އިޢުލާން

އައްޑޫ ސިޓީ ބަޔޮސްފިއަރ ރިޒާވްގެ އެޑްވައިސަރީ ކޮމިޓީ ޤާއިމުކުރުމާއި ގުޅޭ

       އައްޑޫސިޓީއަށް ބަޔޮސްފިއަރ ރިޒާވްގެ ލަގަބު ލިބިފައިވާއިރު، ސިޓީ ފެންވަރުގައި ބަޔޮސްފިއަރ ރިޒާވްގެ ކަންކަން ކޯޑިނޭޓްކުރާނެ ނިޒާމެއް ޤާއިމުކުރުމުގެ މަގުޞަދުގައި އެކި ދާއިރާތަކުން މެމްބަރުން އައްޔަންކޮށް އެޑްވައިޒަރީ ކޮމިޓީއެއް އެކުލަވާލުމަށް އުޞޫލެއް ވަނީ ކަނޑައެޅިފައެވެ. އެގޮތުން މި ކޮމިޓީގެ މައިގަނޑު މަގުޞަދަކީ، އައްޑޫ ސިޓީ ބަޔޮސްފިއަރ ރިޒާވްގެ ކަންތައްތައް ހިންގުމުގައި ޔުނެސްކޯ މެން އެންޑް ބަޔޮސްފިއަރ ރިޒާވަށް ލަފާދެއްވުމާއި އަދި މެން އެންޑް ބަޔޮސްފިއަރ ނޭޝަނަލް ކޮމިޓީގެ ސްޓްރެޓެޖީއާއި އެކްޝަން ޕްލޭންސް ތަކުގެ އިންތިޒާމްތައް ހަމަޖައްސައި ބެލެހެއްޓުމެވެ.

       ވީމާ، އައްޑޫ ސިޓީ ބަޔޮސްފިއަރ ރިޒާވްގެ އެޑްވައިސަރީ ކޮމިޓީއަށް ތިރީގައި މި ދަންނަވާ ދާއިރާތަކުން ޝައުގުވެރިވެލައްވާ ފަރާތްތަކުން 2022 މާރިޗު 24 ވާ ބުރާސްފަތި ދުވަހުގެ އޮފީސް ބަންދުވުމުގެ ކުރިން މި އިދާރާގެ ސޯޝަލް ސަރވިސް ސެކްޝަންގެ މެއިލަށް [email protected] ލިޔުން ހުށަހެޅުއްވުން އެދެމެވެ. އަދި ކޮންމެ ދާއިރާ އަކުން ހޮވާނީ އެއް ފަރާތެއް ކަމުގައި ވެސް ދެންނެވީމެވެ.

1-         ތާރީޚާއި ސަޤާފަތުގެ ދާއިރާ

2-         ދަނޑުވެރިކަމުގެ ދާއިރާ

3-         މަސްވެރިކަމުގެ ދާއިރާ

4-         ގެސްޓްހައުސް އަދި ޑައިވް ސެންޓަރ

5-         ލައިވްއަބޯޑް އެސޯސިއޭޝަން

6-         ފަތުރުވެރިކަމުގެ ދާއިރާ (ރިސޯޓްސް)

13 ޝަޢުބާން  1443

16 މާރިޗް    2022