ފުވައްމުލަކު ކުރީގެ ރަސްމީދަނޑު ތަރައްޤީކުރުމަށް ކޮންސެޕްޓަކާއި އަދި ފުވައްމުލަކު އެއަރޕޯޓާއި، ފުވައްމުލަކު ބަނދަރުގައި މަރުޙަބާ މޮނިއުމެންޓްގެ ކޮންސެޕްޓު އެކުލަވާލުމަށް ކުރި މިއިދާރާގެ ނަންބަރު IUL)243-S01/PRIV/2014/12) އިޢުލާނާ ގުޅިގެން އެއްވެސް ފަރާތަކުން ކޮންސެޕްޓް ހުށަހަޅާފައިނުވާތީ އެއިޢުލާން ބާޠިލުކޮށް، އަލުން އިޢުލާން ކުރަމެވެ.

ފުވައްމުލަކު ކުރީގެ ރަސްމީދަނޑު ރަސްމީ ބޭނުންތަކަށާއި ޢާއިލާތައް އެއްވެ ހިތްއުފާކޮށްލާ މައިޒާނެއްގެ ގޮތަށް ތަރައްޤީކުރުމަށްޓަކައި ކޮންސެޕްޓެއް އެކުލަވާލަން ބޭނުންވެއެވެ. އަދި ފުވައްމުލަކު އެއަރޕޯޓާއި، ފުވައްމުލަކު ބަނދަރުގައި މަރުޙަބާ މޮނިއުމެންޓެއްގެ ކޮންސެޕްޓްވެސް އެކުލަވާލަން ބޭނުންވެއެވެ.

މިގޮތުން ރަސްމީ ދަނޑަށް އެންމެ ރަނގަޅު ކޮންސެޕްޓެއް ހުށަހަޅާ ފަރާތަށް 10,000.00 ރުފިޔާގެ ފައިސާގެ އިނާމު، އަދި މަރުޙަބާ މޮނިއުމެންޓުގެ ކޮންސެޕްޓަށް 5,000.00 ރުފިޔާގެ ފައިސާގެ އިނާމު ހުށަހެޅިފައިވެއެވެ.

މިކަމާ ގުޅޭ މަޢުލޫމާތު 18 ސެޕްޓެންބަރު 2014 ވާ ބުރާސްފަތި ދުވަހުން ފެށިގެން މިއިދާރާގެ ކައުންޓަރުންނާއި މިއިދާރާގެ ފޭސްބްކް ޕޭޖުން ލިބެން ހުންނާނެއެވެ. https://www.facebook.com/visionfuvahmulah

އީ-މެއިލުން ހުށަހަޅާނަމަ 05 އޮކްޓޫބަރު 2014 ވާ އާދީއްތަ ދުވަހުގެ 13:45 ގެ ކުރިން މެއިލްކުރައްވައި މެއިލް ލިބުނުތޯ ޔަގީންކުރަންވާނެއެވެ. އިތުރު މަޢުލޫމާތު ސާފުކުރުމަށް ގުޅުއްވާނީ 6865001 / 6862510 ނަންބަރު ފޯނާއެވެ.