#

ޚިދުމަތްތައް

ޚިދުމަތުގެ ފެންވަރާއި މުއްދަތު

އޮފީހުގެ ފޯނަށް އަންނަ ފޯންކޯލްތަކަށް ޖަވާބު ދިނުން

1

އޮފީހުގެ ފޯނަށް އަންނަ ފޯންކޯލްތަކަށް ޖަވާބު ދިނުން

• ރަސްމީ ދުވަސްދުވަހު ހެނދުނު 8:00 ން 14:00 އަށް  ޚިދުމަތް ހޯދަން ކައުންސިލަށްގުޅުއްވާ ފަރާތްތަކަށް ޚިދުމަތް ލިބިވަޑައިގަންނަވާނެ.
• ކައުންސިލްގެ ރަސްމީފޯނަށް އަންނަ ފޯނުކޯލުތަކަށް ލަސްނުކޮށް ޖަވާބު ދެވޭނެ.
• ޚިދުމަތް ހޯދަން ގުޅާފަރާތްތަކުން ބޭނުންވާ ޚިދުމަތެއް އޮޅުން ފިލުވައި، ކަމާގުޅުންހުރި މުވައްޒަފަށް ކޯލް ޕާސްކުރެވޭނެ، ނުވަތަ އެކަމަކާ ގުޅިގެން ދޭންޖެހޭ ޖަވާބެއް ދެވޭނެ. ވަގުތުން ޖަވާބުދާރީ ނުވެވުނުނަމަ، އެފަރާތެއްގެ ސުވާލު ނޯޓުކޮށް، އެމުވައްޒަފަކު އޮފީހަށް ޙާޒިރުވުމުން ސުވާލު ކުރިފަރާތަށް ޖަވާބު ދެވޭނެ.

އެންޓްރީކުރުމާއި، ޢާންމުފަރާތްތަކުން ހުށަހަޅާ ސިޓީތަކަށް ޖަވާބުދާރީވުން.

2

އެންޓްރީ ކުރުމާއި، ޢާންމުފަރާތްތަކުން ހުށަހަޅާ ސިޓީތަކަށް ޖަވާބުދާރީވުން.

• އޮފީހަށް ލިބޭ ލިޔުންތައް ރަސްމީ 2 ދުވަހުގެ ތެރޭގައި އެންޓްރީކޮށް ކަމާގުޅޭ ސެކްޝަނަށް ފޯރުކޮށްދެވޭނެ.
• އެކަމަށް ޚާއްޞަ  އުޞޫލެއް ކަނޑައެޅިފައިވާ ކަމަކާއި ގުޅޭ ކޮންމެ ހުށަހެޅުމަކަށް އެ އުޞޫލުގައިވާ ގޮތުގެ މަތިން ލަސްނުކޮށް ފިޔަވަޅު އެޅޭނެއެވެ. އެނޫން ކަންކަމަށް ލަސްވެގެން މަސައްކަތު 3 (ތިނެއް) ދުވަސް ތެރޭގައި ޖަވާބުދާރީ ވެވޭނެއެވެ.
• ރަސްމީ މަސައްކަތު 3 ދުވަހުގެ ތެރޭގައި ޖަވާބު ނުދެވޭނަމަ، ޖަވާބުދިނުން ލަސްވާ ސަބަބު އޮޅުންފިލުވައިދެވޭނެ، ނުވަތަ ވަގުތީ ޖަވާބެއް  ލިޔުމުން، ނުވަތަ އޮފީހުގެ ރަސްމީ މޮބައިލް ނަމްބަރުން އެސް އެމް އެސް އަކުން ނަމަވެސް، ރަސްމީ މަސައްކަތު 3 ދުވަހުގެ ތެރޭގައި ދެވޭނެ.
• ދައުލަތުގެ އެހެން މުއައްސަސާއަކުން މަޢުލޫމާތު ހޯދައިގެން ޖަވާބު ދެވޭނެ މައްސަލަތަކަށް، ރަސްމީ މަސައްކަތު 3 ދުވަހާއި، 15 ދުވަހާ ދެމެދުގެ މުއްދަތެއްގެ ތެރޭގައި ޖަވާބު ދެވޭނެއެވެ.

އެޕޮއިންޓްމަންޓަށް އެދި ހުށަހެޅުން

3

އެޕޮއިންޓްމަންޓަށް އެދި ހުށަހެޅުން

• އޮފީހުގެ ވެރިއަކާ ބައްދަލުކުރުމަށް އެދި އެޕޮއިންޓްމަންޓަކަށް ލިޔުމުން އެދިފައިވާނަމަ، ބައްދަލު ކުރައްވާ ވެރިޔަކު ނިންމަވާ ގޮތެއްގެ މަތިން އެޕޮއިންޓްމަންޓަށް އެދޭ ފަރާތްތަކަށް، ގިނަވެގެން ރަސްމީ މަސައްކަތު 1 ދުވަހާއި 3 ދުވަހުގެ ތެރޭގައި ލިޔުމުން ނުވަތަ މެސެޖަކުން ޖަވާބު ދެވޭނެއެވެ.

އައި.ޑީ.ކާޑު ހެދުން

4

އައި.ޑީ.ކާޑު ހެދުން

• ދިވެހިރައްޔިތެއްކަން އަންގައިދޭ ކާޑު ހެދުމުގެ ޚިދުމަތް ރަސްމީ ކޮންމެ ދުވަހެއްގެ ހެނދުނު 9:00 އިން 12:00 ށް އަދި 13:00 އިން 14:00 އަށް ފޯރުކޮށް ދެވޭނެއެވެ.
• އީމެއިލް ( [email protected] ) ގެޒަރީޢާއިންވެސް ފޯމު ހުށަހެޅިދާނެއެވެ. ކައުންސިލް އިދާރާގެ ކައުންޓަރުންނާއި ކައުންސިލްގެ އަދި ޑީ.އެން.އާރު ގެ ވެބްސައިޓުން (www.dnr.gov.mv) ފޯމުލިބެން ހުންނާނެއެވެ.
• އައި.ޑީ ކާޑު ހެއްދުމަށް ހުށަހަޅާ އެޕްލިކޭޝަންގައި މައްސަލައެއް އޮތްކަމަށް ޑީ.އެން.އާރުން މަޢުލޫމާތު ދެއްވައިފިނަމަ އެކަމެއް ރަސްމީ ބަންދުނޫން 1 ދުވަހުގެ ތެރޭގައި އިޞްލާހުކޮށް ޑީ.އެން.އާރަށް ފޮނުވޭނެއެވެ.
• ޑީ އެން އާރުން ކާޑްތައް ލިބޭތާ ރަސްމީ 2 ދުވަސްތެރޭގައި ކާޑުގެ ވެރިފަރާތާ ޙަވާލުކުރެވޭނެއެވެ.  އަދި  ކައުންސިލަށް ކާޑްލިބުމުން ކާޑް ލިބިފައިވާކަން ކާޑްގެ ވެރިފަރާތަށް ނޫނީ ބެލެނިވެރިޔާއަށް ފޯނުން ގުޅައި  އެންގޭނެއެވެ.

65 އަހަރު ފުރުމުން ޕެންޝަނަށް ފޯމު ފޮނުވުން

5

65 އަހަރު ފުރުމުން ޕެންޝަނަށް ފޯމު ފޮނުވުން

• ޕެންޝަނަށް އެދޭ ފޯމް، ރަސްމީ ކޮންމެ ދުވަހެއްގެ 9:00 ން 14:00 ށް ކައުންސިލް އިދާރާއިން ބަލައިގަނެވޭނެއެވެ. އީމެއިލްގެ ޒަރީޢާއިންވެސް ފޯމު ހުށަހެޅިދާނެއެވެ.
• ކައުންސިލް އިދާރާއަށް ފޯމު ލިބޭތާ ރަސްމީ 3 ދުވަހުގެ ތެރޭގައި، ފޯމް އަދި ފޯމާއެކު ހުށަހަޅަން ބަޔާންކޮށްފައިވާ އެންމެހާ ލިޔުންތައް ފުރިހަމައަށް ހުށަހަޅާފައިވާނަމަ  ޕެންޝަން އޮފީހަށް ފޮނުވޭނެއެވެ. ލިޔުންތައް ހަމަވެފައި ނުވާނަމަ ލިޔުންތައް ރަސްމީ 3 ދުވަހުގެ ތެރޭގައި ހުށަހެޅުމަށް ފޯމުހުށަހެޅި ފަރާތައް ފޯނުން ގުޅައިގެން އެންގޭނެ . 
• ޕެންޝަން އޮފީހަށް ކައުންސިލް އިދާރާއިން ފޮނުވާ ފޯމުތަކަށް ލިބޭ ޖަވާބުތަކާއި މަޢުލޫމާތު، ރަސްމީ 3 ދުވަހުގެތެރޭގައި އެފަރާތްތަކާ ލިޔުމުން ޙިއްޞާކުރެވޭނެއެވެ.

އެކަނިވެރިމައިންގެ ފޯމު ފޮނުވުން

6

އެކަނިވެރިމައިންގެ ފޯމު ފޮނުވުން

• ފަޤީރު ޙާލަތުގައި ދިރިއުޅޭ، އެކަނި ދަރިން ބަލަހައްޓާ މައިން ނުވަތަ ބަފައިންނަށް ދެވޭ މާލީ އެހީއަށް އެދި ހުށަހަޅާ ފޯމު، ރަސްމީ ކޮންމެ ދުވަހެއްގެ 9:00 ން 14:00 ށް ކައުންސިލް އިދާރާގެ ކައުންޓަރުންނާއި އީމެއިލްގެ ޒަރީޢާއިން ބަލައިގަނެވޭނެއެވެ.
• އެކަނިވެރިމައިން/ބަފައިންގެ ފޯމު ކައުންސިލް އިދާރާއަށް ލިބޭތާ ރަސްމީ 3 ދުވަހުގެތެރޭގައި އެންސްޕާ އަށް ފޮނުވޭނެއެވެ.
• އެންސްޕާއަށް ކައުންސިލް އިދާރާއިން ފޮނުވާ ފޯމުތަކާގުޅިގެން ލިބޭ ޖަވާބުތަކާއި މަޢުލޫމާތު ރަސްމީ 1 ދުވަހުގެ ތެރޭގައި އެފަރާތްތަކާ ޙިއްޞާކުރެވޭނެއެވެ.

ނުކުޅެދުންތެރިކަން ހުންނަ ފަރާތްތަކުގެ ފޯމުލުން

7

ނުކުޅެދުންތެރިކަން ހުންނަ ފަރާތްތަކުގެ ފޯމުފޮނުވުން

• ނުކުޅެދުންތެރިކަން ހުންނަ މީހުން ދަފުތަރުގައި ހިމެނުމާއި މާލީ އެހީތެރިކަމަށް އެދޭފޯމް، ރަސްމީ ކޮންމެ ދުވަހެއްގެ 9:00 ން 14:00 ށް ކައުންސިލް އިދާރާގެ ކައުންޓަރުން ނުވަތަ އީމެއިލްގެ ޒަރީޢާއިން ބަލައިގަނެ، އެފޯމްތައް ރަސްމީ 3 ދުވަހުގެ ތެރޭގައި އެންސްޕާ އަށް ފޮނުވޭނެއެވެ.
• އެންސްޕާއަށް ކައުންސިލް އިދާރާއިން ފޮނުވާ ފޯމުތަކާގުޅިގެން ލިބޭ ޖަވާބުތަކާއި މަޢުލޫމާތު ރަސްމީ 2 ދުވަހުގެ ތެރޭގައި އެފަރާތްތަކާ ޙިއްސާކުރެވޭނެއެވެ.

ކަށުކަމާކެމީގެ ކަންކަން ހަމަޖެއްސުން

8

ކަށުކަމާކެމީގެ ކަންކަން ހަމަޖެއްސުން

• ކައުންސިލް އިދާރާއަށް ނުވަތަ ، ކަށުކަމާކެމީގެ ކަންކަން  އިންތިޒާމް ކުރުމަށް ކަނޑައަޅާފައިވާ ފޯކަލްޕޮއިންޓަށް މަރުފޯމު ލިބުމުން 1 ގަޑި އިރުތެރޭގައި ޖަނާޒާގެ ކަންކަން އެއާއިލާއަކުން ބޭނުންވާގޮތަކަށް ހަމަޖައްސައިދިނުމަށް މަގުފަހިކޮށްދެވޭނެ އެވެ.
• ޖަނާޒާގެ ކަންތައް ހަމަޖެއްސުމަށް ގުޅާނީ 6660058 މި ނަންބަރަށެވެ.

މަރުވާ މީހުން  ރަށްވެހިންގެ ރަޖިސްޓްރީ އިން އުނިކުރުން

9

މަރުވާ މީހުން  ރަށްވެހިންގެ ރަޖިސްޓްރީ އިން އުނިކުރުން

• މަރުފޯމް  ކައުންސިލްގެ އިދާރާއަށް ހުށަހެޅުން.
• ރަސްމީ ބަންދުނޫން 3 ދުވަސް ތެރޭގައި ރައްވެހިންގެ ރަޖިސްޓްރީން އުނިކުރެވޭނެއެވެ. އަދި އެ މަޢުލޫމާތު އަތޮޅު ކައުންސިލް އިދާރާއަށާއި ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން އަށް ފޮނުވޭނެއެވެ. އަދި 65 އަހަރުވެފައިވާ ފަރާތެއްނަމަ ޕެންޝަން އޮފީހަށް އެ މަޢުލާމާތު ފޮނުވޭނެ އެވެ.
• މަރުވިމީހާ ރަށްވެހިވެފައިވާ "ރަށްވެހީންގެ ރަޖިސްޓްރީ" ގެ އަސްލު 3 ދުވަސްތެރޭގައި އާއިލާގެ ފަރާތުން ކައުންސިލާ ހަވާލުކުރުން. އަދި މަރުވިމީހާގެ ނަން ރަޖިސްޓްރީ އިން އުނިކުރުމަށް ފަހު ގޭގެ ވެރިފަރާތާ ރަޖިސްޓްރީ ހަވާލުކުރެވޭނެއެވެ.

އުފަންދުވަހުގެ ރަޖިސްޓްރީ ހެދުން އަދި އުފަންދުވަހުގެ ސެޓްފިކެޓް ހެދުން ( އަލަށް އުފަންވާ ކުދިންގެ )

10

އުފަންދުވަހުގެ ރަޖިސްޓްރީ ހެދުން އަދި އުފަންދުވަހުގެ ސެޓްފިކެޓް ހެދުން (އަލަށް އުފަންވާ ކުދިންގެ)

• ފޫޅުމާ ފޯމް ހުށަހެޅުމުން އުފަންދުވަހުގެ ރަޖިސްޓްރީ / އުފަންދުވަހުގެ ސެޓްފިކެޓް އަދި ރަށްވެއްސަކަށް އެދޭ ފޯމް އެފަރާތަކާއި ހަވާލުކުރެވޭނެ.
• "އުފަންދުވަހުގެ ރަޖިސްޓްރީ ، އުފަންދުވަހުގެ ސެޓްފިކެޓް އަދި "އުފަންދުވަހުގެ ސެޓްފިކެޓް ހެއްދުމަށް އެދޭ ފޯމް" ކައުންސިލް އިދާރާއަށް ހުށަހެޅުން
• މިފޯމާއެކު ދައްކަންޖެހޭ ފައިސާގެ ތަފްސީލް
• އަލަށް ހެދުމަށް------------------------------------------------50.00 ރުފިޔާ
• ގެއްލިގެން--------------------------------------------------150.00 ރުފިޔާ
• އާކުރުން/މަޢުލޫމާތު ބަދަލުވުން-----------------------------------50.00 ރުފިޔާ
• ގެމަން ޕޯޓަލްގައި  ފޫޅުމާފޯމް އެންޓަރ ކޮށްފައިވާނަމަ، ރަސްމީ 1 ދުވަސް ތެރޭ ސެޓްފިކެޓް ހެއްދުމަށް ގެމަންޕޯޓަލްގައި އަދާ ހަމަކުރެވޭނެއެވެ.
• ޑީ.އެން.އާރުން ކާޑް ނަންބަރު ދިނުމުން އުފަންދުވަހުގެ ސްޓްފިކެޓާއި، ރަޖިސްޓްރީއާއި ފޫޅުމާ ފޯމުގެ އަސްލު ރަސްމީ 2 ދުވަހުގެ ތެރޭގައި ވެރިފަރާތާއި ހަވާލުކުރެވޭނެއެވެ.

އުފަންދުވަހުގެ ސެޓްފިކެޓް ، ރަޖިސްޓްރީ ހެއްދުން ( އަލަށް އުފަންވާ ކުދިން ފިޔަވައި )

11

އުފަންދުވަހުގެ ސެޓްފިކެޓް ، ރަޖިސްޓްރީ ހެއްދުން (އަލަށް އުފަންވާ ކުދިން ފިޔަވައި)

• "އުފަންދުވަހުގެ ރަޖިސްޓްރީ ، އުފަންދުވަހުގެ ސެޓްފިކެޓް އަދި "އުފަންދުވަހުގެ ސެޓްފިކެޓް ހެއްދުމަށް އެދޭ ފޯމް" ފުރިހަމަކޮށް ،ފޯމުގައި ބަޔާންކޮށްފައިވާ ލިޔުންތަކާއި އެކު ހުށަހެޅުން.
• މިފޯމާއެކު ދައްކަންޖެހޭ ފައިސާގެ ތަފްސީލް

1.1    އަލަށް ހެދުމަށް------------------------------------------------50.00 ރުފިޔާ

1.2    ގެއްލިގެން ހެދުމަށް-------------------------------------------150.00 ރުފިޔާ

1.3    އާކުރުން/މަޢުލޫމާތު ބަދަލުވުން-----------------------------------50.00 ރުފިޔާ

• ފޯމް ހުށަހަޅާ ތާރީޚުން ފެށިގެން ރަސްމީ 3 ދުވަސް ތެރޭ އުފަންދުވަހުގެ ރަޖިސްޓްރީ ،އުފަންދުވަހުގެ ސެޓްފިކެޓް ހައްދައި ވެރިފަރާތާއި ހަވާލުކުރެވޭނެއެވެ.
• އެހެން އިދާރާތަކުން މަޢުލޫމާތު ހޯދާގެން ހަދަންޖެހޭ އުފަން ދުވަހުގެ ސެޓްފިކެޓެއްނަމަ، އެއިދާރާއަކުން މަޢުލޫމާތު ލިބޭތާ 3 ދުވަސް ތެރޭގައި އުފަންދުވަހުގެ ސެޓްފިކެޓް ހައްދައި ވެރިފަރާތާއި ހަވާލުކުރެވޭނެއެވެ.

ރަށްވެހިންގެ ރަޖިސްޓްރީގައި މީހުން ދަފްތަރު ކުރުން

12

ރަށްވެހިންގެ ރަޖިސްޓްރީގައި މީހުން ދަފްތަރު ކުރުން

• އަލަށް އުފަންވާ ކުދިންގެ ތެރެއިން ރަށުން ބޭރުގައި އުފަންވާ ކުދިން "ރައްވެސަކަށް ވުމަށް  އެދޭ ފޯމް" ހުށަހެޅުމުން ރަސްމީ 5 ދުވަހުގެ ތެރޭގައި ރަޖިސްޓްރީކޮށް އެކަން ހުށަހެޅި ފަރާތަށް އެންގޭނެ  
• އެއްގެއިން އަނެއްގެއަށް ރަޖިސްޓްރީ ބަދަލުކުރަން އެދޭ ފަރާތްތަކުން "ރައްވެހިވެފައިވާ އެޑްރެސް ބަދަލުކުރުމަށް އެދޭ ފޯމް" ފުރިހަމަކޮށް ހުށަހެޅުން.
• މިފޯމް އާއެކު އިދާރީފީގެ ގޮތުގައި -/50 (ފަންސާސް ރުފިޔާ) ދައްކަންޖެހޭނެއެވެ.
• ފޯމް ހުށަހަޅާ ތާރީޚުން ފެށިގެން ރަސްމީ  5 ދުވަސްތެރޭ ރަޖިސްޓްރީ ކޮށް ހުށަހަޅާ ފަރާތަށް އެންގޭނެ.

ރަށްވެހިކަން ބަދަލު ކުރުން

13

ރަށްވެހިކަން ބަދަލު ކުރުން

• ރައްވެހިކަން ބަދަލުވުމަށް އެދޭ ފަރާތްތަކުން "އެއްރަށެއްގެ ރައްވެއްސަކު އަނެއްރަށެއްގެ ރައްވެއްސަކަށް އެދޭ ފޯމް" ފުރިހަމަކޮށް ހުށަހެޅުން.
• މިފޯމާއެކު ދައްކަންޖެހޭ ފައިސާގެ ތަފްސީލް
• މަތިވެރީގެ ރަށްވެއްސަކަށްވުމުގެ ސެޓްފިކެޓް ފީ-------------------------50.00 ރުފިޔާ
• ފޯމް ހުށަހެޅުމުން ރަސްމީ 3 ދުވަހުގެ ތެރޭގައި އެމީހަކު ރަށްވެހިވެފައިވާ ރަށެއްގެ ކައުންސިލަށް މައުލޫމާތު ހޯދުމަށް ހުށަހެޅުން
• އެމީހެއްގެ ރަޖިސްޓަރީ އޮތް ރަށަކުން ޖަވާބު ލިބޭ ތާރީޚުން ފެށިގެން ރަސްމީ 5 ދުވަސް ތެރޭ ރަށްވެހިކަން ބަދަލުކޮށް އެފަރާތަށް އެންގުމާއި ޑީ.އެން.އާރުއަށް އަދި ކުރިން ރަށްވެހިވެފައިވާ ރަށެއްގެ ރަށުކައުންސިލަށް ރައްވެހިކަން ބަދަލުކުރިކަން އެންގުން .

ރައްވެހިކަން ބަދަލުވާން ބޭނުންވާ މީހުން ރަޖިސްޓްރީން އުނިކުރުން

14

ރައްވެހިކަން ބަދަލުވާން ބޭނުންވާ މީހުން ރަޖިސްޓްރީން އުނިކުރުން

• އެމީހަކު ބަދަލުވާން އެދޭ ރަށެއްގެ ކައުންސިލުން ލިޔުމުން އެންގުމުން ރަސްމީ 3 ދުވަހުގެތެރޭގައި ރަޖިސްޓްރީން އުނިކޮށްދެވޭނެއެވެ.
• މަތިވެރީ ރަށްވެހިކަމުން ވަކިވުމުގެ ސެޓްފިކެޓް ފީ----------------------100.00 ރުފިޔާ

ނަން ބަދަލުކުރުން ( 10 އަހަރުން މަތި )

15

ނަން ބަދަލުކުރުން (10 އަހަރުން މަތި)

• ނަން ބަދަލުކުރުމަށް އެދޭ ފޯމާއި ފޯމުގައިވާ ލިޔެކިއުންތަކާއި، ޤާނޫނީ ފޯމް ފުރިހަމަކޮށް އެކަމަށް ދައްކަންޖެހޭ ފީއާއި އެކު ހުށަހެޅުން. ( ޤާނޫނީ ފޯމް ދޫކުރިތާ 1 މަސްދުވަހުގެ ތެރޭގައި ކައުންސިލަށް ހުށަހެޅުން ).
• މިފޯމާއެކު -/50 (ރުފިޔާ)ގެ ފީއެއް ދައްކަންވާނެއެވެ.
• DNR އަށް ފޮނުވުމަށްފަހު ޖަވާބު ލިބޭ ތާރީޚުން ފެށިގެން ރަސްމީ 3 ދުވަސް ތެރޭ ޚިދުމަތް ފޯރުކޮށްދެވޭނެ.
• ނަން ބަދަލުކުރުމަށް ކައުންސިލުން ކަނޑައަޅާފީއެއް ދައްކަން ޖެހޭނެއެވެ.

ނަން ބަދަލުކުރުން ( 10 އަހަރުން ދަށް )

16

ނަން ބަދަލުކުރުން (10 އަހަރުން ދަށް)

• ނަން ބަދަލުކުރުމަށް އެދޭ ފޯމާއި ފޯމުގައިވާ ލިޔެކިއުންތަކާއެކު ހުށަހެޅުން.
• މިފޯމާއެކު -/50 (ރުފިޔާ)ގެ ފީއެއް ދައްކަންވާނެއެވެ.
• DNR އަށް ފޮނުވުމަށްފަހު ޖަވާބު ލިބޭ ތާރީޚުން ފެށިގެން ރަސްމީ 3 ދުވަސް ތެރޭ ޚިދުމަތް ފޯރުކޮށްދެވޭނެ.

ހުކުރު،އީދު އަދި ކޭތަ ނަމާދު ކުރުމަށް އިމާމުން ހަމަޖެއްސުން

17

ހުކުރު،އީދު އަދި ކޭތަ ނަމާދު ކުރުމަށް އިމާމުން ހަމަޖެއްސުން

• އިމާމުވެ ހުކުރު،އީދު، އަދި ކޭތަ ނަމާދު ކުރުމަށް އެދޭ ފަރާތްތަކުން ހުއްދައިގެ ކޮޕީއާއި އައި.ޑީ.ކާޑްގެކޮޕީއާއެކު ކައުންސިލަށް ހުށަހެޅުން
• ހުއްދައަށް އެދޭ ފަރާތްތަކުން ހުށަހަޅާ ލިޔެކިޔުންތަކުގެ ސައްހަކަން ކަށަވަރުކުރުމަށްފަހު ރަސްމީ 5 ދުވަހުގެ ތެރޭގައި އެފަރާތަކާއި ކައުންސިލާއި ދެމެދު އެއްބަސްވުން ހަދައި އިމާމުވެ ހުކުރު،އީދު، އަދި ކޭތަ ނަމާދުކުރުމަށް ރަޖިސްޓަރީ ކޮށްފައިވާ މީހުންގެ ދަފްތަރުގައި ހިމެނުން.

-ހުކުރު ،އީދު، އަދި ކޭތަ ނަމާދަށް އިމާމުން ހަމަޖައްސައި، ހުކުރު، އީދު، އަދި ކޭތަ ނަމާދު އޮންނަ ދުވަހުގެ 01ދުވަސް ކުރިން އެފަރާތްތަކަށް އަންގާ ސޮއިކުރުވައި ޚުތުބާ ހަވާލުކުރުން.

ވަޒީފާއަށް އެދި ހުށަހެޅުން

18

ވަޒީފާއަށް އެދި ހުށަހެޅުން

• ވަޒީފާއަށް އެދޭ ފޯމު ހުށަހެޅުމަށް އިޢުލާނުގައި ކަނޑައަޅާފައިވާ މުއްދަތުގެ ތެރޭގައި، ވަޒީފާއަށް އެދޭ ފަރާތްތަކުން ހުށަހަޅާ ފޯމާއި، އެ ފޯމާއެކު ހުށަހަޅަންޖެހޭ ލިޔެކިޔުންތައް ބަލައިގަތުމުގެ އިންތިޒާމު ރަސްމީ މަސައްކަތުގެ ވަގުތުގެ ތެރޭގައި ހަމަޖެހިފައިވާނެއެވެ.
• ވަޒީފާއަށް އެދޭ ފަރާތުން ހުށަހަޅަނީ ރަނގަޅު ފޯމު ކަން މި އިދާރާގެ ކައުންޓަރުން ކަށަވަރުކުރެވޭނެއެވެ.
• ވަޒީފާއަށް އެދޭ ފޯމާއެކު ހުށަހަޅާ ލިޔެކިޔުންތައް ބަލައިގަތް ތާރީޚާއި ގަޑި އަދި ބަލައިގަތް މުވައްޒަފުގެ މަޢުލޫމާތު ފުރިހަމަކޮށް ރަޖިސްޓްރީ ކުރެވޭނެއެވެ. އަދި ވަޒީފާއަށް އެދި ހުށަހަޅާފައިވަނީ ރަގަޅުފޯމް ނޫންނަމަ ސްކްރީނިންގ މަރުޙަލާގައި އެ ކަން ފާހަގަކޮށް ވަޒީފާއަށް އެދިފައިވާ ފަރާތަށް ލިޔުމުން އެ ކަން އަންގައި،  ރަނގަޅު ފޯމް ހުށަހެޅުމަށް 48 ގަޑިއިރު ދެވޭނެއެވެ. މި މުއްދަތުގައި ރަގަޅު ފޯމު ހުށަހަޅާފައިނުވާނަމަ އެ ހުށަހެޅުމެއް ބަލާނީ ޝަރުޠު ފުރިހަމަނުވާ ހުށަހެޅުމެއްގެ ގޮތުގައެވެ. އަދި މީގެ އިތުރުން  ވަޒީފާއަށް އެދޭ ފޯމާއެކު އެއްކަރުދާސްކުރުމަށް ހުށަހެޅޭ ލިޔުންތަކުގެ ތެރެއިން ތަޢުލީމާއި ތަޖުރިބާގެ އެއްވެސް ލިޔުމެއް ސުންގަޑި ހަމަވުމުގެ ފަހުން ބަލައި ނުގަނެވޭނެއެވެ.
• ދިވެހި ސިވިލް ސަރވިސްގެ ގަވާއިދު 2014  ގެ  78 ވަނަ މާއްދާގެ (ހ) ގެ    1،2،3،6،9 އަދި 11 ވަނަ ނަންބަރުގައި ބަޔާންކޮށްފައިވާ  ވަޒީފާއަށް އައްޔަންކުރުމުގެ ޝަރުޠުތަކާއި، ވަޒީފާއަށް އެދި ހުށަހެޅުމަށް އިޢުލާންކޮށްފައިވާ މަޤާމުގެ އަސާސީ ޝަރުޠުތައް ފުރިހަމަވޭތޯ ބަލައި ޝަރުޠުހަމަނުވާ ހުށަހެޅުންތައް ސްކްރީންކޮށް ވަކިކުރެވޭނެއެވެ.  އަދި މި ގޮތަށް ވަކިކުރެވޭ ހުށަހެޅުންތައް ބަލާނީ ޝަރުޠު ފުރިހަމަނުވާ ހުށަހެޅުންތަކެއް ކަމުގައެވެ. 
• އިންޓަވިއު މަރުޙަލާ ފެށުމުގެ ކުރިން ލިޔުމުން އެކަން ، ސްކްރީންކުރުމުގެ މަރުޙަލާގައި މަޤާމުގެ ޝަރުޠު ހަމަނުވާކަމަށް ކަނޑައަޅާ ފަރާތްތަކަށް  އެ ފަރާތުގެ ހުށަހެޅުން ހޮވިފައިނުވާ ސަބަބު އެންގޭނެއެވެ. މި ގޮތުން އެ ފަރާތްތަކަށް އެންގުމުގައި ސްކްރީންކުރުމުގެ ހަމަތަކަށް ރިޢާޔަތްކޮށް ތަފްޞީލުކޮށް ބަޔާން ކުރެވޭނެއެވެ.
• ވަޒީފާއަށް އެދި 10 ފަރާތަށްވުރެ ގިނައިން ހުށަހަޅާފައިވާނަމަ، ޝޯޓްލިސްޓް ކުރުމުގެ އިޚުތިޔާރު މިއިދާރާއަށް ލިބިގެންވެއެވެ. އަދި ޝޯޓްލިސްޓް ކޮށްފިނަމަ ލިސްޓުގައި ނުހިމެނޭ ފަރާތްތަކަށް އެކަން އެންގޭނެއެވެ.
• ޝޯޓްލިސްޓް ކުރެވޭ ފަރާތްތަކަށް އިންޓަރވިއު އަދި އެސެސްމެންޓާޢި ޕްރެޒެންޓޭޝަން އޮންނާނެ މުއްދަތު އެންގޭނެއެވެ. އަދި އިންޓަރވިއުއަށްފަހު މާކްސް ލިބުނުގޮތުގެ ތަފްޞީލް ޢާއްމުކުރެވޭއެވެ.
• މާކްޝީޓް ޢާޢްމުކުރެވިފާ މުއްދަތުގައި އެއްވެސް ކެންޑިޑޭޓެއްގެ ފަރާތުން ޝަކުވާއެއް ލިބިފައިނުވާނަމަ، އެންމެ މަތިން މާކްސް ލިބުނު ފަރާތަށް ވަޒީފާ ހަމަޖެއްސުމަށްޓަކައި ސީ. އެސް ވިއުގަރ މެދުވެރިކޮށް ސިވިލް ސާރވިސް އަށް ހުށަހެޅޭނެއެވެ.

އެސްޓިމޭޓާއި،ބީލަން ހުށަހެޅުން.

19

އެސްޓިމޭޓާއި، ބީލަން ހުށަހެޅުން.

•      އާންމުކޮށް އިޢުލާނުކުރާ ބީލަންތަކާއި ނުވަތަ ޕްރޮޕޯޒަލް ހުށަހެޅުމުގެ ދަޢުވަތާ ގުޅިގެން ބީލަން ހުށަހެޅުމަށް ދައުލަތުގެ މާލިއްޔަތުގެ ގަވާއިދާ އެއްގޮތަށް ރަސްމީ 7 ދުވަސް ދެވޭނެއެވެ.
• ބީލަން ލިބޭތާ ރަސްމީ 3 ދުވަހުގެ ތެރޭގައި ބީލަންތަކުގެ ޝަރުޠު ހަމަވޭތޯ ބެލޭނެއެވެ.
• ޝަރުޠު ހަމަވާ ބީލަންތަކުގެ އިވެލުއޭޝަން ރަސްމީ 5 ދުވަހުގެ ތެރޭގައި ހެދޭނެއެވެ.
• ބީލަމަކާ ގުޅިގެން އިތުރު މަޢުލޫމާތު ސާފުކުރަންޖެހޭނަމަ، އެކަމަށް
  3 ނުވަތަ 5 ދުވަހުގެ މުއްދަތެއް ދެވޭނެއެވެ.
•  ބީލަމުގެ އިވެލުއޭޝަން ނިމޭތާ 2 ދުވަހުގެ ތެރޭގައި ބީލަމާ މެދު ގޮތެއް ނިންމުމަށް ބިޑު ކޮމިޓީއަށް ހުށަހެޅޭނެ.
• ބީލަމާ ގުޅޭ ގޮތުން ބިޑު ކޮމިޓީން ގޮތެއް ނިންމުމުން، އެ ނިންމި ގޮތް  ރަސްމީ 2  ދުވަހުގެ ތެރޭގައި ބީލަންވެރިންނަށް އެންގޭނެއެވެ. އަދި ޝަކުވާއެއް އޮތްނަމަ، އެކަމެއް ހުށަހަޅަން  ރަސްމީ 5 ދުވަހުގެ މުއްދަތެއް ދެވޭނެއެވެ.
•  ބީލަމަކާ ގުޅިގެން ޝަކުވާއެއް ހުށަހަޅައިފިނަމަ، ރަސްމީ 2 ދުވަހުގެ ތެރޭގައި އެޝަކުވާއަކަށް ޖަވާބުދެވޭނެއެވެ.
• ބީލަމާ ގުޅިގެން ލިބޭ ސަކުވާތަކަށް ޖަވާބުދިނުމަށްފަހު 5ދުވަހުގެ ތެރޭގައި ބީލަން ކާމިޔާބު ކުރާ ފަރާތަށް ބީލަން ކާމިޔާބު ކުރި ކަމުގެ ލިޔުން ފޮނުވުން އަދި ބީލަމުގައި ނުހޮވޭ ފަރާތްތަކަށް ނުހޮވޭކަން  ލިޔުމުން އެންގޭނެއެވެ.
•          ބީލަމާ ގުޅިގެން ބިޑު ކޮމިޓީން ނިންމާ ގޮތެއްގެ މަތިން ބީލަން ކާމިޔާބުކުރާ ފަރާތަށް އެކަން އަންގައި ރަސްމީ 7 ދުވަހުގެ ތެރޭގައި މަސައްކަތް ހަވާލުކުރެވޭނެ. މަސައްކަތާ ހަވާލުވާ ފަރާތުން ދައުލަތަށް ދައްކަންޖެހޭ ޓެކުހެއް ވާނަމަ، އެއްބަސްވުމުގައި ސޮއިކުރުމުގެ ކުރިން ޓެކްސް ދައްކައި މި އޮފީހަށް އެންގުމަށް 5 ދުވަހުގެ މުއްދަތެއް ދެވޭނެއެވެ.  
• ބީލަން ކާމިޔާބު ކުރިފަރާތާއި އެކު އެގްރިމެންޓް ހެދުން އަދި އެޕްރޫވް ކުރުން
• ބީލަން ހަވާލުކުރުމަށްފަހު  މަސައްކަތް ފެށިގެންދާނެއެވެ.

ފައިސާ ބަލައިގަތުން

20

ފައިސާ ބަލައިގަތުން

• ރަސްމީ ކޮންމެ ދުވަހެއްގެ ހެނދުނު 8:30 އިން 12:30 އަށް ފައިސާ ބަލައިގަތުމުގެ ކަންކަން ކުރިޔަށް ދާނެއެވެ.
• އޮންލައިންކޮށް ފައިސާ ދެއްކޭނެ އިންތިޒާމްވެސް ކައުންސިލް އިން ވަނީ ހަމަޖެހިފައެވެ.
• އޮންލައިން ކޮށް ފައިސާ  ޖަމާކުރާނެ އެކައުންޓް ތަފްޞީލް
• 1. 7721700484001 (1386 REVENUE 1) (މިއެކައުނޓަށް ޖަމާކުރާނީ: ކުނީފީ، ޢިމާރާތު ކުލި، ބިމުކުލި، ރުއްގަނޑު ކުލި، ވިޔަފާރި ފައިސާ ފަދަ ކައުންސިލްގެ ޢާމްދަނީގެ ގޮތުގައި ބަލައިގަންނަ ފައިސާ)
• 2. 7721700484002 (1386 REVENUE 2) (ދައުލަތުގެ އެކި އިދާރާތަކަށް ރައްދުކުރަންޖެހޭ ފައިސާ)
• އޮންލައިންކޮށް ފައިސާ ޖަމާކުރާފަރާތްތަކުން ފައިސާ ޖަމާކުރިކަމުގެ ސްލިޕް ލަސްވެގެން 1 ގަޑިއިރު ތެރޭގައި ކައުންސިލްގެ 7959849 ނަންބަރަށް ވައިބާއިން ފޮނުވުން ނުވަތަ [email protected]) (މެއިލްކުރުން.

ކުނިމެނޭޖު ކުރުމަށް ރަޖިސްޓްރީ ކުރުން

21

ކުނިމެނޭޖު ކުރުމަށް ރަޖިސްޓްރީ ކުރުން

• ކުނިއުކުމުގެ ޚިދުމަތަށް އެދޭ ފޯމް ފުރިހަމަކޮށް ހުށަހެޅުން.
• ރަޖިސްޓްރީ ވުމަށް އެދި ހުށަހަޅަން ޖެހޭ ފޯމް ކައުންޓަރުން ލިބެން ހުންނާނެއެވެ.
• ފޯމް ލިބޭތާ ރަސްމީ 3 ދުވަހުގެ ތެރޭގައި ރަޖިސްޓްރީކޮށް އެފަރާތަކަށް ޚިދުމަތް ފޯރުކޮށްދެވޭނެއެވެ.
• ފޯމާއެކު ހިނގަމުންދާ މަހުގެ ފީ ދައްކަން ޖެހޭނެއެވެ. އަދި ކޮންމެ މަހެއްގެވެސް 10ގެ ކުރިން މަހުފީ ދައްކަންޖެހޭނެއެވެ. ފީ ނުދައްކާފިނަމަ، ޚިދުމަތް ކެނޑޭނެއެވެ.
• މަހުގެ 10ގެ ފަހުން ކުނީ ފީ ބަލާގަނެވޭނީ 10ރ ގެ ޖޫރިމަނާއެކުއެވެ.
• ކުނީ ފީ ދައްކަންޖެހޭނީ ކައުންސިލުން ފާސްކޮށްފައިވާ އުސޫލާ އެއްގޮތަށެވެ.

ޓޫރިސްޓްހޮޓާ، ގެސްޓް ހައުސް، ހޯމްސްޓޭކޮޓަރި، އަދި މޫދުކޮޓަރި (ވޯޓަރވިލާރޫމްތައް)، "ރަށު ފަތުރުވެރިކަމުގެ ދަފްތަރު" ގައި ރަޖިސްޓްރީ ކުރުން

22

ޓޫރިސްޓް ހޮޓާ، ގެސްޓް ހައުސް، ހޯމްސްޓޭކޮޓަރި، އަދި މޫދުކޮޓަރި (ވޯޓަރވިލާރޫމްތައް)، "ރަށު ފަތުރުވެރިކަމުގެ ދަފްތަރު" ގައި ރަޖިސްޓްރީ ކުރުން

• ޓޫރިސްޓް ހޮޓާ ގެސްޓްހައުސް ހޯމްސްޓޭ ކޮޓަރި އަދި މޫދުކޮޓަރި (ވޯޓާވިލާ ރޫމްތައް) ރަށު ފަތުރުވެރިކަމުގެ ދަފްތަރުގައި ރަޖިސްޓްރީ ކުރުމަށްޓަކައި މިނިސްޓްރީ އޮފް ޓޫރިޒަމުން ފޮނުވާ  ޗެކް ލިސްޓް ލިބޭތާ ރަސްމީ މަސައްކަތު 3 ދުވަހުގެ ތެރޭގައި އެލިސްޓްގައި ހިމެނޭކަންކަން ފުރިހަމަވެފައި ހުރިތޯ ކަށަވަރުކޮށް މިނިސްޓްރީ އަށް ފޮނުވުން.

ފަރުދުންގެ ވިޔަފާރި ދަފްތަރު ކުރުން

23

ފަރުދުންގެ ވިޔަފާރި ދަފުތަރު ކުރުން

• ފަރުދުންގެ ވިޔަފާރީގެ ނަން ފާސްކުރުމަށް ކައުންސިލަށް ހުށަހަޅައިފިނަމަ، އެފޯމު ރަސްމީ 02 ދުވަހުގެ ތެރޭގައި މިނިސްޓްރީ އޮފް އިކޮނޮމިކް ޑިވެލޮޕްމަންޓަށް ފޮނުވުން.
• ފަރުދުންގެ ވިޔަފާރި ރަޖިސްޓްރީކުރާ ފަރާތްތަކުން ރަޖިސްޓްރީގެ ކޮޕީ ރަސްމީ 07 ދުވަހުގެ ތެރޭގައި ކައުންސިލަށް ހުށަހެޅުން.

           މަގުމަތީގައި ގާޑިއާ ނުވަތަ މޭޒު ބަހައްޓައިގެން ވިޔަފާރި ކުރުމަށް ހުއްދަ ދިނުން

24

މަގުމަތީގައި ގާޑިއާ ނުވަތަ މޭޒު ބަހައްޓައިގެން ވިޔަފާރި ކުރުމަށް ހުއްދަ ދިނުން

• ވިޔަފާރި ކުރުމަށް ޖާގަ ބޭނުން ވެގެން އެއްވެސް ފަރާތަކުން ހުށަހަޅައިފިނަމަ އެ ހުށަހެޅި  ފަރާތުން އެހުށަހެޅުމެއް ހުށަހެޅީ  ގަވާއިދުގެ ދަށުން ހެދިދައިވާ އުޞޫލުގައިވާ ގޮތުން ދާއިމީ ގޮތެއްގައި އެތަނުގައި ވިޔަފާރި ކުރުމަށްތޯ ނުވަތަ ވަގުތީގޮތުން އެތަނުގައި ވިޔަފާރި ކުރުމަށްތޯ ކަށަވަރުކޮށް އެފަރާތަކަށް މި ދެހާލަތުގައި ކުލި ނެގޭ ގޮތާއި އަދި ކުލީގެ މިންވަރު އުޞޫލާއި އެއްގޮތަށް އޮޅުން ފިލުވައިދިނުން. އަދި އެކަން އެހުށަހަޅާ ހުށަހެޅުމުގައި ވަގުތީ ގޮތުންކަން ނުވަތަ ދާއިމީގޮތުންކަން ބަޔާން ކުރެވިފައި ނެންނަމަ އެކަންބަޔާންކޮށް އަލުން ހުށަހެޅުމަށް އެފަރާތަށް ފުރުޞަތު ދިނުން.
• ގާޑިޔާ ނުވަތަ މޭޒުބަހައްޓައިގެން ވިޔަފާރިކުރުމަށް ޖާގަ ހޯދުމަށް ހުށަހަޅާ ފާރަތްތަކުން އެތަނުގައި (އެމޭޒުގައި ނުވަތަ އެގާޑިޔާގައި) ކާބޯތަކެތީގެ ވިޔަފާރި ކުރުމުގެ ހުއްދަ، މޯލްޑިވްސް ފުޑް އެންޑް ޑްރަގްސް އޮތޯރިޓީގައި ނުވަތަ ކައުންސިލެއްގެ ޕަބްލިކް ހެލްތް ޔުނިޓާއި ބެހޭ ބައިގައި ނުވަތަ އެރަށެއްގައި ހުންނަ ސިއްޙީ ވުޒާރާ އެއްގައި ރަޖިސްޓްރީ ކޮށް އެފަރާތުން ދީފައިވާ ސާފުތާހިރު ކަމުގެ ސެޓްފިކެޓް އޮތްތޯ ކަށަވަރުކުރުން. އެފަދަ ލިއުމެއް ނެތްނަމަ އެލިއުން ހޯދައި ހުށަހެޅުމަށް އެންގުން.
• ގާޑިޔާ ނުވަތަ މޭޒުބަހައްޓައިގެން ވިޔަފާރިކުރުމަށް ޖާގަ ހޯދުމަށް އެދި ހުށަހެޅި ފަރާތަކީ ދާއިމީ ގޮތެއްގައި މަގުމަތީގައާއި ޢާންމު ތަންތަނުގައި ގާޑިޔާ ނުވަ މޭޒު ބަހައްޓައިގެން ވިޔަފާރި ކުރުމަށް ހުށަހެޅި ފަރާތެއްކަމުގައި ވާނަމަ ކައުންސިލުން އެފަދަ ވިޔަފާރި ދާއިމީ ގޮތެއްގައި ކުރުމަށް ކަނޑައަޅާފައިވާ ސަރަހައްދު ތަކުން ޖާގާ އޮތްތޯ ބަލައި ޖާގަ އޮތްނަމަ ހުށަހާޅާތާ 7 ދުވަހުގެ ތެރޭގައި ޤަވާޢިދާއި އުޞޫލާއި އެއްގޮތަށް އެފަރާތަކަށް ޖާގަދީ އެފަރާތާއި އެކު ވެވޭ އެއްބަސްވުން ހަދައި ނިންމައި ސަރަހައްދު (ޖާގަ) ހަވާލުކުރެވޭނެއެވެ.
• ފުރަތަމަ ދެވޭ މުއްދަތު މިއަށްވުރެ، މުއްދަތު އިތުރުކުރަން ބޭނުންވާ ނަމަ އެއްބަސްވުމުގައިވާ މަރުހަލާގެ ކުރިން އެއްބަސްވުމުގައި ބަޔާންކުރާގޮތަށް ކައުންސިލަށް ލިއުމުން މުއްދަތު އިތުރުކުރުމަށް ހުށަހެޅުމުން ކައުންސިލުން އެއިރުގެ ހާލަތަށް ރިއާޔަތްކޮށް މުއްދަތު އިތުރުކުރެވޭނެއެވެ.
• ގާޑިޔާ ނުވަތަ މޭޒުބަހައްޓައިގެން ވިޔަފާރިކުރުމަށް ޖާގަ ހޯދުމަށް އެދި ހުށަހެޅި ފަރާތަކީ ވަގުތީ ގޮތުން މަގުމަތީގައާއި ޢާންމުތަނެއްގައި ގާޑިޔާ ނުވަ މޭޒު ބަހައްޓައިގެން ވިޔަފާރި ކުރުމަށް ހުށަހެޅި ފަރާތެއްކަމުގައި ވާނަމަ އެފަދަ ފަރާތަކަށް ވަގުތީ ގޮތުން ދެވޭ ތަނާމެދު ކައުންސިލާއި މަޝްވަރާކޮށް ކަނޑައެޅުމަށް ފަހު އެފަދަ ވިޔަފާރި ވަގުތީ ގޮތެއްގައި ކުރުމަށް ކަނޑައަޅާފައިވާ ސަރަހައްދުން ވީ އެންމެ އަވަހަކަށް ޤަވާޢިދާއި އުޞޫލާއި އެއްގޮތަށް އެފަރާތަކަށް ޖާގަދީ އެފަރާތާއި އެކު ވެވޭ މުއްދަތު ކަނޑައެޅިފައިވާ އެއްބަސްވުން ހަދައި ނިންމައި ސަރަހައްދު (ޖާގަ) ހަވާލުކުރެވޭނެއެވެ.
• މަގުމަތީގައި އަދި އާންމު ތަންތަނުގައި ގާޑިއާ ނުވަތަ މޭޒު ބަހައްޓައިގެން ވިޔަފާރި ކުރުމަށް ހުއްދަ  އެއްވެސް ފަރާތަކަށް ދީފިނަމަ ކައުންސިލް އޮންނަ " މަގުމަތީގައި ގާޑިއާ ނުވަތަ މޭޒު ބަހައްޓައިގެން ވިޔަފާރި ކުރާ ފަރާތްތަކުގެ ދަފްތަރު " ގައި އެފަރާތެއް ރަޖިސްޓްރީ ކުރަމުން ގެންދާނެއެވެ.

އެއްގަމު އުޅަނދު ރަޖިސްޓްރީ ކުރުމުގެ ޤަވާޢިދުގެ 4 ވަނަ މާއްދާގެ (ރ) ގައި ބަޔާންކޮށްފައިވާ ގޮތަށް ދެ ފުރޮޅަށްވުރެ ގިނަ ފުރޮޅު ލީ އުޅަނދު ރަޖިސްޓްރީ ކޮށްދިނުމުގެ ކުރިން އެ އުޅަނދެއް ބޭއްވުމަށް ކަނޑައަޅާ ގަރާޖް ހުއްދަ ދޫކުރުން.

25

އެއްގަމު އުޅަނދު ރަޖިސްޓްރީ ކުރުމުގެ ޤަވާޢިދުގެ 4 ވަނަ މާއްދާގެ (ރ) ގައި ބަޔާންކޮށްފައިވާ ގޮތަށް ދެ ފުރޮޅަށްވުރެ ގިނަ ފުރޮޅު ލީ އުޅަނދު ރަޖިސްޓްރީ ކޮށްދިނުމުގެ ކުރިން އެ އުޅަނދެއް ބޭއްވުމަށް ކަނޑައަޅާ ގަރާޖް ހުއްދަ ދޫކުރުން.

• ޚިދުމަތަށް އެދެންވާނީ "އެކިއެކި ލިޔެކިޔުން ހޯދުމަށް އެދޭ ފޯމް" މި ފޯމް މި އިދާރާގެ ކައުންޓަރުން  ލިބެން ހުންނާނެއެވެ.
• ފޯމާއެކު ހުށަހަޅަންޖެހޭ ހުރިހާ ލިއެކިއުމެއް ހުށަހަޅާފައިވާކަން ކަށަވަރުކުރެވޭނެއެވެ.
• މިފޯމާއެކު -/100 (ރުފިޔާ)ގެ ފީއެއް ދައްކަންވާނެއެވެ.
• ގަރާޖް ހުއްދަ ހޯދުމަށް އެދި ހުށަހަޅާ ފޯމްތައް ޗެކްކުރުމަށްފަހު ޝަރުތު ހަމަވާނަމަ، ހުށަހަޅާ ތާރީޚުން ފެށިގެން ރަސްމީ 3 ދުވަސް ތެރޭގައި ހުއްދަ ދޫކުރެވޭނެއެވެ. އަދި ޝަރުތު ހަމަނުވާނަމަ އެފަރާތަކަށް ރަސްމީ 3 ދުވަސް ތެރޭގައި އެކަން އެންގޭނެއެވެ.
• ގަރާޖަށް ދޫކުރެވިފައިވާ ހުއްދައެއް ބާޠިލްކުރަން ބޭނުން ވެއްޖެނަމަ، ލިއުމުން ކައުންސިލަށް އަންގަންވާނެއެވެ.

ކަނޑު އުޅަނދުފަހަރުގެ ސަލާމަތީ ހެއްދުން

26

ކަނޑު އުޅަނދުފަހަރުގެ ސަލާމަތީ ހެއްދުން

•  ކަނޑު އުޅަނދުގެ ސާރވޭއަށް އެދޭ ފޯމް ފުރިހަމަކޮށް (MS-1) ހުށަހެޅުން. އަދި ފީދެއްކުން.
• ސާރވޭ ކުރުމުގެ ފީ 100.00ރ
• ސީވާދިނަސް ފީ 100.00ރ
• ކަނޑުއުޅަނދު ފަހަރު ސާރވޭއަށް އެދޭ ފޯމް އިދާރާގެ ކައުންޓަރުންނާއި، އަދި ޓްރާންސްޕޯޓް މިނިސްޓްރީގެ ވެބްސައިޓުން www.transport.gov.mv ލިބެންހުންނާނެއެވެ.
• ފޯމު އަދި ފޯމާ އެކުގައިވާ ލިޔުންތައް ޗެކްކޮށް ފޯމުގައި އެއްވެސް މައްސަލއެއް ނެތްނަމަ، އުޅަނދު ސާރވޭ ކުރަންދާނެ ދުވަހަކާއި ގަޑި ހަމަޖައްސާ ސާރވޭ ކުރިއަށް ގެންދެވޭނެއެވެ.
•  ސަރވޭކޮށް ނިމޭތާ ރަސްމީ 2 ދުވަސްތެރޭގައި ސަލާމަތީ ސެޓްފިކެޓް ހަވާލު ކުރެވޭނެއެވެ.

ކަނޑު އުޅަނދު ރަޖިސްޓްރީ ކުރުމަށް ސާވޭކުރުން

27

ކަނޑު އުޅަނދު ރަޖިސްޓްރީކުރުމަށް ސާވޭކުރުން

• ކަނޑުދަތުރު ފަތުރުކުރާ އުޅަނދުފަހަރުގެ ރަޖިސްޓްރީއާއިބެހޭ ކަންކަމަށް އެދޭ ފޯމް ފުރިހަމަކޮށް (MR-1) ހުށަހެޅުން.
• ކަނޑުދަތުރު ފަތުރުކުރާ އުޅަނދު ފަހަރުގެ ރަޖިސްޓްރީ އަށް  އެދޭ ފޯމް އިދާރާގެ ކައުންޓަރުންނާއި، އަދި ޓްރާންސްޕޯޓް މިނިސްޓްރީގެ ވެބްސައިޓުން www.transport.gov.mv ލިބެންހުންނާނެއެވެ.
• ފޯމު ގުޅުންހުރި ސެކްޝަނާ  ރަސްމީ 2 ދުވަސް ތެރޭގައި ހަވާލުކުރުން
• ކަނޑުއުޅަނދު ފަހަރު ރަޖިސްޓްރީއަށް އެދޭ ފޯމް އިދާރާގެ ކައުންޓަރުންނާއި، ވެބްސައިޓުން އަދި ޓްރާންސްޕޯޓް މިނިސްޓްރީގެ ވެބްސައިޓުން ލިބެންހުންނާނެއެވެ.
• ފޯމު ހުށަހެޅި ފަރާތަށް ގުޅައިގެން އުޅަނދު ސާރވޭ ކުރަންދާނެ ދުވަހަކާއި ގަޑި ހަމަޖައްސާ ސާރވޭކުރުން.
• އުޅަނދު ސާރވޭކޮށް ނިމޭތާ ރަސްމީ 3 ދުވަހުގެ ތެރޭގައި ކަނޑު އުޅަނދު ރަޖިސްޓްރީ ކުރުމަށް ސަރވޭކޮށް ދޫކުރާ ލިޔުން (MR-2) އަދި މާޑިޔާގެ ސެޓްފިކެޓް ދޫކުރެވޭނެއެވެ.

ގޯތީގެ ކަންމުޑި އެޅުމާއި ކަންވަށްކުރުން

28

ގޯތީގެ ކަންމުޑި އެޅުމާއި ކަންވަށްކުރުން

• "ގޯތީގެ އިމާގުޅޭ ކަންކަމަށް އެދޭ ފޯމް" ފުރިހަމަކޮށް ހުށަހެޅުން.
• މިފޯމާއެކު -/100ރ ދައްކަންވާނެއެވެ.
• ކައުންސިލް އިދާރާގެ ކައުންޓަރުން ފޯމުލިބެން ހުންނާނެއެވެ.
• ޚިދުމަތް ކުރިޔަށް ގެންދިޔުން (ޚިދުމަތުގެ މަރުޙަލާތައް)
• ކަންމުޑި އެޅުމަށް އެދިފައިވާ ގޯތީ އޮތީ ރަނގަޅަށް ސާފުކޮށްފައިތޯ ކައުންސިލްގެ އިދާރާއިން ރަސްމީ 2 ދުވަހުގެ ތެރޭގައި ޗެކްކުރެވޭނެއެވެ.
• ގޯތި ރަނގަޅަށް ސާފުކޮށްފައިވާނަމަ، ކަންމުޑި އެޅުމަށް ޓަކައި ގޯތީގެ ވެރިފަރާތުން ގެންދަންޖެހޭނެކަމަށް ފޯމުގައި ބަޔާންކޮށްފައިވާ ތަކެއްޗާއިއެކު ގޯތި އޮތް ތަނަށް ޙާޟިރުވާންޖެހޭ ތާރީޚާއި ގަޑި ގޯތީގެ ވެރި ފަރާތަށް ރަސްމީ 05 ދުވަހުގެ ތެރޭގައި އެންގޭނެއެވެ.
• ގޯތީގެ ވެރިފަރާތަށް އަންގާފައިވާ ގަޑިޔަށް ކައުންސިލްގެ އިދާރާގެ ފަރާތުން ޙާޟިރުވެ ޚިދުމަތް ފޯރުކޮށްދެވޭނެއެވެ.
• ޚިދުމަތަށް އެދި ހުށަހަޅާފައިވާ ފޯމް ފުރިހަމަކޮށް، ގޯތި ސާފުކޮށްފައިވާނަމަ، ފޯމް ހުށަހަޅާތާ، ރަސްމީ 05 ދުވަހުގެ ތެރޭގައި ޚިދުމަތް ފޯރުކޮށްދެވޭނެ އެވެ.
• ގޯއްޗާއި ގޯއްޗާއި ގުޅިފައިވާ މަގު ގޯޅިތައް ސާފުކޮށްފައި ނުވާނަމަ، 10 ދުވަހުގެ ތެރޭގައި ސާފުކުރުމަށް ވެރިފަރާތަށް ނުވަތަ ބެލެހެއްޓުން ޙަވާލުކޮއްފައިވާ ފަރާތައް އެންގޭނެއެވެ.
• ގޯތި ސާފުކުރުމަށް އެންގި ޗިޓްގައިވާ ތާރީޚަށް ގޯތި ސާފުކޮށް ކައުންސިލްގެ އިދާރާއަށް އެންގުމުން ޚިދުމަތުގެ މަރުޙަލާތައް (މަތީގައިވާ ގޮތުގެމަތިން) ކުރިޔަށް ގެންދިޔުން. މިގޮތަށް ޚިދުމަތް ކުރިޔަށް ގެންދާނަމަ، ފޯމް ހުށަހެޅި ދުވަހުގެ ބަދަލުގައި ޚިދުމަތުގެ މުއްދަތު ގުނާނީ ގޯތި ސާފުކުރުމަށްފަހު ކައުންސިލްގެ އިދާރާއަށް އެންގި ތާރީޚުން ފެށިގެންނެވެ.
• ޗިޓްގައިވާ މުއްދަތުގައި ގޯތި ސާފުކޮށްފައި ނުވާނަމަ، ގޯތި ސާފުކޮށްފައި ނުވުމުގެ ސަބަބުން ޚިދުމަތް ފޯރުކޮށް ދެވެންނެތްކަމަށް ލިޔުމުން ޖަވާބު ދެވޭނެއެވެ.

ގޯތީގެ އިންވަކިކުރުން

29

ގޯތީގެ އިންވަކިކުރުން

• "ގޯތީގެ އިމާގުޅޭ ކަންކަމަށް އެދޭ ފޯމް" ފުރިހަމަކޮށް ހުށަހެޅުން.
• މިފޯމާއެކު -/100ރ ދައްކަންވާނެއެވެ.
• ފޯމް ކައުންސިލް އިދާރާގެ ކައުންޓަރުންނާއި ކައުންސިލްގެ ޕޭޖުތަކުން ލިބެން ހުންނާނެއެވެ.
• ޚިދުމަތް ކުރިޔަށް ގެންދިޔުން (ޚިދުމަތުގެ މަރުޙަލާތައް)
• ފޯމް ރަނގަޅަށް ފުރިހަމަކޮށްފައިވޭތޯ ޗެކްކުރުމަށްފަހު ފޯމް އެންޓްރީ ކުރުން
• ފޯމް ލިބިފައިވާކަމުގެ ސްލިޕް ފޯމް ހުށަހެޅި ފަރާތަށް ވަގުތުން ޙަވާލުކުރެވޭނެއެވެ.
• އިންވަކިކުރުމަށް އެދިފައިވާ ގޯތީ އޮތީ ރަނގަޅަށް ސާފުކޮށްފައިތޯ ކައުންސިލްގެ އިދާރާއިން ރަސްމީ 3 ދުވަހުގެ ތެރޭގައި ޗެކްކުރުން.
• ގޯތި ރަނގަޅަށް ސާފުކޮށްފައިވާނަމަ، އިންވަކި ކުރުމަށްޓަކައި ފޯމުގައި ބަޔާންކޮށްފައިވާ ތަކެއްޗާއިއެކު ގޯތި އޮތްތަނަށް ޙާޟިރުވާންޖެހޭ ތާރީޚާއި ގަޑި ގޯތީގެ ވެރިފަރާތަށް ރަސްމީ 05 ދުވަހުގެ ތެރޭގައި އެންގޭނެއެވެ.
• ގޯތީގެ ވެރިފަރާތަށް އަންގާފައިވާ ގަޑިޔަށް ކައުންސިލްގެ އިދާރާގެ ފަރާތުން ޙާޟިރުވެ ޚިދުމަތް ފޯރުކޮށްދެވޭނެއެވެ.
• ޚިދުމަތަށް އެދި ހުށަހަޅާފައިވާ ފޯމް ފުރިހަމަވެ، ގޯތި ސާފުކޮށްފައިވާނަމަ، ފޯމް ހުށަހަޅާތާ، ރަސްމީ 05 ދުވަހުގެ ތެރޭގައި ޚިދުމަތް ފޯރުކޮށްދެވޭނެ އެވެ.
• ގޯތި ޗެކްކުރާއިރު ގޯތި ސާފުކޮށްފައިނުވާނަމަ، ގޯތި ސާފުކުރުމަށް 10 ދުވަހުގެ މުއްދަތު ދެވޭނެއެވެ.
• ގޯތި ސާފުކުރުމަށް އެންގި ސްލިޕްގައިވާ ތާރީޚަށް ގޯތި ސާފުކޮށް ކައުންސިލްގެ އިދާރާއަށް އެންގުމުން ޚިދުމަތުގެ މަރުޙަލާތައް (މަތީގައިވާ ގޮތުގެމަތިން) ކުރިޔަށް ގެންދިޔުން. މިގޮތަށް ޚިދުމަތް ކުރިޔަށް ގެންދާނަމަ، ފޯމް ހުށަހެޅި ދުވަހުގެ ބަދަލުގައި ޚިދުމަތުގެ މުއްދަތު ގުނާނީ ގޯތި ސާފުކުރުމަށްފަހު ކައުންސިލްގެ އިދާރާއަށް އެންގި ތާރީޚުން ފެށިގެންނެވެ.
• ކަނޑައަޅާފައިވާ މުއްދަތުގައި ގޯތި ސާފުކޮށްފައި ނުވާނަމަ، ޚިދުމަތް ފޯރުކޮށް ދެވެންނެތްކަމަށް ގޯތީގެ ވެރިފަރާތައް  ލިޔުމުން އެންގޭނެއެވެ.

ގޯތީގެ ރަޖިސްޓަރީ ހެއްދުން

30

ގޯތީގެ ރަޖިސްޓަރީ ހެއްދުން

• އަލަށް ދޫކުރާ ގޯތި ފާހަގަކޮށްދިނުމަށްފަހު ގޯތީގެ މިންތަކާއި ގޯތީގައި ހުރި ރުއްގަހުގެ ތަފްޞީލް އެނގޭނެގޮތަށް ވަގުތީ ރަޖިސްޓްރީއެއް ގޯތީގެ ވެރިފަރާތަށް ނުވަތަ ޕަވަރ އޮފް އެޓަރނީ ދީފައިވާ ފަރާތާއި ޙަވާލުކުރެވޭނެއެވެ.
• ވަގުތީ ރަޖިސްޓްރީ ޙަވާލުކުރާތާ 3 މަސްދުވަހުގެ ތެރޭގައި ގޯތީގައި ހުރި ރުއްގަހުގެ ބަދަލު ހަމަޖައްސައި ގޯތީގެ ރަޖިސްޓްރީ ހައްދަން ހުށަހަޅަންވާނެއެވެ.
• "ގޯތީ ރަޖިސްޓަރީ ކޮށްދޭ ފޯމް" ފުރިހަމަކޮށް ހުށަހެޅުން.
• ފޯމާއެކީ ދަންކަންޖެހޭ ފީތަކުގެ ތަފްސީލް
• ބިމުގެ ރަޖިސްޓްރީ އަލަށް ހެދުމަށް؛
• އަމިއްލަ ފަރާތްތަކަށް، އަމިއްލަ ވިޔަފާރިތަކަށް-------------------200.00 ރުފިޔާ
• ދައުލަތުގެ އިދާރާތަކަށް، ސަރުކާރު/ޕަބްލިކް ކުންފުނިތަކަށް---------500.00 ރުފިޔާ
• ބިމުގެ ރަޖިސްޓްރީ ގެއްލިގެން ހެދުމަށް؛
• އަމިއްލަ ފަރާތްތަކަށް، އަމިއްލަ ވިޔަފާރިތަކަށް-------------------200.00 ރުފިޔާ
• ދައުލަތުގެ އިދާރާތަކަށް، ސަރުކާރު/ޕަބްލިކް ކުންފުނިތަކަށް-------1000.00 ރުފިޔާ
• ބިމުގެ ރަޖިސްޓްރީ އާކުރުން/މަޢުލޫމާތު ބަދަލުވުން؛
• އަމިއްލަ ފަރާތްތަކަށް، އަމިއްލަ ވިޔަފާރިތަކަށް-------------------100.00 ރުފިޔާ
• ދައުލަތުގެ އިދާރާތަކަށް، ސަރުކާރު/ޕަބްލިކް ކުންފުނިތަކަށް---------500.00 ރުފިޔާ
• ކައުންސިލް އިދާރާގެ ކައުންޓަރުން ފޯމުލިބެން ހުންނާނެއެވެ.
• ޚިދުމަތް ކުރިޔަށް ގެންދިޔުން (ޚިދުމަތުގެ މަރުޙަލާތައް)
• ފޯމް ރަނގަޅަށް ފުރިހަމަކޮށްފައިވޭތޯ ޗެކްކުރުމަށްފަހު ފޯމް އެންޓްރީ ކުރުން.
• ފޯމް ލިބިފައިވާކަމުގެ ސްލިޕް ފޯމް ހުށަހެޅި ފަރާތަށް ވަގުތުން ޙަވާލުކުރެވޭނެއެވެ.
• ރަޖިސްޓަރީ ހެއްދުމަށް އެދިފައިވާ ގޯތީއޮތީ ރަނގަޅަށް ސާފުކޮށް ކަންމުޑިއަޅާފައިވާކަން ލަސްވެގެން ރަސްމީ 2 ދުވަހުގެ ތެރޭގައި ކަށަވަރުކުރެވޭނެއެވެ.
• ގޯތި ރަނގަޅަށް ސާފުކޮށް ކަންމުޑި އަޅާފައިވާނަމަ، ރަޖިސްޓަރީއާއި ޙަވާލުވުމަށް ކައުންސިލްގެ އިދާރާއަށް ޙާޟިރުވާންޖެހޭ ތާރީޚާއި ގަޑި ގޯތީގެ ވެރިފަރާތަށް ނުވަތަ ޕަވަރ އޮފް އެޓަރނީ ދީފައިވާ ފަރާތަށް ފޯމް ހުށަހަޅާތާ ލަސްވެގެން ރަސްމީ 2 ދުވަހުގެ ތެރޭގައި ސްލިޕަކުން އެންގުން.
• ފޯމް ހުށަހަޅާތާ ލަސްވެގެން ރަސްމީ 2 ދުވަހުގެ ތެރޭގައި ގޯތި އޮތްތަނަށް ކައުންސިލްގެ އިދާރާގެ ފަރާތުން ޙާޟިރުވެ ގޯތީގެ މިންތައް (ގޯތީގެ ވެރިފަރާތް ނުވަތަ ޕަވަރ އޮފް އެޓަރނީ ދީފައިވާ ފަރާތުގެ ޙާޟިރުގައި) ޗެކްކޮށް ނޯޓް ކުރެވޭނެއެވެ.
• ޚިދުމަތަށް އެދި ހުށަހަޅާފައިވާ ފޯމް ފުރިހަމަކޮށް، ގޯތި ސާފުކޮށް ކަންމުޑި އަޅާފައިވާނަމަ، ފޯމް ހުށަހަޅާތާ، ރަސްމީ 04 ދުވަހުގެ ތެރޭގައި ގޯތީގެ ރަޖިސްޓްރީ ހައްދައި ޙަވާލުކުރެވޭނެއެވެ.
• ގޯތި ޗެކްކުރާއިރު ގޯތި ސާފުކޮށްފައިނުވާނަމަ، ނުވަތަ ކަންމުޑި އަޅާފައި ނުވާނަމަ ގޯތި ސާފުކުރުމަށް ނުވަތަ ކަންމުޑި އެޅުމަށް 10 ދުވަހުގެ މުއްދަތެއް ލިޔުމުން ދިނުން (ސްލިޕް ދޫކުރުން)
• ގޯތި ސާފުކުރުމަށް ނުވަތަ ކަންމުޑި އެޅުމަށް އެންގި ސްލިޕްގައިވާ ތާރީޚަށް އެކަންކޮށް ކައުންސިލްގެ އިދާރާއަށް އެންގުމުން ޚިދުމަތުގެ މަރުޙަލާތައް (މަތީގައިވާ ގޮތުގެމަތިން) ކުރިޔަށް ގެންދިޔުން. މިގޮތަށް ޚިދުމަތް ކުރިޔަށް ގެންދާނަމަ، ފޯމް ހުށަހެޅި ދުވަހުގެ ބަދަލުގައި ޚިދުމަތުގެ މުއްދަތު ގުނާނީ ގޯތި ސާފުކުރުމަށް ނުވަތަ ކަންމުޑި އެޅުމަށްފަހު ކައުންސިލްގެ އިދާރާއަށް އެންގި ތާރީޚުން ފެށިގެންނެވެ.
• ގޯތީގައި ކަންމުޑި އެޅުމާއި ސާފުކުރުމަށް ދީފައިވާ މުއްދަތުގައި އެކަން ކޮށްފައި ނުވާނަމަ ޚިދުމަތް ފޯރުކޮށް ދެވެންނެތްކަމަށް ލިޔުމުން ޖަވާބު ދެވޭނެއެވެ.

ޢިމާރާތާއި ގޯތީގެ ރަޖިސްޓަރީ ހެއްދުން (ރަޖިސްޓަރީ ގެއްލިގެން ނޫން ގޮތަކަށް ހައްދާނަމަ)

31

ޢިމާރާތާއި ގޯތީގެ ރަޖިސްޓަރީ ހެއްދުން (ރަޖިސްޓަރީ ގެއްލިގެން ނޫން ގޮތަކަށް ހައްދާނަމަ)

• "ޢިމާރާތާއި ގޯތީގެ ރަޖިސްޓަރީ ކޮށްދޭ ފޯމް" ފުރިހަމަކޮށް ހުށަހެޅުން
• ކައުންސިލް އިދާރާގެ ކައުންޓަރުން ފޯމުލިބެން ހުންނާނެއެވެ.
• ފޯމާއެކީ ދަންކަންޖެހޭ ފީތަކުގެ ތަފްސީލް
• ޢިމާރާތާއި ގޯތީގެ ރަޖިސްޓްރީ އަލަށް ހެދުމަށް؛
• އަމިއްލަ ފަރާތްތަކަށް،އަމިއްލަ ވިޔަފާރިތަކަށް--------------------250.00 ރުފިޔާ
• ދައުލަތުގެ އިދާރާތަކަށް، ސަރުކާރު/ޕަބްލިކް ކުންފުނިތަކަށް---------500.00 ރުފިޔާ
• ޢިމާރާތާއި ގޯތީގެ ރަޖިސްޓްރީ އާކުރުން/މަޢުލޫމާތު ބަދަލުވުން؛
• އަމިއްލަ ފަރާތްތަކަށް،އަމިއްލަ ވިޔަފާރިތަކަށް--------------------100.00 ރުފިޔާ
• ދަޢުލަތުގެ އިދާރާތަކަށް، ސަރުކާރު/ޕަބްލިކް ކުންފުނިތަކަށް--------500.00 ރުފިޔާ                   
• ޚިދުމަތް ކުރިޔަށް ގެންދިޔުން (ޚިދުމަތުގެ މަރުޙަލާތައް)
• ފޯމް ރަނގަޅަށް ފުރިހަމަކޮށްފައިވޭތޯ ޗެކްކުރުމަށްފަހު ފޯމް އެންޓްރީ ކުރުން
• ރަޖިސްޓަރީ ހެއްދުމަށް އެދިފައިވާ ފޯމް ހުށައެޅުމުން ރަސްމީ 5 ދުވަހުގެ ތެރޭގައި ޢިމާރާތާއި ގޯތީގެ ރަޖިސްޓްރީ ހައްދައި، ގޯތީގެ ވެރިފަރާތް ނުވަތަ ޕަވަރ އޮފް އެޓަރނީ ދީފައިވާ ފަރާތާއި ޙަވާލުކުރެވޭނެ އެވެ.  

އިމާރާތާއި ގޯތީގެ ރަޖިސްޓަރީ ހެއްދުން (ރަޖިސްޓަރީ ގެއްލިގެން އަލުން ހެއްދުމަށް ހުށަހެޅުން)

32

އިމާރާތާއި ގޯތީގެ ރަޖިސްޓަރީ ހެއްދުން (ރަޖިސްޓަރީ ގެއްލިގެން އަލުން ހެއްދުމަށް ހުށަހެޅުން)

• "އިމާރާތާއި ގޯތީގެ ރަޖިސްޓަރީ ކޮށްދޭ ފޯމް" ފުރިހަމަކޮށް ހުށަހެޅުމުން ރަޖިސްޓްރީ އާއިބެހޭ މަޢުލޫމާތު ސާފުކުރާ ފޯމް ފުރިހަމަކޮށް ހުށަހެޅުމަށްޓަކައި ވަގުތުން އެފަރާތަކާއި ޙަވާލުކުރެވޭނެ އެވެ.
• ކައުންސިލް އިދާރާގެ ކައުންޓަރުންނާއި ކައުންސިލްގެ ފޯމުލިބެން ހުންނާނެއެވެ.
• ފޯމާއެކީ ދަންކަންޖެހޭ ފީތަކުގެ ތަފްސީލް
• އަމިއްލަ ފަރާތްތަކަށް، އަމިއްލަ ވިޔަފާރިތަކަށް-------------------300.00 ރުފިޔާ
• ދަޢުލަތުގެ އިދާރާތަކަށް، ސަރުކާރު/ޕަބްލިކް ކުންފުނިތަކަށް-------1000.00 ރުފިޔާ
• ރަޖިސްޓަރީއާއިބެހޭ މަޢުލޫމާތު ސާފުކުރާ ފޯމް ހުށަހެޅުން.
• ޚިދުމަތް ކުރިޔަށް ގެންދިޔުން (ޚިދުމަތުގެ މަރުޙަލާތައް)
• ފޯމް ރަނގަޅަށް ފުރިހަމަކޮށްފައިވޭތޯ ޗެކްކުރުމަށްފަހު ފޯމް އެންޓްރީ ކުރުން
• އެޕްލިކޭޝަން ފޯމް ލިބިފައިވާކަމުގެ ސްލިޕް ފޯމް ހުށަހެޅި ފަރާތަށް ވަގުތުން ޙަވާލުކުރުން.
• ރަޖިސްޓަރީއާއިބެހޭ މަޢުލޫމާތެއް ލިބިފައިވާ ފަރާތެއްވޭތޯ ބެލުމަށް ރަސްމީ 02 ދުވަހުގެ ތެރޭގައި ދިވެހި ސަރުކާރުގެ ގެޒެޓްގައި ރަސްމީ 07 ދުވަހުގެ މުއްދަތަށް ޢާއްމު އިޢުލާނެއް ކުރުން.
• ރަޖިސްޓްރީ އާއި ބެހޭ މަޢުލޫމާތު ސާފުކުރާ ފޯމް ފުރިހަމަކޮށް ހުށަހެޅުމުން، ފޯމްގައި ރަޖިސްޓަރީ ރަޙުނުކޮށްފައިވާކަމަށް އެއްވެސް ފަރާތަކުން ބަޔާންކޮށްފައި ނުވާނަމަ، އަދި 07 ދުވަހުގެ މުއްދަތަށް ކޮށްފައިވާ އިޢުލާނާއި ގުޅިގެން އެއްވެސް ފަރާތަކުން އެ ރަޖިސްޓަރީއާއިބެހޭ މަޢުލޫމާތެއް ލިބިފައިވާކަމަށް އަންގާފައިނުވާނަމަ، ޚިދުމަތުގެ މަރުޙަލާތައް ކުރިޔަށް ގެންދިޔުން.
• އިޢުލާނުގެ މުއްދަތު ހަމަވެ، އަދި ރަޖިސްޓްރީ އާއި ބެހޭ މަޢުލޫމާތު ސާފުކުރާ ފޯމް ހުށަހަޅާތާ ރަސްމީ 5 ދުވަހުގެ ތެރޭގައި ޢިމާރާތާއި ގޯތީގެ ރަޖިސްޓްރީ ހައްދައި ޙަވާލުކުރުން.
• ރަޖިސްޓަރީއާއި ބެހޭ މަޢުލޫމާތު ހޯދުމަށް ކުރި އިޢުލާނާއި ގުޅިގެން އެއްވެސް ފަރާތަކުން ރަޖިސްޓަރީގެ މަޢުލޫމާތު ލިބިފައިވާކަމަށް ހުށަހަޅާފިނަމަ، ނުވަތަ ގޯތީގެ ރަޖިސްޓްރީ އާއިގުޅޭ މަޢުލޫމާތު ސާފުކުރާ ފޯމުގައި ރަޖިސްޓަރީ ރަހުނުކޮށްފައިވާކަމަށް މާލީ އެއްވެސް އިދާރާއަކުން ބަޔާންކޮށްފައިވާނަމަ، އަލުން ރަޖިސްޓަރީ ހައްދައިދެވެން ނެތްކަމާއި، ރަޖިސްޓަރީއާއި ގުޅޭ ގޮތުން ހޯދާފައިވާ މަޢުލޫމާތު ގޯތީގެ ވެރިފަރާތަށް ލިޔުމުން ފޯރުކޮށް ދެވޭނެއެވެ.

މަގު ބަންދުކުރުމުގެ ހުއްދަ ދޫކުރުން

33

މަގު ބަންދުކުރުމުގެ ހުއްދަ ދޫކުރުން

• "މަގު ނުވަތަ އިޖްތިމާޢީ ސަރަހައްދުތައް ބަންދުކުރުމުގެ ހުއްދައަށް އެދޭ ފޯމް" ފުރިހަމަކޮށް ރަސްމީ 1 ދުވަހުގެ ކުރިން ކައުންސިލް އިދާރާއަށް ހުށަހެޅުން.
• މަގު ބަންދުކުރުމުގެ ފީ ފޯމުގައި ބަޔާންކޮށްފައިވާ ގޮތުގެ މަތިން ކައުންސިލަށް ދެއްކުން.
• ބޯޑާއި ޙަވާލުވާ ލިޔުމުގައި ނަމާއި، އެޑްރެސް ޖަހައި ސޮއި ކުރުމަށްފަހު މަގު ބަންދުކުރާ ހުއްދަ/ ބޯޑާއި ހަވާލުވުން.
• މަގު ބަންދުކުރުމަށް ހުއްދަ ދެވިފައިވާ ވަގުތު ހަމަވުމުން ސަރަޙައްދު ސާފުކޮށް ހުއްދަ ބޯޑު ކައުންސިލް އިދާރާއާއި ޙަވާލުކުރުން.

މަގު ބަންދުނުވާގޮތައް ތަކެތި ބެހެއްޓުމުގެ ހުއްދަ ދޫކުރުން

34

މަގު ބަންދުނުވާގޮތައް ތަކެތި ބެހެއްޓުމުގެ ހުއްދަ ދޫކުރުން

• "މަގު ނުވަތަ އިޖްތިމާޢީ ސަރަހައްދުތައް ބަންދުކުރުމުގެ ހުއްދައަށް އެދޭ ފޯމް" ފުރިހަމަކޮށް ރަސްމީ 1 ދުވަހުގެ ކުރިން ކައުންސިލް އިދާރާއަށް ހުށަހެޅުން.
• މަގު ބަންދުކުރުމުގެ ފީ ފޯމުގައި ބަޔާންކޮށްފައިވާ ގޮތުގެ މަތިން ކައުންސިލަށް ދެއްކުން.
• ބޯޑާއި ޙަވާލުވާ ލިޔުމުގައި ނަމާއި، އެޑްރެސް ޖަހައި ސޮއި ކުރުމަށްފަހު މަގު ބަންދުކުރާ ހުއްދަ/ ބޯޑާއި ހަވާލުވުން.
• ·       މަގު ބަންދުކުރުމަށް ހުއްދަ ދެވިފައިވާ ވަގުތު ހަމަވުމުން ސަރަޙައްދު ސާފުކޮށް ހުއްދަ ބޯޑު ކައުންސިލް އިދާރާއާއި ޙަވާލުކުރުން.

މަގު ކޮނުމުގެ ހުއްދަ ދޫކުރުން

35

މަގު ކޮނުމާއި މަގުގައި އެއްޗެތި ވަޅުލުމުގެ ހުއްދަ ދޫކުރުން

• "މަގު ނުވަތަ އިޖްތިމާޢީ ސަރަހައްދުތައް ބަންދުކުރުމުގެ ހުއްދައަށް އެދޭ ފޯމް" ފުރިހަމަކޮށް ރަސްމީ 1 ދުވަހުގެ ކުރިން ކައުންސިލް އިދާރާއަށް ހުށަހެޅުން.
• ބޯޑާއި ޙަވާލުވާ ލިޔުމުގައި ނަމާއި، އެޑްރެސް ޖަހައި ސޮއި ކުރުމަށްފަހު މަގު ބަންދުކުރާ ހުއްދަ/ ބޯޑާއި ހަވާލުވުން.
• މަގު ކޮނުމާއި މަގުގައި އެއްޗެތި ވަޅުލުމުގެ ހުއްދަ ދެވިފައިވާ ވަގުތު ހަމަވުމުން ސަރަޙައްދު ސާފުކޮށް ހުއްދަ ބޯޑު ކައުންސިލް އިދާރާއާއި ޙަވާލުކުރުން.

ޢިމާރާތްކުރުމުގެ ހުއްދަ ދޫކުރުން

36

ޢިމާރާތްކުރުމުގެ ހުއްދަ ދޫކުރުން

• ޢިމާރާތްކުރުމުގެ ހުއްދައަށް އެދި ޚިދުމަތަށް އެދޭ ފޯމް ފުރިހަމަކޮށް  (ފޯމުގައި ބޭނުންވާ ހުރިހާ މައުލޫމާތާއެކު) ކައުންސިލް އިދާރާއަށް ހުށަހެޅުން.
• ފޯމާއި އެކު ހުށަހަޅަންޖެހޭ ހުރިހާ ލިޔުންތައް ފުރިހަމަތޯ އާއި އަދި ހުށަހަޅަންޖެހޭ ހުރިހާ ލިޔުންތައް ހަމައަށް ހުށަހަޅާފައިވޭތޯ ފޯމްހުށަހަޅާ މީހާގެ ހާޟިރުގައި ޗެކުކޮށް މައްސަލައެއް ނެތްނަމަ ކައުންސިލް އިދާރާއަށް ފޯމް ބަލައިގަތުން. އަދި ފޯމާއެކު ހުށަހަޅަންޖެހޭ އެއްވެސް ލިޔުމެއް މަދުނަމަ ނުވަތަ ފޯމުގައިވާ ބައެއް ފުރިހަމަވެފައި ނުވާނަމަ ފޯމު ހުށަހެޅި ފަރާތަށް އެމަޢުލޫމާތު ދީ އަނބުރާ ފޯމު ޙަވާލުކުރުން.  
• ޢިމާރާތްކުރުމުގެ ހުއްދަ ދޫކުރުމުގެ ކުރިން ބަލަންޖެހޭ އެންމެހާ ކަންކަން ބަލާ  ރަސްމީ 5 ދުވަހުގެ ތެރޭގައި ހުއްދަ ދޫކުރެވޭނެ އެވެ. އަދި ހުއްދަ ދޭ ލިޔުމާއި އެހެނިހެން ލިޔެކިޔުންތައް ރަސްމީ 5 ދުވަހުގެ ތެރޭގައި އަތޮޅު ކައުންސިލް އިދާރާއަށް ފޮނުވޭނެ.

ދަނޑުވެރިކަމަށް ބިންދޫކުރުން

37

ދަނޑުވެރިކަމަށް ބިންދޫކުރުން

• ދަނޑުވެރިކަމަށް ބިން ދޫކުރާ ފޯމް ފުރިހަމަކޮށް ކައުންސިލަށް ހުށަހެޅުން.
• ޚިދުމަތަށް އެދޭފޯމް އިދާރާގެ ކައުންޓަރުން ލިބެން ހުންނާނެއެވެ.
• ބިން ކަނޑައެޅުމަށްފަހު ބިން ސާފުކުރުމަށް 15 ދުވަހުގެ މުއްދަތެއް ދެވޭނެ.
• ދީފައިވާ މުއްދަތުގައި ބިން ސާފުކުރުމަށްފަހު ކައުންސިލަށް އެކަން އަންގަންވާނެއެވެ.
• ކައުންސިލުން ބިން ޗެކްކުރާތާ، ރަސްމީ 3 ދުވަހުގެ ތެރޭގައި އެއްބަސްވުން އެކުލަވާލާ ބިން ހަވާލު ކުރެވޭނެއެވެ.

ތަކެތި  ކުއްޔަށް ދޫކުރުން

38

ކައުންސިލްގެ ބެލުމުގެ ދަށުގައި ހުރި ތަކެތި ކުއްޔަށް ދޫކުރުން

• ޚިދުމަތްތަކަށް އެދޭ ފޯމް ފުރިހަމަ ކުރުމަށްފަހު  ކައުންސިލަށް ހުށަހެޅުން.
• ޚިދުމަތައް އެދޭފޯމް އިދާރާގެ ކައުންޓަރުން ލިބެން ހުންނާނެއެވެ.
• ޚިދުމަތަށް އެދި ހުށަހަޅާފައިވާ ފޯމަށް ރަސްމީ 01 ދުވަހުގެ ތެރޭގައި  ޖަވާބު ދެވޭނެ . 
• ފޯމުގައި ބަޔާންކޮށްފައިވާ ތަކެތީގެ ކުލި ކައުންސިލަށް ދެއްކުމުން ރަސްމީ 1 ދުވަހުގެ ތެރޭގައި ތަކެތި ޙަވާލުކުރެވޭނެ.
• ކުއްޔަށް ގެންދާ ތަކެތި ޙަވާލުވުމުގެ ކުރިން އެއްވެސް ގެއްލުމެއް ލިބިފައިވޭތޯ ޗެކުކުރުމާއި، އަނބުރާ ދައްކާއިރު އެއްޗަކަށް ގެއްލުމެއް ލިބިފައިވާނަމަ ނުވަތަ މަދުވެފައިވާނަމަ ކައުންސިލުން ހަމަޖައްސާފައިވާ ގޮތުގެ މަތިން  ތަކެތި ގެންދިޔަ ފަރާތުން ޒިންމާ ނަގަން ޖެހޭނެ.

39

ދޫގަސްގެ އިން ކޮޓަރިއާއި އެޕާޓްމަންޓް ކުއްޔަށް ނެގުން

• މިކައުންސިލްގެ ނަންބަރު 6660058 ގުޅައިގެން ބޭނުންވާ ދުވަހަށް ކޮޓަރި ލިބެންހުރިތޯ ޔަގީންކޮށް ރިޒަވޭޝަން ހެއްދުން.
• ޚިދުމަތްތަކަށް އެދޭ ފޯމް ފުރިހަމަ ކުރުމަށްފަހު  ކައުންސިލަށް ހުށަހެޅުން.
• ކޮޓަރި ކުލި ދުވާލަކަށް -/500 (ފައްސަތޭކަ ރުފިޔާ)
• ރޫމް ހަމަޖެހުނުކަން ކުއްޔަށް ނަގާ ފަރާތަށް އެންގޭނެއެވެ.

40

ކޭބަލް ޓީވީގެ ޚިދުމަތަށް އެދުން

• ޚިދުމަތްތަކަށް އެދޭ ފޯމް ފުރިހަމަ ކުރުމަށްފަހު  ކައުންސިލަށް ހުށަހެޅުން.
• ހިދުމަތައް އެދުމުން ކޭބަލް ހިދުމަތް ބޭނުންވާތެތި ހަމަ ކުރުމަށް އެދޭ ފަރާތަށް އެންގޭނެއެވެ.
• ކޭބަލް ޚިދުމަތަށް ބޭނުންވާ ތަކެތި ކައުންސިލުން ނަގާނަމަ އެތަކެއްޗަށް ފައިސާ ދެއްކުން
• ކޭބަލް ވަޅުލަން ޖެހޭނަމަ މަގު ކޮނުމަށް ހުއްދަ ހޯދުން.
• ފޯމް ހުށަހަޅާތާ، ރަސްމީ 05 ދުވަހުގެ ތެރޭގައި ޚިދުމަތް ފޯރުކޮށްދެވޭނެ އެވެ.

41

ކުނި ކެހުމަށް ގޮޅި ރަޖިސްޓްރީ ކުރުން

• ގޮޅި ހޯދުމަށް އެދި ފޯމް ހުށަހަޅާނީ މިކައުންސިލުން އިއުލާން ކުރުމުންނެވެ.
• ޚިދުމަތައް އެދޭފޯމް އިދާރާގެ ކައުންޓަރުން ލިބެން ހުންނާނެއެވެ.
• ގޮޅި ރަޖިސްޓްރީ ކުރަން އެދޭ ފޯމް ކައުންސިލަށް ހުށަހެޅުން.
• ފޯމް ހުށަހަޅާތާ، ރަސްމީ 05 ގޮޅި ރަޖިސްޓްރީ ކޮއްދެވޭނެ.

42

އަންހެނުންގެ ތަރައްޤީޢަށް މަސައްކަތް ކުރާ ކޮމިޓީގެ ޖިމް ހިދުމަތައް އެދުން.

• ޚިދުމަތްތަކަށް އެދޭ ފޯމް ފުރިހަމަ ކުރުމަށްފަހު  ކައުންސިލަށް ހުށަހެޅުން.
• ޚިދުމަތައް އެދޭފޯމް އިދާރާގެ ކައުންޓަރުން ލިބެން ހުންނާނެއެވެ.
• ފޯމާއެކު ހިނގަމުންދާ މަހުގެ ބަކީ އޮތް ދުވަސްތަކަށް ވާ ފީ ދައްކަން ޖެހޭނެއެވެ. އަދި ކޮންމެ މަހެއްގެވެސް 10ގެ ކުރިން މަހުފީ ދައްކަންޖެހޭނެއެވެ. ފީ ނުދައްކާފިނަމަ، ޚިދުމަތް ކެނޑޭނެއެވެ.
• ޖިމް ޚިދުމަތް ހޯދުމަށް ކޮންމެ މަހަކު -/200ރ ދައްކަވަން ވާނެއެވެ. އަދި ފަތުރުވެރިން ޖިމް ދުވަހަށް ބޭނުންވާނަމަ ބޭނުންކުރާ ކޮންމެ ދުވަހަކަށް -/75 ރުފިޔާ ދައްކަވަންވާނެއެވެ.

43

ކުޅިވަރު ކުޅޭ ސަރަހައްދު ހޯދުން

• ކައުންސިލްގެ ނަންބަރު 6660058 ގުޅައި ބޭނުންވާ ދުވަހަށް ކުޅިވަރު ކޯޓް ލިބޭތޯ ޔަގީކުރުން.
• ޚިދުމަތްތަކަށް އެދޭ ފޯމް ފުރިހަމަ ކުރުމަށްފަހު  ކައުންސިލަށް ހުށަހެޅުން.
• ޚިދުމަތައް އެދޭފޯމް އިދާރާގެ ކައުންޓަރުން ލިބެން ހުންނާނެ.
• ޚިދުމަތް ބޭނުންވުމުގެ 1 ދުވަސްކުރިން ފޯމް ހުށަހެޅުން.
• ކުޅިވަރު ކޯޓް ހަމަޖެހުނުކަން އެފަރާތަކަށް އެންގޭނެ.

ޤާނޫނު ނަންބަރު 2014/1  (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ ދަށުން މަޢުލޫމާތު ހޯދުމަށް އެދި ހުށަހަޅާ ފޯމް ތަކަށް ޖަވާބު ދިނުން

44

ޤާނޫނު ނަންބަރު 2014/1  (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ ދަށުން މަޢުލޫމާތު ހޯދުމަށް އެދި ހުށަހަޅާ ފޯމް ތަކަށް ޖަވާބު ދިނުން

• (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ ދަށުން މަޢުލޫމާތު ހޯދުމަށް އެދި ހުށަހަޅާ ފޯމް ފުރިހަމަކޮށް ކައުންސިލަށް ހުށަހެޅުން.
• ޚިދުމަތައް އެދި ހުށަހެޅުމަށް ބޭނުންވާ ފޯމް ކައުންސިލް އިދާރާގެ ކައުންޓަރުން ލިބެން ހުންނާނެއެވެ.
• ހޯދުމަށް އެދިފައިވާ މަޢުލޫމާތުގެ ބާވަތަށް ބަލައި ކަނޑައަޅާފައިވާ މުއްދަތުގެ ތެރޭގައި ޖަވާބު ދެވޭނެއެވެ.
• (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ ދަށުން ދޫކުރާ ލިޔުމަށް އެއްވެސް ޚަރަދެއް ހިނގާނަމަ އެކަން މަޢުލޫމާތު ހޯދުމަށް އެދި ހުށަހެޅި ފަރާތަށް އެންގޭނެ. އަދި މަޢުލޫމާތު ދޫކުރެވޭނީ އެ ޚަރަދެއް ކައުންސިލަށް ދެއްކުމުންނެވެ.

ކައުންސިލަށް ލިބޭ ހިލޭއެހީ

45

ކައުންސިލަށް ލިބޭ ހިލޭ އެހީތައް ބަލައިގަތުން

• އެހީދޭން ބޭނުންވާ ފަރާތްތަކުން "ކައުންސިލަށް މާލީ އެހީތެރިކަމާއި ތަކެތި ހަދިޔާކުރާ ފޯމް" ފުރިހަމަކޮށް ހުށަހެޅުން.
• ކައުންސިލުން ހިންގާ އެކިއެކި ޕްރޮގްރާމްތަކާއި އިޖުތިމާޢީ އެކިއެކި ޙަރަކާތްތަކަށް އެހީގެ ގޮތުގައިދޭ ފައިސާ ކައުންސިލްގެ އެކައުންޓަށް ޓްރާންސްފަރކުރެވިދާނެ ނުވަތަ ނަގުދު ފައިސާގެ ގޮތުގައި ކައުންސިލާއި ޙަވާލުކުރެވިދާނެއެވެ.
• ތަކެތީގެ ގޮތުގައި އެހީތެރިކަން ފޯރުކޮށްދިނުމަށް ބޭނުންވާ ފަރާތްތަކުން އެދިލައްވާ ގޮތެއްގެމަތިން ތަކެތި ޙަވާލުކުރުމުގެ އިންތިޒާމު ހަމަޖައްސައިދެވޭނެ އެވެ.

ރަސްމީ ޚިދުމަތް ތަކުގެ ގަޑިތައް

46

ރަސްމީ ޚިދުމަތްތަކުގެ ގަޑިތައް

• ރަމަޟާން މަސް ފިޔަވައި ޢާއްމު އެހެން މަސްމަހުގައި ކައުންސިލްގެ ރަސްމީ ޚިދުމަތްތައް ފޯރުކޮށްދޭނެ ގަޑިތަކަކީ ރަސްމީ ކޮންމެ ދުވަހެއްގެ  8:30 ން 12:00 އަށެވެ. އަދި 13:00 ން 14:00 އަށެވެ.                                                         
• ރަމަޟާން މަހުގައި ކައުންސިލްގެ ރަސްމީ ޚިދުމަތްތައް ފޯރުކޮށްދޭނީ ސަރުކާރުން ކަނޑައަޅުއްވާ ޢާއްމުކޮށް އިޢުލާނުކުރާ ގަޑިތަކެއްގައެވެ.
• ޚިދުމަތް ދިނުމުގައި ގަޑިތަކެއް ކަނޑައެޅިފައިވީ ނަމަވެސް ދިމާވާ ޚާއްޞަ ޙާލަތަކާއި ގުޅިގެން ފޯރުކޮށްދޭންޖެހޭ ޚިދުމަތް އެވަގުތެއްގައި ފޯރުކޮށް ދެވޭނެ.

ފޯން ނަންބަރު: 6660058

އީ-މެއިލް: [email protected]

ވައިބަރ: 7959849