މިކައުންސިލްގެ ބެލުމުގައި ހުރި ރުއްގަނޑު ތަކުގެ ތެރެއިން ބަނދަރު ސަރަހައްދުގައި ހުރި 42 ރުއް 1 އަހަރު ދުވަހުގެ މުއްދަތަށް ކުއްޔަށް ދޫކުރާގޮތަށް ވަނީ ހަމަޖެހިފައެވެ.  މިގޮތުން، 1 އަހަރަށް ރުއްގަނޑުގެ ކުއްޔެއްކަމުގައި ހުށަހެޅޭނެ އެންމެ ދަށް އަގަކީ -/3،000 (ތިންހާސް) ރުފިޔާ އެވެ.

               މިކަމަށް ޝައުގުވެރިވެލައްވާ ފަރާތްތަކުން ހުށަހަޅާ އަގު/ ކޯޓޭޝަން ބަލައިގަތުން އަދި ހުޅުވުން އޮންނާނީ 2023 މާރޗް 22 ވާ ބުދަދުވަހުގެ 10:00 ގައި މިއިދާރާގެ ޖަލްސާކުރާ މާލަމުގައެވެ. އަގުތައް ހުންނަންވާނީ ސިޓީ އުރައެއްގައި ބަންދުކުރެވިފައެވެ. ސިޓީއުރައިގެ ބޭރުގައި ހުށަހަޅާ ފަރާތުގެ ނަމާއި، އިޢުލާން ނަންބަރާއި، ކޮންކަމަކަށް ހުށަހެޅޭ އަގެއްކަން ލިޔެވިފައި އޮންނަންވާނެއެވެ. އަގު ހުށަހަޅާ ދުވަހަކީ ސަރުކާރު ބަންދުދުވަހެއްގެ ގޮތުގައި ކަނޑައަޅައިފިނަމަ ދެން އަގުތައް ބަލައިގަންނާނީ ޖެހިގެންއަންނަ ރަސްމީދުވަހު 10:00 ގައެވެ.                                        ވީމާ، މިކަން އާމުކޮށް އަންގާ އިޢުލާން ކުރީމެވެ.