ދިވެހި ސަރުކާރުން އިންޓަރނޭޝަނަލް ފަންޑް ފޯރ އެގްރިކަލްޗަރަލް ޑިވެލޮޕްމަންޓް (އިފާޑު)ގެ އެހީއާއެކު ތަންފީޒުކުރަމުންދާ [މޯލްޑިވްސް އެގްރިބިޒްނަސް ޕްރޮގްރާމް] އަކީ ދަނޑުވެރިކަމުގެ ޞިނާއަތް ތަރައްޤީކުރުމަށް 5 އަހަރުދުވަހުގެ މުއްދަތަށް ހިންގޭ ޕްރޮޖެކްޓެކެވެ. މިޕްރޮޖެކްޓުގެ ވެބްސައިޓް ހަދައިދޭން ކުރެވުނު އިޢުލާނާއި ގުޅިގެން އެކަށީގެންވާ ތަރުހީބެއް ލިބިފައިނުވާތީ ޝައުގުވެރިވެލައްވާ ފަރާތްތަކަށް "އެކްސްޕްރެޝަން އޮފް އިންޓްރަސްޓް" ހުށަހެޅުމުގެ ފުރުޞަތު 3 ވަނަ ފަހަރަށް ހުޅުވާލަމެވެ.

މި މަސައްކަތައް ޝައުޤުވެރިވާ ފަރާތްތަކުން ދާއިރާއާއި ގުޅޭގޮތުން ލިބިފައިވާ ތަޖުރިބާއާއި، ތަޢުލީމީ ފެންވަރާއި އަދި އެހެނިހެން މުހިންމު މައުލޫމާތުތައް މި ދަޢުވަތާއި އެކީގައިވާ "އެކްސްޕްރެޝަން އޮފް އިންޓްރަސްޓް"ގެ ނަމޫނާ ފުރިހަމަކުރުމަށްފަހު މިމިނިސްޓްރީއަށް ހުށަހެޅުމަށް ދަންނަވަމެވެ. މި މސައްކަތަށް ޝޯޓުލިސްޓް ކުރާނެގޮތް މި ދަޢުވަތާއި އެކީގައިވާ "އެކްސްޕްރެޝަން އޮފް އިންޓްރަސްޓް" ގެ އެނެކްސް 2 ގައި ވާނެއެވެ.

އެކްސްޕްރެޝަން އޮފް އިންޓްރެސްޓް ހުށަހަޅަންވާނީ 08 މޭ 2022 ވަނަ ދުވަހުގެ 11:00 ގެ ކުރިން މ.ހަޒާރުމާގެ، ފަރީދީމަގު، 5 ވަނަ ފަންގިފިލާއަށެވެ. "އެކްސްޕްރެޝަން އޮފް އިންޓްރެސްޓް" ހުށަހަޅަންވާނީ މިކަމަށް ހާއްސަކުރެވިފައިވާ ފޯމްތައް ބޭނުންކޮށްގެންނެވެ.

މި އިޢުލާނާއި ގުޅިގެން މަޢުލޫމާތު ސާފްކުރެއްވުމަށް 24 އެޕްރީލް 2022 ވަނަދުވަހުގެ 10:00ގެ ކުރިން [email protected] އީމެއިލް ކުރެއްވުން އެދެމެވެ. އަދި ފޯނުންނަމަ ގުޅުއްވާނީ 3033410 ނަންބަރު ފޯނަށެވެ.