ދިވެހިރާއްޖެ
ދިދައާއި ލޯގޯ ފަރުމާކޮށްދޭނެ ފަރާތެއް ހޯދުން
މިކައުންސިލްގެ ދިދައާއި، ލޯގޯ ފަރުމާކޮށްދޭނެ ފަރާތެއް ހޯދުމަށް ޢާންމުކޮށް ހުޅުވާލަމެވެ. ހުށަހަޅާ ދިދައާއި، ލޯގޯގެ ތެރެއިން މިކައުންސިލްގައި ބޭނުން ކުރުމަށް ހޮވޭ ދިދައާއި ލޯގޯ ހުށަހެޅި ފަރާތަކަށް 5,000.00( ފަސްހާސް ) ރުފިޔާ ގެ ފައިސާގެ އިނާމެއް ދެވޭނެއެވެ.
ދިދައާއި ލޯގޯ ފަރުމާކުރުމުގައި ސަމާލުކަންދޭންޖެހޭ ކަންތައްތައް:
- އެއްވެސް މުއައްސަސާއަކުން ބޭނުން ކުރަމުންދާ ދިދައާއި ލޯގޯގެ ކޮޕީއަކަށް ނުވުން
- އެއްވެސް ސިޔާސީ ޕާޓީއެއް ރަމްޒުކޮށްދޭ އެއްޗަކަށް ނުވުން.
- ރަށުގެ ޤަދީމީ ތާރީޚް ނުވަތަ ރަށަށް ނިސްބަތްވާ ޚާއްޞަ ސިފަތަކެއް ރަމްޒުކޮށްދޭ އެއްޗަކަށްވުން
- ޑަސްޓީ ގޯލްޑް، ރަތް، ހުދު، ފެހި މި 04 ކުލަ ބޭނުން ކޮށްގެން ފަރުމާކޮށްފައިވާ ދިދައާއި ލޯގޯއަކަށްވުން
- 2cm x 2cm އަށް ކުޑަކުރުމުން ލޯގޯގެ އަސްލު ނުގެއްލުން
- މެޓަލްގައި ފަސޭހައިން ތައްޔާރުކުރެވޭ އަދި ލަކުޑިއަށް ފަސޭހައިން ބޭނުން ކުރެވޭ ލޯގޯއަކަށް ވާންވާނެއެވެ.
- ހުށަހަޅާ ލޯގޯގެ ކުލަ އަދި ބުލެކް އެންޑް ވައިޓް ހާޑުކޮޕީއާއި ސޮޕްޓްކޮޕީ ( ސޮފްޓްކޮޕީގެ ގޮތުގައި އޭގެ އޮރިޖިނަލް އަދި ވެކްޓަރ ފައިލްސް ) ހުށަހަޅަންވާނެއެވެ.
- ދިދައާއި، ލޯގޯ ރަމްޒުކޮށްދެނީ ކޮންކަންތައްތަކެއްކަން ލިޔުމުން ހުށަހެޅުން
- ކުރިމަތިލާ ކޮންމެ ފަރާތަކުންވެސް ދިދައާއި ލޯގޯ ހުށަހަޅަންވާނެއެވެ.
މިކައުންސިލްގެ ދިދައާއި ލޯގޯ ފަރުމާ ކުރުމަށް ޝައުޤުވެރިވެލައްވާ ފަރާތްތަކުން 2022 ނޮވެންބަރު 02 ވާ ބުދަ ދުވަހު މފ 13:30 ގެ ކުރިން ފަރުމާކޮށްފައިވާ ދިދައާއި، ލޯގޯ އަދި ފަރުމާކުރެއްވި ފަރާތުގެ ވަނަވަރު މިއިދާރާއަށް ހުށަހެޅުއްވުން އެދެމެވެ. މިގޮތުން ހުށަހަޅާ ސިޓީއުރައިގެ ބޭރުގައި " ފ. ދަރަނބޫދޫ ކައުންސިލްގެ ދިދައާއި ލޯގޯ ފަރުމާކުރުން " ޖައްސަވަންވާނެއެވެ. އަދި އީމެއިލް މެދުވެރިކޮށް ހުށަހަޅުއްވާ ފަރާތްތަކުން [email protected] އަށް މެއިލްކޮށްދެއްވުން އެދެމެވެ. އިތުރު މަޢުލޫމާތު ސާފުކުރެއްވުމަށް މިއިދާރާގެ 6740015 ފޯނާއި ރަސްމީ ގަޑީގައި ގުޅުއްވުން އެދެމެވެ.
ވީމާ، މިކަންޢާންމުކޮށް އެންގުމަށްޓަކައި އިޢުލާން ކުރީމެވެ.