އިޢުލާން

ކައުންސިލްގެ އިންޑޯރ ޖިމަށް ބޭނުންވާ އިންސްޓްރަކްޓަރުން  (އަންހެން / ފިރިހެން) ތަމްރީނުކުރުން

         ދުޅަހެޔޮ މުޖުތަމައެއްގެ ވެރި ބަޔަކަށް ޒުވާނުންނާއި ރައްޔިތުން ހެދުމަށްޓަކައި ރަށުގައި ކައުންސިލްގެފަރާތުން ޤާއިމުކުރާ އިންޑޯ ޖިމް  ހިންގުމަށް ބޭނުންވާ  ދެޖިންސުގެ އިންސްޓްރަކްޓަރުން ތަމްރީނު ކުރަން ބޭނުންވެއެވެ. މިގޮތުން ބޭނުންވަނީ، ގިނަވަޤުތު ޚިދުމަތް ދެވޭނެ ފަދަ ދުޅަހެޔޮ ޞިއްހަތެއްގައި ހުރި ( އަންހެން 1 ، ފިރިހެން 1 ) އިންސްޓްރަކްޓަރ އެކެވެ. އަދި ތަމްރީނު ވުމަށް ދާންޖެހެނީ މާލެއަށް ކަމަށްވާތީ މާލެ ދިއުމާއި އެބުރިއައުމުގެ ދަތުރު ޚަރަދު އަދި ކެއުމަށް ކަނޑައެޅޭ އުޞޫލުން ފައިސާ ދެވޭނެއެވެ. ތަމްރީނު ވުމަށް ކަނޑައެޅޭ މުއްދަތުގައި  ތަމްރީނު ފުރިހަމަކުރުމާއެކު މަދުވެގެން 1 އަހަރު ކައުންސިލަށް ޚިދުމަތް ކޮށްދެއްވަން ޖެހޭނެއެވެ. މިގޮތުން ޚިދުމަތް ކުރާއިރު ކައުންސިލުން ކަނޑައަޅާ ގޮތެއްގެމަތިން އެލަވަންސް ހަމަޖައްސައި ދެވޭނެއެވެ.  

         ވީމާ މިކަމަށް ޝަވްޤުވެރިކަން ހުންނަ ފަޜާތްތަކުން 06 ޖޫން 2022 ވާ ހޯމަ ދުވަހުގެ 14:00 ގެ ކުރިން މިއިދާރާއަށް ވަނަވަރު ބަޔާންކޮށް އައި ޑީ ކާޑުގެ ކޮޕީއާއެކު، ސިޓީއަކުން ހުށަހެޅުއްވުން އެދެމެވެ. އިންސްޓްރަކްޓަރުން ތަމްރީނުކުރަން ނަން ހުށަހެޅުމުގެ ފުރުސަތު ކުންފުނިތައް، އަދި ކުލަބް ޖަމުޢިއްޔާ ޖަމާޢަތްތަކަށްވެސް ހުޅުވާލެވިފައިވާތީ މިމުއްދަތަށް ހުށަހެޅުއްވުން އެދެމެވެ.

         ވީމާ، މިކަން އާންމުކޮށް އެންގުމަށްޓަކައި އިޢުލާންކުރީމެވެ.