`

މިނިސްޓްރީ އޮފް ހޯމްއެފެއާޒް

     މާލެ، ދިވެހިރާއްޖެ                                            

އިޢުލާން

މި މިނިސްޓްރީގެ ދަށުން ކ.ހިންމަފުށިގައި ހިންގަމުން ގެންދާ ނޭޝަނަލް ރީ އިންޓަރގްރޭޝަން ސެންޓަރ (އެން.އާރް.ސީ) ގެ ލަކުޑި ދޮރުތައް އެލުމީނިއަމް ދޮރުކަންޏާއި ދޮރުފަތަށް ބަދަލުކުރުމަށް ބޭނުންވާތީ އަމިއްލަ ތަކެތީގައި މި މަސައްކަތް ކޮށްދެއްވާނެ ފަރާތެއް ހޯދުން

            މި މިނިސްޓްރީގެ ދަށުން ކ.ހިންމަފުށީގައި ހިންގަމުން ގެންދާ ނޭޝަނަލް ރީ އިންޓަރގްރޭޝަން ސެންޓަރ (އެން.އާރް.ސީ)ގެ ލަކުޑި ދޮރުތައް އެލުމީނިއަމް ދޮރުކަންޏާއި ދޮރުފަތަށް ބަދަލުކުރުމަށް ބޭނުންވާތީ އަމިއްލަ ތަކެތީގައި މިމަސައްކަތް ކޮށްދެއްވާނެ ފަރާތެއް ހޯދުމަށް ކުރި މި މިނިސްޓްރީގެ ނަންބަރު: (IUL)10-F/10/2023/122 (24 އޯގަސްޓް 2023) އިޢުލާނަށް އެކަށީގެންވާ ތަރުހީބެއް ލިބިފައި ނުވާތީ އެ އިޢުލާން ބާޠިލް ކޮށް އަލުން އެ ފުރުޞަތު ހުޅުވާލަމެވެ.

      ވީމާ، މި ބީލަމުގައި ބައިވެރިވެލައްވަން ޝައުގުވެރިވެލައްވާ ފަރާތްތަކުން 19 ސެޕްޓެންބަރު 2023 ވާ އަންގާރަ ދުވަހުގެ 10:00 ގެ ކުރިން މި އިޢުލާން ނަންބަރަށް ރިޢާޔަތްކޮށް މިނިސްޓްރީގެ [email protected]  އީ.މެއިލް އެޑްރެހަށް ކޮންޓެކްޓް ނަމާއި، އެޑްރެހާއި، ކޮންޓެކްޓް ނަންބަރު އަދި އީ.މެއިލް އެޑްރެސް ފޮނުއްވާ ރަޖިސްޓްރީ ކުރެއްވުން އެދެމެވެ. (ރަޖިސްޓްރީ ނުކުރައްވާ ފަރާތްތަކަށް އަންދާސީ ހިސާބު ހުށަހަޅުމުގެ ފުރުސަތު ނޯންނާނެ ވާހަކަ ދަންނަވަމެވެ.) މި މުއްދަތުގައި ރަޖިސްޓްރީ ކުރައްވާފައިވާ ފަރާތްތަކަށް މިބީލަމާއި ގުޅޭ މަޢޫލޫމާތު ކަރުދާސް އީމެއިލް މެދުވެރިކޮށް ފޮނުވޭނެ ވާހަކަ ދަންނަވަމެވެ. މި ބީލަމަށް ރަޖިސްޓްރީކުރައްވާ ފަރާތްތަކުން،  3 އޮކްޓޫބަރު 2023 ވާ އަންގާރަ ދުވަހުގެ 09:30 އަށް މިނިސްޓްރީ އޮފް ހޯމްއެފެއާޒް/ ވެލާނާގެ 10 ވަނަ ފަންގިފިލާއަށް ވަޑައިގެން އަންދާސީ ހިސާބު ހުށަހެޅުއްވުން އެދެމެވެ.