ދިވެހިރާއްޖެ
އިޢުލާން
އައްޑޫސިޓީ ފޭދޫ އިން ދިރިއުޅުމަށް ބަންޑާރަ ގޯތި ދޫކުރުމާ ގުޅޭ
އައްޑޫސިޓީ ފޭދޫ އިން ދިރިއުޅުމަށް ބަންޑާރަ ގޯތި ދޫކުރުމަށް ކުރެވުނު އައްޑޫ ސިޓީ ކައުންސިލްގެ ނަންބަރު (IUL) 426-AB/426/2023/37 (23 ޖަނަވަރީ 2023)އިޢުލާނާއި ގުޅިގެން ޢާންމުކުރެވިފައިވާ "ދިރިއުޅުމަށްޓަކައި ބަންޑާރަ ގޯއްޗަށް އެދޭ ފޯމް" އާއި " އައްޑޫސިޓީއިން ދިރިއުޅުމަށް ބަންޑާރަ ގޯތި ދޫކުރުމުގެ އުސޫލު" އަށް ބަދަލުތަކެއް އައިސްފައިވާކަން ޢާންމުކޮށް އަންގައި އިޢުލާންކުރަމެވެ.
ވީމާ، ގޯއްޗަށް އެދި ހުށަހަޅާނީ މި އިޢުލާނާއިއެކު ޢާންމުކުރެވިފައިމިވާ ގޯއްޗަށްއެދޭ ފޯމް (ދިރިއުޅުމަށްޓަކައި ދޫކުރާ ބަންޑާރަ ގޯއްޗަށް އެދޭ ފޯމު V 1.2 ) އެވެ. އަދި އައްޑޫސިޓީ ފޭދޫ އިން ދިރިއުޅުމަށްޓަކައި ބަންޑާރަގޯތި ދޫކުރުމުގައި ޢަމަލުކުރާނީ މި އިޢުލާނާއިއެކު ޢާންމުކުރެވިފައިމިވާ އުޞޫލަށެވެ.
ފޯމު ހުށަހެޅުމުގެ ސުންގަޑި:
މި ބަދަލާއި ގުޅިގެން ގޯއްޗަށް އެދި ފޯމު ހުށަހެޅުމުގެ ސުންގަޑިއަކީ 28 ފެބްރުވަރީ 2023 ގެ 13:00 އެވެ. ފޯމް ބަލައިގަންނާނީ 02 ފެބްރުވަރީ 2023 އިން ފެށިގެން 28 ފެބްރުވަރީ 2023 ގެ 13:00 ގެ ނިޔަލަށް ރަސްމީ ދުވަސްތަކުގައި 09:00 އިން 13:00 އަށް ފޭދޫ އަވަށު އޮފީހުން ނެވެ.
މި އިޢުލާނާއިއެކު ތިރީގައިވާ ތަކެތި އެއްކަރުދާސް ކުރެވިފައިވާނެއެވެ.
- ދިރިއުޅުމަށްޓަކައި ދޫކުރާ ބަންޑާރަ ގޯއްޗަށް އެދޭ ފޯމް V 1.2 (ކެޓަގަރީ A އަދި ކެޓަގަރީ B އަށް ކުރިމަތިލުމަށް އެދެންވާނީ އެ ކެޓަގަރީއަކަށް ކަނޑައެޅިފައިވާ ފޯމުންނެވެ.)
- އައްޑޫސިޓީއިން ދިރިއުޅުމަށް ބަންޑާރަ ގޯތި ދޫކުރުމުގެ އުސޫލު (އިޞްލާޙު ކުރެވިފައި)
- ބަންޑާރަ ނުވަތަ އަމިއްލަ ގޯއްޗެއްގައިވާ ނުއުފުލޭ މުދަލުން ލިބިފައިވާ ބިން ދޫކޮށްލުމަށް ވެވޭ އިޤްރާރު
- ބަންޑާރަ ނުވަތަ އަމިއްލަ ގޯއްޗެއްގައިވާ ނުއުފުލޭ މުދަލުން ތަރިކައިން ލިބެން އޮތްބިން ދޫކޮށްލުމަށް ވެވޭ އިޤްރާރު
ވީމާ މިކަން ޢާންމުކޮށް އަންގައި އިއުލާން ކުރީމެވެ.
10 ރަޖަބު 1444
01 ފެބްރުވަރީ 2023