އުޞޫލުގެ 14 ވަނަ މާއްދާގެ (ށ) އަށް ތިރީގައިވާ ނަންބަރު އިތުރުކުރުން:

1. A2 ޝީޓުން އެންމެ މަތިން ޕޮއިންޓް ލިބިފައިވާ ފަރާތް ވަޒީފާ ބޭނުންނުވާ ޙާލަތުގައްޔާއި ވަޒީފާއަށް ހަމަޖައްސާ ފަރާތް ޕްރޮބޭޝަނުގެ މުއްދަތުގައި ވަޒީފާއިން ވަކިވާ ޙާލަތުގައި ދެން އެންމެ މަތިން ޕޮއިންޓް ލިބިފައިވާ ފަރާތަށް ވަޒީފާ ހަމަޖެއްސިދާނެވެ.

އުޞޫލުގެ 16.1 ވަނަ މާއްދާގެ (ށ) ތިރީގައިވާ ގޮތަށް އިސްލާޙުކުރުން:

ސިވިލް ސަރވިސްގެ ވަޒީފާގައި ދެމިހުރި މުވައްޒަފަކު (ޚިދުމަތް މެދުނުކެނޑޭގޮތަށް) މުއްދަތު ކަނޑައެޅިފައިވާ މަގާމަކަށްދާހިނދު ނުވަތަ އެފަދަ މަޤާމަކުން (ޚިދުމަތް މެދުނުކެނޑޭގޮތަށް) ސިވިލް ސަރވިސްގެ ދާއިމީ މަޤާމަކަށް ބަދަލުވާ އިރު، އަދި، މުއްދަތު ކަނޑައެޅިފައިވާ މަގާމަކުން އެފަދަ އެހެން މަގާމަކަށް (ޚިދުމަތް މެދުނުކެނޑޭގޮތަށް) ބަދަލުވާ އިރު، ކުށުގެ ރެކޯޑު ފޯމު ހުށަހަޅާކަށް ނުޖެހޭނެއެވެ.