ދިވެހިރާއްޖެ
އިޢުލާން
މަގުތަކުގައި ގާޑިޔާ ނުވަތަ މޭޒު ބަހައްޓައިގެން ވިޔަފާރި ހިންގުމަށް ޖަގަހަ ދޫކުރުމާއި ގުޅޭ.
މަގުމަތީގައި ގާޑިޔާ ނުވަތަ މޭޒު ބަހައްޓައިގެން ވިޔަފާރި ކުރުމާއި އެކަންކަމަށް ފީނެގުމާބެހޭ ގަވާއިދު (ގަވާއިދު ނަންބަރު: R20131264) ގެ ދަށުން ގާޑިޔާ ބެހެއްޓޭނެ ޖަގަހަ ކަނޑައެޅުމާއި، އެފަދަ ތަންތަން ދޫކުރާނެ މުއްދަތާއި އެފަދަ ތަންތަނަށް ނަގާނެ ފީއެއް ކަނޑައަޅައި، ޖަގަހަ ދިނުމަށް ކަނޑައެޅިފައިވާ ކޮންމެ ސަރަހައްދަކުގެ ތެރެއިން ކޮންމެ ސަރަހައްދަކުން 2 ޖަގަހަ ދޫކުރުމަށް 4 ވަނަ ކައުންސިލްގެ 2023ވަނަ އަހަރުގެ 22ވަނަ ޖަލްސާއިން ވަނީ ނިންމާފައެވެ.
ޖަގަހަ ދޫކުރުމަށް ނިންމާފައިވާ ސަރަހައްދުތަކަކީ:
- ކުޑަކުދިންގެ ޕާކް އުތުރުފަރާތް
- ގެސްޓްބީޗް ސަރަހައްދު
- ލޯކަލް ބީޗް
ޖަގަހަގެ ބޮޑު މިނަކީ 10ފޫޓު 10ފޫޓު ކަމަށާއި އަދި އެގްރިމެންޓްގެ މުއްދަތަކީ އެއް އަހަރު ކަމުގައި ކައުންސިލުން ވަނީ ނިންމާފައެވެ.
ޖަގަހަތަކުން ނެގޭނެ ފީގެ ތަފްސީލު ތިރީގައި އެވަނީއެވެ.
ފީ : މަހަކު -/500 ރުފިޔާ
ރަޖިސްޓްރޭޝަން ފީ : -/500 ރުފިޔާ
ވާދަވެރި މާހައުލެއްގައި ޖަގަހަތަކަށް ކުރިމަތިލާފައިވާނަމަ ޖަގަހަ ދޫކުރެވޭނީ ގުރުއަތުން ކަމުގައިވެސް ކައުންސިލުންވަނީ ނިންމާފައެވެ.
ވީމާ، ޖަގަހަތަކަށް ކުރިމަތިލާން ބޭނުންވާ ފަރާތްތަކުން 2023 ޖުލައި 09ވާ ހޯމަ ދުވަހުގެ 13:30ގެ ކުރިން ސިޓީއަކުން ކައުންސިލަށް ހުށައެޅުމަށް އެދި ދަންނަވަމެވެ.
21 ޖޫން 2023