މި އޮފީހުގެ ދެކުނު ފަޅީގެ ކުޑަދޮރުތަކުގައި ރޯލާ ބްލައިންޑްސް ހަރުކުމަށްޓަކައި ކުރެވުނު ނަންބަރު (IUL)32-A2-PR/1/2023/48 (25 ޖުލައި 2023) އިޢުލާނާއެކު އެރުވިފައިވާ މަޢުލޫމާތު ކަރުދާހުގައި އިދާރީ އޮޅުމެއް އޮތުމުގެ ސަބަބުން އެ އިޢުލާނު ބާޠިލުކޮށް އަލުން އިޢުލާނު ކުރަމެވެ.

ވީމާ، މިކަމަށް ޝައުޤުވެރިވެވަޑައިގަންނަވާ ފަރާތްތަކުން 15 އޮގަސްޓް 2023 ވާ އަންގާރަ ދުވަހުގެ 14:30 އަށް ވެލާނާގޭ 6 ވަނަ ފަންގިފިލާއަށް ވަޑައިގެން މަޢުލޫމާތު ސާފުކުރެއްވުމަށްފަހު 22 އޮގަސްޓް 2023 ވާ އަންގާރަ ދުވަހުގެ 11:00 އަށް އަންދާސީ ހިސާބު ހުށަހެޅުއްވުން އެދެމެވެ.

ބްލައިންޑްސް ހަރުކުރުމަށް ހަމަޖެހިފައިވާ ދޮރުސެޓުތަކުގެ މިން ނުގުމަށް ހަމަޖެހިފައިވަނީ މަޢުލޫމާތު ސެޝަން އޮންނަ ވަގުތުގައެވެ. ވީމާ، ހުރިހާ ފަރާތްތަކުންވެސް އެކަމަށް ތައްޔާރުވެވަޑައިގެން ހާޟިރުވުމަށް ހަނދުމަފުޅުކޮށް އަރުވަމެވެ.

މި އިޢުލާނާއި ގުޅޭ މަޢުލޫމާތު ކަރުދާސް މަޢުލޫމާތު ސާފުކުރަން ވަޑައިގަންނަވާ ފަރާތްތަކަށް ހަވާލުކުރެވޭނެއެވެ. އަދި މަޢުލޫމާތު ސެޝަނަށްފަހު މި އޮފީހުގެ ވެބްސައިޓު www.agoffice.gov.mv ގައި ޝާއިޢު ކުރެވޭނެއެވެ.