އދ.ފެންފުށި ޕްރޮމޯޓް ކުރުމަށް ޝިއާރެއް ކަނޑައެޅުމުގެ ފުރުސަތު އެންމެހާ ރައްޔިތުންނަށް ހުޅުވާލަމެވެ. ހުށަހަޅާ ޝިޢާރުކަތުގެ ތެރެއިން އެންމެ ކަމުދާ ޝިއާރެއް ހުށަހަޅާ ފަރާތަކަށް -/1000ރ (އެއްހާސް ރުފިޔާ) ގެ ފައިސާގެ އިނާމެއް ދެވޭނެއެވެ.

މި ޝިއާރު ހުށަހެޅުމާއި ގުޅޭގޮތުގެ އުސޫލު ތިރީގައިއެވަނީ އެވެ.

1. ޝިއާރު ހުށަހެޅުމުގެ ފުރުސަތު ލިބިފައިވާނީ ފެންފުށީގެ ރަށްވެހިންނަށް.
2. ޝިއާރު ހުށަހަޅަންޖެހޭނީ ލިޔުމަކުން. (ހުށަހަޅާ ޑޮކިއުމަންޓްތަށް [email protected] އީމެއިލް މެދުވެރިކޮށް ބަލައިގަނެވޭނެ).
3. ޝިއާރު ހުށަހަޅާ ފަރާތުގެ މަޢުލޫމާތު ހިމަނަންވާނެ. (ނަން، އައިޑީކާޑު ނަންބަރު، އެޑްރެސް، ގުޅޭނެ ފޯނު ނަންބަރު)
4. ހުށަހެޅޭ ޝިއާރުތަކުގެ ތެރެއިން ކައުންސިލަށް އެންމެ ކަމުދާ 3 ނުވަތަ 5 ޝިއާރު ކައުންސިލްގެ ފޭސްބުކް ޕޭޖް މެދުވެރިކޮށް ރައްޔިތުންގެ ވޯޓަކަށް ހުޅުވާލެވޭނެ.
5.  މި ޝިއާރުތަކުގެ ތެރެއިން އެންމެ ގިނަ ވޯޓު ލިބޭ ޝިއާރަކީ ރަށް ޕްރޮމޯޓް ކުރުމަށް ބޭނުން ކުރެވޭ ޝިއާރުކަމުގައި ވާނެ.

ޝިއާރު ހެދުމުގައި ބަލަންޖެހޭ ކަންތައްތައް:

1. ހުށަހެޅޭ ޝިއާރަކީ އަމިއްލަވަންތަ ޝިއާރެއް ކަމުގައިވުން.
2. އެހެން ރަށެއް ރަމްޒުކޮށްދޭ ޝިއާރެއްކަމުގައި ނުވުން.
3. ހުށަހެޅޭ ޝިޢާރުގެ މާނަ (މާނަ ބަޔާންކޮށް ކުރު ނޯޓެއް ހުށަހަޅަންވާނެ).
4. ހުށަހެޅޭ ޝިއާރަކީ ކިޔައިލަން ފަސޭހަ މާނަ ފުން ރަށާއި ގުޅޭ ޝިއާރެއްކަމުގައި ވާންވާނެ.

ކައުންސިލަށް އެންމެ ކަމުދާ ޝިއާރު ހޮވުމުގައި ބަލާނެ ކަންތައްތައް:

1. އުފެއްދުންތެރިކަން  30%
2. ބަސްމަގު 20%
3. ރަށާއި ގުޅުންހުރި މިންވަރު 50%

ވީމާ، 15 ސެޕްޓެމްބަރ 2022 ވާ ބުރަސްފަތި ދުވަހުގެ މެންދުރު 13:00ގެ ކުރިން ޑޮކިއުމަންޓްތައް ހުށަހަޅެން އެދެމެވެ. އިތުރު މަޢުލޫމާތު ބޭނުންފުޅުވެލައްވާނަމަ ރަސްމީ ގަޑީގައި މި އިދާރާގެ ނަންބަރ 6680539 އާއި ގުޅުއްވައިގެން މަޢުލޫމާތު ސާފުކުރެއްވުން އެދެމެވެ.