މަޤާމު:

އެސިސްޓެންޓް މެއިންޓެނަންސް އޮފިސަރ

ބޭނުންވާ އަދަދު:

1 (އެކެއް)

ސެކްޝަން:

ކޯޕަރޭޓް އެފެއާޒް

މަޤާމު އޮތް އޮފީސް:

ޑިޕާޓްމަންޓް އޮފް ހެރިޓޭޖް/ ކ.މާލެ

ވަޒީފާ އަދާ ކުރަންޖެހޭ ތަން/ރަށް:

ޑިޕާޓްމަންޓް އޮފް ހެރިޓޭޖް/ ކ.މާލެ

ޝަރުޠު:

• ސާނަވީ އިމްތިޙާނަކުން ދެ މާއްދާއިން ދަށްވެގެން "ޑީ" ގްރޭޑް ލިބިފައިވުމާއެކު، އޭގެ އިތުރުން ސެކަންޑްރީ ސްކޫލް ސެޓްފިކެޓް އިމްތިޙާނުގައި ''ދިވެހި'' މި މާއްދާއިން ދަށްވެގެން ''ސީ'' ލިބިފައިވުން. ނުވަތަ،

• މަޤާމުގެ މަސައްކަތާ ގުޅޭ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 4 ނުވަތަ 3 ގެ ސަނަދެއް ހާސިލުކޮށްފައިވުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• މަޤާމުގެ މަސައްކަތްކުރުމުގެ ހުނަރާއި ޤާބިލުކަން އިންޓަރވިއު އަދި ޕްރެކްޓިކަލްގައި ސާބިތުކޮށްދިނުން.
• ދިވެހި އަދި އިނގިރޭސި ބަހުން ފަރިތަކޮށް ވާހަކަދައްކަން އެނގުން.
• ކޮމްޕިއުޓަރުގެ އެކި ޕްރޮގްރާމްތަކަށް އަހުލުވެރިވުން (ޚާއްސަކޮށް އެކްސެލްއާއި ވަރޑް ޕްރޮގްރާމަށް އަހުލުވެރިވުން)
• މެއިންޓެނަންސް މަސައްކަތަށް ޝައުޤުވެރިކަން ހުރުން.

ކުރަންޖެހޭ މަސައްކަތް:

• ނޭޝަނަލް މިއުޒިއަމްގެ އިމާރާތުގެ މެއިންޓެނަންސްގެ މަސައްކަތް ދުވަހުން ދުވަހަށް ބެލެހެއްޓުން.
• ނޭޝަނަލް މިއުޒިއަމްގެ އިމާރާތަށާއި އިމާރާތުގައި ހަރުކޮށްފައިވާ ތަކެއްޗަށް އެއްވެސް ކަހަލަ ގެއްލުމެއް ލިބިފައިވޭތޯ ދުވަހުން ދުވަހަށް ބަލައި ލިބޭ ގެއްލުންތައް ރަނގަޅުކުރުމަށް މަސައްކަތްކުރުން.
• ނެޝަނަލް މިއުޒިއަމްގެ އިމާރާތުގެ ސާފުތާހިރުކަން ބަލަހައްޓައި ސާފުކުރުމާ ޙަވާލުވެފައިވާ ފަރާތްތަކުގެ މަސައްކަތްތައް ސުޕަވައިޒްކުރުން.
• ނޭޝަނަލް މިއުޒިއަމްގެ އިމާރާތާއި ގޯތިތެރޭގެ ސެކިއުރިޓީގެ އިންތިޒާމްތައް ހަމަޖެހިފައިވާގޮތް ކުރިޔަށްދާގޮތް ބަލައި ރަނގަޅު ކުރަންޖެހޭ ކަންތައްތައް ފާހަގަކޮށް ވެރިންގެ މަޝްވަރާގެމަތީން އެކަންކަން ރަނގަޅު ކުރުވުން.
• އިމާރާތުގެ ފެނާއި، ކަރަންޓާއި ނަރުދަމާގެ ނިޒާމަށް ދިމާވާ މައްސަލަތައް ދެނެގަނެ އިސްވެރިންނާއި ކަމާބެހޭ ފަރާތްތަކުގެ އިރުޝާދުގެމަތީން އެކަމެއް ރަނގަޅުކުރުމަށް މަސައްކަތްކުރުން.
• މަރާމާތުގެ މަސައްކަތްތަކާ ގުޅިގެން ބަލަހައްޓަންޖެހޭ އެހެނިހެން މަސައްކަތްތަކާއި ގުޅޭގޮތުން ހަދާ މަސައްކަތްތަކުގެ އެއްބަސްވުންތައް ބަލަހައްޓައި އެކަމާގުޅޭ އެންމެހާ މަސައްކަތްތައް ކުރުން.
• އެކި ފަރާތްތަކާ ހަވާލުކޮށްގެން ކުރެވޭ މަރާމާތުގެ މަސައްކަތް ކުރިޔަށްދާގޮތް ބެލުމާއި އެކުރާ  މަސައްކަތްތަކުގެ ފުރިހަމަ ތަފްސީލު ލިޔުންތައް ތައްޔާރުކުރުން.

މުސާރަ:

މަސައްކަތް ކުރާ ކޮންމެ ގަޑިއިރަކަށް 84 ރުފިޔާ (ވޭޖް އެމްޕްލޯއިމަންޓްގެ ދަށުން)

މަސައްކަތްކުރާ ވަގުތު:

އާންމުކޮށް މަސައްކަތް ކުރުމަށް ހަމަޖެހިފައިވަނީ ރަސްމީ މަސައްކަތު ދުވަސް ދުވަހު 8:00 ން 11:30 އަށް

މީގެ އިތުރުން ހަފުތާ ބަންދުގައި މަސައްކަތް ކުރާ ގޮތަށް ހަމަޖައްސާ ދުވަސް ދުވަހު މަސައްކަތަށް ނިކުންނަން ވާނެއެވެ.

• ފުރިހަމަކޮށްފައިވާ ވަޒީފާއަށް އެދޭ ފޯމު (ވަޒީފާއަށް އެދޭ ފޯމު މި ޑިޕާޓްމަންޓްގެ ކައުންޓަރުން ލިބެން ހުންނާނެ އަދި ފޯމުގެ ސޮފްޓް ކޮޕީއެއް ބޭނުންވާ ފަރާތްތަކަށް އެކަމަށް އެދި [email protected] އަށް މެއިލްކުރުމުން ފޯމު ފޮނުވައިދެވޭނެ).
• އެކްރެޑިޓްކުރެވިފައިވާ ތަޢުލީމީ ސެޓްފިކެޓްތަކުގެ ކޮޕީ.
• ކޯހެއްގެ ސެޓްފިކެޓް ލިބިފައިނުވާނަމަ ކޯސް ހެދި ތަނަކުން ކޯސް ނިންމިކަމުގެ ލިޔުމާއި މޯލްޑިވްސް ކޮލިފިކޭޝަން އޮތޯރިޓީން އެކޯހެއް އެކްރެޑިޓް ކުރެވޭ ލެވަލް ބަޔާންކޮށްދޭ ލިޔުން.
• ވަޒީފާގެ ދާއިރާއާ ގުޅުންހުރި ތަމްރީނެއް ފުރިހަމަކޮށްފައިވާނަމަ އެކަމުގެ ލިޔުން.
• ވަޒީފާއެއްގައި އުޅެފައިވާ ފަރާތެއްނަމަ އަދާކުރި ވަޒީފާގެ މަސްއޫލިއްޔަތު އެނގޭނޭ ރަސްމީ ލިޔުމެއް މުއްދަތާއެކު (ވަޒީފާ އަދާކުރަން ފެށި އަދި ވަކިވި ދުވަސް/މަސް/އަހަރު ސާފުވާނެގޮތަށް)
• މުއްދަތު ހަމަނުވާ ކާކުކަން އަންގައިދޭ ކާޑުގެ ދެފުށް ފެންނާނޭ ލިޔެފައިވާ ލިޔުންތައް ކިޔަން އެނގޭ ފަދަ ކޮޕީ.
• ވަޒީފާއަށް ކުރިމަތިލާ ފަރާތުގެ ވަނަވަރު (ވަޒީފާއަށް އެދޭ ފޯމާއެކު އެޓޭޗްކޮށްފައިވާ ނަމޫނާއާ އެއްގޮތަށް ނުވަތަ ނަމޫނާގައިވާ މަޢުލޫމާތު ހިމަނައިގެން ތައްޔާރުކޮށްފައިވާ)
• ސިވިލް ސަރވިސްގެ ވަޒީފާއަށް އެދި ހުށަހަޅާ ލިޔުންތައް ލިބުނުކަން ކަށަވަރުކުރާ ފޯމު (މި ފޯމު ވަޒީފާއަށް އެދޭ ފޯމާއެކު ލިބެން ހުންނާނެ)