އިޢުލާން

2022 ވަނަ އަހަރުގެ މެއި/ޖޫން އެޑެކްސެލް އައިއޭއެލްގެ އާޓް ސްޓްރީމް އިމްތިޙާނު ހަދާ ދަރިވަރުންގެ އެޕްލިކޭޝަން ފޯމް ދޫކުރުން.

2022 ވަނަ އަހަރުގެ މެއި/ޖޫން ގައި ބޭއްވުމަށް ހަމަޖެހިފައިވާ އެޑެކްސެލް އައިއޭއެލް (ހަމައެކަނި އާޓް ސްޓްރީމް ހަދާ ދަރިވަރުން، ހިސްޓްރީ، ޖޯގްރަފީ، އިންގްލިޝް ލޭންގުއޭޖް އަދި އިންގްލިޝް ލިޓްރޭޗަރ) އިމްތިޙާނުގެ އެޕްލިކޭޝަން ފޯމް ދޫކުރުމާއި ފައިސާ ބަލައިގަތުން 2022 ފެބްރުވަރީ 14 އިން 20 އަށް މިޑިޕާޓްމަންޓުން ކުރިއަށް ގެންދާނެއެވެ.

އެޕްލިކޭޝަން ފޯމް މި ޑިޕާޓްމަންޓް ގެ ކައުންޓަރުންނާއި (ހ.އަސްރަފީވިލާ، ދެވަނަ ފަންގިފިލާ، މަޖީދީމަގު) އަދި ވެބްސައިޓް www.dpe.edu.mv  އިން ލިބެން ހުންނާނެއެވެ. އޮންލައިން ކޮށް އެޕްލިކޭޝަން ފުރާނަމަ މެއިލް ކުރާނީ [email protected]  އަށެވެ. އަދި ފައިސާ ދެއްކުމުގެ އިންތިޒާމް ހަމަޖެހިފައިވަނީ ބަނޑޭރި ޕޭ ޕޯޓަލް މެދުވެރިކޮށެވެ.

ފޯމު ދޫކުރުމާއި، ފޯމު ޗެކު ކުރުމާއި، ފައިސާ ބަލައިގަތުމަށް ހަމަޖެހިފައިވަނީ ސަރުކާރު ބަންދުނޫން ކޮންމެ ދުވަހެއްގެ 0830 އިން 1330 އަށެވެ. ފޯމު ހުށަހަޅުއްވާ އިރު ދިވެހިރައްޔިތެއްކަން އަންގައިދޭ ކާޑުގެ އަސްލާއި ފޮޓޯކޮޕީ ގެންނެވުން އެދެމެވެ.

13 ރަޖަބު    1443

14 ފެބުރުވަރީ 2022