ކުރަންޖެހޭ މައިގަނޑު މަސައްކަތް:
- ގްރިވަންސް ޕޮލިސީގައިވާ ގޮތުގެމަތިން މުވައްޒަފުންގެ ގްރިވެންސް ބެލެހެއްޓުން.
- ހުށައެޅިފައިވާ ގްރީވެންސް މައްސަލަތައް ބަލާ، ތަޙްޤީގުކޮށް، ގަވާއިދާ އެއްގޮތަށް ކަޑަ އެޅިފައިވާ ވަގުތަށް މައްސަލަ ނިންމުން.
- ހުށައެޅިފައިވާ ގްރީވެންސް ކޭސް ފައިލްތައް ތައްޔާރުކޮށް ގްރިވެންސް ކޮމެޓީއަށް ހުށަހެޅުން.
- ކަޑައެޅިފައިވާ ވަގުތުން ވަގުތަށް ޑިސިޕްލިނަރީ މައްސަލަތައް ބަލާ، ޕޮލިސީއާއި އެއްގޮތަށް ފިޔަވަޅު އެޅުން.
- ކުންފުނީގެ އެމްޕްލޯއީ ރިލޭޝަންސް ޕްރޮގްރާމާއި ޕޮލިސީތަކާއި ޕްރޮސީޖަރތައް ޑިޒައިންކޮށް، ރާވާ ތަންފީސްކުރުން.
މަޤާމު: އެސޯސިއޭޓް މެނޭޖަރ، ހިއުމަން ރިސޯސް
ބޭނުންވާ އަދަދު: 01
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް (ހުޅުލެ) / ހިއުމަން ރިސޯސް ޑިވިޜަން
ޝަރުޠު:
- ހިއުމަން ރިސޯސް މެނޭޖްމަންޓް އިން ޑިގްރީ ހާސިލުކޮށްފައިވުން.
- ހިއުމަން ރިސޯސް އާއި ގުޅުންހުރި، މެނޭޖަރ ފަންތީގެ މަޤާމެއްގައި މަދުވެގެން 2 އަހަރުދުވަހުގެ ތަޖުރިބާ ލިބިފައިވުން
މުސާރަ އާއި އިނާޔަތްތަކަށް: -/17,000 އާއި -/18,500 ރުފިޔާ އާ ދެމެދު.
ވަޒީފާ ގައި ކުރަންޖެހޭ މައިގަނޑު މަސައްކަތްތައް:
- ކުންފުނީގެ ބޭނުންތަކާއި އެއްގޮތަށް އޯގަނައިޒޭޝަނާއި، މަސައްކަތުގެ ހުނަރުވެރިކަން، މަސައްކަތުގެ ފެންވަރު ބަލާ ނިޒާމް ތަރައްޤީކުރުމާއި، މުވައްޒަފުންގެ ފަރާތުންލިބޭ އެއްބާރުވުން އިތުރުކުރުމަށް މި ދާއިރާތަކަށް ބޭނުންވާ އެޗް.އާރް ސްޓްރެޓްޖީތަކާއި ޓެކްޓިކަލް ޕްލޭންތައް ތައްޔާރުކުރުމަށް އެހީތެރިވުން.
- ޒަމާނާއި ޙާލަތަށް އަންނަ ބަދަލުތަކާއި އެއްގޮތަށް އެޗް.އާރް.ގެ ޕޮލިސީތައް މުރާޖަޢާ ކުރުމާއި، ތަންފީސްކުރުމުގައި އެޗް. އާރް. ޓީމާއިއެކު އެމް.އޭ.ސީ.އެލް. ގެ ވިޔަފާރީގެ ލަނޑުދަނޑިތަކާއި، ސްޓްރެޓްޖީތަކާއި އަރާރުންނުވާނޭހެން މަސައްކަތްކުރުން.
- އެޗް. އާރް. ޕްލޭނިންގ އާއި، މުސާރައިގެ އިނާޔަތްތަކާއި، މުވައްޒަފުންނާ ބެހޭ ގަވާއިދުތަކާއި، މަސައްކަތުގެ ފެންވަރުބެލުމާއި، ކެރިއަރ ރޭވުމާއި، މުވައްޒަފުންނަށް ދެވޭ ތަމްރީންތަކާއި، ލީޑަރޝިޕް ޑިވެލޮޕްމަންޓް އަދި ސަކްސެޝަން ޕްލޭނިންގ ފަދަ އޭރިއާތައް ތަރައްޤީކޮށް ކުރިއެރުވުމަށް ބިނާކުރަނިވި ގޮތެއްގައި ފާޑުކިޔުމާއި ޚިޔާލު ފާޅުކުރުން.
މަޤާމު: ކޮމާޝަލް އޮފިސަރ ގްރޭޑް 1 (އެޑްވަޓައިޒިންގ، ލޯންޖް/ އެފް އެންޑް ބީ)
ބޭނުންވާ އަދަދު: 01
މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ )/ ކޮމާޝަލް އެންޑް މާކެޓިންގ
ޝަރުޠު: ބިޒްނަސް، ކޮމާސް، މެނޭޖްމަންޓް، މާކެޓިންގ ނުވަތަ ހޮސްޕިޓަލިޓީ މިއިން ދާއިރާއަކުން ބެޗެލަރ ޑިގްރީ ހާސިލުކޮށްފައިވުމާއެކު މަދުވެގެން 01 އަހަރުދުވަހުގެ ތަޖުރިބާ ލިބިފައިވުން ނުވަތަ ބިޒްނަސް، ކޮމާސް ނުވަތަ މެނޭޖްމަންޓް، މިއިން ދާއިރާއަކުން ޑިޕްލޮމާ ހާސިލުކޮށްފައިވުމާއެކު މަދުވެގެން 1 އަހަރާއި 6 މަސްދުވަހުގެ ތަޖުރިބާ ލިވިފައިވުން، ނުވަތަ އޭލެވެލްއާއި އެއްފެންވަރުގެ ފާހެއް ލިބިފައިވުމާއެކު 3 އަހަރުދުވަހުގެ ތަޖުރިބާ ލިބިފައިވުން.
މުސާރައާއި އިނާޔަތްތައް: މަހަކު -/12,000 އާއި -/11,000 ރުފިޔާ އާ ދެމެދު.
ވަޒީފާ ގައި ކުރަންޖެހޭ މައިގަނޑު މަސައްކަތް:
- ކުރެވޭ ވިޔަފާރީގެ މުޢާމަލާތްތައް އިތުރުކުރުމަށްޓަކައި އެސޯސިއޭޓް މެނޭޖަރގެ އިރުޝާދުގެ ދަށުން ވިޔަފާރިކުރުމަށް ރޭވިފައިވާ އުކުޅުތަކުގެ ބޭނުންކޮށް، ސްޓޭކް ހޯލްޑަރުންނަށް ބޭނުންވާ ޚިދުމަތްތައް ފޯރުކޮށްދިނުން.
- ކޮންޓްރެކްްޓް ލިޔެކިޔުންތައް ތައްޔާރުކޮށްކުރުމަށްޓަކައި އެސޯސިއޭޓް މެނޭޖަރ އަށް އެހީތެރިވުން.
- ވިޔަފާރިއާ ބެހޭ އެންމެހާ ކަންތައްތަކަކީ ހުރިހާ ޕޮލިސީތަކާއި، ޕްރޮސީޖާރތަކާއި، ގައިޑްލައިންތަކާއި އަދިވެސް މިއާ ގުޅުންހުރި ގަވާއިދުތަކަށް ރިޢާޔަތްކުރެވި، އެއާއި އެއްގޮތަށް ޢަމަލުކުރެވިފައިވާ ކަންތައްތައްތޯ ޔަޤީންކުރުން.
- އެއަރޕޯޓުގައި މައްސަކަތްކުރާ އެހެން އެޖެންސީތަކަށް އޮފީސް ޖާގަ ކުއްޔަށް ދޫކުރުމުގައި ސުޕަވައިޒަރުގެ އިރުޝާދުގެ މަތިން މަސައްކަތްކުރުން.
- އޮފީހަށް ބައްދަލުވުންތަކަށް އަންނަ މެހެމާނުންނަށް މަރުޙަބާ ދެއްނެވުމާއި، އެމީހުން އެބައްދަލުވުން އޮންނަތަނަށް ގެންދިއުމާއި، ބައްދަލުވުންތަކުގައި ބައިވެރިވުމާއި އަދި ބައްދަލުވުންތަކުގެ ޔައުމިއްޔާ ނެގުން.
ހުށަހަޅަންޖެހޭ ލިޔުންތައް:
- ސީވީ އާއި ތަޢުލީމީ ސެޓްފިކެޓްތަކުގެ ކޮޕީ
- ސްކޫލް ލީވިންގ ސެޓްފިކެޓް ކޮޕީ
- ދިވެހި ރައްޔިތެއްކަން އަންގައިދޭ ކާޑު ކޮޕީ
- ކުރިން އަދާކޮށްފައިވާ ވަޒީފާތަކާ ގުޅޭ ލިޔެކިޔުންތަކުގެ ކޮޕީ
- 3 މަސް ދުވަސް ހަމަނުވާ ޕޮލިސް ރިޕޯޓު
ނޯޓް: ކޮންމެ މަޤާމަކަށްވެސް އެދެންވާނީ ވަކިސިޓީއަކުންނެވެ. އަދި ސިޓީއާއެކު ކަމާބެހޭ ލިޔުންތައް ހުށައަޅަންވާނެއެވެ.
ކުރިމަތިލުމުގެ ސުންގަޑި: 01 ޖޫން 2015ގެ 16:00
ވަޒީފާއަށް އެދޭ ސިޓީ އެޑްރެސް ކުރައްވާނީ:
ޖެނަރަލް މެނޭޖަރ، ހިއުމަން ރިސޯސަސް
މޯލްޑިވްސް އެއަރޕޯޓްސް ކޮމްޕެނީ ލިމިޓެޑް
ކޯރޕަރޭޓް އޮފީސް، ހުޅުލެ، ދިވެހިރާއްޖެ
އިތުރު މަޢުލޫމާތު: ފޯނު – 3325511
މި މަޤާމަށް އެދި ހުށަހަޅާ ފަރާތްތަކުގެ ތެރެއިން ޝަރުޠު ހަމަނުވާ ފަރާތްތަކާއި، ލިޔުންތަކުގެ ކޮޕީ ނެތް ފަރާތްތަކުގެ ސިޓީ އަދި ފޯމު ބަލައި ނުގަނެވޭނެ ވާހަކަ ދަންނަވަމެވެ.
08 ޝަޢުބާން 1436 ހ