މަގާމު

ސްޕެޝަލައިޒޭޝަން

ބޭނުންވާ ޢަދަދު

މަޤާމުގެ ނަންބަރ

 ޓީޗަރ

މަޤާމުގެ ގިންތި:

ދާއިމީ

މަޤާމުގެ ރޭންކު:

ސީ.އެސް 11-2 އިން ސީ.އެސް 15-5

މަޤާމުގެ ކްލެސިފިކޭޝަން:

ސްކޫލް ޓީޗަރސް

ވަޒީފާ އަދާކުރަން ޖެހޭ ތަން:

ކ. އަތޮޅު މަދަރުސާ، ކ. ކާށިދޫ

މުސާރަ:

-/7070 ރުފިޔާއާއި -/10640 ރުފިޔާއާއި ދެމެދު      

ސަރވިސް އެލަވަންސް:

-/2500 ރުފިޔާ

އެހެނިހެން އެލަވަންސް:

01. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް.

02. ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.

03. ސިވިލްސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ.

04. އެޑިއުކޭޝަން ކޮލިފިކޭޝަން އެލަވަންސް:

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

• ސްކޫލުން ހަވާލުކުރާމާއްދާގެ ސިލަބަސްބަލާ، ސިލަބަހުގައިވާ މިންވަރު ހާސިލުކުރާނެ ސްކީމެއް ޝެޑިއުލް ކުރެވިފައިވާ މުއްދަތުގައި  ނިންމާ ސުޕަވައިޒަރާއި ހަވާލުކުރުން.
• ޓެސްޓްތަކުގެނަތީޖާ ރިކޯޑްބަލަހައްޓައި، ދިރާސާކޮށް އަޅަންޖެހޭއިސްލާޙީ ފިޔަވަޅުތައްއެޅުން. އަދިމިކަންކަމުގެމަޢުލޫމާތު  ސުޕަވައިޒަރަށް ދިނުން.
• ނަތީޖާއަށްބަލާ، ރިމީޑިއަލް ޕްރާގްރާމާއި އެންރިޗްމަންޓް ޕްރޮގްރާމްތައް، ސުޕަވައިޒަރުގެ މަޝްވަރާއާއެކު ހިންގުން.
• ކޮންމެ ހަފްތާއަކަށް ހެދިފައިވާ ސްކީމް ކަވަރުކުރުމަށްޓަކައި ކުރިއަށް އޮންނަ ހަފްތާގެ ލެސަން ޕްލޭން ތައްޔާރުކޮށް، ފިލާވަޅުގައި ބޭނުންކުރާނެ ޓީޗިން އެއިޑާއިއެކު ހިނގާ ހަފްތާގެ ބުރާސްފަތިދުވަހުގެ ރަސްމީ ސެޝަން ނިމުމުގެ ކުރިން ސުޕަވައިޒަރަށް ހުށައެޅުން.
• ކިޔަވައިދެވޭ ކޮންމެ ފިލާވަޅަކާއި ގުޅޭ ގޮތުންވެސް ދަރިވަރުން ކުރާ މަސައްކަތް ޖެހިގެން އޮންނަ ފިލާވަޅު ނެގުމުގެ ކުރިން ބަލާ، ދަރިވަރުންނަށް ދޭންވާ ފީޑްބެކް ދިނުން.މަސައްކަތްތައް ނުނިންމާ ދަރިވަރުން ސެޝަން ނިމުމުން މަޑުކުރުވާ މަސައްކަތްތައް ނިންމުވުން. އަދި މިކަމުގެ މަޢުލޫމާތު ކްލާސް ޓީޗަރުން މެދުވެރިކޮށް ކޮންމެ ހަފްތާއެއްގެވެސް ކަނޑައެޅިފައި އޮންނަ ދުވަހު ބެލެނިވެރިންނަށް ދިނުން.
• ކޮންމެ ހަފްތާއެއްގައިވެސް ބޭއްވޭ ކޯޑިނޭޝަން މީޓިންތަކަށް ޤަވާއިދުން ޙާޟިރުވެ މަޝްވަރާކުރެވޭ ގޮތަށް އަމަލުކުރުން.
• ސްކޫލުން ހަވާލުކުރާ މާއްދާ، ހެދިފައިވާ ޓައިމް ޓޭބަލްގައިވާގަޑީގައި ކުލާހަށް ހާޒިރުވެ ފަރުވާތެރިކަމާއެކު ކިޔަވައިދީ، ރިކޯޑް   ލިޔުން. ކްލާސް ރެކޯޑް ފުރިހަމަކުރުމުގައި ސުޕަވައިޒަރު ދޭ އިރުޝާދާއި އެއްގޮތްވާ ގޮތުގެ މަތިން ފުރިހަމަކުރުން.
• ކިޔަވައި ދެވޭ މާއްދާއިން ކޮންމެ ޓާމެއްގައިވެސް ކަނޑައެޅިފައިވާ މިންވަރަށް، ކަނޑައެޅިފައިވާ ގޮތުގެމަތިން ޔުނިޓް ޓެސްޓްތަކާއި ޑައިގްނޯސްޓިކް ޓެސްޓްތަކާއި އެސެސްމަންޓް ހައްދާ ހާސިލުވާ މިންވަރު ދެނެގަނެ އަދި ޓާމް ނިމޭއިރު ސިލަބަހާ އެއްފެންވަރުގެ ޓެސްޓެއް ހައްދާ ހާސިލުވާމިންވަރު ދެނެގަތުން.
• ޓެސްޓް ކުރިއަށްދާ ދުވަސްވަރު އިންވިޖިލޭޓަރެއްގެ ގޮތުގައި ހަމަޖައްސައިފިނަމަ އިންވިޖިލޭޝަން ޓޭބަލާއި އެއްގޮތަށް އިމްތިޙާނު ހޯލު ބެލެހެއްޓުން. އިމްތިޙާނުގެ ކަންތައްތައް ބެލެހެއްޓުމުގައި ސްކޫލުން ކަނޑައަޅާފައިވާ މިންގަނޑުތަކާއި އުޞޫލުތަކަށް ޢަމަލުކުރުން.
• ޓެސްޓުނަގާ ނިމުމުން ދަރިވަރުންގެ ޖަވާބު ކަރުދާސްތައް ފަރުވާތެރިކަމާއި ރައްކާތެރިކަމާއެކު ބެލެހެއްޓުމާއި ކަނޑައެޅިފައިވާ މުއްދަތުގެ ތެރޭގައި ޕޭޕަރުތައް މާކްކޮށް ނަތީޖާތައް މަސްއޫލު ފަރާތްތަކާ ޙަވާލުކުރުން.
• ރިމީޑިއަލް، އެންރިޗްމަންޓް އަދި އެކްސްޓްރާ ކްލާސްތަކަށް ކަނޑައެޅިފައިވާ ގަޑިތަކަށް ހާޒިރުވެ ފަރުވާތެރިކަމާއެކު ކްލާސްތައް ނަގައިދިނުން.
• މުދައްރިސަކު ހާޒިރުނުވާތީ ހުސްވާގަޑިތަކުން ހަވާލުކުރެވޭ ރިލީފް ގަޑިތައް ނަގައިދިނުން.
• ހަފްތާގެ ސްކީމް ކަވަރުކުރެވޭތޯ ބަލާ، ކަވަރުނުކުރެވޭނަމަ ސުޕަވައިޒަރުގެ ލަފާގެމަތިން އިތުރުގަޑިތަކެއް ނަގައިދިނުން.
• ކިޔަވައިދޭ ހުރިހާ ދަރިވަރުންނަށް ހަމަހަމަކަމާއެކު، ފުރުސަތުދިނުމާއި ދަރިވަރުންނަށް ނަމޫނާއަކަށްވުން.
• ކިޔަވައިދޭ ގަޑީގައިއާއި ކުލާހުން ބޭރުގައި ދަރިވަރުންގެ ފަރާތުން ދިމާވާ ތަފާތު މައްސަލަތަކުގައި، ޑިސިޕްލިން ގައިޑްލައިން (އަޚްލާޤީ ކަންތައްތަކުގައި އަމަލުކުރާ މިންގަނޑު) ގައި ބަޔާން ކޮށްފައިވާ ގޮތަށް ފިޔަވަޅު އަޅަމުން ގެންދިއުން.
• ސްކޫލްގެ ދަރިވަރުންނަށާއި ސްކޫލްގެ ކުރިއެރުމަށް ރާވާ ހިންގޭ އިތުރު ހަރަކާތްތަކުގައި އަމަލީގޮތުން ބައިވެރިވެ އެކަމެއް ކާމިޔާބު ކުރުމަށް ހުރިހާ މާނައެއްގައިވެސް މަސައްކަތްކުރުން. އަދި އެފަދަ ހަރަކާތެއްގައި އިސްކޮށް ހަރަކާތްތެރިވުމަށް ހަވާލުކުރެވިއްޖެނަމަ އެހަރަކާތެއް ބާއްވަން ކަނޑައެޅިފައިވާ ތާރީޚްގައި ބާއްވާ ކާމިޔާބުކަމާއެކު ކޮށް ނިންމުން.
• ސްކޫލްގެ އެހެން މުވައްޒަފަކަށް ހަވާލުކުރެވިފައިވާކަމެއް އެމުވައްޒަފުގެ ބަދަލުގައި ކުރަން ހަވާލުކުރެވިއްޖެނަމަ އެކަމެއް ކުރަންރޭވިފާއިވާގޮތަށް، ކަނޑައެޅިފައިވާ ވަގުތަށް ފުރިހަމަކޮށް ކާމިޔާބުކަމާއެކު ނިންމުން.
• ސްކޫލްގައި ފާހަގަކުރާދުވަސްތަކާއި މުނާސަބަތުތަކުގައި ހަވާލުކުރެވޭކަމެއްކަނޑައެޅިފައިވާގަޑިއަށް ފަރުވާތެރިކަމާއެކުކޮށްނިންމުން. އަދި މިފަދަ ދުވަސްތަކާއި މުނާސަބަތުތައް ފާހަގަކުރުމުގެ ގޮތުން ބޭއްވޭ ބައްދަލުވުން ތަކާއި ހަރަކާތްތަކާއި ޙަފްލާތަކަށް ސްކޫލުން އަންގާ ގޮތެއްގެމަތިން ހާޒިރުވުން.
• ސްޓާފް މީޓިން، ކޯޑިނޭޝަން މީޓިން އަދި ޕޭރަންޓް ޓީޗަރ މީޓިން ފަދަ މީޓިންތަކުގެ އިތުރުން ޓީޗަރުން ބައިވެރިކޮށްގެން ސްކޫލްގެ ފަރާތުން ބޭއްވޭ އެހެނިހެން ބައްދަލުވުންތަކާއި ވާރކްޝޮޕް، ސެމިނަރފަދަ ކަންކަމުގައި ސްކޫލުން އަންގާ ގޮތެއްގެ މަތިން ބައިވެރިވުން.
• އިތުރު ހަރަކާތްތައް ރާވާ ހިންގުމުގައްޔާއި އިތުރު ހަރަކާތްތަކުގައި އެހީތެރިވުމުގައި، އެހަރަކާތަކަށް ވަކި ގައިޑްލައިންތަކެއް ހެދިފައިވާ ނުވަތަ ވަކި ޤަވާއިދުތަކެއް ހެދިފައިވާ ހަރަކާތެއްނަމަ، އެ ގައިޑްލައިން ނުވަތަ އެ ޤަވާޢިދަކާއި އެއްގޮތަށް ޢަމަލުކުރުން.
• ސްކޫލާއި ސްކޫލުން ބޭރުގައިވެސް ދަރިވަރަކު އުޅޭގޮތަކުން ދަރިވަރަކު ރަނގަޅުކުރުމަށް ނަސޭހަތް ދޭންޖެހިއްޖެ ހާލަތެއްގައި އެދަރިވަރަށް ނަސޭހަތްތެރިވުން. އަދި ދިވެހިންގެ ތެރޭގައި އޮންނަ ރިވެތި އާދަކާދަތަކާއި އިސްލާމް ދީނުގެ ހަމަތަކާއި އެއްގޮތްވާ ގޮތުގެ މަތިން ދަރިވަރުން ތަރުބިއްޔަތު ކުރުމަށް މަސައްކަތް ކުރުން.
• ސްކޫލްގެ ދަރިވަރުންނަށް ހެދިފައިވާ ޤަވާޢިދުތަކާއި ޚިލާފަށް އުޅޭ ދަރިވަރުން އިސްލާހު ކުރުމަށް މަސައްކަތްކުރުން. (ނަސޭހަތް ދިނުން، އިންޒާރުކުރުން، ބެލެނިވެރިންގެ ސަމާލުކަމަށް ގެނައުން، ސުޕަވައިޒަރުގެ ސަމާލުކަމަށް ގެންދިއުން.) މިފަދަ ކަންކަމާއި ގުޅޭގޮތުން ހެދިފައިވާ ޤަވާއިދުތަކާއި ސްކޫލުން ތައްޔާރުކޮށްފައިވާ ގައިޑްލައިންތަކާއި އެއްގޮތަށް ޢަމަލުކުރުން.
• ސްކޫލްގެ ކޮންމެ ހަރަކާތަކަށްވެސް އެކަށީގެންވާރަނގަޅު ހެދުމެއްގައި ހާޒިރުވެ ދަރިވަރުންނަކީވެސް އެފަދަބަޔަކަށް ހެދުމަށް މަސައްކަތްކުރުން.
• ދަރިވަރަކަށްލިބޭ ރަނގަޅު ކާމިޔާބުތައް ފާހަގަކޮށް އަދި ރަނގަޅުކުރަންޖެހޭ ކަމެއްވާނަމަ އެކަންވެސް ފާހަގަކޮށް ދަރިވަރަށް އަންގައިދީ އަދި ބެލެނިވެރިންނަށް އެމައުލޫމާތު ފޯރުކޮށްދިނުން.
• ސްކޫލްގެ އެކިއެކި ކަންކަމަށް ތައްޔާރުކުރެވިފައިވާ ގައިޑްލައިންތަކާއި ސުޕަވިޝަން ގައިޑްލައިންގައި ކަނޑައެޅިފައިވާ ކަންތައްތައް ތަންފީޒުކުރުމުގައި ވަޒީފާގެ ގޮތުން ކުރަންޖެހޭ އެންމެހާ ކަންތައްތައް ކުރުމާއި، އެކަންތައްތައް ތަންފީޒުކުރުމުގައި ސުޕަވައިޒަރުން،  އަދި ސްކޫލްގެ އެހެނިހެން ވެރިންނަށް އެއްބާރުލުން ދިނުން.
• ކިޔަވައިދިނުމުގެ އިތުރުން ސްކޫލްގައި އުފެދިފައިވާ އެކިއެކި އެސޯސިއޭޝަންތަކާއި، ކްލަބް ތަކާއި ޔުނިފޯމް ހަރަކާތްފަދަ ހަރަކާތެއް ހިންގުމަށް ހަވާލުކުރެވިއްޖެނަމަ ނުވަތަ އެފަދަ ހަރަކާތެއް ހިންގުމުގައި އެހީތެރިވުމަށް ސްކޫލްގެ ފަރާތުން ހަމަޖައްސައިފިނަމަ، ޒިންމާދާރުކަމާއެކު ކަނޑައެޅިފައިވާ އުސޫލުގެ މަތިން އެކަމެއް ކުރުން.
• ވަޒީފާގެ މަސްޢޫލިއްޔަތުގައި ކަނޑައެޅިފައިވާ ކަންތައްތަކުގެ އިތުރުން ވެރިޔަކު ރަސްމީ ކަމެއް ޙަވާލުކުރުމަށް ޖެހިއްޖެ ހިނދެއްގައި ޙަވާލުކުރައްވާ މަސައްކަތެއް ވީއެންމެ ފުރިހަމަޔަށް ކުރުން.

މަޤާމުގެ ޝަރުޠުތައް:

ސްޕެޝަލް އެޑިޔުކޭޝަން ނީޑްސް (ސެން) ޓީޗަރުން ގޮތުގައި ޓީޗަރަކު ހަމަޖައްސާނީ ތިރީގައިވާ ޝަރުތުޠައް ހަމަވާނަމައެވެ.

1. ސްޕެޝަލް އެޑިޔުކޭޝަން ނީޑްސް (ސެން) އަށް ޙާއްޞަވެފައިވާ ދާއިރާއަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑު ލެވެލް 5 ނުވަތަ އެއަށްވުރެ މަތީ ސަނަދެއް ޙާސިލްކޮށްފައިވުން. ނުވަތަ؛ (މި ޝަރުތުން ހަމަޖެއްސޭނީ CS11 އަދި CS13  ގެ މަގާމުތަކަށެވެ.)
2. ޓީޗަރުންގެ ވަޒީފާގެ އޮނިގަނޑުގެ ޓީޗަރެއްގެ ޝަރުޠު ފުރިހަމަވުމާއެކު، ތިރީގައިވާ ޝަރުޠުތަކުން ޝަރުޠެއް ފުރިހަމަވުން:

• ސްޕެޝަލް އެޑިޔުކޭޝަންގެ ރޮނގުން ނުވަތަ އިންކްލޫސިވް އެޑިޔުކޭޝަންގެ ރޮންގުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑު ލެވެލް 3 ނުވަތަ އެއަށްވުރެ މަތީ ސަނަދެއް ހާސިލްކޮށްފައިވުން؛ ނުވަތަ
• ސްޕެޝަލް އެޑިއުކޭޝަންގެ ނުވަތަ އިންކްލޫސިވް އެޑިޔުކޭޝަންގެ ރޮނގުން ކިޔަވައިދިނުމަށް މިނިސްޓްރީ އޮފް އެޑިޔުކޭޝަންގައި ރަޖިސްޓްރީކޮށްފައިވާ ސްކޫލެއްގައި، ސްޕެޝަލް އެޑިޔުކޭޝަން ނުވަތަ އިންކްލޫސިވް އެޑިޔުކޭޝަން ކުލާހެއްގައި 1 (އެކެއް) އަހަރު ނުވަތަ އެއަށްވުރެ ދިގު މުއްދަތެއްގައި ކިޔަވައިދީފައިވާކަމުގެ ލިޔުމާއި، އެ މުއްދަތުގައި މަސައްކަތުގެ ފެންވަރުބެލުމުގެ ނިޒާމުން %85 އަށް ވުރެ މަތިން މާކްސް ލިބިފައިވުން.

 ޕްރީ ސްކޫލް ޓީޗަރުންގެ ގޮތުގައި ޓީޗަރަކު ހަމަޖައްސާނީ ތިރީގައިވާ ޝަރުތުޠައް ހަމަވާނަމައެވެ.

2. ޕްރީ ސްކޫލަށް ޚާއްޞަވެފައިވާ ދާއިރާއަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑު ލެވެލް 5 ނުވަތަ އެއަށްވުރެ މަތީ ސަނަދެއް ޙާސިލްކޮށްފައިވުން. ނުވަތަ؛ މި ޝަރުތުން ހަމަޖެއްސޭނީ CS11 އަދި CS13 ގެ މަގާމުތަކަށެވެ.

3. ޓީޗަރުންގެ ވަޒީފާގެ އޮނިގަނޑުގެ ޓީޗަރެއްގެ ޝަރުޠު ފުރިހަމަވުމާއެކު، ތިރީގައިވާ ޝަރުޠުތަކުން ޝަރުތެއް ފުރިހަމަވުން
ޕްރީ ސްކޫލްގެ ރޮނގުން ނުވަތަ އާރލީ ޗައިލްޑްހުޑް ކެއަރގެ ރޮނގުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑު ލެވެލް 3 ނުވަތަ އެއަށްވުރެ މަތީ ސަނަދެއް ހާސިލްކޮށްފައިވުން، ނުވަތަ؛ ޕްރީ ސްކޫލްގެ ރޮނގުން ނުވަތަ އާރލީ ޗައިލްޑްހުޑް ކެއަރގެ ރޮނގުން ކިޔަވައިދިނުމަށް މިނިސްޓްރީ އޮފް އެޑިޔުކޭޝަންގައި ރަޖިސްޓްރީކޮށްފައިވާ ސްކޫލެއްގައި، ޕްރީ
ސްކޫލް މަރުޙަލާއަށް 1 (އެކެއް) އަހަރު ނުވަތަ އެއަށްވުރެ ދިގު މުއްދަތެއްގައި ކިޔަވައިދީފައިވާކަމުގެ ލިޔުމާއި، އެ މުއްދަތުގައި މަސައްކަތުގެ ފެންވަރުބެލުމުގެ ނިޒާމުން
85% އަށް ވުރެ މަތިން މާކްސް ލިބިފައިވުން.

މަޤާމުގެ ތަޢުލީމީ ރޮނގުތައް:

އެޑިއުކޭޝަން

ޕްރައިމަރީ އެޑިއުކޭޝަން

ޓީޗިންގ

މަޤާމުގެ މަސައްކަތުގެ ދާއިރާތައް :

ޓީޗިންގ ސަރވިސަސް

ހުށަހަޅަންޖެހޭ ލިޔުންތައް:

1. ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި އިދާރާގެ ވެބްސައިޓުންނާއި ކައުންޓަރުން އަދި ތިރީގައިވާ ލިންކުން ލިބެންހުންނާނެއެވެ.) http://www.csc.gov.mv/dv/downloads/15151
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛
6. (ހ)  މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ

(ށ)  ރާއްޖޭގެ މަތީ ތައުލީމުދޭ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:

(ހ)   ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ)   ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv / އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ)   އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ)  ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

(ބ)  ދަޢުލަތުގެ އުވައިލައިފައިވާ އިދާރާއެއްގައި، ނުވަތަ އުވައިލައިފައިވާ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ އުވައިލައިފައިވާ ޤައުމީ ނުވަތަ ބައިނަލްއަޤްވާމީ ޖަމިއްޔާ ނުވަތަ ޖަމާއަތެއްގައި މަސައްކަތްކޮށްފައިވާ ނަމަ، އަދާކޮށްފައިވާ ވަޒީފާ އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ "ވަޒީފާއަށް އެދޭފަރާތުގެ ރެފަރެންސް ޗެކް ފޯމު".

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• ހާސިލުކޮށްފައިވާ ތަޢުލީމާއި ތަމްރީނަށް ބަލައިގެން
• މަސައްކަތުގެ ދާއިރާއިން ލިބިފައިވާ ތަޖުރިބާއަށް ބަލައިގެން
• ގާބިލުކަން ކަށަވަރުކުރުމަށް އިންޓަރވިއުކޮށްގެން

މަޤާމަށް އެދެންވީގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 2022 ޖަނަވަރީ 03 ވާ ހޯމަދުވަހުގެ 14:00 ގެ ކުރިން، ކ.އަތޮޅު މަދަރުސާ އަށެވެ. ވަޒީފާއަށްއެދޭ ފޯމާއި ލިޔުންތައް އީ-މެއިލް ([email protected]) މެދުވެރިކޮށް ވެސް ބަލައިގަނެވޭނެއެވެ.

އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފި ނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.

ޝޯޓްލިސްޓުކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭފަރާތްތައް ޝޯޓްލިސްޓުކުރެވޭނެއެވެ.

އިންޓަރވިއު އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ، 2022 ޖަނަވަރީ 04 އާއި 13 އާއި ދެމެދު، ކ.އަތޮޅު މަދަރުސާ ގައެވެ.

"ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ފޯމު)" އާންމުކުރުން

އިންޓަވިއު ބާއްވާތާ ރަސްމީ ބަންދު ނޫން 3 ދުވަހުގެ ތެރޭގައި "ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ފޯމު)" އާންމުކޮށް ފެންނާނެހެން މި އިދާރާގައި އަދި އިދާރާގެ ވެބްސައިޓްގައި އާންމުކުރެވޭނެއެވެ. ވަޒީފާއަށް ކުރިމަތިލީ ފަރާތްތަކަށް ޕޮއިންޓު ދެވިފައިވާ ގޮތާމެދު ޝަކުވާއެއް އޮތްނަމަ A2 ފޯމު އާންމުކުރާ ދުވަހުން ފެށިގެން ރަސްމީ ބަންދު ނޫން 3 ދުވަހުގެ ތެރޭގައި އެ ޝަކުވާއެއް މި އިދާރާއަށް ހުށަހަޅަންވާނެއެވެ.

މި އިޢުލާނުގެ ދަށުން މަތީގައިވާ ޝަރުތު ހަމަވާ ފަރާތެއް ދާއިމީ މަޤާމަށް ނުލިބިއްޖެނަމަ، ތިރީގައިވާ ޝަރުތު ހަމަވާ ފަރާތެއް ރިލީފް މަޤާމަކަށް އެކަޑަމިކް އަހަރު ނިމެންދެން ނެގުމަށް ހަމަޖެހިފައިވެއެވެ.

 މަޤާމުގެ ގިންތި: ވޭޖް

މުއްދަތު:      އެކަޑަމިކް އަހަރު ނިމެންދެން

ނޯޓް:

• ގްރޭޑް 10 ނިންމިކަން ބަޔާންކުރާ ސްކޫލް ލީވިންގ ސެޓްފިކެޓެއް ނުވަތަ ގުރޭޑް 10 ނިންމާ އިމްތިޙާނެއްގައި ބައިވެރިވެފައިވާކަމުގެ ލިޔުމެއް ލިބިފައިވާނަމަ ސާނަވީ ތައުލީމު ފުރިހަމަކުރިކަމަށް ބެލެވޭނެއެވެ.
• ގްރޭޑް 12 ނިންމިކަން ބަޔާންކުރާ ސްކޫލް ލީވިންގެ ސެޓްފިކެޓެއް ނުވަތަ ގްރޭޑް 12 ނިންމާ އިމްތިޙާނެއްގައި ބައިވެރިވެފައިވާކަމުގެ ލިޔުމެއް ލިބިފައިވާނަމަ މަތީ ސާނަވީ ތައުލީމު ފުރިހަމަކުރިކަމަށް ބެލެވޭނެއެވެ.
• ޤައުމީ ސަނަދުތަކުގެ އޮނިގަނޑުގެ ލެވެލް 3 ގެ ސަނަދެއް ހާސިލުކޮށްފައިވާނަމަ ސާނަވީ ތައުލީމު ފުރިހަމަކުރިކަމަށް ބެލެވޭނެއެވެ.

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 6640036 އަށެވެ. އީ-މެއިލް ކުރާނީ  [email protected] އަށެވެ.

ސިވިލް ސަރވިސްގެ ވަޒީފާތަކަށް މީހުން ހޮވުމާއި އައްޔަންކުރުމުގެ މިންގަނޑުތަކާއި އުޞޫލުތައް އަދި އެ އުޞޫލުތަކާ ގުޅުންހުރި އެންމެހައި ލިޔުންތައް ސިވިލް ސަރވިސް ކޮމިޝަނުގެ ވެބްސައިޓްގެ ޑައުންލޯޑްސްގެ "އައްޔަންކުރުމުގެ އުޞޫލާގުޅޭ" (http://www.csc.gov.mv/dv/recruitment-usoolu) އިން ލިބެން ހުންނާނެއެވެ.