ކުޅުދުއްފުށި ނޮލެޖް ސެންޓަރ" އަދި "ކުޅުދުއްފުށި ޕަބްލިކް ލައިބްރަރީ" ގެ ލޯގޯ ފަރުމާކުރުމަށް ރާއްޖޭގެ ޑިޒައިނަރުންނަށާއި ރެޖިސްޓްރީ ކޮށްފައިވާ ވިޔަފާރިތައް ނުވަތަ ސްޓޫޑިއޯތަކަށް ހުޅުވާލަމެވެ. މި މުބާރާތުގައި ބައިވެރިވެ، ކުޅުދުއްފުށި ނޮލެޖް ސެންޓަރ އަށް އެންމެ ރަނގަޅު ލޯގޯއެއް ފަރުމާކޮށްގެން 1 ވަނައަށް ހޮވޭ ފަރާތަށް އިނާމެއްގެ ގޮތުގައި -/5000 (ފަސްހާސް ދިވެހި ރުފިޔާ) ލިބޭނެއެވެ. އަދި ކުޅުދުއްފުށި ޕަބްލިކް ލައިބްރަރީ އަށް އެންމެ ރަނގަޅު ލޯގޯއެއް ފަރުމާކޮށްގެން 1 ވަނައަށް ހޮވޭ ފަރާތަށް އިނާމެއްގެ ގޮތުގައި -/5000 (ފަސްހާސް ދިވެހި ރުފިޔާ) ލިބޭނެއެވެ.

ލޯގޯ ހުށައެޅުން:

• ފަރުމާކޮށްފައިވާ ލޯގޯ 02 ޖޫން 2024 ވަނަ ދުވަހުގެ 13:00 ކުރިން ހުށައަޅަންވާނެއެވެ.
• ލޯގޯ ހުށައަޅަންވާނީ ތިރީގައިވާ ގޫގުލް ފޯމް މެދުވެރިކޮށެވެ.
• ލޯގޯ ހުށައަޅާނީ ކުލަ އަދި ބްލެކް އެންޑް ވައިޓް (ސްޓެންސިލް)  PDFސޮފްޓްކޮޕީއެވެ. )މޮޅުވާ ފަރާތުން ސޮފްޓްކޮޕީގެ ގޮތުގައި އޭގެ އޮރިޖިނަލް އަދި ވެކްޓަރ ފައިލްސް ހުށައަޅަންވާނެއެވެ.(
• އެންމެ ގިނަވެގެން ކޮންމެ ބައިވެރިއަކަށްވެސް ހުށައެޅީނީ 2 ލޯގޯއެވެ. އެއީ ކުޅުދުއްފުށި ނޮލެޖް ސެންޓަރ އަށް 1 ލޯގޯ އަދި ކުޅުދުއްފުށި ޕަބްލިކް ލައިބްރަރީ އަށް 1 ލޯގޯ އެވެ.

ލޯގޯ ފަރުމާކުރުމުގައި ސަމާލުކަންދޭންޖެހޭ ކަންތައްތައް:

• ކުޅުދުއްފުށި ނޮލެޖް ސެންޓަރ އަދި ކުޅުދުއްފުށި ޕަބްލިކް ލައިބްރަރީގެ މަސައްކަތްތައް ރަމްޒުކޮށްދިނުން.
• ކުޅުދުއްފުށި ސިޓީގެ ތާރީޙާއި ސަޤާފަތާއި އާދަކާދައާއި މަސައްކަތްތެރިކަމާއި ނުވަތަ ހުނަރު ރަމްޒުކޮށްދިނުން.
• ރަސްމީކޮށް އަދި ނުރަސްމީކޮށް އެހެން ފަރާތެއްގެ މަސައްކަތެއް ކޮޕީކޮށްފައިނުވާ އޮރިޖިނަލް ލޯގޯ އަކަށްވުން.
• ލޯގޯ ވާންވާނީ ސްކޭލަބަލް ލޯގޯއަކަށް (ވީޑިއޯއެއް ނުވަތަ ފޮޓޯއެއްގައި ވޯޓަރމާކްއެއްގެ ގޮތުގައި ނުވަތަ ގްރެފިކްސްއެއްގައި ބޭނުންކުރާއިރު އަސްލު ގެއްލިގެން ނުވާނެ).
• އެނިމޭޓްކުރެވޭނެ ގޮތަށް ލޭޔަރ ތައް ވަކިކުރެވިފައި ހުރުން.
• އެނިމޭޓް ކުރެވިފައިވާ ލޯގޯ ހުށައަޅާފަރާތްތަކަށް އިސްކަންދެވޭނެއެވެ.

އެންޓްރީ ފޯމް އަދި ލޯގޯ ސްބަމިޝަން ލިންކް: https://forms.gle/by8VAzfT1w4hLsfn7 

މުބާރާތުގެ ޤަވާއިދު މި އިއުލާންއާއިއެކު އެއްކަރުދާސްކުރެވިފައިވާނެއެވެ. އިތުރު މަޢުލޫމާތު ސާފުކުރުމަށް ބޭނުންފުޅުވާނަމަ، ރަސްމީ ބަންދު ނޫން ކޮންމެ ދުވަހެއްގެ 14:00 ގެ ކުރިން 6527196 އާއި ގުޅުއްވައިގެން ކުރިއަށްގެންދެވުން އެދެމެވެ.