ދިވެހިރާއްޖެ
ތުރުކީ ވިލާތުގައި އޮންނަ ޤުރްއާން މުބާރާތުގައި ބައިވެރިވުމާބެހޭ
2022 ވަނަ އަހަރު ތުރުކީ ވިލާތުގައި ސެޕްޓެމްބަރ 29 އިން އޮކްޓޯބަރ 10އަކަށް ބޭއްވުމަށް ހަމަޖެހިފައިވާ 8 ވަނަ އިންޓަނޭޝަނަލް ޤުރްއާން މުބާރާތުގައި ބައިވެރިވުމުގެ ދަޢުވަތު ދިވެހިރާއްޖެއަށްވަނީ ލިބިފައެވެ. މި މުބާރާތުގައި ހިމެނޭ ގޮފިތަކުން 2 ގޮތްޕެއްގައި ރާއްޖެއިން ބައިވެރިވާގޮތަށްވަނީ ހަމަޖެހިފައެވެ. މިއިން ކޮންމެ ގޮތްޕެއްގައިވެސް ބައިވެރިވެވޭނީ 1 ބައިވެރިއެކެވެ.
ދައުވަތު ލިބިފައިވާ ކެޓަގަރީތައް
1- މުޅި ޤުރްއާން އެއްކޮށް ހިތުދަސް ކޮށްފައިވުން.
2- ތަޖުވީދުމަގުން ރީތިކޮށް ޤުރްއާން ކިޔަވަން އެނގުން.
މުބާރާތުގައި ބައިވެރިވުމުގެ ޝަރުޠު
- އުމުރުން 18 އަހަރާއި 35 އަހަރާއި ދެމެދުގެ ފިރިހެނަކު ކަމުގައިވުން.
- އިންޓަރނޭޝަނަލް މުބާރާތެއްގައި މީގެ ކުރިން ބައިވެރިވެ 1 ވަނަ ހޯދާފައިވާ ފަރާތެއްކަމުގައި ނުވުން.
- ތުރުކީގެ ބައިނަލް އަޤްވާމީ މުބާރާތެއްގައި މީގެކުރިން ބައިވެރިވެފައި ނުވުން.
- އިސްލާމީ ދުނިޔޭގައި މަޝްހޫރު ޤާރީއެއްކަމުގައި ނުވުން.
- ދިވެހިރައްޔިތެއް ކަމުގައިވުން.
މި މުބާރާތުގައި ބައިވެރިވުމަށް އެދޭ ފަރާތްތަކުން މިކަމަށް އެދި ހުށަހަޅާ ސިޓީ އާއި ވަނަވަރު، އައި.ޑީ ކާޑުގެ ކޮޕީ އަދި ޝަރުޠު ހަމަކުރުމަށް ބޭނުންވާ ލިޔުންތައް 2022 ޖޫން 15 ވާ ބުދަ ދުވަހުގެ 13:30 ގެ ކުރިން ޤުރްއާނާބެހޭ ޤައުމީ މަރުކަޒަށް ހުށަހެޅުއްވުން އެދެމެވެ. މެއިލް ކުރައްވާނަމަ [email protected] އަށް މެއިލް ކުރެއްވުން އެދެމެވެ. މިމުބާރާތުގައި ބައިވެރިކުރާނެ ބައިވެރިން ހޮވާނީ މިކަމަށް އެދި ހުށަހަޅާ ފަރާތްތައް މި މަރުކަޒުން އިމްތިޙާނު ކުރުމަށްފަހުގައެވެ.