|
#
|
ޚިދުމަތްތައް
|
ޚިދުމަތުގެ ފެންވަރާއި މުއްދަތު
|
|
އޮފީހުގެ ފޯނަށް އަންނަ ފޯންކޯލްތަކަށް ޖަވާބު ދިނުން
|
|
1
|
އޮފީހުގެ ފޯނަށް އަންނަ ފޯންކޯލްތަކަށް ޖަވާބު ދިނުން
|
- ރަސްމީ ދުވަސްދުވަހު ހެނދުނު 8:00 ން 14:00 އަށް ޚިދުމަތް ހޯދަން ކައުންސިލަށްގުޅުއްވާ ފަރާތްތަކަށް ޚިދުމަތް ލިބިވަޑައިގަންނަވާނެ.
- ކައުންސިލްގެ ރަސްމީފޯނަށް އަންނަ ފޯނުކޯލުތަކަށް ލަސްވެގެން 3 ރިންގުން ޖަވާބު ދެވޭނެއެވެ.
- ޚިދުމަތް ހޯދަން ގުޅިފަރާތުން ބޭނުންވާ ޚިދުމަތެއް އޮޅުން ފިލުވައި، ބޭނުންވާ ޚިދުމަތާ ބެހޭ މުވައްޒަފަށް ކޯލް ޕާސްކުރެވޭނެ، ނުވަތަ އެކަމަކާ ގުޅިގެން ދޭންޖެހޭ ޖަވާބެއް ދެވޭނެއެވެ.
|
|
އެންޓްރީކުރުމާއި، ޢާންމުފަރާތްތަކުން ހުށަހަޅާ ސިޓީތަކަށް ޖަވާބުދާރީވުން.
|
|
2
|
އެންޓްރީ ކުރުމާއި، ޢާންމުފަރާތްތަކުން ހުށަހަޅާ ސިޓީތަކަށް ޖަވާބުދާރީވުން.
|
- އުސޫލީ މައްސަލަތަކާއި، ދައުލަތުގެ މުއައްސަސާއަކުން މަޢުލޫމާތު ހޯދަން ނުޖެހޭ މައްސަލަތަކަށް، ގިނަވެގެން ރަސްމީ މަސައްކަތު 5 ދުވަހުގެ ތެރޭގައި ޖަވާބު ދެވޭނެއެވެ.
- ރަސްމީ މަސައްކަތު 5 ދުވަހުގެ ތެރޭގައި ޖަވާބު ނުދެވޭނަމަ، ޖަވާބުދިނުން ލަސްވާ ސަބަބު އޮޅުންފިލުވައިދެވޭނެ، ނުވަތަ ވަގުތީ ޖަވާބެއް ލިޔުމުން ރަސްމީ މަސައްކަތު 5 ދުވަހުގެ ތެރޭގައި ދެވޭނެ.
- ދައުލަތުގެ އެހެން މުވައްސަސާއަކުން މަޢުލޫމާތު ހޯދައިގެން ޖަވާބު ދެވޭ މައްސަލަތަކަށް، ރަސްމީ މަސައްކަތު 5 ދުވަހާއި، 15 ދުވަހާ ދެމެދުގެ މުއްދަތެއްގެ ތެރޭގައި ޖަވާބު ދެވޭނެއެވެ.
|
|
Gov.mv އަދި އީ-މެއިލްމެދުވެރިކޮށް އަންނަ ސިޓީ ތަކަށް ޖަވާބު ދާރީވުން
|
|
|
Gov.mv އަދި އީ-މެއިލް މެދުވެރިކޮށް އަންނަ ސިޓީތަކަށް ޖަވާބު ދާރީވުން
|
- އުސޫލީ މައްސަލަތަކާއި، ދައުލަތުގެ މުއައްސަސާއަކުން މަޢުލޫމާތު ހޯދަން ނުޖެހޭ މައްސަލަތަކަށް، ގިނަވެގެން ރަސްމީ މަސައްކަތު 5 ދުވަހުގެ ތެރޭގައި ޖަވާބު ދެވޭނެއެވެ.
- ރަސްމީ މަސައްކަތު 5 ދުވަހުގެ ތެރޭގައި ޖަވާބު ނުދެވޭނަމަ، ޖަވާބުދިނުން ލަސްވާ ސަބަބު އޮޅުން ފިލުވައި ދެވޭނެ، ނުވަތަ ވަގުތީ ޖަވާބެއް ލިޔުމުން ރަސްމީ މަސައްކަތު 5 ދުވަހުގެ ތެރޭގައި ދެވޭނެ.
- ދައުލަތުގެ އެހެން މުވައްސަސާއަކުން މަޢުލޫމާތު ހޯދައިގެން ޖަވާބު ދެވޭ މައްސަލަތަކަށް، ރަސްމީ މަސައްކަތު 5 ދުވަހާއި، 15 ދުވަހާ ދެމެދުގެ
މުއްދަތެއްގެ ތެރޭގައި ޖަވާބު ދެވޭނެއެވެ.
|
|
އެޕޮއިންޓްމަންޓަށް އެދި ހުށަހެޅުން
|
|
3
|
އެޕޮއިންޓްމަންޓަށް އެދި ހުށަހެޅުން
|
- އޮފީހުގެ ވެރިއަކާ ބައްދަލުކުރުމަށް އެދި އެޕޮއިންޓްމަންޓަކަށް އެދިފައިވާނަމަ، ބައްދަލު ކުރައްވާ ވެރިޔަކު ނިންމަވާ ގޮތެއްގެ މަތިން އެޕޮއިންޓްމަންޓަށް އެދޭ ފަރާތްތަކަށް، އަނގަބަހުން ވަގުތުން ޖަވާބު ދެވޭނެއެވެ.
|
|
އައި.ޑީ.ކާޑު ހެދުން
|
|
4
|
އައި.ޑީ.ކާޑު ހެދުން
|
- ދިވެހިރައްޔިތެއްކަން އަންގައިދޭ ކާޑު ހެދުމަށް އެދޭފޯމު ރަސްމީ ގަޑީގައި ކައުންސިލް އިދާރާގެ ކައުންޓަރުން ލިބެންހުންނާނެއެވެ، އަދި ޑީ.އެން.އާރު ގެ ވެބްސައިޓުން(www.dnr.gov.mv) ފޯމުލިބެން ހުންނާނެއެވެ.
- އައިޑީ ކާޑު ހެއްދުމަށް ޚިދުމަތް ދޭނީ ރަސްމީ ބަންދުނޫން ކޮންމެ ދުވަހެއްގެ ހެނދުނު 08:30 ން 13:00 އާ ދެމެދު
- ކައުންސިލް އިދާރާއަށް ފޯމުހުށަހެޅުމުން ހަމަ އެދުވަހު ކާޑުހެދުމަށް ބޭނުންވާ ލިޔެކިއުމާއި މަޢުލޫމާތު ޗެކުކުރުމަށްފަހު އައި.ޑީ.ކާޑު ހެދުމަށްޓަކައި ޑީ.އެން.އާރަށް ފޮނުވޭނެއެވެ.
- އައި.ޑީ ކާޑު ހެއްދުމަށް ހުށަހަޅާ އެޕްލިކޭޝަންގައި މައްސަލައެއް އޮތްކަމަށް ޑީ.އެން.އާރުން މަޢުލޫމާތު ދެއްވައިފިނަމަ އެކަމެއް ރަސްމީ ބަންދުނޫން 2 ދުވަހުގެ ތެރޭގައި އިޞްލާހުކޮށް ޑީ.އެން.އާރަށް ފޮނުވޭނެއެވެ.
- އަތޮޅު ކައުންސިލުން، ނިމިފައިހުރި އައި ޑީކާޑު ތަކުގެ މަޢުލޫމާތު އަންގާ ދުވަހުން ފެށިގެން ރަސްމީ 5 ދުވަހުގެ ތެރޭގައި ކާޑުތައް ގެނެސް ގިނަވެގެން 3 ދުވަހުގެ ތެރޭގައި ވެރިފަރާތާ ޙަވާލުކުރެވޭނެއެވެ.
|
|
65 އަހަރު ފުރުމުން ޕެންޝަނަށް ފޯމު ފޮނުވުން
|
|
5
|
65 އަހަރު ފުރުމުން ޕެންޝަނަށް ފޯމު ފޮނުވުން
|
- ޕެންޝަނަށް އެދޭ ފޯމް، ރަސްމީ ބަންދު ނޫން ކޮންމެ ދުވަހެއްގެ 8:00 ން 14:00 އަށް ކައުންސިލް އިދާރާއިން ބަލައިގަނެވޭނެއެވެ. އީމެއިލްގެ ޒަރީޢާއިންވެސް ފޯމު ހުށަހެޅިދާނެއެވެ. ([email protected])
- ކައުންސިލް އިދާރާއަށް ފޯމު ލިބޭ ދުވަހު ބޭނުންވާ ލިޔެކިޔުންތައް ހަމަކުރުމަށްފަހު ޕެންޝަން އޮފީހަށް ފޮނުވޭނެއެވެ.
- ޕެންޝަން އޮފީހަށް ކައުންސިލް އިދާރާއިން ފޮނުވާ ފޯމުތަކަށް ލިބޭ ޖަވާބުތަކާއި މަޢުލޫމާތު، ރަސްމީ 3 ދުވަހުގެތެރޭގައި އެފަރާތްތަކާ ޙިއްޞާކުރެވޭނެއެވެ.
- މިކަމަށް އެދޭ ފޯމު ކައުންސިލް އިދާރާގެ ކައުންޓަރުންނާއި، ޕެންޝަން އޮފީހުގެ ވެބްސައިޓުން ލިބެން ހުންނާނެއެވެ.
|
|
އެކަނިވެރިމައިންގެ ފޯމު ފޮނުވުން
|
|
6
|
އެކަނިވެރިމައިންގެ ފޯމު ފޮނުވުން
|
- ފަޤީރު ޙާލަތުގައި ދިރިއުޅޭ، އެކަނި ދަރިން ބަލަހައްޓާ މައިން ނުވަތަ ބަފައިންނަށް ދެވޭ މާލީ އެހީއަށް އެދި ހުށަހަޅާ ފޯމު، ރަސްމީ ބަންދު ނޫން ކޮންމެ ދުވަހެއްގެ 8:00 ން 14:00 އަށް ކައުންސިލް އިދާރާގެ ކައުންޓަރުންނާއި އީމެއިލްގެ ޒަރީޢާއިން ބަލައިގަނެވޭނެއެވެ. ([email protected])
- އެކަނިވެރިމައިން/ބަފައިންގެ ފޯމު ކައުންސިލް އިދާރާއަށް ލިބޭތާ ރަސްމީ 3 ދުވަހުގެތެރޭގައި، ބޭނުންވާ ލިޔެކިއުމާއި މަޢުލޫމާތު ހޯދުމަށްފަހު، ދަފުތަރު ކުރުމާއި އެހީ ހަމަޖައްސައިދިނުމަށް އެންސްޕާ އަށް ފޮނުވޭނެއެވެ.
- އެންސްޕާއަށް ކައުންސިލް އިދާރާއިން ފޮނުވާ ފޯމުތަކާ ގުޅިގެން ލިބޭ ޖަވާބުތަކާއި މަޢުލޫމާތު ރަސްމީ 3 ދުވަހުގެ ތެރޭގައި އެފަރާތަކާ ޙިއްޞާކުރެވޭނެއެވެ.
- މިކަމަށް އެދޭ ފޯމް ކައުންސިލް އިދާރާގެ ކައުންޓަރުންނާއި https://www.nspa.gov.mv/v2/index.php/application-forms-2 ލިބެން ހުންނާނެއެވެ.
|
|
ނުކުޅެދުންތެރިކަން ހުންނަ ފަރާތްތަކުގެ ފޯމުހުށަހެޅުން
|
|
7
|
ނުކުޅެދުންތެރިކަން ހުންނަ ފަރާތްތަކުގެ ފޯމުހުށަހެޅުން
|
- ނުކުޅެދުންތެރިކަން ހުންނަ މީހުން ދަފުތަރުގައި ހިމެނުމާއި މާލީ އެހީތެރިކަމަށް އެދޭފޯމް، ރަސްމީ ބަންދުނޫން ކޮންމެ ދުވަހެއްގެ 8:00 ން 14:00 ށް ކައުންސިލް އިދާރާގެ ކައުންޓަރުން ނުވަތަ ކައުންސިލްގެ [email protected] ޢީމެއިލްގެ ޒަރީޢާއިން ބަލައިގަނެވޭނެއެވެ.
- ކައުންސިލް އިދާރާއަށް ފޯމު ލިބޭތާ ރަސްމީ 3 ދުވަހުގެ ތެރޭގައި، ބޭނުންވާ ލިޔެކިއުމާއި މަޢުލޫމާތު ހޯދައި، ދަފްތަރުކުރުމާއި، މާލީ އެހީ ހަމަޖެއްސުމަށް އެންސްޕާ އަށް ފޮނުވޭނެއެވެ.
- އެންސްޕާއަށް ކައުންސިލް އިދާރާއިން ފޮނުވާ ފޯމުތަކާއި ގުޅިގެން ލިބޭ ޖަވާބުތަކާއި މަޢުލޫމާތު ރަސްމީ 2 ދުވަހުގެ ތެރޭގައި އެފަރާތަކާ ޙިއްޞާކުރެވޭނެއެވެ.
- މިކަމަށް އެދޭ ފޯމް ކައުންސިލް އިދާރާގެ ކައުންޓަރުންނާއި ؟ https://www.nspa.gov.mv/v2/index.php/application-forms-2 ލިބެން ހުންނާނެއެވެ.
|
|
ކަށުކަމާކެމީގެ ކަންކަން ހަމަޖެއްސުން
|
|
8
|
ކަށުކަމާކެމީގެ ކަންކަން ހަމަޖެއްސުން
|
- މަރުފޯމު ކައުންސިލް އިދާރާއަށް ހުށަހެޅުމުން، ކަށުކަމާކެމީގެ ކަންކަން އިންތިޒާމް ކުރުމަށް ކަނޑައަޅާފައިވާ ފޯކަލް ޕޮއިންޓަށް މަރުފޯމު ލިބުމުން 1 ގަޑި އިރުތެރޭގައި ޖަނާޒާގެ ކަންކަން އެއާއިލާއަކުން ބޭނުންވާ ގޮތަކަށް ހަމަޖައްސައިދިނުމަށް މަގުފަހިކޮށްދެވޭނެ އެވެ.
|
|
މަރުވާ މީހުން ރަށްވެހިންގެ ރަޖިސްޓްރީ އިން އުނިކުރުން
|
|
9
|
މަރުވާ މީހުން ރަށްވެހިންގެ ރަޖިސްޓްރީ އިން އުނިކުރުން
|
- މަރުފޯމް ކައުންސިލްގެ އިދާރާއަށް ހުށަހެޅުމުން ނުވަތަ އީމެއިލް [email protected] އަށް މެއިލް ކުރުމުން ރަސްމީ ބަންދުނޫން 3 ދުވަސް ތެރޭގައި ކައުންސިލްގެ ރަޖިސްޓްރީން އުނިކުރުމަށް ފަހު، ނިޔާވެފައިވާކަމުގެ ލިޔުން (މަރުފޯމް) ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން އަށް ފޮނުވޭނެއެވެ. އަދި 65 އަހަރުވެފައިވާ ފަރާތެއްނަމަ ޕެންޝަން އޮފީހަށް އެ މަޢުލާމާތު ފޮނުވޭނެއެވެ.
- މަރުވިމީހާ ރަށްވެހިވެފައިވާ "ރަށްވެހީންގެ ރަޖިސްޓްރީ" ގެ އަސްލު 3 ދުވަސްތެރޭގައި އާއިލާގެ ފަރާތުން ކައުންސިލާ ހަވާލުކުރުމުން މަރުވިމީހާގެ ނަން ރަޖިސްޓްރީ އިން އުނިކުރުމަށް ފަހު ހަމަ އެދުވަހު އަނބުރާ ގޭގެ ވެރިފަރާތާ ރަޖިސްޓްރީ ހަވާލުކުރެވޭނެއެވެ.
|
|
އުފަންދުވަހުގެ ރަޖިސްޓްރީ ހެދުން އަދި އުފަންދުވަހުގެ ސެޓްފިކެޓް ހެދުން ( އަލަށް އުފަންވާ ކުދިންގެ )
|
|
10
|
އުފަންދުވަހުގެ ރަޖިސްޓްރީ ހެދުން އަދި އުފަންދުވަހުގެ ސެޓްފިކެޓް ހެދުން ( އަލަށް އުފަންވާ ކުދިންގެ)
|
- އުފަންދުވަހުގެ ރަޖިސްޓްރީ / އުފަންދުވަހުގެ ސެޓްފިކެޓް އަދި ރަށްވެއްސަކަށް އެދޭ ފޯމް ފުރިހަމަކޮށް ބޭނުންވާ ލިޔުންތަކާއެކު ހުށަހެޅުން.
- ހޮސްޕިޓަލް ނުވަތަ ޞިއްޙީ މަރުކަޒުން ފޫޅުމާ ފޯމް އެންޓަރ ކޮށްފައިވާނަމަ ރަސްމީ ބަންދުނޫން 3 ދުވަސް ތެރޭ ސެޓްފިކެޓް ހައްދައި ދެވޭނެ.
|
|
އުފަންދުވަހުގެ ސެޓްފިކެޓް ހެދުން ( އަލަށް އުފަންވާ ކުދިން ނޫން )
|
|
11
|
އުފަންދުވަހުގެ ސެޓްފިކެޓް ހެދުން (އަލަށް އުފަންވާ ކުދިން ނޫން)
|
- އުފަންދުވަހުގެ ރަޖިސްޓްރީ / އުފަންދުވަހުގެ ސެޓްފިކެޓް އަދި ރަށްވެއްސަކަށް އެދޭ ފޯމް ފުރިހަމަކޮށް ބޭނުންވާ ލިޔުންތަކާއެކު ހުށަހެޅުން.
- ފޯމް ހުށަހަޅާ ތާރީޚުން ފެށިގެން ބަންދުނޫން 3 ދުވަސް ތެރޭ ސެޓްފިކެޓް ހައްދައިދެވޭނެއެވެ.
- މިކަމަށް އެދޭ ފޯމް މިއިދާރާގެ ކައުންޓަރުން ލިބެން ހުންނާނެ.
|
|
ރަށްވެހިންގެ ރަޖިސްޓްރީގައި މީހުން ރަޖިސްޓްރީކުރުން
|
|
12
|
ރަށްވެހިންގެ ރަޖިސްޓްރީގައި މީހުން ރަޖިސްޓްރީކުރުން
|
- ރަށްވެހިންގެ ރަޖިސްޓްރީގައި ރަޖިސްޓްރީކުރަން އެދޭ ފޯމް ފުރިހަމަކޮށް ބޭނުންވާ ލިޔުންތަކާ އެކު ހުށަހެޅުން
- ކުރިން ރަށްވެހިންގެ ރަޖިސްޓްރީ ހަދާފައިވާ ގެއެއްގައި ރަޖިސްޓަރީ ކުރަން އެދޭނަމަ ރަޖިސްޓްރީ ކުރަން އެދޭ ގޭގެ ރަށްވެހިންގެ ރަޖިސްޓްރީ ހުށަހެޅުން
- އެއްގެއިން އަނެއްގެއަށް ރަޖިސްޓްރީ ބަދަލުވާން އެދޭ ފަރާތްތަކުން އެކަމަށް އެދި އުނިކުރާ ގޭގެ ރަށްވެހިންގެ ރަޖިސްޓްރީއާއި ރަޖިސްޓްރީވާން އެދޭ ގޭގެ ރަށްވެހިންގެ ރަޖިސްޓްރީ އާއެކު ހުށަހެޅުމުން ރަސްމީ 7 ދުވަހުގެ ތެރޭ ގައި ރަޖިސްޓްރީ ބަދަލުކޮށް ދެވޭނެއެވެ.
- މިކަމަށް އެދޭ ފޯމް މިއިދާރާގެ ކައުންޓަރުން ލިބެން ހުންނާނެ.
|
|
ރަށްވެހިކަން ބަދަލު ކުރުން
|
|
13
|
ރަށްވެހިކަން ބަދަލު ކުރުން
|
- ރަށްވެހިކަން ބަދަލުވުމަށް އެދޭ ފޯމް ހުށަހެޅުން
- ރަށްވެހިކަން ބަދަލުވުމަށް އެދޭ ފޯމުގައިވާ މަޢުލޫމާތު ފުރިހަމަކޮށް ފޯމާއެކު ހުށަހަޅަން ފޯމުގައި ބަޔާންކޮށްފައިވާ ލިޔުންތަކާއެކު ހުށަހެޅުމުން އެމީހެއްގެ ރަޖިސްޓްރީ އޮތް ރަށެއްގެ ކައުންސިލަށް ލިޔެ އެކައުންސިލަކުން ޖަވާބުލިބޭ ތާރީޚުން ފެށިގެން 7 ދުވަހުގެތެރޭ ރަޖިސްޓްރީ ބަދަލުކޮށް ދެވޭނެ .
|
|
ރައްވެހިކަން ބަދަލުވާން ބޭނުންވާ މީހުން ރަޖިސްޓްރީން އުނިކުރުން
|
|
14
|
ރައްވެހިކަން ބަދަލުވާން ބޭނުންވާ މީހުން ރަޖިސްޓްރީން އުނިކުރުން
|
- އެމީހަކު ބަދަލުވާން އެދޭ ރަށެއްގެ ކައުންސިލުން މިކައުންސިލަށް މެސެޖަކުން ނުވަތަ ސިޓީއަކުން އެންގެވުމުން ބަންދުނޫން 3 ދުވަސްތެރޭގައި ރަޖިސްޓްރީން އުނިކޮށްދެވޭނެއެވެ.
|
|
ނަން ބަދަލުކުރުން ( 10 އަހަރުން މަތި )
|
|
15
|
ނަން ބަދަލުކުރުން (10 އަހަރުން މަތި)
|
- ނަން ބަދަލުކުރުމަށް އެދޭ ފޯމާއި ، ޤާނޫނީ ފޯމް ފުރައިގެން ފޯމާއެކު ހުށަހަޅަން ފޯމުގައި ބަޔާން ކޮށްފައިވާ ލިޔުންތަކާއެކު ހުށަހެޅުމުން އުފަންދުވަހުގެ ސެޓްފިކެޓް ހެދުމަށްފަހު ޑީ އެން އާރ އަށް ހުށަހަޅައި ޖަވާބުލިނޭ ތާރީޚުން ފެށިގެން ބަންދުނޫން 5 ދުވަހުގެ ތެރޭ ރަށްވެހިންގެ ރަޖިސްޓްރީން ނަންބަދަލުކުރުމުގެ ކަންކަން ހަމަޖައްސައި ދެވޭނެ.
- މިކަމަށް އެދޭ ފޯމް މިއިދާރާގެ ކައުންޓަރުން ލިބެން ހުންނާނެ.
|
|
ނަން ބަދަލުކުރުން ( 10 އަހަރުން ދަށް )
|
|
16
|
ނަން ބަދަލުކުރުން ( 10 އަހަރުން ދަށް )
|
- ނަން ބަދަލުކުރުމަށް އެދޭ ފޯމާއި ފޯމުގައިވާ ލިޔެކިއުންތަކާއެކު ހުށަހެޅުމުން ޑީ އެން އާރ އަށް ފޮނުވުމަށްފަހު ޖަވާބު ލިބޭ ތާރީޚުން ފެށިގެން ރަސްމީ 2 ދުވަސް ތެރޭ ޚިދުމަތް ފޯރުކޮށްދެވޭނެ.
|
|
ހުކުރު،އީދު އަދި ކޭތަ ނަމާދު ކުރުމަށް އިމާމުން ހަމަޖެއްސުން
|
|
17
|
ހުކުރު،އީދު އަދި ކޭތަ ނަމާދު ކުރުމަށް އިމާމުން ހަމަޖެއްސުން
|
ހުކުރު ޢީދު އަދި ކޭތަ ނަމާދަށް އިމާމުން ހަމަޖެއްސުމަށް އެކަމުގެ ހުއްދަ ލިބިފައިވާ ފަރާތްތަކަށް ކައުންސިލުން ކަނޑައަޅާ ތާވަލާ އެއްގޮތަށް ރަސްމީ އެއްދުވަސް ކުރިން އިމާމުން ، މުދިމުން އަދި ބަދަލުގައި ކުރާނެ ފަރާތެއް ހަމަޖައްސާ ޚުޠުބާ ޙަވާލުކޮށް ސޮއިކުރެވޭނެ.
|
|
ވަޒީފާއަށް އެދި ހުށަހެޅުން
|
|
18
|
ވަޒީފާއަށް އެދި ހުށަހެޅުން
|
- ވަޒީފާއަށް އެދޭ ފޯމު ހުށަހެޅުމަށް އިޢުލާނުގައި ދީފައިވާ މުއްދަތުގެ ތެރޭގައި، ވަޒީފާއަށް އެދޭ ފަރާތްތަކުން ހުށަހަޅާ ފޯމާއި، އެ ފޯމާއެކު ހުށަހަޅަންޖެހޭ ލިޔެކިޔުންތައް ބަލައިގަތުމުގެ އިންތިޒާމު މި އިދާރާގައި ހަމަޖެހިފައިވާނެއެވެ.
- ވަޒީފާއަށް އެދޭ ފަރާތުން ހުށަހަޅަނީ ރަނގަޅު ފޯމު ކަން މި އިދާރާގެ ކައުންޓަރުން ކަށަވަރުކުރެވޭނެއެވެ.
- ވަޒީފާއަށް އެދޭ ފޯމާއެކު ހުށަހަޅާ ލިޔެކިޔުންތައް ބަލައިގަތް ތާރީޚާއި ގަޑި އަދި ބަލައިގަތް މުވައްޒަފުގެ މަޢުލޫމާތު ފުރިހަމަކޮށް ރަޖިސްޓްރީ ކުރެވޭނެއެވެ. އަދި މަޢުލޫމާތު ފުރިހަމަނުވާނަމަ، ސްކްރީނިންގ މަރުޙަލާގައި އެ ކަން ފާހަގަކޮށް ވަޒީފާއަށް އެދިފައިވާ ފަރާތަށް ލިޔުމުން އެ ކަން އަންގައި، ރަނގަޅު ފޯމް ހުށަހެޅުމަށް 48 ގަޑިއިރު ދެވޭނެއެވެ. މި މުއްދަތުގައި ރަގަޅު ފޯމު ހުށަހަޅާފައިނުވާނަމަ އެ ހުށަހެޅުމެއް ބަލާނީ ޝަރުޠު ފުރިހަމަނުވާ ހުށަހެޅުމެއްގެ ގޮތުގައެވެ. އަދި މީގެ އިތުރުން ވަޒީފާއަށް އެދޭ ފޯމާއެކު އެއްކަރުދާސްކުރުމަށް ހުށަހެޅޭ ލިޔުންތަކުގެ ތެރެއިން ތަޢުލީމާއި ތަޖުރިބާގެ އެއްވެސް ލިޔުމެއް ސުންގަޑި ހަމަވުމުގެ ފަހުން ބަލައި ނުގަނެވޭނެއެވެ.
- ދިވެހި ސިވިލް ސަރވިސްގެ ގަވާއިދު 2014 ގެ 78 ވަނަ މާއްދާގެ (ހ) ގެ 1،2،3،6،9 އަދި 11 ވަނަ ނަންބަރުގައި ބަޔާންކޮށްފައިވާ ވަޒީފާއަށް އައްޔަންކުރުމުގެ ޝަރުޠުތަކާއި، ވަޒީފާއަށް އެދި ހުށަހެޅުމަށް އިޢުލާންކޮށްފައިވާ މަޤާމުގެ އަސާސީ ޝަރުޠުތައް ފުރިހަ މަވޭތޯ ބަލަ އި ޝަރުޠުތަކަށް ނުފެތޭ ހުށަހެޅުންތައް ސްކްރީންކޮށް ވަކިކުރެވޭނެއެވެ. އަދި މި ގޮތަށް ވަކިކުރެވޭ ހުށަހެޅުންތައް ބަލާނީ ޝަރުޠު ފުރިހަމަނުވާ ހުށަހެޅުންތަކެއް ކަމުގައެވެ.
- އިންޓަވިއު މަރުޙަލާ ފެށުމުގެ ކުރިން ލިޔުމުން އެ ކަން ، ސްކްރީންކުރުމުގެ މަރުޙަލާގައި މަޤާމުގެ ޝަރުޠު ހަމަނުވާކަމަށް ކަނޑައަޅާ ފަރާތްތަކަށް އެ ފަރާ ތުގެ ހުށަހެޅުން ހޮވިފައިނުވާ ސަބަބު އެންގޭނެއެވެ. މި ގޮތުން އެ ފަރާތްތަކަށް އެންގުމުގައި ސްކްރީންކުރުމުގެ ހަމަތަކަށް ރިޢާޔަތްކޮށް ތަފްޞީލުކޮށް ބަޔާން ކުރެވޭނެއެވެ.
- ވަޒީފާއަށް އެދި 10 ފަރާތަށްވުރެ ގިނައިން ހުށަހަޅާފައިވާނަމަ، ޝޯޓްލިސްޓް ކުރެވޭނެއެވެ. އަދި ޝޯޓްލިސްޓް ނުކުރެވޭ ފަރާތްތަކަށް އެކަން އެންގޭނެއެވެ.
- ޝޯޓްލިސްޓް ކުރެވޭ ފަރާތްތަކަށް އިންޓަރވިއު އަދި އެސެސްމެންޓާޢި ޕްރެޒެންޓޭޝަން އޮންނާނެ މުއްދަތު އެންގޭނެއެވެ. އަދި އިންޓަރވިއުއަށްފަހު މާކްސް ލިބުނުގޮތުގެ ތަފްޞީލް ޢާއްމުކުރެވޭއެވެ.
- މާކްޝީޓް ޢާޢްމުކުރެވިފާ މުއްދަތުގައި އެއްވެސް ކެންޑިޑޭޓެއްގެ ފަރާތުން ޝަކުވާއެއް ލިބިފައިނުވާނަމަ، އެންމެ މަތިން މާކްސް ލިބުނު ފަރާތަށް ވަޒީފާ ހަމަޖެއްސުމަށްޓަކައި ސީ. އެސް ވިއުގަރ މެދުވެރިކޮށް ސިވިލް ސާރވިސް އަށް ހުށަހެޅޭނެއެވެ.
-
|
|
އެސްޓިމޭޓާއި، ބީލަން ހުށަހެޅުން.
|
|
19
|
އެސްޓިމޭޓާއި، ބީލަން ހުށަހެޅުން.
|
- އާންމުކޮށް އިޢުލާނުކުރާ ބީލަންތަކާއި ނުވަތަ ޕްރޮޕޯޒަލް ހުށަހެޅުމުގެ ދަޢުވަތާ ގުޅިގެން ބީލަން ހުށަހެޅުމަށް ދައުލަތުގެ މާލިއްޔަތުގެ ގަވާއިދާ އެއްގޮތަށް މަދުވެގެން ރަސްމީ ބަންދު ނޫން 7 ދުވަސް ދެވޭނެއެވެ.
- ބީލަމުގެ ލިޔުންތަކަށް އަގެއް ނަގާނަމަ އެކަން ބީލަމަށް ހުޅުވާލުމަށްކުރާ އިޢުލާނުގައި ބަޔާން ކުރެވޭނެ. އަދި އިތުރު މައުލޫމާތު ސާފުކުރެއްވުމަށް މިއިދާރާގެ ނަންބަރު 6840016 އަށް ގުޅުއްވައިގެން މައުލޫމާތު ސާފުކުރެވޭނެއެވެ. ނުވަތަ [email protected] އަށް ހުށަހަޅުއްވައިގެން ވެސް މައުލޫމާތު ސާފުކުރެވޭނެއެވެ.
- ބީލަން ލިބޭތާ 5 ދުވަހުގެ ތެރޭގައި ބީލަންތަކުގެ ޝަރުޠު ހަމަވޭތޯ ބެލޭނެއެވެ.
- ޝަރުޠު ހަމަވާ ބީލަންތަކުގެ އިވެލުއޭޝަން ރަސްމީ 10 ދުވަހުގެ ތެރޭގައި ހެދޭނެއެވެ.
- ބީލަމުގެ އިވެލުއޭޝަން ނިމޭތާ 3 ދުވަހުގެ ތެރޭގައި ބީލަމާ މެދު ގޮތެއް ނިންމުމަށް ބިޑު ކޮމިޓީއަށް ހުށަހެޅޭނެ.
- ބީލަމާ ގުޅިގެން ބިޑު ކޮމިޓީންގޮތެއް ނިންމުމުން އެނިންމި ގޮތް ރަސްމީ 2 ދުވަހުގެ ތެރޭގައި ބީލަންވެރިންނަށް އެންގޭނެއެވެ. އަދި ޝަކުވާއެއް އޮތްނަމަ އެކަމެއް ހުށަހަޅަން ރަސްމީ 5 ދުވަހުގެ މުއްދަތެއް ދެވޭނެއެވެ.
- ބީލަމާ ގުޅިގެން ލިބޭ ޝަކުވާތަކަށް ޖަވާބު ދިނުމަށްފަހު 5 ދުވަހުގެތެރޭ ބީލަން ކާމިޔާބު ކުރި ފަރާތަށް ބީލަން ކާމިޔާބު ކުރިކަމުގެ ލިޔުން ފޮނުވައި އެއްބަސްވުން ހެދުމުގެ މަސައްކަތް ކުރިއަށް ގެންދެވޭނެ
|
|
ފައިސާ ބަލައިގަތުން
|
|
20
|
ފައިސާ ބަލައިގަތުން
|
- ކޮންމެ ދުވަހެއްގެ ހެނދުނު 8:30 އިން 13:00 އަށް ފައިސާ ބަލައިގަތުމުގެ އެންމެހައި ކަންކަން ކުރިޔަށް ދާނެއެވެ
|
|
ކުނިމެނޭޖު ކުރުމަށް ރަޖިސްޓްރީ ކުރުން
|
|
21
|
ކުނިމެނޭޖު ކުރުމަށް ރަޖިސްޓްރީ ކުރުން
|
މި ހިދުމަތް އަދި ގާއިމްކުރެވިފައެއް ނުވޭ!
|
|
ހޮޓާ، ގެސްޓް ހައުސް، ހޯމްސްޓޭކޮޓަރި، އަދި މޫދުކޮޓަރި (ވޯޓަރވިލާރޫމްތައް)، "ރަށު ފަތުރުވެރިކަމުގެ ދަފްތަރު" ގައި ރަޖިސްޓްރީ ކުރުން
|
|
22
|
ހޮޓާ، ގެސްޓް ހައުސް، ހޯމްސްޓޭކޮޓަރި، އަދި މޫދުކޮޓަރި (ވޯޓަރވިލާރޫމްތައް)، "ރަށު ފަތުރުވެރިކަމުގެ ދަފްތަރު" ގައި ރަޖިސްޓްރީ ކުރުން
|
- ފަތުރުވެރިކަމަށްއަމާޒުކޮށް،ހޮޓަލެއް/ގެސްޓްހައުސްއެއް/ހޯމްސްޓޭކޮޓަރިއެއް އަދި މޫދުކޮޓަރި އެއް ހިންގުމުގެ ހުއްދަ ބޭނުންވާ ފަރާތްތަކުން މިނިސްޓްރީ އޮފް ޓޫއަރިޒަމް އިން އެކަމަށް ކަނޑައަޅާފައިވާ ފޯމު ތަކުން އެމިނިސްޓްރީ އަށް ހުށަހެޅުން
- މި އިން ކަމަކަށް ބޭނުންވާ ފަރާތަކުން މިނިޓްރީ އޮފް ޓޫއަރިޒަމް އަށް ހުށަހެޅުމުން އެމިނިސްޓްރީ ކައުންސިލަށް ފޮނުވާ ޗެކް ލިސްޓް ލިބޭތާ ރަސްމީ މަސައްކަތު 5 ދުވަހުގެ ތެރޭގައި އެލިސްޓްގައި ހިމެނޭކަންކަން ހުރީ ފުރިހަމަވެފައިތޯ ކަށަވަރުކޮށް ކައުންސިލުން މިނިސްޓްރީ އަށް ޖަވާބު ފޮނުވުން
- މި އިން ކަމަކަށް ބޭނުންވާ ފަރާތަކަށް މިނިސްޓްރީ އޮފް ޓޫއަރިޒަމް އިން ލިބޭ ހުއްދަ ކައުންސިލް އިދާރާ އަށް ހުށަހަޅާތާ ރަސްމީ މަސައްކަތު 5 ދުވަހުގެ ތެރޭގައި ކައުންސިލްގައި އޮންނަ "ރަށު ފަތުރުވެރިކަމުގެ ދަފްތަރު" ގައި އެފަރާތް ހިމެނުމަށްފަހު ރަޖިސްޓްރީ ކުރެވިއްޖެ ކަން އަދި ކަމާއި ގުޅޭ ވިޔަފާރި ކައުންސިލް އިޚްތިޞާޞް ހިމެނޭ ސަރަހައްދުގައި ކުރުމުގެ ހުއްދަ ލިއުމުން ލިބިގެންދާނެއެވެ.
|
|
ވިޔަފާރި ރަޖިސްޓްރީ ކުރުމަށް ފޯމު ހުށަހެޅުން
|
|
23
|
ވިޔަފާރި ރަޖިސްޓްރީ ކުރުމަށް ފޯމު ހުށަހެޅުން
|
- ވިޔަފާރި ހިންގުމަށް ބޭނުންވާ ފަރާތްތަކުން މިނިސްޓްރީ އޮފް އިކޮނޮމިކް ޑިވެލޮޕްމަންޓް އިން އެކަމަށް ކަނޑައަޅާފައިވާ ފޯމު މެދުވެރިކޮށް ނަން ފާސްކުރުމަށް ހުށަހެޅުމުން މިފަދަ ހުށަހެޅުންތައް ދުވަހުން ދުވަހަށް ކައުންސިލުން މިނިސްޓްރީއަށް ފޮނުވޭނެ.
- ނަން ފާސްވެ ،މިނިސްޓްރީން ޖަވާބު ދެއްވާތާ 3 ދުވަހުގެތެރޭގައި އެކަން ހުށަހެޅި ފަރާތަށް އެންގޭނެ.
- ފަރުދުންގެ ވިޔަފާރި ރަޖިސްޓްރީ ކުރުމަށް ފޯމު ހުށަހަޅައި ފައިސާ ދައްކައި ނިންމާތާ 3 ދުވަހުގެތެރޭގައި ފަރުދުންގެ ވިޔަފާރި ރަޖިސްޓްރީ ކުރުމަށް ފޯމު މިނިސްޓްރީއަށް ފޮނުވޭނެ.
- ފޯމުގައި މައްސަލައެއް އުޅޭނަމަ އެކަން މިނިސްޓްރީން އަންގާތާ 3 ދުވަހުގެ ތެރޭގައި ހުށަހެޅި ފަރާތަށް އެންގޭނެ
- ކައުންސިލަށް މެއިލް މެދުވެރިކޮށް ފޮނުވާ ސެޓްފިކެޓާއި ، ޕޯސްޓް މެދުވެރިކޮށް ފޮނުއްވާ ސެޓްފިކެޓްގެ އަސްލު ކައުންސިލަށް ލިބޭތާ 3 ދުވަހުގެތެރޭ ހުށަހެޅި ފަރާތާ ޙަވާލުކުރެވޭނެ.
- އަދި މިކަމަށް އެދޭ ފޯމް މިނިސްޓްރީގެ ވެބްސައިޓުންނާއި، މިއިދާރާގެ ކައުންޓަރުންވެސް ލިބޭނެ
|
|
މަގުމަތީގައި އަދި އާންމު ތަންތަނުގައި ގާޑިއާ ނުވަތަ މޭޒު ބަހައްޓައިގެން ވިޔަފާރި ކުރުމަށް ހުއްދަ ދިނުން
|
|
24
|
މަގުމަތީގައި އަދި އާންމު ތަންތަނުގައި ގާޑިއާ ނުވަތަ މޭޒު ބަހައްޓައިގެން ވިޔަފާރި ކުރުމަށް ހުއްދަ ދިނުން
|
- މަގުމަތީގައި ގާޑިޔާ/ މޭޒު ބަހައްޓައިގެން ވިޔަފާރި ކުރުމަށް ބޭނުންވާ ފަރާތްތަކުން ވިޔަފާރި ރަޖިސްޓްރީ ކުރުމަށް ބޭނުންވާ ސަރަޙައްދާއި މުއްދަތު ބަޔާންކޮށް އެކަމަށްއެދި ސިޓީއަކުން ހުށަހެޅުން.
- ސިޓީ ހުށަހަޅާތާ ރަސްމީ 5 ދުވަހުގެތެރޭގައި އެ މައްސަލަ ދިރާސާކޮށް ހުށަހެޅި ފަރާތަކީ އެދިފައިވާ ވިޔަފާރި ކުރުމުގެ ހުއްދަ، ވިޔަފާރި ރަޖިސްޓްރީ އަދި ކާބޯތަކެތި ވިއްކުމުގެ ހުއްދަ އޮތް ފަރާތެއްތޯ ކަށަވަރުކޮށް ހުއްދަ ދިނުމާ މެދު ނިންމާ ގޮތެއް ، ހުށަހެޅި ފަރާތަށް އެންގޭނެ އަދި ދާއިމީ ގޮތެއްގައި ގާޑިޔާ ބަހައްޓަން އެދޭ ނަމަ ފީނެގޭނެ ގޮތުގެ ތަފްޞީލް އެންގޭނެ.
|
|
އެއްގަމު އުޅަނދު ރަޖިސްޓްރީ ކުރުމުގެ ޤަވާޢިދުގެ 4 ވަނަ މާއްދާގެ (ރ) ގައި ބަޔާންކޮށްފައިވާ ގޮތަށް ދެ ފުރޮޅަށްވުރެ ގިނަ ފުރޮޅު ލީ އުޅަނދު ރަޖިސްޓްރީ ކޮށްދިނުމުގެ ކުރިން އެ އުޅަނދެއް ބޭއްވުމަށް ކަނޑައަޅާ ގަރާޖް ހުއްދަ ދޫކުރުން.
|
|
25
|
އެއްގަމު އުޅަނދު ރަޖިސްޓްރީ ކުރުމުގެ ޤަވާޢިދުގެ 4 ވަނަ މާއްދާގެ (ރ) ގައި ބަޔާންކޮށްފައިވާ ގޮތަށް ދެ ފުރޮޅަށްވުރެ ގިނަ ފުރޮޅު ލީ އުޅަނދު ރަޖިސްޓްރީ ކޮށްދިނުމުގެ ކުރިން އެ އުޅަނދެއް ބޭއްވުމަށް ކަނޑައަޅާ ގަރާޖް ހުއްދަ ދޫކުރުން.
|
- ޚިދްމަތަށް އެދެންވާނީ 4 ފުރޮޅުލީ އުޅަނދު ރަޖިސްޓަރީ ކުރުމަށް ދޫކުރާ ލިއުމަށް އެދި ހުށަހަޅާ ފޯމުންނެވެ. މި ފޯމް މި އިދާރާގެ ކައުންޓަރުންލިބެން ހުންނާނެއެވެ.
- ފޯމާއެކު ހުށަހަޅަންޖެހޭ ހުރިހާ ލިއެކިއުމެއް ހުށަހަޅާފައިވާކަން ކަށަވަރުކުރެވޭނެއެވެ.
- ކައުންސިލަށް ފޯމް ލިބުމަށްފަހު ހުށަހަޅާ ތާރީޚްގައި ނުވަތަ ޖެހިގެން އަންނަ ދުވަހުގެ ހެނދުނު 9:00 ގެ ކުރިން ކަމާގުޅޭ ޔުނިޓަށް ފޮނުވޭނެއެވެ.
- ގަރާޖް ހުއްދަ ހޯދުމަށް އެދި ހުށަހަޅާ ފޯމްތައް ޗެކްކުރުމަށްފަހު ޝަރުތު ހަމަވާނަމަ، ހުށަހަޅާ ތާރީޚުން ފެށިގެން ރަސްމީ 5 ދުވަސް ތެރޭގައި ހުއްދަ ދޫކުރެވޭނެއެވެ. އަދި ޝަރުތު ހަމަނުވާނަމަވެސް އެފަރާތަށް ރަސްމީ 5 ދުވަސް ތެރޭގައި އެކަން އެންގޭނެއެވެ.
- ގަރާޖަށް ދޫކުރެވިފައިވާ ހުއްދަ ބާތިލްކުރުމަށް/ ބަދަލުކުރުމަށް ބޭނުން ވެއްޖެނަމަ ލިޔުމުން ކައުންސިލަށް އަންގަންވާނެއެވެ.
|
|
ކަނޑުގައި ދުއްވާ އުޅަނދު ފަހަރުގެ ލައިސަންސަށް އެދި ހުށަހެޅުން
|
|
26
|
ކަނޑުގައި ދުއްވާ އުޅަނދު ފަހަރުގެ ލައިސަންސަށް އެދި ހުށަހެޅުން
|
މި ހިދުމަތް އަދި ކައުންސިލް އިދާރާއިން ފޯރުކޮށްދެވެމުން ނުދޭ! އަތޮޅު ކައުންސިލް އިދާރާއިން މިހިދުމަތް ލިބިވަޑައިގަންނަވާނެ!
|
|
ކަނޑު އުޅަނދުފަހަރުގެ ސަލާމަތީ ހެއްދުން
|
|
27
|
ކަނޑު އުޅަނދުފަހަރުގެ ސަލާމަތީ ހެއްދުން
|
- ކަނޑު އުޅަނދުގެ ސާރވޭއަށް އެދޭ ފޯމް (MS-1) ހުށަހެޅުން އަދި ފީ ދެއްކުން (ސެޓްފިކެޓަކަށް -/250ރ) މުއްދަތު ހަމަވެފައިވާނަމަ، ކޮންމެ ސެޓްފިކެޓަކަށް ޖުރުމަނާގެ ގޮތުގައި 1000ރުފިޔާ
- ކަނޑުއުޅަނދު ފަހަރު ސާރވޭއަށް އެދޭ ފޯމް އިދާރާގެ ކައުންޓަރުންނާއި، އަދިޓްރާންސްޕޯޓްމިނިސްޓްރީގެވެބްސައިޓުން www.transport.gov.mvލިބެންހުންނާނެއެވެ.
- ފޯމު އަދި ފޯމާ އެކުގައިވާ ލިޔުންތައް ޗެކްކުރުން.
- ފޯމު ހުށަހެޅި ފަރާތަށް ގުޅައިގެން އުޅަނދު ސާރވޭ ކުރަންދާނެ ދުވަހަކާއި ގަޑި ހަމަޖައްސާ ސާރވޭ ކުރިއަށް ގެންދެވޭނެއެވެ.
- ސަރވޭކޮށް ނިމޭތާ ރަސްމީ 1 ދުވަސްތެރޭގައި ސަލާމަތީ ސެޓްފިކެޓް ހަވާލު ކުރެވޭނެއެވެ.
|
|
އެއްގަމުގައި ދުއްވާ އުޅަނދުގެ ލައިސަންސް ހެދުން
|
|
28
|
އެއްގަމުގައި ދުއްވާ އުޅަނދުގެ ލައިސަންސް ހެދުން
|
މި ހިދުމަތް އަދި ކައުންސިލް އިދާރާއިން ފޯރުކޮށްދެވެމުން ނުދޭ! އަތޮޅު ކައުންސިލް އިދާރާއިން މިހިދުމަތް ލިބިވަޑައިގަންނަވާނެ!
|
|
ކަނޑު އުޅަނދު ރަޖިސްޓްރީކުރުން
|
|
29
|
ކަނޑު އުޅަނދު ރަޖިސްޓްރީކުރުން
|
މި ހިދުމަތް އަދި ކައުންސިލް އިދާރާއިން ފޯރުކޮށްދެވެމުން ނުދޭ! އަތޮޅު ކައުންސިލް އިދާރާއިން މިހިދުމަތް ލިބިވަޑައިގަންނަވާނެ!
|
|
ކަނޑު އުޅަނދު ރަޖިސްޓްރީ ކުރުމަށް ސާވޭކުރުން
|
|
30
|
ކަނޑު އުޅަނދު ރަޖިސްޓްރީކުރުމަށް ސާވޭކުރުން
|
- ކަނޑުދަތުރު ފަތުރުކުރާ އުޅަނދުފަހަރުގެ ރަޖިސްޓްރީއާއިބެހޭ ކަންކަމަށް އެދޭ ފޯމް (MR-1) ހުށަހެޅުން އަދި ފީ ދެއްކުން -/250ރ
- ކަނޑުދަތުރު ފަތުރުކުރާ އުޅަނދު ފަހަރުގެ ރަޖިސްޓްރީ އަށް އެދޭ ފޯމް އިދާރާގެ ކައުންޓަރުންނާއި، އަދި ޓްރާންސްޕޯޓް މިނިސްޓްރީގެ ވެބްސައިޓުން www.transport.gov.mv ލިބެންހުންނާނެއެވެ.
- ފޯމު ހުށަހެޅި ފަރާތަށް ގުޅައިގެން އުޅަނދު ސާރވޭ ކުރަންދާނެ ދުވަހަކާއި ގަޑި ހަމަޖައްސާ ސާރވޭކުރުން.
- އުޅަނދު ސާރވޭކޮށް ނިމޭތާ ރަސްމީ 1 ދުވަހުގެ ތެރޭގައި ކަނޑު އުޅަނދު ރަޖިސްޓްރީ ކުރުމަށް ސަރވޭކޮށް ދޫކުރާ ލިޔުން (MR-2) ދޫކުރެވޭނެއެވެ.
|
|
ގޯތީގެ އިންފާރު ޗެކުކުރުމާއި،ކަންމުޑި އެޅުމާއި ކަންވަށްކުރުން
|
|
31
|
ގޯތީގެ އިންފާރު ޗެކުކުރުމާއި ކަންމުޑި އެޅުމާއި ކަންވަށްކުރުން
|
- ފައުންޑޭޝަން ޗެކްކުރުމާއި، ކަންމުޑި އެޅުމާއި، ގޯތީގެ އިންވަކިކޮށް ދިނުމަށް އެދޭ ފޯމް ފޯމާއެކު ހުށަހަޅަންޖެހޭ ލިޔެކިޔުންތަކާއެކު ހުށަހެޅުން
- ކައުންސިލް އިދާރާގެ ކައުންޓަރުން ފޯމުލިބެން ހުންނާނެއެވެ.
- ކަންމުޑި އެޅުމަށް އެދިފައިވާ ގޯތީ އޮތީ ރަނގަޅަށް ސާފުކޮށްފައިތޯ ކައުންސިލްގެ އިދާރާއިން ރަސްމީ 5 ދުވަހުގެ ތެރޭގައި ޗެކްކުރެވޭނެއެވެ.
- ގޯތި ރަނގަޅަށް ސާފުކޮށްފައިވާނަމަ، ކަންމުޑި އެޅުމަށް ޓަކައި ގޯތީގެ ވެރިފަރާތުން ގެންދަންޖެހޭނެކަމަށް ފޯމުގައި ބަޔާންކޮށްފައިވާ ތަކެއްޗާއިއެކު ގޯތި އޮތް ތަނަށް ޙާޟިރުވާންޖެހޭ ތާރީޚާއި ގަޑި ގޯތީގެ ވެރި ފަރާތަށް ރަސްމީ 05 ދުވަހުގެ ތެރޭގައި އެންގޭނެއެވެ.
- ގޯތީގެ ވެރިފަރާތަށް އަންގާފައިވާ ގަޑިޔަށް ކައުންސިލްގެ އިދާރާގެ ފަރާތުން ޙާޟިރުވެ ޚިދުމަތް ފޯރުކޮށްދެވޭނެއެވެ.
- ޚިދުމަތަށް އެދި ހުށަހަޅާފައިވާ ފޯމް ފުރިހަމަވެ، ގޯތި ސާފުކޮށްފައިވާނަމަ، ފޯމް ހުށަހަޅާތާ، ރަސްމީ 05 ދުވަހުގެ ތެރޭގައި ޚިދުމަތް ފޯރުކޮށްދެވޭނެ އެވެ.
- ގޯތި ޗެކްކުރާއިރު ގޯތި ސާފުކޮށްފައިނުވާނަމަ، 10 ދުވަހުގެ ތެރޭގައި ގޯތި ސާފުކުރުމަށް ގޯތިގެވެރިފަރާތް (ނުވަތަ ބަލަހައްޓާ ފަރާތައް) ގޯތި،އަދި މަގު ސާފުކުރުމަށް އެންގޭނެ.
- ގޯތި ސާފުކުރުމަށް އެންގި ތާރީޚަށް ގޯތި ސާފުކޮށް ކައުންސިލްގެ އިދާރާއަށް އެންގުމުން ޚިދުމަތުގެ މަރުޙަލާތައް (މަތީގައިވާ ގޮތުގެމަތިން) ކުރިޔަށް ގެންދިޔުން. މިގޮތަށް ޚިދުމަތް ކުރިޔަށް ގެންދާނަމަ، ފޯމް ހުށަހެޅި ދުވަހުގެ ބަދަލުގައި ޚިދުމަތުގެ މުއްދަތު ގުނާނީ ގޯތި ސާފުކުރުމަށްފަހު ކައުންސިލްގެ އިދާރާއަށް އެންގި ތާރީޚުން ފެށިގެންނެވެ.
- އެންގިފައިވާ މުއްދަތުގައި ގޯތި ސާފުކޮށްފައިނުވާނަމަ، ގޯތި ސާފުކޮށްފައިނުވުމުގެ ސަބަބުން ޚިދުމަތް ފޯރުކޮށް ދެވެންނެތްކަމަށް ލިޔުމުން ޖަވާބު ދެވޭނެއެވެ.
|
|
ގޯތީގެ ރަޖިސްޓަރީ ހެއްދުމާއި،ނަންފާސްކުރުން
|
|
32
|
ގޯތީގެ ރަޖިސްޓަރީ ހެއްދުމާއި، ނަންފާސްކުރުން
|
- ގޯތީގެ ރަޖިސްޓަރީ ހެއްދުމަށް އެދޭ ފޯމް ފޯމާ އެކު ހުށަހަޅަން ބަޔާންކޮށްފައިވާ ލިޔެ ކިޔުންތަކާއެކު ހުށަހެޅުން
- ނަންފާސްކުރުމަށް އެދޭފޯމް ހުށަހެޅުން
- ކައުންސިލް އިދާރާގެ ކައުންޓަރުން ފޯމުލިބެން ހުންނާނެއެވެ.
- ޚިދުމަތަށް އެދޭ ފަރާތަށް ރަޖިސްޓަރީއާއި ޙަވާލުވުމަށް ކައުންސިލްގެ އިދާރާއަށް ޙާޟިރުނުވެވޭނަމަ، ބަދަލުގައި ރަޖިސްޓަރީއާއި ޙަވާލުވުމަށް ފޯމްގައި ޕަވަރ އޮފް އެޓަރނީ ދީފައިވާ ފަރާތުގެ އައި.ޑީ ކާޑުގެ ކޮޕީ ހުށަހެޅުން
- ރަޖިސްޓަރީ ހެއްދުމަށް ހުށަހަޅާފައިވާ ގޯއްޗަށް ކުރިން ރަޖިސްޓަރީ އެއް ހައްދާފައިވާނަމަ، ކުރީގެ ރަޖިސްޓަރީގެ އަޞްލު.
- (ގޯތީގެ ރަޖިސްޓަރީ ގެއްލިގެން އަލުން ހެއްދުމަށް ހުށަހަޅާފައިވާނަމަ، ރަޖިސްޓަރީގެ އަޞްލު ހުށަހަޅާކަށް ނުޖެހޭނެއެވެ.)
ރަޖިސްޓްރީ ގެއްލިގެން އަލުން ހެއްދުމަށް ހުށަހަޅުއްވާއިރު ކުލެރިފިކޭޝަން ފޯމް ފުރިހަމަކުރުމަށްފަހު ހުށަހެޅުން.
- ޚިދުމަތް ކުރިޔަށް ގެންދިޔުން (ޚިދުމަތުގެ މަރުޙަލާތައް)
- ފޯމް ރަނގަޅަށް ފުރިހަމަކޮށްފައިވޭތޯ ޗެކްކުރުމަށްފަހު ފޯމް އެންޓްރީ ކުރުން
- ރަޖިސްޓަރީ ހެއްދުމަށް އެދިފައިވާ ގޯތީ އޮތީ ރަނގަޅަށް ސާފުކޮށް ކަންމުޑި އަޅާފައިތޯ ކައުންސިލްގެ އިދާރާއިން ލަސްވެގެން ރަސްމީ 5 ދުވަހުގެ ތެރޭގައި ޗެކްކުރެވޭނެއެވެ.
- ގޯތި ރަނގަޅަށް ސާފުކޮށް ކަންމުޑި އަޅާފައިވާނަމަ، ރަޖިސްޓަރީއާއި ޙަވާލުވުމަށް ކައުންސިލްގެ އިދާރާއަށް ޙާޟިރުވާންޖެހޭ ތާރީޚާއި ގަޑި ގޯތީގެ ވެރި ފަރާތަށް ނުވަތަ ޕަވަރ އޮފް އެޓަރނީ ދީފައިވާ ފަރާތަށް ފޯމް ހުށަހަޅާތާ ލަސްވެގެން ރަސްމީ 5 ދުވަހުގެ ތެރޭގައި އެންގުން.
- ފޯމް ހުށަހަޅާތާ ލަސްވެގެން ރަސްމީ 5 ދުވަހުގެ ތެރޭގައި ގޯތި އޮތްތަނަށް ކައުންސިލްގެ އިދާރާގެ ފަރާތުން ޙާޟިރުވެ ގޯތީގެ މިންތައް (ގޯތީގެ ވެރިފަރާތް ނުވަތަ ޕަވަރ އޮފް އެޓަރނީ ދީފައިވާ ފަރާތުގެ ޙާޟިރުގައި) ޗެކްކޮށް ނޯޓް ކުރެވޭނެއެވެ.
- ޚިދުމަތަށް އެދި ހުށަހަޅާފައިވާ ފޯމް ފުރިހަމަވެ، ގޯތި ސާފުކޮށް ކަންމުޑި އަޅާފައިވާނަމަ، ފޯމް ހުށަހަޅާތާ، ރަސްމީ 5 ދުވަހުގެ ތެރޭގައި ޚިދުމަތް ފޯރުކޮށްދެވޭނެއެވެ.
- ގޯތި ޗެކްކުރާއިރު ގޯތި ސާފުކޮށްފައިނުވާނަމަ، ނުވަތަ ކަންމުޑި އަޅާފައި ނުވާނަމަ ގޯތި ސާފުކުރުމަށް ނުވަތަ ކަންމުޑި އެޅުމަށް 10 ދުވަހުގެ މުއްދަތެއް ލިޔުމުން ދިނުން
- ގޯތި ސާފުކުރުމަށް ނުވަތަ ކަންމުޑި އެޅުމަށް އެންގި ތާރީޚަށް އެކަންކޮށް ކައުންސިލްގެ އިދާރާއަށް އެންގުމުން ޚިދުމަތުގެ މަރުޙަލާތައް (މަތީގައިވާ ގޮތުގެމަތިން) ކުރިޔަށް ގެންދިޔުން. މިގޮތަށް ޚިދުމަތް ކުރިޔަށް ގެންދާނަމަ، ފޯމް ހުށަހެޅި ދުވަހުގެ ބަދަލުގައި ޚިދުމަތުގެ މުއްދަތު ގުނާނީ ގޯތި ސާފުކުރުމަށް ނުވަތަ ކަންމުޑި އެޅުމަށްފަހު ކައުންސިލްގެ އިދާރާއަށް އެންގި ތާރީޚުން ފެށިގެންނެވެ.
- ސްލިޕްގެ މުއްދަތުގައި ގޯތި ސާފުކޮށްފައިނުވާނަމަ، ނުވަތަ ކަންމުޑި އަޅާފައިނުވާނަމަ ގޯތި ސާފު ނުކުރުމުގެ ސަބަބުން ނުވަތަ ކަންމުޑި އަޅާފައި ނުވުމުގެ ސަބަބުން ޚިދުމަތް ފޯރުކޮށް ދެވެންނެތްކަމަށް ލިޔުމުން ޖަވާބު ދެވޭނެއެވެ.
|
|
ޢިމާރާތާއި ގޯތީގެ ރަޖިސްޓަރީ ހެއްދުން (ރަޖިސްޓަރީ ގެއްލިގެން ނޫން ގޮތަކަށް ހައްދާނަމަ)
|
|
33
|
ޢިމާރާތާއި ގޯތީގެ ރަޖިސްޓަރީ ހެއްދުން (ރަޖިސްޓަރީ ގެއްލިގެން ނޫން ގޮތަކަށް ހައްދާނަމަ)
|
- ޢިމާރާތާއި ގޯތީގެ ރަޖިސްޓަރީ ހެއްދުމަށް އެދޭ ފޯމް ،ފޯމުގައި ހުށަހަޅަން ބަޔާންކޮށްފައިވާ ލިޔުންތަކާއެކު ހުށަހެޅުން
- ކައުންސިލް އިދާރާގެ ކައުންޓަރުން ފޯމުލިބެން ހުންނާނެއެވެ.
- ޚިދުމަތަށް އެދޭ ފަރާތަށް ރަޖިސްޓަރީއާއި ޙަވާލުވުމަށް ކައުންސިލްގެ އިދާރާއަށް ޙާޟިރުނުވެވޭނަމަ، ބަދަލުގައި ރަޖިސްޓަރީއާއި ޙަވާލުވުމަށް ޕަވަރ އޮފް އެޓަރނީ ދީފައިވާ ފަރާތުގެ އައި.ޑީ ކާޑުގެ ކޮޕީއާއެކު ހުށަހެޅުން
- ޝަރީޢަތުން ޙުކުމް ކުރައްވައިގެން ލިބިފައިވާ ގޯއްޗެއްނަމަ، ޝަރީޢަތް ނިމުނުގޮތުގެ ރިޕޯޓްގެ ކޮޕީ ހުށަހެޅުން.
- ރަޖިސްޓަރީ ހެއްދުމަށް އެދިފައިވާ ގޯއްޗަށް ކުރިން ގޯތީގެ ރަޖިސްޓަރީއެއް ނުވަތަ ޢިމާރާތާއި ގޯތީގެ ރަޖިސްޓަރީއެއް ހައްދާފައިވާނަމަ، އެ ރަޖިސްޓަރީއެއްގެ އަޞްލު ހުށަހެޅުން.
- ރަޖިސްޓަރީ ހެއްދުމަށް އެދިފައިވާ ގޯތި އޮތީ އިންވަކިކޮށްފައިތޯ ކައުންސިލްގެ އިދާރާއިން ލަސްވެގެން ރަސްމީ 05 ދުވަހުގެ ޗެކްކޮށް، އިންވަކިކޮށްފައިވާނަމަ، ގޯތީގެ ވެރިފަރާތް ނުވަތަ ޕަވަރ އޮފް އެޓަރނީ ދީފައިވާ ފަރާތުގެ ޙާޟިރުގައި ގޯތީގެ މިންތައް ޗެކްކޮށް ނޯޓް ކުރުން.
- ގޯތީގެ މިންތައް ނޯޓް ކުރުމަށްފަހު ރަޖިސްޓަރީއާއި ޙަވާލުވުމަށް ކައުންސިލްގެ އިދާރާއަށް ޙާޟިރުވާންޖެހޭ ތާރީޚާއި ގަޑި ގޯތީގެ ވެރި ފަރާތަށް ނުވަތަ ޕަވަރ އޮފް އެޓަރނީ ދީފައިވާ ފަރާތަށް ފޯމް ހުށަހަޅާތާ ލަސްވެގެން ރަސްމީ 5 ދުވަހުގެ ތެރޭގައި އެންގޭނެއެވެ.
- ޚިދުމަތަށް އެދި ހުށަހަޅާފައިވާ ފޯމް ފުރިހަމަވެ، ގޯތީގެ އިންވަކިކޮށްފައިވާނަމަ، ފޯމް ހުށަހަޅާތާ، ރަސްމީ 05 ދުވަހުގެ ތެރޭގައި ޚިދުމަތް ފޯރުކޮށްދެވޭނެއެވެ.
- ގޯތި ޗެކްކުރާއިރު ގޯތީގެ އިންވަކިކޮށްފައި ނުވާނަމަ ގޯތީގެ އިންވަކި ކުރުމަށް 10 ދުވަހުގެ މުއްދަތެއް ލިޔުމުން ދިނުން
- ގޯތީގެ އިންވަކި ކުރުމަށް ދީފައިވާ ތާރީޚަށް އެކަންކޮށް ކައުންސިލްގެ އިދާރާއަށް އެންގުމުން ޚިދުމަތުގެ މަރުޙަލާތައް (މަތީގައިވާ ގޮތުގެމަތިން) ކުރިޔަށް ގެންދިޔުން. މިގޮތަށް ޚިދުމަތް ކުރިޔަށް ގެންދާނަމަ، ފޯމް ހުށަހެޅި ދުވަހުގެ ބަދަލުގައި ޚިދުމަތުގެ މުއްދަތުގެ ގުނާނީ ގޯތީގެ އިންވަކި ކުރުމަށްފަހު ކައުންސިލްގެ އިދާރާއަށް އެންގި ތާރީޚުން ފެށިގެންނެވެ.
- ދީފައިވާ މުއްދަތުގައި ގޯތީގެ އިންވަކިކޮށްފައި ނުވާނަމަ، އިންވަކިކޮށްފައި ނުވުމުގެ ސަބަބުން ޚިދުމަތް ފޯރުކޮށް ދެވެންނެތްކަމަށް ލިޔުމުން ޖަވާބު ދިނުން.
|
|
އިމާރާތާއި ގޯތީގެ ރަޖިސްޓަރީ ހެއްދުން (ރަޖިސްޓަރީ ގެއްލިގެން އަލުން ހެއްދުމަށް ހުށަހެޅުން)
|
|
34
|
އިމާރާތާއި ގޯތީގެ ރަޖިސްޓަރީ ހެއްދުން (ރަޖިސްޓަރީ ގެއްލިގެން އަލުން ހެއްދުމަށް ހުށަހެޅުން)
|
- އިމާރާތާއި ގޯތީގެ ރަޖިސްޓަރީ ހެއްދުމަށް އެދޭ ފޯމް ފޯމާއެކު ހުށަހެޅުމަށް ބަޔާން ކޮށްފައިވާ ލިޔެކިޔުން ތަކާއި، ރަޖިސްޓްރީއާއިބެހޭ މަޢުލޫމާތު ސާފުކުރާފޯމް ފުރިހަމަކޮށް ހުށަހެޅުން
- ކައުންސިލް އިދާރާގެ ކައުންޓަރުން ފޯމުލިބެން ހުންނާނެއެވެ.
- ޚިދުމަތަށް އެދޭ ފަރާތަށް ރަޖިސްޓަރީއާއި ޙަވާލުވުމަށް ކައުންސިލްގެ އިދާރާއަށް ޙާޟިރުނުވެވޭނަމަ، ބަދަލުގައި ރަޖިސްޓަރީއާއި ޙަވާލުވުމަށް ފޯމްގައި ޕަވަރ އޮފް އެޓަރނީ ދީފައިވާ ފަރާތުގެ އައި.ޑީ ކާޑުގެ ކޮޕީ ހުށަހެޅުން
- ފޯމް ރަނގަޅަށް ފުރިހަމަކޮށްފައިވޭތޯ ޗެކްކުރުމަށްފަހު
- ރަޖިސްޓަރީއާއިބެހޭ މަޢުލޫމާތެއް ލިބިފައިވާ ފަރާތެއްވޭތޯ ބެލުމަށް ރަސްމީ 05 ދުވަހުގެ ތެރޭގައި ދިވެހި ސަރުކާރުގެ ގެޒެޓްގައި ރަސްމީ 07 ދުވަހުގެ މުއްދަތަށް ޢާއްމު އިޢުލާނެއް ކުރުން.
- ކްލެރިފިކޭޝަން ފޯމްގައި ރަޖިސްޓަރީ ރަޙުނުކޮށްފައިވާކަމަށް އެއްވެސް ފަރާތަކުން ބަޔާންކޮށްފައި ނުވާނަމަ، އަދި 07 ދުވަހުގެ މުއްދަތަށް ކޮށްފައިވާ އިޢުލާނާއި ގުޅިގެން އެއްވެސް ފަރާތަކުން އެ ރަޖިސްޓަރީއާއިބެހޭ މަޢުލޫމާތެއް ލިބިފައިވާކަމަށް އަންގާފައިނުވާނަމަ، ޚިދުމަތުގެ މަރުޙަލާތައް ކުރިޔަށް ގެންދިޔުން.
- އިޢުލާނުގެ މުއްދަތު ހަމަވެ، ރަސްމީ 5 ދުވަހުގެ ތެރޭގައި ރަޖިސްޓަރީ ހެއްދުމަށް އެދިފައިވާ ގޯތި ކައުންސިލްގެ އިދާރާއިން ޗެކްކޮށް، އިންވަކިކޮށްފައިވާނަމަ، ގޯތީގެ ވެރިފަރާތް ނުވަތަ ޕަވަރ އޮފް އެޓަރނީ ދީފައިވާ ފަރާތުގެ ޙާޟިރުގައި ގޯތީގެ މިންތައް ޗެކްކޮށް ނޯޓް ކުރުން.
- ޚިދުމަތަށް އެދި ހުށަހަޅާފައިވާ ފޯމް ފުރިހަމަވެ، އިޢުލާނުގެ މުއްދަތު ހަމަވާތާ ރަސްމީ 05 ދުވަހުގެ ތެރޭގައި ޚިދުމަތް ފޯރުކޮށްދޭން ވާނެއެވެ.
- ގޯތި ޗެކްކުރާއިރު ގޯތީގެ އިންވަކިކޮށްފައި ނުވާނަމަ ގޯތީގެ އިންވަކި ކުރުމަށް 10 ދުވަހުގެ މުއްދަތެއް ލިޔުމުން ދިނުން
* ގޯތީގެ އިންވަކި ކުރުމަށް ދީފައިވާ ތާރީޚަށް އެކަންކޮށް ކައުންސިލްގެ އިދާރާއަށް އެންގުމުން ޚިދުމަތުގެ މަރުޙަލާތައް (މަތީގައިވާ ގޮތުގެމަތިން) ކުރިޔަށް ގެންދިޔުން. މިގޮތަށް ޚިދުމަތް ކުރިޔަށް ގެންދާނަމަ، އިޢުލާނުގެ މުއްދަތު ހަމަވެ، ޚިދުމަތުގެ މުއްދަތު ގުނާނީ ގޯތީގެ އިންވަކި ކުރުމަށްފަހު ކައުންސިލްގެ އިދާރާއަށް އެންގި ތާރީޚުން ފެށިގެންނެވެ.
- ކައުންސިލުން ދީފައިވާ މުއްދަތުގައި ގޯތީގެ އިންވަކިކޮށްފައި ނުވާނަމަ، އިންވަކިކޮށްފައި ނުވުމުގެ ސަބަބުން ޚިދުމަތް ފޯރުކޮށް ދެވެންނެތްކަމަށް ލިޔުމުން ޖަވާބު ދެވޭނެއެވެ.
- ރަޖިސްޓަރީއާއި ބެހޭ މަޢުލޫމާތު ހޯދުމަށް ކުރި އިޢުލާނާއި ގުޅިގެން އެއްވެސް ފަރާތަކުން ރަޖިސްޓަރީގެ މަޢުލޫމާތު ލިބިފައިވާކަމަށް ހުށަހަޅާފިނަމަ، ނުވަތަ ކުލެރިފިކޭޝަން ފޯމުގައި ރަޖިސްޓަރީ ރަހުނު ކޮށްފައިވާނަމަ، އެއްވެސް މާލީ އިދާރާއަކުން ބަޔާންކޮށް ފައިވާނަމަ، އަލުން ރަޖިސްޓަރީ ހައްދައިދެވެން ނެތްކަމާއި، ރަޖިސްޓަރީއާއި ގުޅޭ ގޮތުން ހޯދާފައިވާ މަޢުލޫމާތު ގޯތީގެ ވެރިފަރާތަށް ލިޔުމުން ފޯރުކޮށް ދެވޭނެއެވެ.
|
|
މަގު ބަންދުކުރުމުގެ ހުއްދަ ދޫކުރުން
|
|
35
|
މަގު ބަންދުކުރުމުގެ ހުއްދަ ދޫކުރުން
|
- މަގު ބަންދުކުރުމުގެ ހުއްދައަށް އެދި މަގު ބަންދުކުރުމަށް ބޭނުންވާ ދުވަހުގެ ރަސްމީ 5 ދުވަހުގެ ކުރިން ޚިދުމަތަށް އެދި ކައުންސިލް އިދާރާއަށް ސިޓީއަކުން ހުށަހެޅުން.
- ބޯޑާއި ޙަވާލުވާ ޝީޓްގައި ނަމާއި ސޮއި ކުރުމަށްފަހު މަގު ބަންދުކުރާ ހުއްދަ/ ބޯޑް ހަވާލުކުރެވޭނެއެވެ.
- މަގު ބަންދުކުރުމަށް ހުއްދަ ދެވިފައިވާ ވަގުތު ހަމަވުމުން ސަރަޙައްދު ސާފުކޮށް ހުއްދަ ބޯޑު ކައުންސިލް އިދާރާއާއި.ހަވާލުކުރަންވާނެއެވެ.
|
|
މަގު ކޮނުމުގެ ހުއްދަ ދޫކުރުން
|
|
36
|
މަގު ކޮނުމުގެ ހުއްދަ ދޫކުރުން
|
- މަގު ކޮނުމުގެ ހުއްދައަށް އެދި މަގު ކޮނުމަށް ބޭނުންވާ ދުވަހުގެ ރަސްމީ 5 ދުވަހުގެ ކުރިން ޚިދުމަތަށް އެދި ކައުންސިލް އިދާރާއަށް ސިޓީއަކުން ހުށަހެޅުން.
- މަގުކޮނުމުގެ ހުއްދަ ދޫކުރުމަށް ހުށަހަޅާފައިވާ ސަބަބު ދިރާސާކުރުމަށްފަހު ހުއްދަ ދޫކުރެވޭނެއެވެ.
- މަގުކޮނުމަށް ދޫކުރާ ހުއްދައިގެ ކޮޕީ އިންޖީނުގެ، ކޭބަލްޓީވީ އިންޓަރ ނެޓްގެ ޚިދުމަތްދޭ ފޯރުކޮށްދޭ ފަރާތްތަކަށް ލިޔުމުން ޙަވާލުކުރެވޭނެއެވެ.
|
|
އިމާރާތްކުރުމުގެ ހުއްދަ ދޫކުރުން
|
|
37
|
އިމާރާތްކުރުމުގެ ހުއްދަ ދޫކުރުން
|
މި ހިދުމަތް އަދި ކައުންސިލް އިދާރާއިން ފޯރުކޮށްދެވެމުން ނުދޭ! މި ހިދުމަތް ލިބިވަޑައިގަންނަވާނީ މިނިސްޓްރީ އޮފް ނޭޝަނަލް ޕްލޭނިންގް، ހައުސިންގް އެންޑް އިންފްރާސްޓްރަކްޗަރ އިން.
|
|
ދަނޑުވެރިކަމަށް ބިންދޫކުރުން
|
|
38
|
ދަނޑުވެރިކަމަށް ބިންދޫކުރުން
|
ދަނޑުވެރިކަން ކުރުމަށް ބިންދޫކުރުމަށް ކައުންސިލްއިން ވަކި އުސޭލެއް އަދި ހެދިފައިއެއް ނުވޭ. އުސޫލު އެކުލަވާލައި އާންމުކުރާއިރު ބިންދޫކުރުމާ ބެހޭ ތަފްސީލް ހިމެނޭނެ.
|
|
ޤާނޫނު ނަންބަރު 2014/1 (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ ދަށުން މަޢުލޫމާތު ހޯދުމަށް އެދި ހުށަހަޅާ ފޯމް ތަކަށް ޖަވާބު ދިނުން
|
|
39
|
ޤާނޫނު ނަންބަރު 2014/1 (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ ދަށުން މަޢުލޫމާތު ހޯދުމަށް އެދި ހުށަހަޅާ ފޯމް ތަކަށް ޖަވާބު ދިނުން
|
- އެ ޤާނޫނުގެ ދަށުން އެކުލަވާލައިފައިވާ ގަވައިދުގައި ކަނޑައަޅާފައިވާ މުއްދަތުގެ ތެރޭގައި (21 ދުވަހުގެ ތެރޭގައި) ޖަވާބު ދެވޭނެއެވެ.
- ޚިދުމަތައް އެދި ހުށަހެޅުމަށް ބޭނުންވާ ފޯމް ކައުންސިލް އިދާރާގެ ކައުންޓަރުން ލިބެން ހުންނާނެއެވެ.
|