ވަޒީފާގެ ފުރުޞަތު

މަޤާމް:                   އެޑިޔުކޭޝަން ޑިވެލޮޕްމަންޓް އޮފިސަރ

ބޭނުންވާ އަދަދު:              01

ވަޒީފާއޮތް އޮފީސް:             މިނިސްޓްރީ އޮފް އެޑިޔުކޭޝަން

ގިންތި:                   ދާއިމީ

ވަޒީފާ އަދާކުރާ ސެކްޝަނާއި ތަން:   ސްކޫލް އެޑްމިނިސްޓްރޭޓިވް ޑިވިޜަން، މާލެ ސިޓީ ޔުނިޓް، މިނިސްޓްރީ އޮފް އެޑިޔުކޭޝަން / މާލެ                      

ވަޒީފާގައި ކުރަންޖެހޭ މައިގަޑު މަސައްކަތްތައް:

- އުނގަންނައިދިނުމުގެ ޙަރަކާތްތައް ސްކޫލުތަކުގައި ހިންގަނީ ތާވަލުކޮށްގެންތޯ ބެލުން.

- ޓީޗަރުންނާއި މުވައްޒަފުންގެ ފެންވަރު މަތިކުރުމަށް ޕްރޮފެޝަނަލް ޑިވެލޮޕްމަންޓް ޙަރަކާތްތައް ގަވާއިދުން ހިންގާތޯ ކަށަވަރު ކުރުން.

- ސްކޫލުން ނިންމާ ނިންމުންތައް ދަރިވަރުންގެ ލާބައާއި މަންފާއަށް އަމާޒުކޮށްފައި ހުންނަ މިންވަރު ދެނެގަތުން.

- ސްކޫލްގެ ވިޝަން، މިޝަން، ސްކޫލުން ދެކޭގޮތް އަދި ފިލޯސަފީ އެކަށައަޅައި އެކުލަވައިލައި ޢަންމު ކޮށްފައިވޭތޯ ބެލުން.

- ރަނގަޅު ފެންވަރެއްގައި އުނގެނުމަށާއި އުނގަންނައި ދިނުމަށް މަގުފަހިކޮށް ދިނުމާއި ފަންނީ ގޮތުން އެހީތެރިކަން ފޯރުކޮށްދީ ދަރިވަރުންގެ ފެންވަރު މަތިކުރުމަށް ސްކޫލްގެވެރިން ބާރުއަޅާތޯ ބެލުން.

- ސްކޫލުބޯޑާއި ޕީ.ޓީ އޭ އެކުލަވައިލައި މިނިސްޓްރީ އޮފް އެޑިޔުކޭޝަންގެ އުސޫލާ އެއްގޮތްވާގޮތުގެ މަތިން ހިންގާތޯ ބެލުން.

- ސްކޫލްގެ ސްޓްރެޖެޓިކް ޕްލޭން ތައްޔާރުކޮށް ސްކޫލުގެ އެކްޓިވިޓީ ކަލަންޑަރ އެކުލަވައިލައި މޮނީޓަރ ކުރޭތޯ ބެލުން.

- ސީނިއަރ މެނޭޖްމަންޓްގެ މަސައްކަތްތައް ރާވައި ޙަވާލުކޮށްފައިވޭތޯ ބެލުން.

- ދަރިވަރުންނާއި ޓީޗަރުންގެ ކަންތައްތައް އެންމެ އެދެވޭގޮތަށް ކުރިއަށް ގެންދެވޭނޭހެން ސިޔާސަތުތައް އެކުލަވައިލައި ހިންގާތޯ ބެލުން.   

- ބެލެނިވެރިން ހޭލުންތެރި ކުރުމުގެ ޕްރޮގްރާމު ތާވަލު ކުރެވިގެން ހިންގާކަން ކަށަވަރުކުރުން.

- ތަޢުލީމީ ދާއިރާއިން ޢާންމުކުރާ އުސޫލުތަކާ އެއްގޮތަށް ޢަމަލުކުރޭތޯ ބެލުން.

- ސްކޫލުގެ މާޙައުލަކީ ދަރިވަރުންނަށް ރައްކާތެރިކަމާއި އަމާންކަން ލިބިގެންވާ މާޙައުލަކަށް ހެދުމަށް މަސައްކަތް ކުރޭތޯ ބެލުން.

- ބަރާބަރު ސްކޫލް އިންޑިކޭޓަރ ސްކޫލްގައި ތަންފީޛުކުރޭތޯ ބެލުން'

- އެސްކިޑުން ކުރައްވާ ސްޕަވިޝަންތަކުގައި ބައިވެރިވުން.

ޝަރުޠު:                                               

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލެވޭނެ ކަންތައް

ހ. ހާސިލުކޮށްފައިވާ ތަޢުލީމާއި، ތަމްރީނަށް ބަލައިގެން

ށ. މަސައްކަތުގެ ދާއިރާއިން ލިބިފައިވާ ތަޖުރިބާއަށް ބަލައިގެން.

ނ. ޤާބިލުކަން ކަށަވަރުކުރުމަށް އިންޓަރވިއު ކޮށްގެން.

ރ. މީގެ އިތުރުން ކޮމްޕިއުޓަރަށް އަހުލުވެރިވެފައިވާ މިންވަރު ބެލެވޭނެއެވެ.

އިންޓަރވިއު ކުރުން.

ހ. މި މަޤާމަށް މީހަކު ހޮވުމަށް އިންޓަރވިއު އޮންނާނީ 03 -  10 މާރިޗު 2015 އާ ދެމެދުގެ ތާރީޚެއްގައެވެ.

ށ. އިންޓަރވިއުއަށް ދެންނެވޭނީ ވަޒީފާއަށް ކުރިމަތިލާ ފަރާތްތައް ޝޯޓްލިސްޓް ކުރުމަށްފަހު އެފަރާތްތަކަށް އެކަންޏެވެ.

ހުށަހަޅަންޖެހޭ ލިޔުންތައް

ހ- ފުރިހަމަކޮށްފައިވާ އެޕްލިކޭޝަން ފޯމު (ސިވިލް ސަރވިސްގެ ވަޒީފާއަށް އެދޭ ފޯމު މި މިނިސްޓްރީގެ ކައުންޓަރުންނާއި، މި މިނިސްޓްރިގެ ވެބްސައިޓް  www.moe.gov.mvއިން ލިބިވަޑައިގަންނަވާނެއެވެ.)

ށ- ސިވިލް ސަރވިސް އަށް / ސަރުކާރަށް ޚިދުމަތް ކުރުމުގެ އެއްބަސްވުމެއް އޮތް މުވައްޒަފުން، ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިޢުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުމެއް.   

ނ- ލިބިފައިވާ ތަޢުލީމާއި ތަމްރީނު ދެނެގަތުމަށް ބޭނުންވާ ލިޔުންތަކާއި (މޯލްޑިވްސް ކޮލިފިކޭޝަންސް އޮތޯރިޓީން ފެންވަރު ބަލައި، ތައްގަނޑު ޖަހާފައިވާ ލިޔުމުގެ ކޮޕީ) އަދި މަސައްކަތުގެ ތަޖުރިބާ ދެނެގަތުމަށް، މަސައްކަތް ކޮށްފައިވާ އިދާރާތަކުން ދޫކޮށްފައިވާ ލިޔުންތައް

ރ- ވަޒީފާއަށް އެދޭފަރާތުގެ ދިވެހި ރައްޔިތެއްކަން އަންގައިދޭކާޑުގެ ދެފުށް ފެންނާނޭ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް

ކ- ވަޒީފާއަށް ކުރިމަތިލާ ފަރާތުގެ ވަނަވަރު / ސީ.ވީ (ގުޅޭނެ ނަންބަރާއެކު)

ތަކެތި ހުށަހަޅަންޖެހޭ އޮފީސް

މިވަޒީފާއަށް އެދި ހުށަހަޅަންޖެހޭ ތަކެތި ހުށަހަޅުއްވާނީ މިނިސްޓްރީ އޮފް އެޑިޔުކޭޝަން / ހ. ވެލާނާގެ (8 ވަނަ ފަންގިފިލާ) ކައުންޓަރަށް.

ތަކެތި ހުށަހެޅުމުގެ ސުންގަޑިއަކީ 2014 މާރިޗު 02 ވަނަ ދުވަހުގެ 14:30 ގެ ކުރިން.

ނޯޓް:  

މި އިޢުލާނާ ގުޅިގެން މި މަޤާމަށް ކުރިމަތިލާ ފަރާތްތަކުގެ ތެރެއިން ޝަރުޠުހަމަވާ ފަރާތްތައް އިންޓަރވިއު ކުރުމަށްފަހު އެންމެ މަތީ މާކްސް ލިބޭ، އަދި އެންމެ ޤާބިލުކަމަށް ފެންނަ ފަރާތަކަށް މިވަޒީފާ ހަމަޖައްސައި ދެވޭނެއެވެ. މި އިޢުލާނާ ގުޅިގެން އިތުރު މަޢުލޫމާތު ސާފުކުރައްވަން ބޭނުންފުޅުވެލައްވާ ފަރާތްތަކުން މި މިނިސްޓްރީގެ ނަންބަރު 3341418 ފޯނަށް ގުޅުއްވުން އެދެމެވެ.