ދިވެހިރާއްޖެ
ކައުންސިލުން އެއްއަހަރު ދުވަހަށް ކުއްޔަށް ދޫކޮށްފައިވާ ބިންތައް 31 މެއި 2023 ވަނަ ދުވަހު ކައުންސިލްގެ 4 ވަނަ ދައުރުގެ 103 ވަނަ ޢާންމު ބައްދަލުވުމުން ފާސްކޮށްފައިވާ ކުލީ ބިންތަކުގެ ކެޓަގަރީގެ އިޞްލާހާއި އެއްގޮތްވާ ގޮތުގެ މަތިން ދިގުމުއްދަތަށް އެފަދަ ބިންތައް ކޮންޓްރެކްޓްކުރުމަށް ބޭނުންވާ ފަރާތްތަކަށް ތިރީގައިވާ އުޞޫލުގެ މަތިން ކޮންޓްރެކްޓް ބަދަލުކުރުގެ ފުރުޞަތު ޢާންމުކޮށް ހުޅުވާލަމެވެ.
- ބަދަލުކުރުމަށް އެދޭ ބިމުގެ މުއާމަލާތުގައި ކައުންސިލަށް ދައްކަންޖެހޭ އެއްވެސް ފައިސާއެއް ނެތުން.
- ކައުންސިލާއިއެކު ކޮންޓްރެކްޓްކޮށްފައިވާ ބިން ކުއްޔަށް ނަގާފައިވާ މަޤްޞަދާއި އެއްގޮތަށް ޚިދުމަތް ދެމުންގެންދާ ފަރާތެއްކަމުގައިވުން ނުވަތަ،
- ކުއްޔަށް ނަގާފައިވާ ބިމުގައި އެބާވަތުގެ އަގުހުރި އިންވެސްޓްމަންޓެއް ކުރަމުންދާ ފަރާތެއް ކަމުގައިވުން.
އެހެންކަމުން، ދެންނެވުނު ކުރުމުއްދަތުގެ ކުލީ ބިންތައް ނަގާފައިވާ ފަރާތްތަކުން ދިގުމުއްދަތުގެ ކުލީ ބިމެއްގެގޮތުގައި ބަދަލުކުރުމަށް ބޭނުންވާ ފަރާތްތަކުން 2023 ނޮވެމްބަރ 23 ވާ ބުރާސްފަތި ދުވަހުގެ އޮފީސް ބަންދުވުމުގެ ކުރިން ސިޓީއަކުން ހަވާލާދީފައިވާ ކުލީ ބިންތަކުގެ ކެޓަގަރީއާއި ހަވާލާދީ ހުށަހެޅުމަށް ދެންނެވީމެވެ.
މިހެންވެ މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.
29 އޮކްޓޯބަރު 2023