ގާއެޅުމުގެ މަސައްކަތްކުރުމަށް 30 އަހަރުގެ މުއްދަތަށް ބިން ކުއްޔަށް ހިފުމަށް ޝައުޤުވެރިވެލައްވާ ފަރާތްތަކުން " ބީލަމުގެ އުޞޫލުން މ. މަޑުއްވަރިން ބިންކުއްޔަށް ހިފުމަށްއެދޭފޯމް " ފުރިހަމަ ކުރައްވަވާ ހުށަހެޅުއްވުން އެދެމެވެ. މިފޯމާއި ކަމާގުޅޭ މައުލޫމާތު ކަރުދާސް ބަންދުނޫން ދުވަސްތަކުގައި ހެނދުނު 9:00 އިން ފެށިގެން 14:00 އަށް މ. މަޑުއްވަރީ ކައުންސިލްގެ އިދާރާއިން ލިބޭނެއެވެ. އަދި މި އިޢުލާނާއި އެއްކަރުދާސްކޮށް އާންމުކުރެވިފައިވެސް ވާނެއެވެ. މި ބިމާއި މެދު ކަންކުރާނެ ގޮތްތައް މައުލޫމާތު ކަރުދާހުގައި ވާނެއެވެ. ފޯމު ފުރިހަމަ ކުރައްވަވާ މ. މަޑުއްވަރީ ކައުންސިލް އިދާރާއަށް ފޯމް ހުށަހަޅުއްވާނީ 2023 އޮގަސްޓް 17 ވާ ބުރާސްފަތި ދުވަހުގެ 13:30 ގައި މ. މަޑުއްވަރީ ކައުންސިލް އިދާރާގެ ދަސްވަނިމާލަމަށް ދުރުވެ ފޯމް ހުށަހެޅުއްވުން އެދެމެވެ. ފޯމް ހުށަހަޅަންވާނީ ސިޓީއުރައަށް ފޯމްލައި ސީޓީއުރަ ބަންދު ކޮށްގެންނެވެ. ސިޓީއުރަ ކަނޑާނީ ފޯމް ހުށަހަޅަން ދުރުވާ ފަރާތްތަކުގެ ޙާޟިރުގައެވެ. ފޯމް ހުށަހަޅަން ބުނެފައިވާ ގަޑީގެފަހުން ހުށަހަޅާ ފޯމްތައް ބަލައި ނުގަނެވޭނެ ވާހަކަ މަޢުލޫމާތައްޓަކައި ދަންނަވަމެވެ.

ގާއެޅުމުގެ މަސައްކަތްކުރުމަށް ދޫކުރާ ބިމާބެހޭ މަޢުލޫމަތު  : 

މި ބިން އޮތްތަން : މ.މަޑުއްވަރީ އާ ތެޔޮބިމުގެ އުތުރަށް

ބިމުގެ ބޮޑުމިން : 50×25 ފޫޓް ( 1250 އަކަފޫޓް )

ބިމުގައި ކުރެވޭނެ ބޭނުން : ގާއެޅުމުގެ މަސައްކަތް / ސިމެންތި ގުދަންކުރުމާއި ސިމެންތި ވިއްކުން

ބިމުގެ ސިފަ : މިބިމަކީ ދިގު އަކަވާގޮތަށް އޮތް ބިމެކެވެ.

ބިންކުއްޔަށް ދޫކުރާ މުއްދަތު : 30 އަހަރުގެ މުއްދަތަށް

ބިމަށް ކުލި ނަގާނެ މިންވަރު : ބިމުގެ އަކަފޫޓަކަށް މަދުވެގެން 0.60 ލާރީގެ ރޭޓުން ޖެހޭ ޢަދަދެވެ.

ބިންކުއްޔަށް ހިފާ ފަރާތުގައި ހުންނަން ޖެހޭ ޝަރުޠު:

1-     ދިވެހިރާއްޖޭގެ ޤާނޫނުގައި ބުނެފައިވާ ގޮތުގެ މަތިން ރަޖިސްޓްރީ ކޮށްފައިވާ ކުންފުއްޏެއް ނުވަތަ ޕާޓްނަރޝިޕެއް ނުވަތަ ކޯޕަރޭޓިވް ސޮސައިޓީއެއް ނުވަތަ އަމިއްލަ ފަރުދުންގެ ވިޔަފާރިއެއް ނުވަތަ ފޮރިން އިންވެސްޓްމަންޓު ޤާނޫނުގެ ދަށުން ރަޖިސްޓްރީކޮށްފައިވާ ފޮރިން އިންވެސްޓްމަންޓެއް ނުވަތަ ބިދޭސީ ވިޔަފާރިއެއް ކަމަށްވުން .

2-     ވޭތުވެ ދިޔަ 5 އަހަރު ދުވަހުގެ ތެރޭގައި ބިންގަނެ ވިއްކުމުގެ މުޢާމަލާތެއް ކުރުމުގައި އޮޅުވާލުމާއި ، މަކަރާއި ހީލަތްހެދުމާއި ، ފްރޯޑްގެ ކުށެއް ސާބިތުވެފައި ނުވުމާއި ، އެއްވެސް ހުކުމެއް ތަންފީޒު ކުރަމުންދާ ޤާނޫނީ ޝަޚްސަކަށް ނުވުން.

3-     މ.މަޑުއްވަރީ ކައުންސިލްގެ އިދާރާއަށް ދައްކަންޖެހޭ ފައިސާއެއް ވާނަމަ ، ފައިސާ ދައްކަންޖެހޭ އުސޫލުން ދައްކަމުން ގެންދާ ފަރާތަކަށްވުން

4-     އިފްލާސް ކޮށްފައިވާ ޤާނޫނީ ޝަޚްސަކަށްނުވުން.

ޕޮއިންޓް ދިނުމުގައި ބަލާނެ ކަންކަން

• ޖުމުލަ އަގު %40
• މާލީ ޤާބިލުކަން
• ސީ.އެސް.އާރު %50

      ވީމާ މިކަން ޢާންމުކޮށް އެންގުމަށްޓަކައި އިޢުލާނު ކުރީމެވެ.