މިހާރަކަށްއައިސް ގދ.ހޯނޑެއްދޫ ދަނޑުވެރިކަންކުރާ ސަރަޙައްދު މަގުތަކުގެ ވިނަ ބޯވުމުގެ ސަބަބުން ބައެއް މަގުތައް ބަންދުވެ ދަނޑުބިންތަކަށް ވަދެ ނުކުތުމުގައި ދަތިތަކާއި ކުރިމަތި ވަމުންދާކަމުގެ ޝަކުވާ ހޯނޑެއްދޫގެ ދަނޑުވެރިންގެ ފަރާތުންނާއި ދަނޑުތަކަށް ޒިޔާރަތްކުރާ ފަރާތްތަކުން ލިބެމުންދާތީ ދަންނަވަމެވެ. ދަނޑުބިމުގެ ވަށައިގެންވާ މަގުތަކުގެ 2/1 ސާފުކޮށް ބެލެހެއްޓުމަކީ އެދަނޑު ހައްދާ ފަރާތުން ކުރަންޖެހޭ ކަމެއްކަމަށްވާތީ، މި އިޢުލާން ޢާއްމުކުރެވޭ ތާރީޚުން ފެށިގެން ގިނަވަގެން 30 ދުވަހުގެ މުއްދަތުގެ ތެރޭގައި އެފަރާތަކުން ހައްދަމުންދާ ދަނޑުބިމުގެ މަގުތަކުގެ 2/1 ސާފުކޮށް ބެލެހެއްޓުމަށް ހަނދާން ކޮށްދެމެވެ.

ވީމާ، އެފަރާތަކުން ހައްދަމުންދާ ދަނޑުބިމުގެ މަގުތަކުގެ 2/1 ވިނަނޮޅާ ސާފުކޮށް ބެލެހެއްޓުމަށް ދަންނަވަމެވެ. އަދި ދަނޑުތަކުގެ މަގުތައް ސާފުކޮށް ބަލަހައްޓަމުން ނުދާ ފަރާތްތަކާއިމެދު ކައުންސިލުން ނިންމާގޮތެއްގެ މަތިން ފިޔަވަޅު އަޅަމުންދާނެ ވާހަކަ ދެންނެވީމެވެ.

މިހެންވެ މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.