ނަންބަރު:  220TSP/CIR/2014/13                         

ތާރީޚު:   31 ޑިސެންބަރު 2014

ލިބެންވީ: ހުރިހާ ޓޫރިސްޓް އެސްޓެބްލިޝްމަންޓްތައް

މައުޟޫއު:  އިންފޮމޭޝަން ޝީޓް ހުށަހެޅުން                        

ޤާނޫނު ނަންބަރު 2/99 (ދިވެހިރާއްޖޭގެ ޓޫރިޒަމާބެހޭ ޤާނޫނު) ގެ 36 ވަނަ މާއްދާގެ (ހ) ގެ ދަށުން، ޓޫރިސްޓް އެސްޓެބްލިޝްމަންޓްތައް ހިންގާ ފަރާތްތަކުން އެ ތަންތަނުގައި ތިބޭ ގެސްޓުންނާބެހޭ މައުލޫމާތު މީރާއަށް ހުށަހަޅަންޖެހެއެވެ.

ވީމާ، ޓޫރިސްޓް އެސްޓެބްލިޝްމަންޓްތައް ހިންގާ ފަރާތްތަކުގެ ސަމާލުކަމަށްޓަކައި ދަންނަވަމެވެ.

1. ޑިސެންބަރު 2014 އިން ފެށިގެން، ކޮންމެ މަހަކު ވެސް، ޓޫރިސްޓް އެސްޓެބްލިޝްމަންޓްތަކުގައި ތިބޭ ގެސްޓުންނާބެހޭ މައުލޫމާތު ހިމެނޭ "އިންފޮމޭޝަން ޝީޓް"، ޖެހިގެން އަންނަ މަހުގެ 8 ވަނަ ދުވަހުގެ ނިޔަލަށް، އެޓޭޗްކުރެފައިވާ ފޯމެޓުގައި މީރާއަށް ހުށަހަޅަންވާނެއެވެ.
2. މި ގޮތުން އެންމެ ފުރަތަމަ ހުށަހަޅަންޖެހޭނީ ޑިސެންބަރު 2014 ގެ އިންފޮމޭޝަން ޝީޓެވެ. މި އިންފޮމޭޝަން ޝީޓް 8 ޖަނަވަރީ 2015 ގެ ނިޔަލަށް މީރާއަށް ހުށަހަޅަންޖެހޭނެއެވެ.

މި ކަމާ ގުޅޭ ގޮތުން އެއްވެސް މައުލޫމާތެއް ސާފުކުރައްވަން ބޭނުންފުޅުވާނަމަ 1415 އަށް ގުޅުއްވުން ނުވަތަ [email protected] އަށް އީމޭލްކުރެއްވުން އެދެމެވެ.