ދިވެހިރާއްޖެ
2023 ވަނަ އަހަރު މިރަށުގެ ޒުވާނުންނަށް އަމާޒުކޮށްގެން "ފެންފުށީ ޒުވާނުންގެ ފުޓްބޯޅަ މުބާރާތް 2023" ގެނަމުގައި ފުޓުބޯޅަ މުބާރާތެއް ބޭއްވުމަށްވަނީ ހަމަޖެހިފައެވެ. މި މުބާރާތް ފެށުމަށް ހަމަޖެހިފައިވާ 19 މޭ 2023 ވަނަ ދުވަހުއެވެ.
މިމުބާރާތް އިންތިޒާމުކޮށް ހިންގުމަށް 5 މެންބަރުންގެ މައްޗަށް އެކުލެވޭ ކޮމިޓީ އެއް އެކުލަވާލުމަށް މިކައުންސިލުން ވަނީ ނިންމާފައެވެ. މިކޮމިޓީގެ މެންބަރަކަށް، މުބާރާތުގަ އިންތިޒާމް ހަމަޖެއްސުމުގެ މަސައްކަތްކުރާ ކޮންމެ މެޗަކަށް -/300ރ (ތިންސަތޭކަ ރުފިޔާ) ގެ އެލަވަންސް އެއް ދިނުމަށް ވަނީ ކަނޑައެޅިފައެވެ. އަދި މުބާރާތުގެ އިންތިޒާމްތަށް ހަމަޖެއްސުމުގެ އަގަކަށް -/1000ރ (އެއްހާސް ރުފިޔާ) ދިނުމަށް ވަނީ ކަނޑައެޅިފައެވެ. މިކޮމިޓީ އަށް މެންބަރުން ހޮވުމުގައި އިސްކަންދޭނީ ކުޅިވަރުތަކުގައި އަމަލީގޮތުން ހަރަކާތްތެރިވެފައިވާ ފަރާތްތަކަށެވެ. މިކޮމެޓީގެ މެންބަރުންގެ މައިގަނޑު މަސްއޫލިއްޔަތުތަށް ތިރީގައި މިވަނީއެވެ.
- މުބާރާތަށް ދަނޑު ތައްޔާރުކުރުން
- މުބާރާތުގެ މެޗުތަށް ލައިވް ކުރުން އަދި އެނައުންސްކުރުން
- މުބާރާތުގެ މެޗުތަށް ޖަޖުކުރުން / މަގާމުތަށް ހޮވުން
- އަދި މީގެއިތުރުން މުބާރާތް ފުރިހަމަ އިންތިޒާމެއްގެތެރެއިން ގެންދިއުމުގެ ގޮތުން ކުރަންޖެހޭ އެންމެހާ މަސައްކަތްކުރުން.
ވީމާ، ފެންފުށީ ޒުވާނުންގެ ފުޓްބޯޅަ މުބާރާތް އިންތިޒާމްކޮށް ހިންގާ ކޮމިޓީގައި ހިމެނިވަޑައިގަތުމަށް ޝައުގުވެރިވެލައްވާ ފަރާތްތަކުން 27 އޭޕްރިލް 2023 ވާ ބުރާސްފަތި ދުވަހުގެ 01:00 ގެ ކުރިން ކުޅިވަރުގެ ދާއިރާގައި ހަރަކާތްތެރިވެފައިވާކަން އަންގައިދޭ ލިޔުމާއެކު ސިޓީއަކުން މުބާރާތުގެ ހިންގާ ކޮމިޓީގައި ހިމެނުމަށްއެދި މިކައުންސިލްގެ އިދާރާއަށް ހުށަހެޅުއްވުމަށް ދަންނަވަމެވެ.