ދަނޑުވެރިންނާއި ދިރޭތަކެއްޗާއި ބެހޭ ވުޒާރާ އަދި ހދ. އަތޮޅު ކައުންސިލް ގުޅިގެން ހދ. އަތޮޅުގެ ހުރިހާ ރަށެއްގެ ދަނޑުވެރިންނަށް އަމާޒުކޮށްގެން ހަނިމާދޫ އެގްރިކަލްޗަރ ސެންޓަރުގައި 7 ދުވަހުގެ ތަމްރީން ޕްރޮގުރާމެއް ބޭއްވުމަށް ހަމަޖެހިފައެވެ. މި ތަމްރީން ޕްރޮގުރާމް ކުރިއަށްދާނީ 2024 އޮގަސްޓު 18 އިން 2024 އޮގަސްޓު 24 އާއި ދެމެދުއެވެ.

މި ތަމްރީން ޕްރޮގުރާމްގައި ބައިވެރިވުމުގެ ފުރުސަތު މިރަށުގެ 2 ފަރާތަކަށް ލިބިފައިވާތީ ، މިޕްރޮގުރާމްގައި ބައިވެރިވުމަށް ޝައުޤުވެރިވާ ފަރާތްތަކުން 2024 ޖުލައި 10 ވަނަ ދުވަހުގެ 12:00ގެ ކުރިން ކައުންސިލް އިދާރާއަށް ގުޅުއްވާ ނުވަތަ ދުރުވެ ނަންނޯޓު ކުރެއްވުން އެދެމެވެ. 2 ފަރާތަށްވުރެ ގިނަ ފަރާތުން ނަން ނޯޓުކޮށްފައިވާނަމަ 2 ބައިވެރިން ކަނޑައަޅާނީ ގުރުއަތުލައިގެންނެވެ.

މި ތަމްރީން ޕްރޮގުރާމާއި ގުޅުން ހުރި ހުރިހާ ހަރަދެއް ( ދަތުރު، ކެއުން، ހުރުން ) އިންތިޒާމްތައް  ކުރިއަށް ގެންދާނީ ދަނޑުވެރިންނާއި ދިރޭތަކެއްޗާއި ބެހޭ ވުޒާރާ އަދި ހދ. އަތޮޅު ކައުންސިލުންނެވެ.

ވީމާ، މިޕްރޮގުރާމްގައި ބައިވެރިވުމުގެ ފުރުސަތު އާންމުކޮށް ހުޅުވާލަމެވެ.