ދިވެހިރާއްޖެ
`
`
މާޅޮސްމަޑުލު އުތުރުބުރީ ދުވާފަރު ކައުންސިލްގެ އިދާރާ
ރ. ދުވާފަރު، ދިވެހިރާއްޖެ ނަމްބަރ: (IUL)304-EDS/304/2023/164
އިޢުލާން
ޕްރޮޕޯސަލް ހުށަހެޅުމުގެ ފުރުޞަތު ހުޅުވާލުން:
2024 ވަނަ އަހަރު ބޭއްވުމަށް ހަމަޖައްސާފައިވާ ގޯލްޑެން ފުޓުސަލް ޗެލެންޖް މުބާރާތުގައި ދުވާފަރު ތަމްސީލް ކުރުމަށް ދުވާފަރުން ފުޓުސަލްޓީމެއްވަނީ ބައިވެރިކޮށްފައެވެ. އެ މުބާރާތުގައި ތަމްސީލްކުރާ ޓީމަށް ކުރަންޖެހޭ ހުރިހާ ޚަރަދެއް ކުރުމަށް ހަމަޖެހިފައިވަނީ ދުވާފަރު ކައުންސިލުންނެވެ.
މި ކައުންސިލުން ޤަސްދު ކުރަނީ މި މުބާރާތުގައި ދުވާފަރު ތަމްސީލުކުރާ ޓީމުގެ އެންމެހައި ކަންކަން ރާވައި ހިންގުމަށް މި ރަށުގައި ރަޖިސްޓްރީކޮށްގެން ހިންގާ ކުލަބް ޖަމްޢިއްޔާއެއް މެދުވެރިކޮށް ވީހާވެސް ރަނގަޅަށް ދެފުށް ފެންނަގޮތަށް ކުރިއަށް ގެންދިއުމަށެވެ. އެހެންކަމުން ތިރީގައިމިވާ ޕޮއިންޓްތަކަށް ރިޢާޔަތްކޮށް މިކަމަށް ޝައުޤުވެރިވާ މިރަށުގެ ނަމުގައި ރަޖިސްޓްރީ ކޮށްފައިވާ ކުލަބް ޖަމްޢިއްޔާތަކަށް ޕްރޮޕޯސަލް ހުށަހެޅުމުގެ ފުރުޞަތު ހުޅުވާލުމަށެވެ.
ވީމާ، މިކަމަށް ޝައުޤުވެރިވާ ފަރާތްތަކުން މިހިނގާ ނޮވެމްބަރ މަހުގެ 29 ވަނަ ދުވަހުގެ ކުރިން ޕްރޮޕޯސަލް ތައްޔާރުކޮށް މި އިދާރާއަށް ހުށަހަޅުމަށް ހުޅުވާލައި ޢާއްމުކޮށް އިޢްލާނު ކުރީމެވެ.
ޕްރޮޕޯސަލްގައި ހިމަނަންޖެހޭ މައިގަނޑު ބައިތައް:
- މި މުބާރާތަކީ މާލޭގައި ބާއްވާ މުބާރާތެއް ކަމުން މި މުބާރާތުގައި ދުވާފަރުގެ ހުރިހާ ޒުވާނުންނަށް ބައިވެރިވުމުގެ ފުރުޞަތު ހުޅުވާލުން
- މުބާރާތަށް ތަޖުރިބާހުރި ރަނގަޅު ކޯޗެއް ނެގުމަށްފަހު، ކޯޗުގެ ބެލުމުގެ ދަށުން ޓީމް އެކުލަވައިލުން
- ކޯޗްވާންވާނީ ކޯޗް ކަމުގެ ލައިސަންސް ލިބިފައިވާ ފަރާތަކަށެވެ. އަދި އެ ފަރާތުގެ ވަނަވަރު މި ކައުންސިލަށް ޙިއްސާ ކުރަންވާނެއެވެ.
- މި މުބާރާތް ކުޅުމަށް ޓަކައި ޓީމަށް ހޯދަންޖެހޭ ހުރިހާ އެއްޗެއް ހޯދުމަކީ ޙަވާލުވާ ޖަމްޢިއްޔާއެއްގެ ޒިންމާއެކެވެ. ޕްރޮޕޯސަލްގައި މިކަމަށް ހިނގާނެ ޚަރަދު ހިމަނަން ވާނެއެވެ.
- މުބާރާތްނިމޭތާ ގިނަވެގެން އެއް މަސްދުވާހުގެ ތެރޭގައި މުބާރާތުގެ ކަންކަން ހިނގާދިޔަ ގޮތުގެ ރިޕޯޓް ހުށަހަޅަން ވާނެއެވެ. މި ރިޕޯޓުގައި ފައިސާ ޚަރަދުކުރި ގޮތުގެ ތަފްސީލް ހިމަނަންވާނެއެވެ.
- މުބާރާތުގައި ބޭނުން ކުރުމަށް ގަތް ތަކެތީގެ ތެރޭގައި ހިމެނޭ ބޭނުން ކުރެވިދާނެފަދަ ތަކެތި (މިސާލަކަށް ބޯޅަ، ކޫލްބޮކްސް، ޕްރެކްޓިހަށް ބޭނުން ކުރާނެފަދަ ތަކެތި) ގަނެފައިވާނަމަ އެ ތަކެތި އަނބުރާ ކައުންސިލަށް ޙަވާލު ކުރުން
- މުބާރާތަކީ އެކި ސްޓޭޖްތަކަށް ކުޅެވޭ މުބާރާތެއް ކަމުން މުޅި މުބާރާތަށް ހިނގާނެ އަގު ހަދަންވާނީ ކޮންމެ ސްޓޭޖަކަށް ވަކިންނެވެ. އަދި ފައިސާ ދޫކުރާނީވެސް ކޮންމެ ސްޓޭޖަކަށް ވަކިންނެވެ.
- ކުޅިވަރުގެ ރޫހާއި އެއްގޮތަށް ރަށަށް ރީތިނަން ހޯދައި ދިނުމަށް ގަދައަޅައި މަސައްކަތް ކުރަންވާނެއެވެ. މި ކަމުގައި ސަޕޯޓަރުންގެ އެއްބާރުލުން ބޭނުންވާނެ ކަމަށް ބަލައި އެކަމަށް ރިޢާޔަތް ކުރުން
- މުބާރާތުގެ ޕްރެކްޓިސްއިން ފެށިގެން ޓީމު މުބާރާތުގައި ދަތުރުކުރާ އެންމެ ފަހުގެ ސްޓޭޖާއި ހަމައަށް ޢާއްމުންނަށް ފެންނާނެހެން ސޯޝަލް މީޑިއާގައި ޢާއްމު ކުރަންވާނެއެވެ. އަދި ޢާއްމު ކުރާ ކޮންމެ ޕޯސްޓެއް ކައުންސިލަށް ޓެގް ކުރަންވާނެއެވެ.
07 ޖުމާދަލްއޫލާ 1445
21 ނޮވެމްބަރ 2023
އިޒްމީލް އަޙްމަދު
ދުވާފަރު ކައުންސިލްގެ ނާއިބު ރައީސް