އިޢުލާން

"އަޟްޙާ ޢީދު ކުޅިވަރުތައް 1444" އިންތިޒާމްކޮށް ހިންގާނޭ ޖަމުޢިއްޔާއެއް ހޯދުން

1444 ވަނަ އަހަރުގެ އަޟްޙާ ޢީދު ކުލަގަދަކޮށް ފާހަގަކުރުމަށާއި، ހިންނަވަރުގެ ރައްޔިތުންގެ މެދުގައި އެކުވެރިކަމާއި އެއްބައިވަންތަކަށް އާލާކުރުމުގެ ގޮތުން އަޟްހާ ޢީދުގެ 4 ދުވަހު ހިންނަވަރުގައި ކުޅިވަރު ޙަރަކާތްތައް ރާވައި ހިންގާނޭ ޖަމުޢިއްޔާއެއް ހޯދުމަށް، ޢާންމުކޮށް ހުޅުވާލަމެވެ.

ޖަމިއްޔާގެ ޒިންމާތައް:

1-      ކުޅިވަރު ހަރަކާތްތައް ރޭވުމާއި ކައުންސިލްގެ މަޝްވަރާގެ މަތިން، ކަނޑައަޅާ ގަވާޢިދާއި އެއްގޮތަށް ހަރަކާތްތައް ކުރިއަށް ގެންދިއުން.

2-      ކުޅިވަރުތައް ހިންގުމަށް ބޭނުންވާ ސާމާނާއި މީހުން ހޯދުން. (ކައުންސިލްގައި ހުރި ތަކެތި އިންތިޒާމް ކުރާ ފަރާތުން ބޭނުން ވެއްޖެ ހިނދެއްގައި އޮންނަ އުސޫލުގެ ދަށުން ދުކުރެވޭނެއެވެ.)

3-      ކުޅިވަރުތައް ކުރިއަށްގެންދާ ސަރަޙައްދު ތައްޔާރުކުރުން.        

4-      ކުޅިވަރު މައިދާނަށް ތަކެތި ގެނައުމާއި ތަކެތި ބެހެއްޓުން، އަދި ކުޅިވަރުތައް ނިމުމުން ތަކެތި ނެގުން.

5-      ހަރަކާތް ކުރިއަށްދާ ވަގުތުގެ މީޑިއާ ( ފޭސްބުކް ލައިވް / ފޮޓޯ / ވީޑިއޯ) އަމިއްލަ ތަކެތީގައި ޙިއްސާކުރުން.

6-      ކުޅިވަރުގައި އެއްވެސް މައްސަލައެއް ދިމާވެއްޖެނަމަ، ކައުންސިލުން އަންގާ ގޮތެއްގެ މަތިން މައްސަލަ ހައްލުކުރުމަށް އެހީތެރިވެދިނުން.

7-      ކުޅިވަރުތަކުން ވަނަތަކަށް ދާ ފަރާތްތަކަށް އިނާމާއި ސެޓްފިކެޓް ކަނޑައެޅުމާއި ތަކެތި ހޯދުން/ތައްޔާރުކުރުން.

މިއިޢުލާނާއި ގުޅިގެން އިތުރު މަޢުލޫމާތު ސާފުކުރައްވަން ބޭނުންވާ ފަރާތްތަކަށް ބާއްވާ ބައްދަލުވުމެއް، 01 ޖޫން 2023 ވާ ބުރާސްފަތި ދުވަހުގެ 11:00 ގައި ކައުންސިލްގެ އިދާރާގައި އޮންނާނެއެވެ.

ވީމާ، "އަޟްޙާ ޢީދު ކުޅިވަރުތައް 1444" އިންތިޒާމްކޮށް ހިންގުމަށް ޝަޢުޤުވެރިވާ ޖަމުޢިއްޔާތަކުން 07 ޖޫން 2023ގެ 11:00ގެ ކުރިން، ހިންގާނޭ ކުޅިވަރުތަކާއި ކުޅިވަރުތައް ހިންގާނޭ ގޮތުގެ ތަފްސީލް އެނގޭނޭހެން ޕްރޮޕޯސަލް ހުށަހެޅުއްވުން އެދެމެވެ. ކައުންސިލްގެ އީމެއިލް: [email protected] މެދުވެރިކޮށްވެސް ޕްރޮޕޯސަލް ހުށަހެޅޭނެއެވެ.