މި ސްކޫލުގެ ފާހާނަ ނިޒާމް މިރަށުގައި ގާއިމް ކޮށްދީފައިވާ ނަރުދަމާ ނިޒާމާ ގުޅާލުމުގެ މަސައްކަތް  (ޕްރޮޖެކްޓް ނަންބަރު: 2023/03)

ބީލަން ހުށައެޅުމުގެ ދަޢުވަތު

1. މި ސްކޫލުގެ ނަންބަރު (IUL-G)GS113/2023/031 (06 ޑިސެންބަރު 2023) އިޢުލާނާ ގުޅިގެން 3 ފަރާތުން ބިޑު ހުށަހެޅުމަށް ޝައުޤުވެރިކަން ފާޅުކޮށްފައި ނުވާތީ، އަލުން އިޢުލާން ކުރަމެވެ.
2. މި ސްކޫލުގެ ފާހާނަ ނިޒާމް މިރަށުގައި ގާއިމް ކޮށްދީފައިވާ ނަރުދަމާ ނިޒާމާ ގުޅާލުމުގެ މަސައްކަތް އަމިއްލަ ތަކެތީގައި ކޮންދޭނެ ފަރާތެއް ހޯދުމަށް ބިޑު ހުށަހެޅުމުގެ ފުރުސަތު ހުޅުވާލަމެވެ.
3. ކުރަންޖެހޭ މަސައްކަތް:
4. 125 ފޫޓް ހޮޅިވަޅުލުން – 4" ހޮޅި
5. ކޮންކްރިޓް އަޅައި ޖަންގުޝަން ހެދުން   - 2 ޖަންގުޝަން
6. ސްކޫލުގެ ނަރުދަމާ ހޮޅިތައް ނަރުދަމާ ނިޒާމާއި ގުޅުވާލުން.
7. ބީލަމުގައި ބައިވެރިވެވޭނީ، އެ ކަމަށް އެދި ރަޖިސްޓްރީވާ ފަރާތްތަކަށް އެކަންޏެވެ. ރަޖިސްޓްރީކުރުމަށް ހުށަހަޅާނީ 2023 ޑިސެންބަރު 21 ވާ ބުރާސްފަތި ދުވަހުގެ 13:00ގެ ކުރިން، ބިޑް ރަޖިސްޓްރޭޝަން ފޯމް ފުރިހަމަ ކޮށްގެންނެވެ. ބިޑް ރަޖިސްޓްރޭޝަން ފޯމް އިޢުލާނާއި އެކު އެޓޭޗު ކުރެވިފައި އެވަނީއެވެ. އަދި ސްކޫލް އިދާރާއިންވެސް ބިޑް ރަޖިސްޓްރޭޝަން ފޯމް ލިބެން ހުންނާނެއެވެ.
8. މިބީލަމާއި ގުޅޭ މަޢުލޫމާތު ކަރުދާހާއި، މަޢުލޫމާތު ކަރުދާހުގެ ޖަދުވަލުތައް އަދި އަންދާސީ ހިސާބު ހުށައަޅާ ފޯމު ބީލަމުގައި ރަޖިސްޓްރީވެލައްވާ ފަރާތްތަކަށް ސްކޫލް އިދާރާއިން ދޫކުރެވޭނެއެވެ.
9. ބީލަން ބަލައިގަތުން އަދި ހުޅުވުން އޮންނާނީ 28 ޑިސެންބަރު 2023ވާ ބުރާސްފަތި ދުވަހުގެ 13:00ގައި މި ސްކޫލުގައިއެވެ. ބީލަންތައް ހުންނަންވާނީ ސިޓީ އުރައެއްގައި ބަންދުކުރެވިފައެވެ. ސިޓީއުރައިގެ ބޭރުގައި ހުށަހަޅާ ފަރާތުގެ ނަމާއި، އިޢުލާން/ޕްރޮޖެކްޓް ނަންބަރާއި، ކޮންކަމަކަށް ހުށަހެޅޭ އަންދާސީހިސާބެއްކަން ލިޔެވިފައި އޮންނަންވާނެއެވެ.
10. ހުށައަޅާ ބީލަންތައް ވަޒަންކުރާނޭ މިންގަނޑާއި ބީލަމާއިއެކު ހުށައަޅަންޖެހޭ ތަކެތީގެ ތަފްޞީލު ބީލަމާއި ގުޅޭ މަޢުލޫމާތު ކަރުދާހުގައި ހިމެނިފައިވާނެއެވެ.
11. އިތުރު މަޢުލޫމާތު ތިރީގައިވާ އެޑްރެހުން ލިބިވަޑައިގަންނަވާނެއެވެ.                             

ކުޑަފަރީ ސްކޫލް ވައިލެޓްމަގު، ނ.ކުޑަފަރި، ދިވެހިރާއްޖެ.

  ފޯން:       6561802

  އީމެއިލް:     [email protected]