ވާރުކާޑަށް އެދި ހުށަހެޅުމާއި ވާރުކާޑު ދޫކުރުމުގެ އުސޫލަށް ބަދަލު ގެނައުން

މީރާއަށް ފައިސާ ދެއްކުމުގެ ބޭނުމަށް ބޭންކް އޮފް މޯލްޑިވްސްއާއި މީރާ ގުޅިގެން ތަޢާރަފްކޮށްފައިވާ ވާރުކާޑު ދޫކުރުމުގައި ޢަމަލުކުރަމުންދާ އުސޫލަށް 1 އެޕްރީލް 2022 އިން ފެށިގެން އަންނަނިވި ބަދަލުތައް ގެނައުމަށް ހަމަޖެހިފައިވާ ވާހަކަ ދަންނަވަމެވެ.

ވާރުކާޑަށް އެދި ހުށަހެޅުމާއި ވާރުކާޑު ދޫކުރުން

• 1 އެޕްރީލް 2022 އިން ފެށިގެން ވާރުކާޑަށް އެދޭ ފޯމު ހުށަހަޅަންޖެހޭނީ ބީ.އެމް.އެލް ބިޒްނަސް ސެންޓަރަށެވެ.
• 1 އެޕްރީލް 2022 އިން ފެށިގެން ވާރުކާޑު ދޫކުރާނީ ބީ.އެމް.އެލް ކަސްޓަމަރ ސަރވިސް ސެންޓަރުންނެވެ.

މާލެ ފިޔަވައި އެހެން ރަށް ރަށުގައި ވާރުކާޑަށް އެދި ހުށަހެޅުމާއި ވާރުކާޑު ދޫކުރުން

• 1  އެޕްރީލް 2022 އިން ފެށިގެން މާލެ ފިޔަވައި އެހެން ރަށް ރަށުން ވާރުކާޑަށް އެދި ހުށަހަޅާ ފޯމު ބަލައިގަތުމާއި ވާރުކާޑު ދޫކުރަން ހަމަޖެހިފައިވަނީ އެ ރަށެއް ނިސްބަތްވާ އަތޮޅެއްގެ ބޭންކް އޮފް މޯލްޑިވްސްގެ ބްރާޗުންނެވެ.

ވީމާ، ވާރުކާޑަށް އެދޭ  ފޯމު 1 އެޕްރީލް 2022 އިން ފެށިގެން މީރާއިން ބަލައިގަތުން ހުއްޓާލައިފައިވާ ކަމުގައި ދެންނެވީމެވެ. އަދި 31 މާރިޗު 2022 ގެ ނިޔަލަށް ވެރިފަރާތުން ހަވާލުވެފައި ނުވާ ވާރުކާޑުތައް ލިބިވަޑައިގަންނަވާނީ  ބީ.އެމް.އެލް ކަސްޓަމަރ ސާރވިސް ސެންޓަރުން ކަމުގައި ދެންނެވީމެވެ.