1. މާލީ އިދާރާތަކާއި، ކުންފުނިތަކާއި މީގެ އިތުރުންވެސް ޑިރެކްޓަރު ހަވާލުކުރާ އޮޑިޓްތައް ޤާނޫނުގައި ބަޔާންކުރާ މުއްދަތުތަކަށް ޝާއިޢު ކުރުމަށްޓަކައި ކުރަންޖެހޭ އޮޑިޓް މަސައްކަތް ރާވައި ހިންގުން.
2. އޮޑިޓް ޕްލޭން ކުރުމުގެ އެންމެހާ މަސައްކަތް ކޯޑިނޭޓު ކުރުމާއި، އޮޑިޓް ޕްލޭން މުރާޖަޢާ ކުރުމާއި ފާސްކުރުމާއި، އޮޑިޓް ޕްލޭނަކީ ރިސްކް ބޭސްޑް އުޞޫލުން އެކުލަވާލެވިފައިވާ ޕްލޭނެއްތޯ ބެލުމާއި އަދި ޕްލޭނުގައި ހިމަނާފައިވާ މަސައްކަތަށް ބޭނުންވާ ވަގުތަކީ އެކަށީގެންވާ ވަގުތުތަކެއްތޯ ބެލުން.
3. އޮޑިޓްގެ ޢަމަލީ މަސައްކަތް (ފީލްޑް ވަރކް) ކޮށްފައިވަނީ އޮޑިޓް ޕްލޭނާއި އިންޓަރނޭޝަނަލް އޮޑިޓިން ސްޓޭންޑަޑް ތަކާއި އެއްގޮތްވާގޮތުގެ މަތިންތޯ ބެލުން.
4. ރައްޔިތުންގެ މަޖްލީހުގެ މާލިއްޔަތު ކޮމިޓީއަށް އޮޑިޓް ރިޕޯޓެއް ނުވަތަ އެހެންވެސް މަޢުލޫމާތެއް ހުށަހަޅަން ޖެހިއްޖެހިނދެއްގައި އެކޮމިޓީއަށް މަޢުލޫމާތު ދިނުމަށް ކޮމިޓީގެ ބައްދަލުވުންތަކުގައި ބައިވެރިވުން. އަދި ކޮމިޓީއާއި ހިއްސާކުރަންބޭނުންވާ ކަންތަކާއި ގުޅޭގޮތުން ތައްޔާރުކުރަންޖެހޭ ލިޔުންތައް ތައްޔާރުކުރުން.
5. އޮފީހުގެ ސްޓްރެޓެޖިކް އޮޑިޓް ޕްލޭން (ދުރު ރާސްތާ އޮޑިޓް ޕްލޭން) ތައްޔާރުކުރުމުގައި ބައިވެރިވުމުގެ ގޮތުން، އެކަރުދާހުގައި ހިމަނަންޖެހޭ އޮޑިޓް ކުރަންޖެހޭ ދާއިރާތަކާއި ބޮޑަށް ބަލަންޖެހޭ ކަންތައްތަކާއި އަދި އިސްކަންދޭންޖެހޭ ކަންކަން ހިއްސާކުރުން.
6. އޮފީހުން ބޭރުގެ ފަރާތްތަކާއިއެކު ބާއްވާ ބައްދަލުވުންތަކުގައި (ޕީއޭސީ، މިނިސްޓްރީ އޮފް ފިނޭންސް އަދި ސަރުކާރުގެ އެހެނިހެން މަޝްވަރާ ބައްދަލުވުންތައް ޝާމިލްވާގޮތަށް) އޮޑިޓަރ ޖެނެރަލްގެ އޮފީސް ތަމްޞީލުކުރުމާއި އަދި އެފަދަ ބައްދަލުވުންތަކަށް ބޭނުންވާ ފަންނީ އެހީތެރިކަން، އެފަދަ އެހީތެރިކަން ބޭނުންވެއްޖެ ހިނދެއްގައި ފޯރުކޮށްދިނުން.
7. އޮޑިޓް ރިޕޯޓުގައި ހިމަނާފައިވާ މައްސަލަތަކާއި ގުޅޭގޮތުން އެކަށީގެންވާ ހެއްކާއި ޤަރީނާ ހުރިކަން ޔަޤީންކުރުމާއި، އޮޑިޓްގެ މަސައްކަތު ކަރުދާސްތައް ތައްޔާރުކޮށްފައިވަނީ ރަގަޅަށްތޯ ބެލުން. މީގެ އިތުރުން އޮޑިޓްގެ މަސައްކަތު ކަރުދާހުގައި ހިމަނަންޖެހޭ މައްސަލަތަށް ވަތުގުތުން ވަތުގަށް އޮޑިޓް ކުރެވޭ މުއައްސަސާތަކާއި މަޝްވަރާކުރުން. އަދި އާއްމުގޮތެއްގައި، ހުރިހާ ސެކްޝަންތަކެއްގައިވެސް އޮޑިޓްގެ މަސައްކަތުގައި ދާއިމީ ގޮތެއްގައި ޓީމް މޭޓާއި އައިޑިއަރ އަދި އެހެނިހެން ޕްރޮގްރާމްތައް އޭގެ އެންމެ ފުރިހަމަ ގޮތުގައި ބޭނުން ކުރެވެމުންދޭތޯ ޔަޤީންކުރުން.