ކުރިން ކޮއްފައިވާ އިއުލާން، އިއުލާން ނަންބަރ: 60-ADM/2023/265  ބާތިލުކޮށް، އަލުން ކަޅިހި ދޯނި ނީލަމުގައި ވިއްކާލުމަށް އިއުލާންކުރަމެވެ.

•  ދޯނީގެ ތަފްޞީލް

ނީލަމުގެ ޝަރުތުތައް:

1. ނީލަން ފެށޭ އަގު:  2،000،000ރ ( ދެ މިލިއަން ރުފިޔާ).
2. ނީލަން ފެށޭއަގުގެ މައްޗަށް، ދޯނި ގަންނަން ހުށަހަޅާ ކޮންމެ އަގެއް، މަދުވެގެން 50000ރ ( ފަންސާސް ހާސް ރުފިޔާ) ހުށައަޅަން ވާނެއެވެ.
3. ނީލަމުގައި ބައިވެރިވުމަށް ޝައުގުވެރިވާ ފަރާތްތަކުން 5000ރ ( ފަސްހާސް ރުފިޔާ) ގެ ޑިޕޮސިޓް ފީއެއް ބަހައްޓަން ވާނެއެވެ. މިގޮތުން ނީލަމުގައި ބައިވެރިވުމަށް ޝައުގުވެރިވާ ފަރާތްތަކުން 2023 ސެޕްޓެމްބަރ 05 ވަނަ ދުވަހުގެ 12:00 ގެ ކުރިން [email protected]  އީމެއިލް މެދުވެރިކޮށް ނަން ހުށަހެޅުމުން ޑިޕޮސިޓް ފައިސާ ޖަމާކުރަންވީ އެކައުންޓް ގެ މައުލޫމާތު އީމެއިލް އިން ޙިއްސާކުރެވޭނެއެވެ.
4. ނީލަމުގައި ބައިވެރިވުމަށް ރަޖިސްޓަރ ވެފައިވާ ކަމުގައި ބެލެވޭނީ، ނީލަމުގައި ބައިވެރިވުމަށް ނަން ހުށަހަޅައި، ޑިޕޮސިޓް ފީ ދައްކާފައިވާ ފަރާތްތަކެވެ. މިގޮތުން، ނީލަމުގައި ރަޖިސްޓްރީވުމަށްޓަކައި، 2023 ސެޕްޓެމްބަރ 05 ވަނަ ދުވަހުގެ 16:00 ގެ ކުރިން، ޑިޕޮސިޓް ފައިސާ ޖަމާކުރިކަމުގެ ރަސީދާއި، ނީލަމުގައި ބައިވެރިވާ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް ހުށަހަޅަންވާނެއެވެ. ނީލަމުގައި ބައިވެރިވަނީ ޤާނޫނީ ޝަހުސަކުން ކަމުގައިވާނަމަ، ރަޖިސްޓްރޭޝަން ސެޓިފިކެޓުގެ ކޮޕީ އަދި އެފަރާތް ތަމްސީލުކުރާ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް ހުށަހަޅަންވާނެއެވެ. ނީލަން ކާމިޔާބު ނުކުރެވޭ ފަރާތްތަކަށް ޑިޕޮސިޓްގެ ގޮތުގައި ދައްކާފައިވާ ފައިސާ އަނބުރާ ރައްދުކުރެވޭނެއެވެ. ނަމަވެސް، ޑިޕޮސިޓް ފައިސާ ދެއްކުމަށްފަހު ހާޒިރުނުވާ ނުވަތަ ބައިވެރި ނުވާ ފަރާތްތަކުން ދައްކާފައިވާ ޑިޕޮސިޓް ފައިސާ އަނބުރާ ނުލިބޭނެއެވެ.
5. ނީލަމުގައި ބައިވެރިވުމަށް ރަޖިސްޓަރީކުރުމަށް އިމެއިލްކުރާނީ [email protected]  އަށެވެ. ގަޑި ޖެހުމަށްފަހު ލިބޭ އީމެއިލްތައް ބަލައިނުގަނެވޭނެ ކަމުގައި ދަންނަވަމެވެ.
6. ނީލަމުގައި ބައިވެރިވެ އަގު ހުށަހެޅޭނީ ހަމައެކަނި ރަޖިސްޓްރީކޮށް، ޑިޕޮސިޓް ފައިސާ ބަހައްޓާފައިވާ ފަރާތްތަކަށެވެ.
7.  ނީލަން ފެށެނީ 2023 ސެޕްޓެމްބަރ 07 ވަނަ ދުވަހުގެ 14:00 ގައި މިކުންފުނީގެ ހެޑުއޮފީހުގައި، ރަޖިސްޓަރީކޮށް، ހާޟިރުވި ފަރާތްތަކުގެ މެދުގައެވެ.
8. ނީލަން ކާމިޔާބުކުރި ފަރާތެއް ކަނޑައަޅާނީ، ނީލަން ކިޔަމުންދާއިރު އެންމެ ފަހުން ހުށަހަޅާފައިވާ އަގު ޖެހިޖެހިގެން 3 (ތިނެއް) ފަހަރު ތަކުރާރު ވުމުންނެވެ. މިގޮތުން، ނީލަން ކިޔަމުންދާއިރު އެންމެ ފަހުން ހުށަހަޅާފައިވާ އަގު 3 (ތިނެއް) ފަހަރު އިއުލާނުކުރެވޭނެއެވެ. އަދި މިގޮތަށް 3 (ތިނެއް) ފަހަރު އިއުލާނު ކުރާއިރު އިތުރު އަގެއް ހުށަހަޅާފައި ނުވާނަމަ، އެވަގުތަށް ހުށަހަޅާފައިވާ އެންމެ މަތީ އަގަށް ނީލަން ނިންމާލެވޭނެއެވެ.
9. ނީލަން ކާމިޔާބު ކުރާ ފަރާތް ވަގުތުން އިއުލާން ކުރެވޭނެއެވެ. އަދި ނީލަން ކާމިޔާބުކުރިކަމުގެ އެވޯޑު ނޮޓިފިކޭޝަނަކާއި ފައިސާ ދައްކަން އިންވޮއިސް ޙަވާލުކުރެވޭނެވެ. އިންވޮއިސް ޙަވާލުކުރާތާ ނުވަތަ ފޮނުވާތާ ރަސްމީ 3 (ތިނެއް) ދުވަހުގެ ތެރޭގައި އަގު އަދާކުރަންވާނެއެވެ. އަދި ފައިސާ މިކުންފުނީގެ ބޭންކް އެކައުންޓަށް ރިއަލައިޒްވާތާ 10 (ދިހައެއް) ދުވަހުގެ ތެރޭގައި ދޯނި ޙަވާލުކުރެވޭނެއެވެ.
10. ނީލަން ކާމިޔާބުކުރާ ފަރާތަށް ފައިސާ ދެއްކުމަށް ދެވޭ މުއްދަތުގައި ފައިސާ ދައްކައި ޚަލާސްކޮށްފައި ނުވާނަމަ، ނީލަން އެވޯޑު ނޮޓިފިކޭޝަން ބާޠިލްކުރުމުގެ އިޚްތިޔާރު މިކުންފުންޏަށް ލިބިގެންވެއެވެ.
11. އެންމެ މަތިން އަގު ހުށަހެޅި ފަރާތަށް ދީފައިވާ މުއްދަތުގައި ފައިސާ ނުދެއްކިއްޖެނަމަ، ދެވަނައަށް އަދި ތިންވަނައަށް ދިޔަ ފަރާތަށް (ތަރުތީބުން) ފުރުސަތު ދިނުމުގެ އިޚްތިޔާރު މިކުންފުންޏަށް ލިބިގެންވެއެވެ. މިގޮތަށް ފުރުސަތު ދޭއިރު، ފައިސާ ނުދައްކާ (ޑީފޯލްޓް ވާ) ފަރާތް އުނިކުރެވޭނެއެވެ.
12. މި އިއުލާނުގެ 11 ވަނަ ނަންބަރުގައި އެފަދައިން ބަޔާންކޮށްފައިވީ ނަމަވެސް އެންމެ މަތީ އަގު ހުށަހަޅައިގެން ނީލަން ކާމިޔާބުކުރާ ފަރާތުން ނުވަތަ އެފަރާތުން ފައިސާ ނުދައްކާ ހާލަތެއްގައި، ދެވަނައަށް ނުވަތަ ތިންވަނައަށް މަތިން އަގު ހުށަހެޅި ފަރާތަކުން  އަގު އަދާކުރުމަށް ދެވޭ މުއްދަތުގައި އަގު އަދާނުކޮށްފިނަމަ މުޅި ނީލަން ޕްރޮސެސް ބާތިލްކުރުމުގެ އިޚްތިޔާރު މިކުންފުންޏަށް ލިބިގެންވެއެވެ.
13. ފައިސާ ދައްކައި ޚަލާސްކުރުމަށްފަހު، ދޯންޏާ ޙަވާލުވުމަށް މިކުންފުނިން އަންގާތާ 5 (ފަހެއް) ދުވަހުގެ (ބަންދު ދުވަސްތައް ހިމެނޭގޮތަށް) ތެރޭގައި ދޯންޏާ ޙަވާލުނުވެއްޖެނަމަ، އެވޯޑު ނޮޓިފިކޭޝަން ކެންސަލްކުރުމުގެ އިޚްތިޔާރު މިކުންފުންޏަށް ލިބިގެންވެއެވެ. އަދި މިފަދައިން އެވޯޑު ނޮޓިފިކޭޝަން ކެންސަލް ކޮށްފިނަމަ، ނީލަމުގެ އަގުގެ ގޮތުގައި ދައްކާފައިވާ ފައިސާގެ 10% އަދި ނީލަމުގައި ބައިވެރިވުމަށް ދައްކާފައިވާ ޑިޕޮސިޓް ފައިސާ އަނބުރާ ނުލިބޭނެ ކަމުގައި ދަންނަވަމެވެ. އަދި މިފަދައިން ޢަމަލުކުރާ ފަރާތްތަކުން މިކުންފުނިން މުސްތަގުބަލުގައި ބާއްވާ ނީލަން ތަކުގައި ބައިވެރި ނުވެވޭނެ ކަމުގައިވެސް ދަންނަވަމެވެ.