އިޢުލާން

މ.ނާލާފުށީ ޞިއްޙީމަރުކަޒުން ޙަވާލުކުރާ ލެބޯޓަރީ ސާންޕަލް ހިފައިގެން މ.މުލީ ރީޖަނަލް ހޮސްޕިޓަލްއަށް ހުކުރު އަދި ހޮނިހިރު ދުވަސް ފިޔަވައި ކޮންމެ ދުވަހަކު އެއްފަހަރު (ހުކުރު،ހޮނިހިރު ދުވަސް ނުވަތަ ސަރުކާރު ބަންދު ދުވަހެއްގައިވެސް މަރުކަޒުން އެދިއްޖެނަމަ) 1 އަހަރު ދުވަހުގެ މުއްދަތަށް ދަތުރު ކޮށްދެއްވާނެ ފަރާތެއް ހޯދުމަށް ބޭނުންވެއްޖެއެވެ.

1- މ.ނާލާފުށީ ޞިއްޙީމަރުކަޒުން މ.މުލީ ރީޖަނަލްހޮސްޕިޓަލް އަށް ސާންޕަލްތައް ގެންދިއުމާއި ކެރިޔަރުއަނބުރާގެނައުން.

2- މަރުކަޒުން ނަގާ ސާންޕަލްތައް ޙަވާލުކުރާތާ 1 ގަޑިއިރުތެރޭގައި މުލީ ރީޖަނަލް ހޮސްޕިޓަލްއަށް ރައްކާތެރިކަމާއެކު ގެންދިއުން.

3- ސާންޕަލް ކެރިއަރ ޙަވާލުވާ ވަގުތުން ފެށިގެން އެންމެ ލަސްވެގެން 4 ގަޑިއިރު ތެރޭގައި އަނބުރާ ހުސް ކެރިއަރ މ.ނާލާފުށީ ސިއްޙީ މަރުކަޒަށް ޙަވާލުކޮށްދިނުން.

4- އުޅަނދަށް އެއްވެސް މައްސަލައެއް ދިމާވެއްޖެނަމަ ވަގުތަށް ސާންޕަލް ކެރިއަރ ރައްކާތެރިކަމާއެކު ކަނޑައަޅާ މަރުކަޒަކަށް ގެންދިޔުމުގެ އިންތިޒާމް ހަމަޖެއްސުމަކީ މި ބިޑް ކާމިޔާބު ކުރާ ފަރާތުގެ ޒިންމާއެއް.

ވީމާ، މިކަމަށް އެދިލައްވާ ފަރާތްތަކުން 26 އޭޕްރިލް  2023 ވާ ބުދަ ދުވަހުގެ 11:00 އަށް މ.ނާލާފުށީ ޞިއްޙީމަރުކަޒަށް ވަޑައިގެން މަޢުލޫމާތު ސާފުކުރުމަށްފަހު، 30 އޭޕްރިލް 2023 ވާ އާދީއްތަ ދުވަހުގެ 11:00 އަށް މ.ނާލާފުށީ ޞިއްޙީމަރުކަޒަށް ވަޑައިގެން އަގު ހުށައެޅުއްވުން އެދެމެވެ.

މައުލޫމާތް ސާފުކުރެއްވުމަށް ވަޑައިނުގަންނަވާ ފަރާތްތަކުން ހުށައަޅުއްވާ އަންދާސީ ހިސާބުތަކާއި އަދި ކަނޑައެޅިފައިވާ ގަޑިއަށް ވަޑައިނުގަންނަވާ ފަރާތްތަކުގެ އަންދާސީ ހިސާބު ބަލައި ނުގަންނާނެ ވާހަކައާއި ، މައުލޫމާތު ފުރިހަމަނުވާ އަންދާސީ ހިސާބުތައް ބާތިލް ކުރެވޭނެ ވާހަކަ ދެންނެވީމެވެ. އިތުރު މައުލޫމާތު ސާފުކުރެއްވުމަށް ރަސްމީ ގަޑީގައި 6720010 ނަންބަރާއި ގުޅުއްވުން އެދެމެވެ.