އިޢުލާން

ވަޒީފާގެ ފުރުޞަތު

 (IUL)427-OPR/1/2024/21:ނަންބަރު

ތާރީޚް: 2 ޖުލައި 2024

މަޤާމު

އިންޓަރނޭޝަނަލް އެންޑް ޕަބްލިކް ރިލޭޝަންސް އެސިސްޓެންޓް އޮފިސަރ

ޢަދަދު

1

މަސައްކަތްކުރަންޖެހޭ ތަން

މޯލްޑިވްސް ބްރޯޑްކާސްޓިންގ ކޮމިޝަން / ކ.މާލެ

ކްލެސިފިކޭޝަން: އިންޓަނޭޝަނަލް އެންޑް ޕަބްލިކް ރިލޭޝަންސް އެސިސްޓެންޓް އޮފިސަރ، ގްރޭޑް 1

ޑިޕާޓްމަންޓް

ކޮމިއުނިކޭޝަންސް، ރިސަރޗް އެންޑް ޑެވޮލޮޕްމެންޓް ޑިޕާޓްމަންޓް

ސެކްޝަން

ކޮމިއުނިކޭޝަންސް ސެކްޝަން

އަސާސީ މުސާރަ:

 -/5100 ރުފިޔާ

އެލަވަންސް:

-  ލިވިންގ އެލަވަންސް:  -/3000 ރުފިޔާ

-  ނޮންޕްރެކްޓިސިންގ އެލަވަންސް: -/2500 ރުފިޔާ

-  އިތުރުގަޑީގެ ފައިސާ:  މޯލްޑިވްސް ބްރޯޑްކާސްޓިންގ ކޮމިޝަންގެ ހިންގާ ޤަވާޢިދުގައިވާ ގޮތުގެމަތިން އިތުރުގަޑި ދެވޭނެއެވެ.

- މަގާމުގެ މަސައްކަތާއި ގުޅިގެން ކަނޑައެޅިފައިވާ އެހެނިހެން އެލަވަންސްތައް ހަމަޖެހިފައިވާ އުޞޫލުން ދެވޭނެއެވެ.

އަސާސީ ޝަރުޠު

1. އޭލެވަލް 3 މާއްދާއިން ފާސްވެފައިވުމާއި އެކު 2 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން؛
2. ދިވެހި އަދި އިނގިރޭސި ބަހުން ފަސޭހަކަމާއެކު މުޢާމަލާތު ކުރަން އެނގުން؛
3. ދިވެހި އަދި އިނގިރޭސިބަހުން ފަރިތަކޮށް ޓައިޕްކުރަން އެނގުން؛
4. ސެކްރެޓޭރިއަލް މަސައްކަތްތަކާއި އިދާރީ މަސައްކަތުގެ ދާއިރާއިން އަމަލީ ތަޖުރިބާ ލިބިފައިވުން؛
5. މަސައްކަތުގައި ގިނަ ވަގުތު ހޭދަކުރެވޭ ހީވާގި އަދި ގަޑިއަށާއި ހާޒިރީއަށް ފަރުވާބަހައްޓާ ފަރާތަކަށްވުން؛
6. މަސައްކަތުގެ ހުނަރާއި ޤާބިލުކަން އިންޓަރވިއު ޕެނަލްއަށް ސާބިތުކޮށްދިނުން.

އެހެނިހެން ޝަރުޠު

ވަޒީފާއަށް އެދި ހުށަހަޅާއިރު، މީލާދީގޮތުން އުމުރުން 18 އަހަރު ފުރިފައިވާ މީހަކު ކަމުގައިވުން އަދި، ވަޒީފާއިން މުސްކުޅިކުރުމުގެ އިޚްތިޔާރު ލިބޭ އުމުރު ކަމަށްވާ 60 އަހަރަށްވުރެ ދޮށީ އުމުރުގެ މީހަކު ކަމުގައި ނުވުން.

މަޤާމުގެ މަސްއޫލިއްޔަތުތައް

1. ސަރަހައްދީ އަދި ބައިނަލް އަޤްވާމީ ބްރޯޑްކާސްޓަރުންނާ އަދި ބްރޯޑްކާސްޓަރުންގެ ޖަމްޢިއްޔާތަކާއި އެކު ކޮމިޝަނުން ކުރަންޖެހޭ މުޢާމަލާތްތައް ޑިޕާޓްމެންޓް ނުވަތަ ސެކްޝަންގެ ވެރިޔާގެ ލަފައާއި އިރުޝާދުގެ ދަށުން ކުރުން؛
2. ކޮމިޝަނަށް ބޭނުންވާ އެހީ އާއި ތަމްރީނުގެ ފުރުޞަތުތައް  ބައިނަލް އަޤްވާމީ  ފަރާތްތަކުން  ހޯދުމުގެ މަސައްކަތްތައް ޑިޕާޓްމެންޓް ނުވަތަ ސެކްޝަންގެ ވެރިޔާގެ ލަފައާއި އިރުޝާދުގެ ދަށުން ކުރުން ؛
3. ރާއްޖޭގެ ބްރޯޑްކާސްޓް ކުރުމުގެ ދާއިރާ  ތަރައްޤީ ކުރުމަށް ބޭނުންވާ ފަންނީ އެހީތެރިކަމާއި ތަމްރީނުގެ ފުރުޞަތުތައް ބޭރުގެ ފަރާތްތަކުން ހޯދުމުގެ މަސައްކަތްތައް ޑިޕާޓްމެންޓް ނުވަތަ ސެކްޝަންގެ ވެރިޔާގެ ލަފައާއި އިރުޝާދުގެ ދަށުން ކުރުން؛
4. ކޮމިޝަނާ ގުޅިގެން ބޭރުގެ ބްރޯޑްކާސްޓަރުން ނުވަތަ ބްރޯޑްކާސްޓްކުރުމުގެ ދާއިރާ އާއި ގުޅުންހުރި ޖަމާޢަތްތަކުން ރާއްޖޭގައި ބާއްވާ ކޮންފަރެންސް ސެމިނަރ ފަދަ ކަންކަން  ޑިޕާޓްމެންޓް ނުވަތަ ސެކްޝަންގެ ވެރިޔާ ދެއްވާ އިރުޝާދުގެ ދަށުން ކުރުން؛
5. ޑިޕާޓްމަންޓްގެ ފަރާތުން ކުރަންޖެހޭ މުވާސަލާތުތައް ކުރުމާއި، އެކި ފަރާތްތަކަށް ލިޔަންޖެހޭ ސިޓީ އީ މެއިލް ފަދަ ތަކެތި ޑްރާފްޓް ކުރުމުގެ މަސައްކަތް ޑިޕާޓްމެންޓް ނުވަތަ ސެކްޝަންގެ ވެރިޔާ ދެއްވާ އިރުޝާދުގެ ދަށުން ކުރުން؛
6. ކޮމިޝަނުގެ ތަރައްޤީގެ މަޝްރޫޢުތަކާއި  ގުޅުންހުރި ޕްރޮޖެކްޓް ތަކަށް ބޭނުންވާނެ މަޢުލޫމާތު ހޯދާ އެފަދަ މަޢުލޫމާތުގެ އަލީ ގައި  ޕްރޮޕޯޒަލްތައް ތައްޔާރުކުރުމުގައި އެހީތެރިވުން؛
7. ކޮމިއުނިކޭޝަން ސެކްޝަނުގެ އެންމެހައި މަސައްކަތްތައް ދުވަހުން ދުވަހަށް ކޮށް ނިންމުން؛
8. ކޮމިޝަންގެ ޕަބްލިކް ރިލޭޝަން ކަންކަމުގައި ބޭނުންކުރާ ފޯނަށް ޖަވާބު ދިނުމާއި އެ ފޯނު މެދުވެރިކޮށް އަންނަ ހުށަހެޅުން ނުވަތަ ޝަކުވާތަކަށް ޑިޕާޓްމެންޓް ނުވަތަ ސެކްޝަންގެ ވެރިޔާ ދެއްވާ ލަފަޔާ އިރުޝާދުގެ ދަށުން ޖަވާބުދާރީވުން؛
9. ކޮމިޝަންގެ މެންޑޭޓްގެ ތެރޭގައި ހިމެނޭ ކަންކަމާއި ގުޅޭގޮތުން ހޭލުންތެރިކުރުމުގެ ޕްރޮގްރާމްތައް ޑިޕާޓްމެންޓް ނުވަތަ ސެކްޝަންގެ ވެރިޔާ ދެއްވާ ލަފާގެ ދަށުން ކުރުން؛
10. ކޮމިޝަންގެ ވެބްސައިޓަށް ބޭނުންވާ ކޮންޓެންޓް ލިޔެ ތައްޔާރުކޮށް އަޕްޑޭޓް ކުރުން؛ 
11. ކޮމިޝަންގެ މަސައްކަތްތަކާއި ގުޅޭ މަޢުލޫމާތު ޑިޕާޓްމެންޓް ނުވަތަ ސެކްޝަންގެ ވެރިޔާ ދެއްވާ އިރުޝާދުގެ ދަށުން ޢާންމު ކުރުމުގެ މަސައްކަތް ދުވަހުން ދުވަހަށް ކޮށް ނިންމުން؛
12. މީޑިޔާ ބްރީފިންގތައް އިންތިޒާމު ކުރުމުގައި އެހީތެރިވުން؛
13. ކޮމިޝަންގެ މަސައްކަތްތަކާއި ބްރޯޑްކާސްޓަރުންނާއި ގުޅޭ ކަންކަމުގައި ޑިޕާޓްމެންޓް ނުވަތަ ސެކްޝަންގެ ވެރިޔާ ދެއްވާ އިރުޝާދުގެ ދަށުން ދިވެހި ބަހާއި އިނގިރޭސި ބަހުން ޕްރެސް ރިލީޒް ތައްޔާރުކޮށް މީޑިޔާއަށް މަޢުލޫމާތު ދިނުން؛
14. ކޮމިޝަނަށް ބޭނުންވާ ސްޕީޗް ފަދަ ޑޮކިއުމަންޓްތަކާއި ޕްރެޒެންޓޭޝަންތައް ޑިޕާޓްމެންޓް ނުވަތަ ސެކްޝަންގެ ވެރިޔާ ދެއްވާ އިރުޝާދުގެ ދަށުން ދިވެހި ބަހާއި އިނގިރޭސި ބަހުން ތައްޔާރުކުރުން؛
15.  ސޯޝަލް މީޑިޔާ ޕޯސްޓް ޑިޕާޓްމެންޓް ނުވަތަ ސެކްޝަންގެ ވެރިޔާ ދެއްވާ އިރުޝާދުގެ ދަށުން ތައްޔާރުކޮށް ދުވަހުން ދުވަހަށް އަޕްލޯޑް ކުރުން؛
16. ކޮމިޝަންގެ ތަސައްވުރު ރަގަޅު ކުރުމަށްޓަކައި ކުރަންޖެހޭ އެންމެހައި މަސައްކަތް ކުރުން؛
17. ކޮމިޝަނުގެ މަސައްކަތްތަކައް އެވަގުތަކު ބޭނުންވާ އެހީތެރިކަން ފޯރުކޮށްދިނުން.

ތަޢުލީމީ ރޮނގު

އާޓްސް ގެ ދާއިރާއިން ( މާސް ކޮމިއުނިކޭޝަންސް ނުވަތަ ޖަރނަލިޒަމް ނުވަތަ ބިޒްނަސް އެޑްމިނިސްޓްރޭޝަން )

ހުށަހަޅަންޖެހޭ ތަކެތި

1. ފުރިހަމަކޮށްފައިވާ މޯލްޑިވްސް ބްރޯޑްކާސްޓިންގ ކޮމިޝަންގެ ވަޒީފާއަށް އެދޭ ފޯމު

( މި ފޯމު ކޮމިޝަންގެ ވެބްސައިޓުން https://www.broadcom.org.mv .ޑައުންލޯޑް ކުރެވޭނެއެވެ. އަދި މޯލްޑިވްސް ބްރޯޑްކާސްޓިންގ ކޮމިޝަނުން ލިބެންހުންނާނެއެވެ. )

2.ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ- މެއިލް އެޑްރެސް ހިމެނޭގޮތަށް)

3.ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ( މުއްދަތު ހަމަނުވާ )

4.ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.

5.ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ: ( އަސްލާ އެއްގޮތްކަމަށް ޤާނޫނީ ވަކީލަކު ތައްގަޑު ޖަހާފައިވާ އަސްލު ކޮޕީ )

(ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު/ލެވަލް ކަނޑައަޅައި ތައްގަނޑު ޖަހާފައިވާ، ރާއްޖެއިން ބޭރުގެ މަތީ ތަޢުލީމުދޭ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ހާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެމް.ކިއު.އޭ އެސެސްމެންޓް ރިޕޯރޓްގެ ކޮޕީ އަދި ޓްރާންސްކްރިޕްޓްގެ ކޮޕީ

   (ށ) މަތީ ތައުލީމުދޭ ރާއްޖޭގެ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

6.މަސައްކަތުގެ ތަޖުރިބާގެ ލިޔުންތަކުގެ ކޮޕީ:

  (ހ) ސިވިލް ސަރވިސްގެ ވަޒީފާއެއްގައި ނުވަތަ ދައުލަތުގެ މުއައްސަސާއެއްގައި ނުވަތަ ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ) އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތު (އަހަރާއި މަހާއި ދުވަސް އެނގޭގޮތަށް)، އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ބަޔާންކޮށް އެ އޮފީހަކުން ދޫކޮށްފައިވާ ރަސްމީ ލިޔުމެއް ހުށަހެޅުން.

(ނ)  ޤައުމީ ނުވަތަ ބައިނަލްއަޤުވާމީ ޖަމްއިއްޔާ/ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން. (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

1. ވަޒީފާ އަދާކުރަމުންދާ ފަރާތެއްނަމަ މިމަޤާމަށް ހޮވިއްޖެނަމަ މިހާރު އަދާކުރަމުންދާ ވަޒީފާއިން ވީއްލުމާމެދު އިޢުތިރާޒެއް ނެތްކަމަށް އެފަރާތުން ދީފައިވާ ރަސްމީ ލިޔުން.

ސުންގަޑި

 2024 ޖުލައި 15  ވާ ހޯމަ  ދުވަހުގެ 13:30 ގެ ކުރިން މޯލްޑިވްސް ބްރޯޑްކާސްޓިންގ ކޮމިޝަނަށް ހުށަހެޅުއްވުން އެދެމެވެ.

އިތުރު މަޢުލޫމާތު

-   މަޢުލޫމާތު ސާފުކުރުމަށް ގުޅޭނެ ނަންބަރު:3334334 / 3334333

-  އެޕްލިކޭޝަން ހުށަހަޅަންވީ އެޑްރެސް:

    މޯލްޑިވްސް ބްރޯޑްކާސްޓިންގ ކޮމިޝަން،

    ގ. ބިއްލޫރިޖެހިގެ 3 ވަނަ ފަންގިފިލާ،

    މަޖީދީ މަގު.

-  އެޕްލިކޭޝަން އީމެއިލް ކުރަންވީ އެޑްރެސް:  [email protected]

-  ވަޒީފާއަށް ކުރިމަތިލާ ފަރާތްތަކުގެ ތެރެއިން އެޕްލިކޭޝަން ފޯމާއެކު ހުށަހަޅަންޖެހޭ ލިޔުންތައްކަމަށް މި އިޢުލާނުގައި ބަޔާންކުރެވިފައިވާ ލިޔުންތައް ފުރިހަމައަށް ހުށަހަޅާފައިނުވާ ފަރާތްތަކުގެ އެޕްލިކޭޝަން ފޯމުތައް ބާޠިލް ކުރެވޭނެ ވާހަކަ ދަންނަވަމެވެ.

-  އިންޓަރވިއުއަށް ޝޯޓްލިސްޓް ކުރެވޭ ފަރާތްތަކުން އިންޓަރވިއުއަށް ޙާޒުރުވާއިރު ހުށަހަޅާފައިވާ ސެޓްފިކެޓްތަކާއި ލިޔުންތަކުގެ އަސްލު ގެނައުމަށް ދަންނަވަމެވެ.

-   އިޓަރވިއުއަށް ޝޯޓްލިސްޓްކުރެވޭ ފަރާތްތަކަށް ލިޔުމުގެ ޓެސްޓެއް ދެވޭނެއެވެ.

ވަޒީފާއަށް އެންމެ ޤާބިލް ފަރާތެއް ހޮވުމަށް ބެލޭނެ ކަންތައް

މަޤާމަށް މީހުން ހޮވުމުގައި އިސްކަން ދެވޭނެ ކަންތައްތައް

-  ގިނަވަގުތު މަސައްކަތުގައި ހޭދަކުރެވޭނެ ފަދަ ސިއްޙީ ހާލަތެއްގައި ހުރި ފަރާތަކަށްވުން؛

-   ތަފާތު މިޒާޖުގެ މީހުންނާއި އެކު  މަސައްކަތްކޮށް ނަތީޖާ ނެރެފައިވާ ފަރާތަކަށްވުން؛

-  މަސައްކަތްތައް  ރާވައި އިސްކަންދޭ ތަރުތީބުން އިންތިޒާމްކުރުމުގެ ހުނަރު ލިބިފައިވުން؛

-  މައިކްރޮސޮފްޓް އޮފީސް ޕެކޭޖް މަތީ ފެންވަރެއްގައި ބޭނުންކުރަން އެނގުން؛

-  ބްރޯޑްކާސްޓް ޤާނޫނާއި، ވަޒީފާއާއިބެހޭ ޤާނޫނާއި، މިނޫންވެސް އެހެނިހެން ޤާނޫނުތަކާއި ގަވާޢިދުތަކަށް އަހުލުވެރިވެފައިވާ ފަރާތަކަށްވުން؛

-  ސޯސަލް މީޑިއާ ޕްލެޓްފޯމްތަކަށް އަހުލުވެރި ފަރާތަކަށްވުން؛

-  އެހެން އިދާރާއެއްގައި މަސައްކަތްކުރާ ނުވަތަ މަސައްކަތްކޮށްފައިވާ ފަރާތެއްނަމަ ކޮށްފައިވާ މަސައްކަތުގެ ފެންވަރާއި، ހާޒިރީއާއި، މަސައްކަތުގެ އަޚްލާގަށް ބެލޭނެއެވެ؛

- ގުޅުންހުރި ދާއިރާއިން ހާސިލްކޮށްފައިވާ ތައުލީމާއި، ލިބިފައިވާ ތަޖުރިބާއަށް އިސްކަން ދެވޭނެއެވެ.