ވަޒީފާގެ ފުރުޞަތު

އިޢުލާން ނަންބަރު:

TradeNet-CS/J/2021/48

މަޤާމު:

އޮފީސް އެސިސްޓެންޓް

ބޭނުންވާ ޢަދަދު:

1

ވަޒީފާގެ ބާވަތް:

ކޮންޓްރެކްޓް ބޭސިސް

(އެންމެ ފުރަތަމަ ކޮންޓްރެކްޓް ހެދޭނީ 1 އަހަރު ދުވަހުގެ މުއްދަތަށެވެ. އެއަށްފަހު، މަސައްކަތުގެ ފެންވަރު ބެލުމަށްފަހު ކޮންޓްރެކްޓްގެ މުއްދަތު އިތުރު ކުރެވިދާނެއެވެ.)

މަޤާމުގެ މަސްއޫލިއްޔަތުތަކާއި ޒިންމާތައް:

• ކަނޑައެޅިފައިވާ އުޞޫލުތަކުގެ މަތިން އޮފީސް ހުޅުވައި ލެއްޕުން.
• އޮފީސް ފޮޅައި ސާފުކުރުމުގެ މަސައްކަތް ސުޕަވައިޒްކޮށް ބެލެހެއްޓުން.
• އޮފީހުގެ ސައިކޮޓަރިއާއި އެތަނުގައި ހުންނަ ފްރިޖް، މައިކްރޯވޭވް، ކޮފީ މެޝިން ފަދަ ތަކެތި ސާފުކޮށް ބެލެއްޓުން.
• އޮފީހުގައި ބާއްވާ އެކިއެކި ބައްދަލުވުންތަކާއި އިވެންޓްތަކަށް މީޓިންގ ރޫމްތައް ތައްޔާރުކުރުމާއި، އެފަދަ ބައްދަލުވުންތަކަށް ބޭނުންވާ ރިފްރެޝްމަންޓް ތައްޔާރުކުރުމާއި، އަދި ބައްދަލުވުން ނުވަތަ އިވެންޓް ނިމުމުން ތަށިތައް ނެގުމާއި މީޓިންގ ރޫމް  ސާފުކުރުން.
• އޮފީހުގެ މެއިންޓެނަންސާއި މަރާމާތާގުޅޭ މަސައްކަތްތަކުގައި އެހީތެރިވެދިނުން.
• އޮފީހުން އެކި ފަރާތްތަކަށް ފޮނުވަންޖެހޭ ލިޔެކިޔުންތަކާއި ތަކެތި އެފަރާތްތަކަށް ރައްދުކުރުން.
• އޮފީހަށް ބޭނުންވާ ތަކެތި ގަތުމަށް ކޯޓޭޝަން ހޯދުމާއި، އޮފީހަށް ގަނެވޭ ތަކެތި އޮފީހަށް ގެނައުމުގައި އެހީތެރިވެދިނުން.
• އޮފީހުގެ ސްޓޮކް އަދި އިންވެންޓްރީ ބެލެހެއްޓުމުގައި އެހީތެރިވެދިނުން.
• އޮފީހުން އިންތިޒާމްކޮށްގެން ބާއްވާ އެކިއެކި ހަރަކާތްތަކަށް ބޭނުންވާ އެހީތެރިކަން ފޯރުކޮށްދިނުން.
• އޮފީހުގެ ސާފުތާހިރުކޮށް ބެލެހެއްޓުމާ ގުޅޭގޮތުން ސުޕަވައިޒަރު އަންގާ މަސައްކަތްކުރުން.
• އޮފީހުގެ މަސައްކަތްތަކާއި ގުޅިގެން ޙަވާލުކުރެވޭ އެހެނިހެން މަސައްކަތްތައް ކުރުން.

މަޤާމުގެ ޝަރުޠުތައް:

• ދިވެހިބަހާއި އިނގިރޭސިބަހުން ލިޔަންކިޔަން ދަންނަ މީހެއް ކަމުގައިވުން.
• މަޤާމުގެ މަސްއޫލިއްޔަތު އަދާކުރެވޭނޭފަދަ ޞިއްޙަތެއްގައި ހުރި މީހެއްކަމުގައިވުން.
• ޢުމުރާއި ޞިއްޙަތުގެ ގޮތުން އެކަށީގެންވާ ގިނަވަގުތު މަސައްކަތުގައި އުޅެވޭނެ މީހެއް ކަމުގައިވުން.
• ރަސްމީ ގަޑީގެ އިތުރުން، އޮފީހުން ބޭނުންވާ ހާލަތްތަކުގައި ބަންދު ދުވަސްތަކާއި ނުރަސްމީ ގަޑިތަކުގައި މަސައްކަތަށް ނިކުމެވޭނެ ފަރާތެއް ކަމުގައިވުން.
• މޮޓޯރސައިކަލް ދުއްވުމުގެ ލައިސަންސް އޮތް ފަރާތަކަށްވުން.

(ނޯޓު: މި މަޤާމަށް މުވައްޒަފުން ނެގުމުގައި އަމިއްލަ މޮޓޯރސައިކަލް ގެންގުޅޭ ފަރާތްތަކަށް އިސްކަންދެވޭނެއެވެ.)

އެޕްލިކޭޝަން ހުށަހަޅާނެގޮތް

މިމަޤާމަށް ޝައުޤުވެރިވެވަޑައިގަންނަވާ ފަރާތްތަކުން 13 ޑިސެންބަރު 2021 ވާ ހޯމަ ދުވަހުގެ 16:00 ގެ ކުރިން [email protected] އަށް އެޕްލިކޭޝަން އީމެއިލް ކުރެއްވުން އެދެމެވެ.

އެޕްލިކޭޝަނާއެކު ހުށަހަޅަންޖެހޭ ލިޔުންތައް:

• ވަޒީފާއަށް އެދޭ ފޯމު (https://tradenet.com.mv/applicationform)
• ދިވެހި ރައްޔިތެއްކަން އަންގައިދޭ ކާޑުގެ ސާފު ކޮޕީއެއް.
• ޑްރައިވިންގ ލައިސަންސްގެ ސާފު ކޮޕީއެއް.
• ޕޮލިސް ރިޕޯޓު.
• ވަނަވަރު.
• ވަޒީފާއެއް އަދާކުރާނަމަ ނުވަތަ އަދާކޮށްފައިވާނަމަ، ވަޒީފާގައި އުޅޭ ނުވަތަ އުޅެފައިވާކަމުގެ ލިޔުން.
• ލިބިފައިވާ ތަޢުލީމީ ސަނަދުތަކުގެ ކޮޕީ.