ދިވެހިރާއްޖެ
ތިލަދުންމަތީ އުތުރުބުރީ ދިއްދޫ ކައުންސިލްގެ ރަސްމީ ސިއްކަ ފަރުމާކޮށްދިނުމަށް ޝައުޤުވެރިވެ ވަޑައިގަންނަވާ ފަރާތްތަކަށް އެ ފުރުޞަތު ހުޅުވާލަމެވެ.
އެހެންކަމުން މި ކައުންސިލްގެ ސިއްކަ ފަރުމާކޮށް ދެއްވުމަށް ޝައުޤުވެރިވެ ވަޑައިގަންވާ ފަރާތްތަކުން 2022 އެޕްރީލް 14 ވަނަ ދުވަހުގެ 14:00 ގެ ކުރިން، ތިރީގައި މި ދަންނަވާ ކަންކަމަށް ވިސްނަވައިގެން ސިއްކަ ފަރުމާކޮށް ދެއްވުމަށްފަހު މި އިދާރާއަށް ހުށަހެޅުއްވުން އެދެމެވެ. ސިއްކައިގެ ސޮފްޓްކޮޕީ ފޮނުއްވާނީ މި އިދާރާގެ [email protected] މެއިލަށެވެ. އަދި ހުށަހަޅާ ސިއްކަތަކުގެ ތެރެއިން މި ކައުންސިލްގައި ބޭނުންކުރުމަށް ހޮވޭ ސިއްކަ ހުށަހެޅުއްވި ފަރާތަކަށް -/5000 (ފަސްހާސް) ރުފިޔާގެ ފައިސާގެ އިނާމެއް ދެވޭނެއެވެ.
ސިއްކަ ފަރުމާ ކުރުމުގައި ސަމާލުކަން ދޭންވީ ކަންތައްތައް
- ހުށަހަޅާ ސިއްކައަކީ މީގެ ކުރިން ޕަބްލިޝްކޮށްފައިނުވާ ސިއްކައަކަށްވުމާއި، އޮފީހެއް، ވިޔަފާރިއެއް، ތަޢުލީމް ދޭތަނެއް ނުވަތަ އެނޫވެސް އެފަދަ އެހެން މުވައްސަސާއަކުން ބޭނުންކުރަމުންދާ ސިއްކައިގެ ކޮޕީއަކަށް ނުވުން.
- ހއ. ދިއްދޫއަށް ނިސްބަތްވާ ޚާއްޞަ ސިފައެއް ރަމްޒުކޮށްދޭ ސިއްކައަކަށްވުމާއި އަދި މުޖްތަމަޢު ޤަބޫލު ކުރާ ފެންވަރުގެ ސިއްކައަކަށްވުން.
- އެއްވެސް ސިޔާސީ ޕާޓީއެއް ރަމްޒުކޮށްދޭ އެއްޗަކަށް ނުވުން .
- ޓީލް ބުލޫ (code #367588) އަދި ހުދު، މި 2 ކުލަ ބޭނުންކޮށްގެން ސިއްކަ ފަރުމާކުރުމަށް އިސްކަން ދިނުން. އަދި މި ކުލައިގެ އިތުރުން "ޓީލް ބުލޫ" އާއި ގުޅޭ އެހެން ކުލައެއް، ޑިޒައިން އާއި ގުޅޭނަމަ ބޭނުން ކުރެވިދާނެއެވެ
- ސިއްކަ ފަރުމާކޮށްފައި ހުންނަންވާނީ، ލެޓަރހެޑް، ބިޒްނަސް ކާޑް، ޔުނީފޯމް، ޓީޝަރޓް، ވެބްސައިޓް އަދި ދިދަ ފަދަ ތަކެތީގައިވެސް ބޭނުންކުރެވޭނެ ފަދަގޮތަކަށެވެ.
- އެކިއެކި ބޭނުންތަކަށް ސިއްކައިގެ ސައިޒު ބަދަލުކުރުމުން ސިއްކައިގެ އަސްލު ނުގެއްލޭގޮތަށް ފަރުމާކުރުން.
- އެކި މައުދަންތަކުންނާއި ލަކުޑިފަދަ ތަކެތިން ފަސޭހައިން ތައްޔާރުކުރެވޭ ސިއްކައަކަށްވުން.
- ހުށަހަޅާ ސިއްކައިގެ ކުލަ އަދި ބްލެކް އެންޑް ވައިޓް ހާޑްކޮޕީއާއި ސޮފްޓްކޮޕީ ( ސޮފްޓްކޮޕީގެ ގޮތުގައި އޭގެ އޮރިޖިނަލް އަދި ވެކްޓަރ ފައިލްސް ) ހުށަހަޅަންވާނެއެވެ.
- ސިއްކައިން ރަމްޒުކޮށްދެނީ ކޮން ކަންތައްތަކެއްކަން ލިޔުމުން ހުށަހެޅުން.
- ސިއްކައިގައި '' HA. Dhidhdhoo Council '' މިގޮތަށް އިނގިރޭސިބަހުން ލިޔެފައިވުން.
- ސިއްކަ ފަރުމާ ކުރާއިރު ބޭނުންކޮށްފައިވާ ފޮންޓް ތަފްޞީލްތައް ކައުންސިލާ ހިއްޞާކުރަންވާނެއެވެ. އަދި ކަސްޓަމަރައިޒް ފޮންޓެއް ސިއްކައިގެ ބޭނުންކޮށްފައިވާނަމަ، އެ ފޮންޓެއް ސިއްކައިގެ ސޮފްޓް ކޮޕީތަކާއެކު ހުށަހަޅަންވާނެއެވެ.
ވީމާ، މިކަން އާއްމުކޮށް އަންގާ އިޢުލާނު ކުރީމެވެ.