ނައިފަރު ކައުންސިލްގެ މައްޗަށް ޝަރުޢީ ކޯޓްތަކުގައި ކުރާ ދަޢުވާތަކާއި، ނައިފަރު ކައުންސިލުން އެކި ފަރާތްތަކުގެ މައްޗަށް އުފުލާ ދަޢުވާތަކުގައި ޤާނޫނީ ގޮތުން އެހީތެރިކަން ފޯރުކޮށްދިނުމުގެ ގޮތުން، މިފަދަ ކަންކަމުގައި ކައުންސިލުން ކަނޑައަޅާ އުޞޫލުތަކެއްގެ ތެރެއިން 3 (ތިނެއް) އަހަރު ދުވަހުގެ މުއްދަތަށް ޤާނޫނީ އެހީތެރިކަން ފޯރުކޮށްދީ މަސައްކަތްކޮށްދޭނެ ފަރާތެއް ހޯދަން ބޭނުން ވެއެވެ. ވީމާ، މިކަމަށް ޝައުޤުވެރިވެލައްވާ ފަރާތްތަކުން 2021 އޯގަސްޓް 31 ވަނަ ދުވަހުގެ 13:30 އަށް ނައިފަރު ކައުންސިލްގެ އިދާރާއަށް ދުރުވެ ޕްރޮޕޯސަލް ހުށަހެޅުއްވުން އެދެމެވެ.

ޤާނޫނީ ލަފާ ބޭނުންވާ ދާއިރާތަކާއި ޒިންމާތައް

• ނައިފަރު ކައުންސިލުން އެކިއެކި ފަރާތްތަކުގެ މައްޗަށް އުފުލާ ދަޢުވާތަކާ ގުޅުންހުރި ލިޔެކިޔުންތައް ފޯރުކޮށްދިނުމުން މައްސަލަ ދިރާސާކުރުމަށްފަހު ޤާނޫނީގޮތުން ކައުންސިލަށް ދޭންޖެހޭ ލަފާ ދިނުން
• އެކިއެކި ފަރާތްތަކުން ނައިފަރު ކައުންސިލްގެ މައްޗަށް އުފުލާ ދަޢުވާތަކާ ގުޅުންހުރި ލިޔެކިޔުންތައް ފޯރުކޮށްދިނުމުން މައްސަލަ ދިރާސާކުރުމަށްފަހު ޤާނޫނީގޮތުން ކައުންސިލަށް ދޭންޖެހޭ ލަފާ ދިނުން
• ކައުންސިލާއި ގުޅޭ އެކިއެކި މައްސަލަތަކުގައި އެކިއެކި އިދާރާތަކާއި، ވުޒާރާތަކާއި، މިނިވަން މުއައްސަސާތަކުން ކައުންސިލްގެ މައްޗަށް ޖަވާބްދާރީވުމަށް އަންގާ ކަންކަމަށް ބޭނުންވާ ޤާނޫނީ ލަފާ ފޯރުކޮށްދިނުން
• ކައުންސިލުން ތައްޔާރުކުރާ ލިޔެކިޔުންތަކުގައި ޤާނޫނީ ލަފާ ބޭނުންވެއްޖެ ޙާލަތެއްގައި ޤާނޫނީ ލަފާ ފޯރުކޮށްދިނުން
• ކައުންސިލުން ނިންމާ ނިންމުންތަކުގައި ޤާނުނީ ލަފާ ބޭނުންވެއްޖެ ޙާލަތެއްގައި ޤާނޫނީ ލަފާ ފޯރުކޮށްދިނުން
• ދިވެހިރާއްޖޭގެ ޝަރުޢީ ކޯޓްތަކުގައި ހިނގަމުން އަންނަ މައްސަލަތަކާއި ގުޅިގެން ކޯޓްތަކުން އަންނަ ކޯޓް ޢަމުރުތަކަށް ކޯޓަށް ޙާޟިރުވުން
• މައްސަލަތަކުގައި ތައްޔާރު ކުރަންޖެހޭ އެންމެހާ ލިޔެކިޔުންތައް ތައްޔާރުކުރުން
• ކައުންސިލަށް ރައްދުވާ ނުވަތަ ކައުންސިލުން ހުށަހަޅާފައިވާ މައްސަލަތަކާއި ގުޅިގެން، ނައިފަރު މެޖިސްޓްރޭޓް ކޯޓަށް ފިޒިކަލީ ހާޟިރުވެވޭނެ ފަރާތެއް މަސައްކަތާއި ޙަވާލުވާ ފަރާތުން ހަމަޖެއްސުން.
• އެހެނިހެން ކޯޓްތަކުގައި ހިނގާ މައްސަލަތަކުގައި ކޯޓުން ކަނޑައަޅާ ގޮތެއްގެ މަތިން ޝަރީއަތުގެ މަޖިލީހުގައި ބައިވެރިވުން
• ހާޟިރުވާ މައްސަލަތަކުގެ އަޑުއެހުންތަކުގެ މައުލޫމާތާއި ކޯޓުން ނިންމާ ނިންމުންތަކާއި އަންގާއެންގުންތައް ކައުންސިލުން ކަނޑައަޅާ ގޮތެއްގެ މަތިން ކައުންސިލާ ހިއްސާކުރުން

އިތުރު މަޢުލޫމާތު ސާފުކުރެއްވުމަށް 6620068 އަދި 9991199 މިނަންބަރު ތަކާއި ގުޅުންވުން އެދެމެވެ. ބިޑްގައި ބައިވެރިވުމަށް މިކައުންސިލްގެ އެކައުންޓް 1370 ރެވެނިއު 1 (7705700335001) އަށް 100 (އެއްސަތޭކަ) ރުފިޔާ ޖަމާކުރުމަށް ފަހު 7988627 އަށް ސްލިޕް ވައިބަރ ކުރައްވާ، ބިޑް ޑޮކިޔުމަންޓް ފޮނުވާނެ އީމެއިލް އަދި ބިޑް ގަތް ފަރާތުގެ ނަމާއި، ވިޔަފާރީގެ މަޢުލޫމާތު ހިއްސާކުރެއްވުން އެދެމެވެ.