އިޢުލާން

ވިޔަފާރިތަކަށް ދޫކުރާ ހުރިހާ ލިޔެކިޔުމެއް ހަމައެކަނި އިލެކްޓްރޯނިކް ޒަރީޢާއިން ދޫކުރުން

ވިޔަފާރި ރަޖިސްޓްރީކުރުމަށްފަހު، އެ ވިޔަފާރިއަކާގުޅޭ މަޢުލޫމާތު ހިމެނޭ ޕްރޮފައިލް ޝީޓް މި މިނިސްޓްރީގެ ބިޒްނަސް ޕޯޓަލް މެދުވެރިކޮށް ކޮންމެ ވިޔަފާރިއަކަށްވެސް ލިބޭނެ އިންތިޒާމް ހަމަޖައްސާފައިވުމާއެކު، 1 ނޮވެމްބަރ 2022 އިން ފެށިގެން، މި މިނިސްޓްރީން ދޫކޮށްފައިވާ ޕްރޮފައިލް ޝީޓް އަދި އެކި ރެޖިސްޓްރޭޝަން ސެޓްފިކެޓްތަކުގައި މިނިސްޓްރީގެ ސްޓޭމްޕް ޖަހައިދިނުން ހުއްޓާލާފައިވާނެ ވާހަކަ މަޢުލޫމާތަށްޓަކައި ދަންނަވަމެވެ.

ރަޖިސްޓަރީކުރެވިފައިވާ ވިޔަފާރީގެ މަޢުލޫމާތު މި މިނިސްޓްރީގެ ބިޒްނަސް ޕޯޓަލް https://business.egov.mv  މެދުވެރިކޮށް ބެލޭނެ އެވެ. އަދި ކުންފުނީގެ ހިންގާ ގަވާއިދާއި އަސާސީ ގަވާއިދު އަދި ޕާޓްނަރޝިޕެއްނަމަ، ޕާރޓްނަރޝިޕް އެގްރިމެންޓް ޕޯޓަލް މެދުވެރިކޮށް ޑައުންލޯޑްކުރެވޭނެ އިންތިޒާމް ހަމަޖައްސާފައިވާނެއެވެ.

ވިޔަފާރި ރަޖިސްޓަރީކުރުމާގުޅޭ ޚިދުމަތްތަކަށްއެދޭނީ https://business.egov.mv  މެދުވެރިކޮށެވެ.

އޮންލައިންކޮށް ޚިދުމަތަށް އެދުމުގައި އެހީތެރިކަން ބޭނުންވާ ފަރާތްތަކުން، ބޮޑުތަކުރުފާނު މަގު، އެމް.ޓީ.ސީ.ސީ ފެރީޓަރމިނަލްގައި ހުންނަ 1500 help ސަރވިސް ސެންޓަރ އަށް ޒިޔާރަތްކުރުމަށް ދަންނަވަމެވެ. މީގެ އިތުރުން، ޚިދުމަތްތަކާބެހޭ މަޢުލޫމާތު ހޯދުމަށް ކޯލް ސެންޓަރ 1500 ނުވަތަ [email protected] އަށް އީމެއިލްކުރެއްވުމަށް ދަންނަވަމަވެ.