ތިލަދުންމަތީ އުތުރުބުރީ އަތޮޅު ކައުންސިލުން މަސްވެރިކަމާއި، ފަތުރުވެރިކަމުގެ ދާއިރާގައި މަސައްކަތް ކުރައްވާ ޒުވާނުންނަށް އަމާޒުކޮށްގެން ޕަޑީ ސެޓިފައިޑް ޑައިވިންގ ކޯހެއް ކުރިއަށް ގެންދިއުމަށް ވަނީ ހަމަޖެހިފައެވެ. މި ކޯސް ކުރިއަށް ގެންދިއުމަށް ހަމަޖެހިފައިވަނީ 2024 ފެބްރުވަރީ 15 އާއި 6 މާރިޗް އާއި ދެމެދު ހއ އަތޮޅުގައެވެ. ކޯހުގައި ބައިވެރިވާ ފަރާތްތަކުގެ އަތުން ޑިޕޮސިޓް ފައިސާގެ ގޮތުގައި -/500 (ފަސް ސަތޭކަރުފިޔާ) ނެގުމަށް ހަމަޖެހިފައިވެއެވެ. އަދި ކޯސް ފުރިހަމަ ކުރުމުން މި ފައިސާ އަނބުރާ ދެވޭނެއެވެ.

          މި ކޯހުގައި ބައިވެރިވުމަށް ކޮންމެ ރަށަކަށްވެސް 2 ފުރުޞަތު ދޭ ގޮތަށް ވަނީ ހަމަޖެހިފައެވެ. އެއީ މަސްވެރިކަމުގެ ދާއިރާއަށް 1 ފުރުޞަތު އަދި ފަތުރުވެރިކަމުގެ ދާއިރާއަށް 1 ފުރުޞަތެވެ. ބައިވެރިންގެ އެކޮމެޑޭޝަން އަދި ކެއުން ހަމަޖައްސައި ދެއްވަނީ އަތޮޅު ކައުންސިލުންނެވެ. އަދި ދަތުރު ހަމަޖައްސައިދެނީ އެރަށެއްގެ ރަށު ކައުންސިލުންނެވެ. ކޮންމެ ރަށަކަށްވެސް ހުޅުވާލާފައިވަނީ، 2 ޖާގަކަމުން ފޯމް ހުށައަޅާ ފަރާތްތަކުގެ ތެރެއިން ކޯހުގައި ބައިވެރިވުމަށް ހޮވޭ ފަރާތެއް ކަނޑައަޅާނީ ގުރުއަތު ލައިގެންނެވެ.

           ވީމާ، ދެންނެވުނު ކޯހުގައި ބައިވެރިވުމަށް ޝައުގުވެރިވާ ފަރާތްތަކުން 2024 ފެބްރުވަރީ 7 ވާ ބުދަ ދުވަހުގެ 12:00 ގެ ކުރިން ފޯމް މި ކައުންސިލަށް ހުށައެޅުމަށް ދަންނަވަމެވެ. ބައިވެރިވުމަށް އެދޭ ފޯމް މި އިދާރާގެ ކައުންޓަރުން ލިބެން ހުންނާނެއެވެ.

               ވީމާ، މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.

20 ރަޖަބް  1445