21 އޮކްޓޯބަރ 2023 ގައި ބޭއްވުމަށް ހަމަޖެހިފައިވާ ބާ އިމްތިޙާނުގައި ރަޖިސްޓަރީވުމުގެ މުއްދަތު މިހާރު ވަނީ އިތުރުކުރެވިފައެވެ.

އިމްތިޙާނުގައި ބައިވެރިވުމަށް އެދޭ ފަރާތްތަކުން 22 ޖުލައި 2023 ވާ ހޮނިހިރު ދުވަހުގެ މެންދުރު 12:00 ގެ ކުރިން ތިރީގައިވާ ލިންކު މެދުވެރިކޮށް އިމްތިޙާނުގައި ރަޖިސްޓަރީކުރެވޭނެއެވެ.  

ރެޖިސްޓްރޭޝަން ލިންކް:https://forms.gle/bcXjLCwuYD87hccy6

 ބާ އިމްތިޙާނުގައި ބައިވެރިވުމުގެ ޝަރުޠު(ތައް):

1. ދިވެހި ރައްޔިތެއްކަމުގައި ވުން؛
2. ބާ ކައުންސިލުން ކަނޑައަޅައިފައިވާ ޝަރުޠުތައް ފުރިހަމަވާ، އަދި ބާ ކައުންސިލުން އެކްރެޑިޓްކޮށްފައިވާ ކިޔަވައިދޭ މަރުކަޒެއްގައި، ޤާނޫނީ ރޮނގުން ފުރަތަމަ ޑިގްރީ ހާސިލުކޮށްފައިވާ މީހަކު ކަމުގައިވުން (ޤާނޫނީ ރޮނގުން ފުރިހަމަ ކޮށްފައިވާ ޑިގްރީއަކީ އެ ޑިގްރީއެއް ޙާޞިލުކުރި ޤައުމެއްގައި ނުވަތަ ޖުރިސްޑިކްޝަނެއްގައި، ޤާނޫނީ ވަކީލުކަމުގެ ހުއްދަ ދިނުމަށް ބަލައިގަންނަ ޤާނޫނީ ދާއިރާގެ ޑިގްރީއަކަށް ވާންވާނެއެވެ.)
3. އިމްތިޙާނުގެ ރަޖިސްޓްރޭޝަނަށް ބޭނުންވާ އެންމެހާ ކަންކަން ފުރިހަމަކޮށްފައިވުން؛ އަދި
4. ބާ އިމްތިޙާނުގެ ފީ ދެއްކުން.

 އިތުރު މަޢުލޫމާތު:

ބާ އިމްތިޙާނުގެ ރެޖިސްޓްރޭޝަން ޕްރޮސެސް ކުރިއަށްދާ ގޮތް

1. ބާ އިމްތިޙާނުގައި ބައިވެރިވާން އެދޭ ފަރާތުން އެޕްލިކޭޝަން ފޯމު މެދުވެރިކޮށް ބާ އިމްތިޙާނުގައި ބައިވެރިވުމަށް އެދި ހުށަހެޅަންވާނެއެވެ.
2. ބާ ކައުންސިލަށް ލިބޭ ފޯމުތައް ޕްރޮސެސްކުރުމަށްފަހު، ޕްރޮސެސްކުރެވޭ ތަރުތީބުން، ފޯމު ހުށަހެޅި ފަރާތްތަކުން ދެން ކުރިއަށްދާންވީގޮތުގެ އިރުޝާދު ބާ ކައުންސިލުން ފޯރުކޮށްދޭނެއެވެ. ބާ އިމްތިޙާނުގައި ބައިވެރިވުމަށް އެދޭއިރު ހުށަހަޅަންޖެހޭ އެންމެހާ ލިޔެކިޔުންތައް ފުރިހަމައަށް ހުށަހަޅާފައިވާނަމަ ޕްރޮސެސްކުރުން އަވަސްވެގެންދާނެއެވެ.
3. މަޢުލޫމާތުތައް ފުރިހަމަ ފަރާތްތަކަށް ބާ އިމްތިޙާނުގެ ފީ ދެއްކުމުގެ އިރުޝާދު އީ-މެއިލް މެދުވެރިކޮށް ބާ ކައުންސިލުން ފޮނުވާނެއެވެ. ފީ ދެއްކުމަށް 2023 ގައި ލިބޭނެ އެންމެ ފަހުގެ ފުރުސަތަކީ 7 ސެޕްޓެމްބަރު 2023 ވާ ބުރާސްފަތި ދުވަހުގެ މެންދުރު 12:00ގެ ނިޔަލަށެވެ. ފީ ދައްކަންޖެހޭނީ ފީ ދެއްކުމުގެ އިރުޝާދު ކެންޑިޑޭޓަށް އީ-މެއިލުން ލިބުމުންނެވެ.
4. މަޢުލޫމާތުތައް ފުރިހަމަ ނުވާ ފަރާތްތަކަށް ވަކި މުއްދަތެއްގެ ތެރޭގައި އެކަންކަން ފުރިހަމަކުރުމަށް އީ-މެއިލް މެދުވެރިކޮށް އެންގޭނެއެވެ. އިސްލާޙުކުރަން އެންގޭ ކަންކަން ކަނޑައެޅޭ މުއްދަތުގެ ތެރޭގައި ރަނގަޅު ނުކުރާނަމަ، އެ ފަރާތެއްގެ އެޕްލިކޭޝަން ބާތިލުކުރެވޭނެއެވެ.
5. ބާ އިމްތިޙާނުގެ ފީ އެއްކޮށް ދެއްކުމުން، ބާ އިމްތިޙާނުގެ ރެޖިސްޓްރޭޝަން ފުރިހަމަވީއެވެ. އަދި، މި ފީ ދެއްކުމުން، އިމްތިޙާނުގައި ރެޖިސްޓަރީކުރެވިފައިވާ ކަމުގެ ކޮންފަރމޭޝަން މެސެޖެއް، އީ-މެއިލް މެދުވެރިކޮށް ބާ ކައުންސިލުން ފޮނުވާނެއެވެ.
6. ރެޖިސްޓްރޭޝަން ސުންގަޑި ހަމަވުމަށްފަހު ހުށަހެޅޭ ފޯމުތައް އަދި ފީ ދެއްކުމުގެ ސުންގަޑިއަށްފަހު ލިބޭ ޕޭމަންޓްތައް ބާ ކައުންސިލުން ބަލައި ނުގަންނާނެއެވެ.
7. ބާ އިމްތިޙާނުގައި ރަޖިސްޓަރީވީކަމަށް ބަލާނީ ކެންޑިޑޭޓު ނަންބަރު އިމްތިޙާނުގައި ބައިވެރިވާ ފަރާތަށް ލިބުމުންނެވެ.

ބާ އިމްތިޙާނާ ގުޅޭ އެންމެހާ މަޢުލޫމާތުތައް ބާ ކައުންސިލުގެ ބާ އެގްޒޭމް ޕޭޖުގައި އަޕްޑޭޓްކުރެވެމުންދާނެއެވެ. މި އިޢުލާނާ ގުޅިގެން އިތުރު މަޢުލޫމާތު ހޯއްދެއްވުމަށް، [email protected] އަށް އީ-މެއިލް ކުރައްވާ، ނުވަތަ 3333990 މެދުވެރިކޮށް ބާ ކައުންސިލްއާ ގުޅުއްވާލަދެއްވާށެވެ.