ދިވެހިރާއްޖެ
އެވެއާރނެސް ތްރޫ މޮސްކް ޓުއަރ (އޭ.ޓީ.އެމް.ޓީ) ޕްރޮގްރާމްގައި މަސައްކަތްކުރުމަށް ވޮލަންޓިއަރުން ބޭނުންވެއްޖެ!
އިސްލާމީ މަރުކަޒަށް ޒިޔާރާތްކުރާ ފަތުރުވެރިންނަށް ކޮންމެ ދުވަހެއްގެ ހެނދުނު 9:00 ން ހަވީރު 4:00 އަށް އިސްލާމީ މަރުކަޒުދެއްކުމާއި މަރުކަޒުގައިވާ މިސްކިތް (މަސްޖިދު ސުލްޠާން މުޙައްމަދު ތަކުރުފާނުލް އައުޘަމް) ދެއްކުމުގެ މަސައްކަތުގައި ޙަރަކާތްތެރިވާނެ ވޮލަންޓިއަރުން ބޭނުންވެއްޖެއެވެ.
މަސައްކަތު ގަޑި:
މަސައްކަތްކުރުމަށް ހަމަޖެހިފައިވަނީ ދެ ދަންފަޅީގައެވެ. މިގޮތުން މި މަސައްކަތްކުރުމަށް އެދޭ ވޮލަންޓިއަރުން މަސައްކަތް ކުރުމަށް ހަމަޖެހިފައިވަނީ އެފަރާތަކުން އިޚsތިޔާރުކުރާ ދަންފަޅިއެއްގައެވެ. އަދި ވޮލަންޓިއަރުން މަސައްކަތްކުރުމަށް ބޭނުންވާ ދަންފަޅިއެއްގައި މަސައްކަތްކުރުމުގެ ފުރުޞަތު ވީވަރަކުން ދެވޭނެއެވެ.
- ފުރަތަމަ ދަންފަޅީ: ހެނދުނު 10:00 ން 13:00 އަށް
- ދެވަނަ ދަންފަޅި: މެންދުރުފަސް 13:00 ން 16:00 އަށް
ޝަރުޠު:
ވޮލަންޓިއަރުންގެ ގޮތުގައި މަސައްކަތްކުރުމަށް ކުރިމަތިލާ ފަރާތްތަކުގައި ތިރީގައިވާ ޝަރުޠުތައް ފުރިހަމަވާންވާނެއެވެ.
- ދިވެއްސަކު ކަމުގައިވުން
- 18 އަހަރު ފުރިފައިވުން
- އިނގިރޭސިބަހުން ފަރިތަކަމާއެކު ވާހަކަދައްކަން އެނގުން
- އޭ.ޓީއެމްޓީ ޕްރޮގްރާމްގެ ދަށުންކުރަންޖެހޭ މަސައްކަތްތަކަށް އެކަށީގެންވާ ވަގުތު ދެވޭނެ ފަރާތަކަށްވުން
ތަކެތި ހުށަހަޅަންޖެހޭ ތާރީޚު:
ވޮލަންޓިއަރެއްގެ ގޮތުން މަސައްކަތްކުރުމަށް އެދި ހުށަހަޅަންޖެހޭ ތަކެތި ހުށަހަޅުއްވާނީ މިނިސްޓްރީ އޮފް އިސްލާމިކް އެފެއާޒަށް.
މިކަމަށް އެދި ހުށަހަޅަންޖެހޭ ތަކެތި ހުށަހެޅުމުގެ ސުންގަޑިއަކީ 05 މާރިޗު 2015 ވާ ބުރާސްފަތި ދުވަހުގެ 14:00 ގެ ކުރިން.
މިކަމަށް އެދި ހުށަހަޅާ ފަރާތްތަކުން ހުށަހަޅަންޖެހޭ ތަކެތި:
- އެޕްލިކޭޝަން ފޯމު
- އައިޑީ ކާޑުގެ ކޮޕީ
- ޕާސްޕޯޓް ސައިޒުގެ ފޮޓޯއެއް
- ވަނަވަރު އަންގައިދޭ ލިޔުމެއް (ސީވީ)
- ސަޕޯޓިންގ ޑޮކިއުމަންޓްސް (އެޕްލިކޭޝަން ފޯމުގައި ބަޔާންކުރައްވާފައިވާ މަޢުލޫމާތުތައް ކަށަވަރުކޮށްދޭ ލިޔުންތައް)
- މިނޫންވެސް އެހެނިހެން ލިޔެކިޔުންތައް
އިންޓަވިއު ކުރުން
- އިނގިރޭސިބަހާއި ބޭރުގެ އެހެނިހެން ބަސްބަހުން ވާހަކަ ދައްކާ ފަރާތްތަކަށް އިސްކަންދީގެން ކުރެވޭ އިންޓަރވިއުއަކުން ހޮވޭ ފަރާތްތައް ވޮލަންޓިއަރުންގެ ގޮތުގައި ހަމަޖެއްސޭނެއެވެ.
- މި މަޤާމަށް ވޮލަންޓަރުން ހަމަޖެއްސުމަށް ބާއްވާ އިންޓަވިއު އޮންނާނީ 2015 މާރިޗު މަހުގެ ތެރޭގައި މިނިސްޓްރީ އޮފް އިސްލާމިކް އެފެއާޒްގައެވެ.
29 ރަބީޢުލްއާޚިރު 1436